蝦蝦燒

营业中

休息中

佐敦開了間流水蝦店，任夾蝦蝦任燒任食放題，就和同事一行四人收工去試吓，去到店舖地方好大也好多人，海鮮位置也不停出海鮮，可能太多人海鮮好快就没太多選擇，也有肉類，蔬菜同熟食，每張枱側邊也有一條流水道，放滿流水蝦，讓人任夾任燒，也幾好玩，店員也會不停補上蝦蝦，如果喜歡吃海鮮的朋友也可一試，有得食有得玩。

晚上一行五人黎到食流水蝦放題，環境衛生可接受，抽風系統一般，比較侷促，海鮮食物種類一般，飲品種類較多元化，流水蝦較細隻，有小小失望，五個人只有一個燒烤爐，燒好耐先有野食，性價比吾高，不過天雨關係上落樓梯真係要多加留神，都見到2個人落樓時跣親，希望蝦蝦燒會留意一下

一直都好想試流水蝦放題，今次因為朋友生日想食海鮮，而搵到衣間食評唔錯嘅餐廳就試一試食物：除咗流水蝦之外，海鮮、肉類、蔬菜、飲品酒類及甜品都有好多選擇，都係任食，而我哋都唔輸蝕不斷燒鮑魚蠔同扇貝為求回本😂，除左大頭蝦大致上嘅食材雖然唔係識郁嗰種但都夠新鮮服務：侍應會主動講解點樣燒同落咩調味料會燒得好食，服務態度都正常環境：餐廳面積很大，設有食材飲品區，每個座位範圍都會設有流水蝦區總括：價錢同食物質素CP值都高，如果想試吓夾流水蝦體驗或同幾個朋友食飯諗唔到食乜，呢個都係不錯嘅選擇，2.5小時用餐時間燒下燒下嘻嘻哈哈時間就好快過，已經同一個月食左第二次，準備父親節再食第三次，希望餐廳繼續保持呢個質素啦

☀︎ 𝗦𝘂𝗺𝗺𝗮𝗿𝘆：自上一次食完「蝦蝦燒」後事隔第五波Covid的爆發再次回味，發覺不少地方作出左改善而呢次既體驗更係完善呢！.◈ 時段，場地佔地6000呎，設有7條蝦缸距離座位超近，基本上轉身即可夾到蝦同時環境闊落，吾會有狹迫感根據不同時時，分成午市，早市晚市及宵夜四個時段部分時段有8折，88折，鮑魚祭最平$368(8折+加一）可食足2.5小時😍.✦ 大頭蝦+水產大頭蝦隻隻都好生猛，幾時想食即刻可以夾到期間亦會不斷添加大蝦頭添！每人再贈送貴妃蚌同燒鱔嫩滑彈牙又爆汁，超惹味😆自助區內更有不少海產可以任拎有鮑魚，生蠔，螺，帶子，蜆，海魚，扇貝等隻隻都係新鮮又肥美不加調味料，可食到滿滿嘅鮮味相反，加點辣椒，蒜蓉，牛油調味料落去另外新增粉絲，味道更豐富呢❤️推薦：牛油扇貝，辣椒蒜香鮑魚粉絲蒜蓉生蠔，海鹽燒大頭蝦.✦ 串串燒除海鮮，串燒系列係第二主打款式非常之齊全，囊括豬牛羊雞，丸類，蔬菜格仔餅，法包等等新增蔬菜腐皮卷，海鮮腐皮卷推薦：秋葵，芝士丸，菠蘿，茄子，羊架黑椒雞翼，廚師腸.◈ 熟食+涼拌菜熟食及涼菜菜多新增左不少款式麻辣炒螺，炸蟹鉗，豬紅，鹵味，醉蝦等另外，仲有DIY自助關東煮架🥰.◈

