蝦蝦燒

营业中

休息中

難得一大班朋友約埋食飯又唔想咁悶，所以揀咗有得食又有得玩嘅餐廳。一坐低店員就好詳細咁解釋咗所有嘢嘅流程，而且好快就將餐廳送嘅鰻魚送到。啲蝦非常新鮮而且店員不是會refill，確保你又夾唔完嘅蝦，而且全部都大隻又多膏。自助區仲有唔同嘅海鮮同屬食比你揀，有鮑魚、花螺、帶子等等。。。已熟食當中我最鍾意就係辣酒煮花螺，非常入味！兩個半鐘頭任食時間相當充足，埋單連埋加一，每人415蚊，非常值得！

再訪蝦蝦燒🦐之前喺荃灣分店食過呢個超正嘅流水蝦放題，今次趁媽咪生日就一於一齊去食多次🤤———————————————— 👅超生猛游水蝦🦐喺座位隔離成排游水蝦比大家揀，隻隻都超生猛大隻👍🏻👅任食海鮮特別推介鮑魚、生蠔同扇貝，配合蒜蓉粉絲同牛油🧈效果更佳👍🏻👅肉類蔬菜肉類都有好多款比大家揀，有牛柳粒、雞軟骨、雞腎🐣蔬菜有甜番薯🍠、翠肉瓜、菠蘿🍍、菇🍍特別要講嘅係菠蘿超甜，食完咁多海鮮同肉要食返d生果解下膩呀😆———————————————— ​味道：🌕🌕🌕🌕🌑抵食：🌕🌕🌕🌕🌑服務：🌕🌕🌕🌕🌑環境：🌕🌕🌕🌕🌗————————————————📍 蝦蝦燒: 佐敦白加士街10-24號永富大廈1樓

蝦蝦燒係一眾海鮮控嘅必食嘅選擇。海鮮都係All Fresh.自疫情以來，V仔都未有機會再食蝦蝦燒。覆常後嘅，終於搵到時間同朋友再食。V仔揀左周四去，諗住無咁多人，但都坐得七七八八。還好，座位唔太迫同唔需要人迫迫，座位都寬敞舒適。一埋位，侍應哥哥已經幫手剪好左一啲蝦，好貼心，方便開動，仲木好耐心咁講解點燒先最好食，佢推介鹽燒可保留原有風味。燒蝦：剪左啲腳，好細心。生猛到夾唔住佢。鰻魚串燒：超水準，鮮，肥美，嫩肉。另外侍應哥哥仲準備咗兩串超厚嘅鮮鰻魚串，新鮮到好似剛剛上岸咁。鮑魚：仲識郁㗎⋯⋯ 嫩口爽滑。鮮美一燒再燒。加牛油同蒜茸超正。V仔提提大家，一定要剪左啲內臟先好燒，當然侍應哥哥都貼心會幫手剪。今次新發現玩，燒蒜茸大蜆。蝦蝦燒真係不停更新的海鮮。大蜆，鮮味多汁。蝦蝦燒仲有其他嘅海先種類，黃花馬友，沙插，同蠔…….應有盡有。仲有未食啲肉串燒，都已經飽晒。總之，比蒸海鮮多選擇，同燒嘢另外一番風味。

自疫情以來都好少食海鮮，之前都一直想再食燒海鮮🦞。今晚約朋友嚟燒一燒。可能因為比較早訂咗位，入座嘅時候已經見佢燒緊啲蝦，而且啲客仲幫你剪咗鬚，服務唔錯👍。坐低仲會介紹吓點樣燒扇貝鮑魚蝦等等，例如鮑魚應該起咗出嚟先燒等等。感覺幾細心。出到去食物嘅選擇都幾多，魚都有三四種，亦都有三文魚鮫。無限鮑魚，蠔任添，仲有幾新鮮嘅貴妃蚌花甲同埋海螺。因為我覺得其他小特別下更加好食。小食亦都有d驚喜，有平時肥姐小食/鬼巴士買到嘅生腸八爪魚紅腸牛利嗰啲。都有酒樓嘅炸蟹鉗任食唔嬲。燒肉ok，牛肉羊肉切得有啲大粒，有咬口。勝在佢有唔同味粉俾你自己調校口味。同埋個燒烤爐有兩層，上一層下一層，燒嘢食都幾快。綜合感覺，值得一燒！