【Background】位於佐敦嘅大型流水蝦場「蝦蝦燒」，主手即夾即燒生猛流水蝦，加上海量級嘅海鮮，多到眼花撩亂嘅串燒，係限時內任飲任食任燒任夾，趣味性十足，岩哂一家大細，親朋戚友黎一起玩過夠食夠飽🥳────────────────────【價錢】每月推出不同優惠，係特定日子時段中更舉行任食鮑魚祭，識食嘅你記得要揀岩時段黎啦🤣 小編揀左蝦蝦晚市時段（星期一至四 18:00-00:00)，$338/位，雖然未享受到88折優惠時段，但可任食2.5小時，如果你想食得耐D，又想6:00放工後黎，呢個黃金時段都不錯架😎.【贈送】一入座，每枱已有一堆海鹽大頭蝦放在爐上比你燒（慳返D時間，正呀！），每人再送多一串海膳同一隻貴妃蚌，前者鮮香十足，後者肉嫩軟滑.【海鮮】海鮮自助區中，有海量海鮮，而且有專人即場清洗Refill，吾驚同人搶😂海鮮有鮑魚，生蠔，花螺，扇貝，大眼雞，桂花魚，青口等等，最易回本的當然非鮑魚，扇貝莫屬😎.【串燒】超過100款嘅串燒款，最熱門的有菠蘿，香草法包，牛小排，雞翼，羊扒，叉燒，金菇肥牛等等，再灑上辣椒粉，孜然粉，海鹽，椒鹽的調下味，堅係超惹味呢😍 另外，仲有泰式辣醬，牛油，

係佐敦地鐵站行5分鐘左右見到蝦蝦燒個招牌，食過幾次都覺得唔錯。一入到去就見到個場好大 同埋好多魚缸，裏面放滿曬大頭蝦🤤有位之後店員就帶我哋坐低咗，一坐埋位就見到個爐上面已經有啲蝦同埋鰻魚，原來幫我地預先準備左，不過梗係想自己夾新蝦蝦最好食。店員仲介紹左檯面上嘅調味料同埋注意事項，提我哋出去拎冰同水，整暈咗啲蝦先燒。拎冰水嘅時候見到有好多唔同種類嘅海鮮，扇貝，蠔，鮑魚，原條嘅魚都有幾款，另外仲有啲熟食同埋一啲串好嘅蔬菜同肉類，而飲品區仲有大量酒精同冇酒精嘅飲品任拎😍基本上2個人兩個半鐘都好夠食，因為個爐分上下兩層可以一次過燒好多。 大頭蝦新鮮就唔洗講，隻隻都大大隻仲有蝦膏😋咁多款食材裏面我就最欣賞個蒜蓉包， 有少少燶脆卜卜既蒜蓉包食落好似薯片，超好食！而肉類都唔差，最鍾意食羊！一定要加大量調味料，風味十足！😋

第一次去食蝦蝦燒，佐敦店位置好方便，地鐵站一出5分鐘左右就到。當日大概7點左右到，上到去店員服務都好好，好快就帶左我地去坐低。亦會講解枱面既工具點用和基本每樣食材擺放位置。一坐低店舖會預先準備好蝦係爐上面燒，所以一坐低就有得食。旁邊活蝦數量都好多，店員都好勤力，會一路檢查周圍既蝦有無死。如果有就會夾走處理，亦會定時放返新既蝦入去，以確保食材新鮮。另外其他種類食材都非常多：海鮮方面，原條既魚都有5種以上，鮑魚、帶子、扇貝和生蠔都有，非常滿足。只係生蠔蠔殼碎有d多，比較可惜haha。肉類方面，基本牛羊雞豬都有。個人最推薦牛仔骨，有牛味而且肉質夠琳。另外重有其他丸類同腸仔，因為真係太多，我唔太記得了。特別提醒，一定要試蒜蓉包，配燒蝦一齊食絕對一絕。我自己都忍唔住食左三塊haha。整體黎講，食得好開心，絕對值得再去。📍蝦蝦燒佐敦白加士街10-24號永富大廈1樓

依家呢類餐廳好似愈黎愈多，可以自己瘋狂燒蝦🦐海鮮🦑🐟同埋其他肉類🐂🐷。今次間餐廳可以任食2.5小時，唔使食到好趕。海鮮🦐🦑🐟🐚一坐低餐廳就會即刻幫你燒幾隻蝦🦐，同埋有個拼盤。幾鍾意佢拼盤嘅魚肉串，魚皮燒到乾身仲脆脆地，魚肉夠滑。缸入面嘅蝦都幾生猛，自助區仲有唔少蜆、扇貝、螺、鮑魚、生蠔🦪同埋魚，竟然仲有大眼雞食🤤肉類🍢種類勁多，除咗一般嘅牛肉，仲會有豬大腸，好多都會幫你串埋一起。蔬菜🥬有菠蘿🍍啊，燒菠蘿超正，又甜又多汁。仲有個area比你烚菜，唔怕燒燶菜🤣飲品🧃🥤🥃除咗一般嘅茶同汽水，估唔到會有韓國燒酒同埋啤酒🍻任飲

網上好多關注組都有討論過呢間既流水蝦 今晚終於黎試試😍 試完之後整體性價比我會比好高分 算係一間好抵食既放題店 睇你識唔識選擇食材😂海鮮方面 一坐低餐廳會首先提供 #鹽焗蝦 同埋 #燒鱔 比你燒 鱔肉非常厚身 好有口感 之後餐枱側邊就有大大個缸滿滿既 #流水蝦 任你燒 識選擇當然要選好動又大隻既蝦蝦 有啲流水蝦仲有蝦籽 最緊要識選擇新鮮之後出面仲有個 #海鮮自助吧 就眼睇好似去左漁市場 滿滿東風螺、蜆、魚、生蠔、扇貝、鮑魚...真係數唔哂既海產種類任你選擇 同埋Refill效率好高 就咁食個海鮮都已經回本了最重要第一次見到放題有韓國燒酒任飲 飲左幾枝真係熱血沸騰 仲有好多品牌啤酒 汽水 連兒時回憶Qoo都有 飲品吧真係令我覺得好有誠意仲有其他肉類串燒任君選擇 特別推薦雞全翼😂 餐廳醃料醃得幾好 燒起黎夠曬味 牛串雞皮等等串燒都唔錯🤤熟食都相當豐富 每次都會換一換2.5小時任食海鮮時間都好充裕 個爐都燒得快 兩個人黎食唔洗爭最抵食 #蝦蝦燒📍佐敦白加士街10-24號永富大廈1樓

我非常鐘意食蝦，呢度既大頭蝦好生猛好新鮮! 除左蝦 仲有好多海鮮，包括 鮑魚 魷魚 扇貝 生蠔 元貝 魚 螺等等，款式多到食唔哂，款款都好新鮮 而且全部都係任食！因為我真係好鐘意食蝦，所以一坐低就狂捉新鮮蝦，然後燒燒燒，因為要幫埋大胃王女友met蝦，所以真係好忙，保守估計每人食左2,30隻蝦，姐係我met左4,50隻。d大頭蝦只係落少少粗鹽去燒 唔洗點任何醬汁已經好好味，好多膏好新鮮。除左蝦之外 食得最多就係鮑魚同扇貝，好鮮味。呢度既調味料有 辣味粉同粗鹽外，仲有辣椒 蔥粒 牛油 蒜蓉 泰式辣醬 豉油等醬料。除左海鮮外，呢度仲有大量串燒嘅款式，包括有 黑椒雞翼 雞肉 雞皮 雞軟骨 羊架 茄子 粟米 菠蘿 芝士腸 蒜蓉多士 格仔餅 廚師腸 唔同類似既丸等等。另外仲有熟食區，見到有炸餃子，避風塘蝦，咖喱魚蛋蘿蔔，炒菜，關東煮，因為食得太多海鮮＆串燒，太飽了，冇試到熟食，下次再黎試下。飲品方面 一般汽水，啤酒，果汁 都一應俱全，仲有平時少見既罐裝飲品選擇。

之前食左一次蝦蝦燒已經覺得值得再回味、早兩日行開佐敦買野，當然唔會錯過依次機會。338蚊可以食足2個半鐘，而且出面有大把食材俾你揀，海鮮自助區有蜆、蠔、扇貝、鮑魚、幾有幾款魚。唔好唔記得自已座位重有流水蝦，隻隻新鮮生猛，肉質爽彈，自己夾幾多食幾多。除左海鮮，大冰櫃重放住各式各樣的肉類、蔬菜類、有翠肉瓜、雞軟骨、牛肉、多春魚、台灣一口腸、同埋有我最愛嘅蒜蓉包。同時間競賽，用盡燒烤爐嘅上下格燒 ，當日d蜆勁新鮮，入口鮮甜，一d沙都無，而且又快熟。依到飲品款式都好多，又有燒酒、啤酒、仙草爽等，應有盡有，今晚真係不醉無歸。