蝦蝦燒流水蝦放題，以極長流水蝦水道、串燒任食做主打，主打即夾即燒流水蝦，夾上來即燒的流水蝦，加些少鹽調味即可，蝦肉特別彈牙。另有100款海鮮串燒任燒任食，最平$348一位就可以食足150分鐘，性價比高😎食品都是自助形式拿取，除了有蝦缸的流水蝦外，自助海鮮區亦放滿不同海鮮任夾任燒，包括扇貝、花螺、貴妃蚌等，當中推薦鮑魚及貴妃蚌，前著彈牙鮮甜、後者厚肉爆汁😋另外串燒多達50款，當中包括丸類、素菜、肉類等，連羊扒、叉燒、金菇肥牛都有！而每枱都會有椒鹽、辣椒粉、孜然粉及鹽等調味料，燒烤時按自己口味隨意加一點，就十分惹味💯

第一次食流水蝦，原來係要生夾，夾入個冰桶時隻蝦仲識彈彈跳彈到啲水周圍都係，好新鮮，燒完黎食非常好食，但可能放係冰桶比較耐，所以燒既時間會耐d。出面有扇貝，鮑魚，蜆，魷魚之類海鮮夾，另外有唔同肉串可以夾，最開心係有台灣腸，因為我好鍾意食，其他有菇有丸有芝士腸正常食物。感覺鮑魚都唔錯，最好食都係蝦。出面仲有醬料可以自己揀，同飲品自己拎，食完最後有雪糕食啦。我見仲有人拎窩夫返去燒，但我實在太飽了，如果唔係我都想試下，感覺會好正。

見到呢個流水蝦自助燒烤放題包2.5小時任夾新鮮流水蝦，好似幾正咁，地點又方便在佐敦地鐵站附近就同朋友去玩下。除咗有得玩有得食新鮮流水蝦，重有自助區，有多款海鮮同唔少特式串燒任你揀，包埋任飲飲品同雪糕🍦。餐廳店員會安排客人坐在蝦台水缸兩側，水缸內的蝦好生猛，店員很細心教我哋夾🦐技巧，將蝦夾起立即放落𣲙水內浸暈，等🦐整暈後就燒就得，真係好好玩又好食😋，動作要快手同夾𧎚頭就一定無問題。鹽燒大頭蝦 🦐餐廳會預先放咗鹽燒大頭蝦在爐度燒，好快就有得食，非常貼心，蝦🦐好鬼新鮮又彈牙同埋好多膏😋。燒大頭蝦 🦐鹽燒蝦之後，就可以自己夾生猛大頭蝦燒嚟吃，自己揀調味粉調味，大頭蝦即吊即燒，蝦肉鮮味又彈牙，蝦頭好多蝦膏，就算唔加調味粉調味已經很鮮甜。燒白鱔一人有一串燒白鱔 ，份量都唔小，外皮燒到脆卜卜，白鱔非常肥美又香，好正。海鮮🦪🐟🦑海鮮選擇都唔少架，有原條🐟，鮑魚、魷魚，大扇貝、生蠔，蜆同螺等等，樣樣都好新鮮，我覺得鮑魚、大扇貝，大蜆都好好食，encore 了幾次，重有原條燒𩶘魚，燒至聞到焦香，魚皮香脆，魚肉鮮味又彈牙。肉類🐷🐤有雞翼，牛仔骨，羊架，豬串骨，排骨，墨魚丸、龍蝦丸、魚蛋、芝士腸等等，蔬菜🍍🌽