二訪蝦蝦燒人均都只不過係三百幾蚊 可以玩足兩個半小時重點食物款式多，環境也舒適，老實講Keep到水準大部份枱都是連着一個流水蝦槽的，方便夾蝦係缸到夾起啲蝦 要用冰水先凍暈佢地 再拎去燒蝦肉好新鮮彈牙 好爽口大隻 食落口啖啖肉最愛外面個海鮮區，放滿了大量不同海鮮，鮑魚、蜆、生蠔、扇貝，原條魚也是任燒。熟食的區域可以自己煮烏冬，還有其他已煮熟了的例如魚蛋、花螺飲品同雪糕嘅款式都好多 飲品除咗各款常見罐裝飲品之外 亦都有韓國燒酒，啤酒燒物都有唔少選擇雞翼，牛肉粒，羊肉，豬腸，雞皮，台灣腸仔，牛仔骨、金菇肥牛卷、雞軟骨、蒜蓉包，菠蘿等等特別推介蒜蓉包，墨魚卷，菠蘿，牛肉粒每人一串鰻魚，燒過後鰻魚皮香脆可口，肥美又好食整體而言非常好，大頭蝦新鮮，而且任食，CP值非常

上星期Book位試過荃灣分店後，覺得很滿足，今次再Book位試左敦分店，但覺得很多地方都不如荃灣分店。 取食食地方比荃灣細，會容易和其他客人碰觸到，所以有比較迫的感覺，食物款式好像也沒荃灣多，另外座位位置方面，也比荃灣迫，場內環境有壓迫感，服務員也沒有像荃灣那樣會經常清桌面垃圾桶，而且海鮮補充方面比較慢，往往要等才會取到想要的。但食物方面，因為多人去，所以比較新鮮。雖然食物質數OK，但感覺我下次不會再到此分店了。 提提店家，如果有透明手套提供客人取用會更好！整體來說，想試的話也不防一試！

話說，我個fd 生日，壽星梗係大曬架啦，即刻問佢想食啲咩，佢諗左幾諗，話之前食過呢間蝦蝦燒，幾ok架。好，當日就嚟左呢度食嘢，原來都幾多人，好彩早幾日前訂左位啫。我哋被安排坐近走廊2人枱既位置，可能我哋比較大份啦，張枱都幾迫同埋比較細。嚟到之後，佢有個爐俾你自己燒既。然後，就可以岀去拎嘢食同埋嘢飲啦。嘢飲唔記得影，但係都係啲大路嘢啦。岀面有牛油多士（呢個幾好食，但記得唔好燒得太耐，因為燒多士好快架）、鮑魚（記得剝左個殼先放上個爐度燒，如果唔係會彈親手架）、生蠔（放啲蒜蓉落去，正啊）、丸類、豆卜、茄子、魚等。嚟到最後，梗係要拎甜品嚟作結啦我拎左芒果、沖繩海鹽同埋港式奶茶雪糕。我覺得沖繩海鹽雪糕最好食，之後到港式奶茶，最後到芒果。總括嚟講，依一餐我覺得好滿足。

蝦蝦燒佢係主打游水新鮮🦐🦐即撈即燒😎夠晒新鮮👍🏻👍🏻真係會俾你坐喺個魚缸隔離💁🏻‍♀️💁🏻‍♀️啲蝦好新鮮🦐啲蝦會扎扎跳🤭🤭但係啲水就會有機會彈到落個身度👯‍♀️不過叫做體驗下個感覺都唔錯嘅😀依度好多食物都好新鮮好好食而且嗰啲海鮮款都好多俾你揀除咗海鮮佢都會有好多其他嘅串燒款式，而飲品櫃都有各款不同特色嘅嘢飲💫重點佢會有埋啤酒🍻🍻鍾意飲酒嘅朋友都可以任飲🥤🥤。呢度都好值得推介俾大家你試吓嘅👍🏻👍🏻👍🏻