第一次黎呢到，聽朋友講仲有得「玩」，就黎試下。一入去見到場地寬敞好多位，最重要係好似魚鮮市場咁有各樣既海鮮display，都可以係水缸到自己夾蝦上來燒，非常新鮮！外面除左不同種類海鮮以外，仲有熟食，例如辣酒煮風螺，西蘭花炒蝦，涼拌青瓜木耳，麻辣魚皮，炸餃子等等可以攞，今晚主菜係海鮮所以就只係試左少少辣酒螺，辣味重而且惹味！另外仲有不同串燒種類，店員建議我地爐上面放海鮮（火力大），串燒就放下面慢慢燒。唔一一點算，但係整體都好高質，特別推介叉燒，牛柳粒同土匪雞翼，有驚喜!然後就要講下海鮮，呢到真係五花八門，而且每樣食落都非常新鮮，鮮甜味超正！包括貝類既帶子，扇貝同蚌，樣樣都食到停唔到口！而呢到既蝦除左有體驗可以夾上黎玩之外，燒出黎既鹹香味，以及好多背脊都會有好多蝦子都係出面食蝦無得比既！另外必須一講就係白鱔！真係超級肥美好味！

蝦我就本身都好鍾意食，但係想食到新鮮生猛嘅就唔容易。今次好開心約左兩個朋友一齊又玩又食。首先一嚟到每一枱都會預先準備咗鹽焗蝦同埋一份醬汁白鱔。咁可以食左依兩款先再出去拎食物。鹽焗蝦完全唔需要調味，鹽分已經慘哂入蝦肉裏邊，肉質彈牙爽口。而白鱔肉質好厚身，又經過醃製，燒到外層焦香就可以食用，魚鮨香特別濃郁。之後就可以出去拎海鮮，主打嘅海鮮有鮑魚、多款唔同嘅魚類、扇貝、生蠔、蜆肉同埋螺。我就比較鍾意食扇貝同埋生蠔，值得一讚嘅係refill都幾快。另外出邊自助區仲有多款肉類、蔬菜同埋串燒。漢堡扒、豬肉串、菠蘿都好值得試一下。最後當然唔少得我哋嘅主角蝦，每一隻都好生猛，由水缸鉗起身嘅時侯啲水花大到彈哂出嚟，足以證明幾新鮮。食完生猛嘅靚蝦，就可以食埋佢哋嘅雪糕同雪條，再飲番一杯啤酒，真係好寫意嘅晚餐。

期待咗去玩同食流水蝦好耐喇❣️等左一年終於約到朋友一齊去 有得玩又有得食 好開心呀✨流水蝦自助燒烤放題 ($348) 呢個放題包咗2.5小時任夾新鮮流水蝦仲可以去自助區嘆盡多款海鮮同特式串燒仲有好多飲品同雪糕選擇㗎😍餐廳集中安排客人喺長長嘅蝦缸兩側就坐客人隨手就可以喺自己身邊嘅水道夾蝦嚟燒 好方便店員細心教我哋將蝦夾起 放落冰筒整暈後再燒 就得㗎喇聽完之後真係忍唔住好想即刻試下玩呀😍=========正式落場❣️理想中嘅畫面係駕輕就熟咁夾滿一筒蝦😎而現實就...... 就係比啲水彈到成枱都係 先夾到1隻🙃好彩有神隊友carry 咁我就專心企吸喇🤣******************************食物s:🦐鹽燒大頭蝦店家預先放咗喺爐度燒 好快就食得 非常貼心💕沾上海鹽嘅大頭蝦大大隻 食落富有咸香味 蝦肉新鮮彈牙 仲有好多膏添❣️✨️燒大頭蝦食完鹽燒蝦之後仲可以自己夾生猛大頭蝦燒嚟食夾嘅過程當然亦係重點啦❣️大頭蝦同樣新鮮彈牙 可以自己揀調味粉🍢燒白鱔餐廳預先準備 每人有一串燒白鱔外皮燒至脆卜卜 食落啖啖肉 🍍燒菠蘿絕對係Mvp❣️唔怪之得見大家都係咁夾啦連皮嘅新鮮菠蘿燒至軟身變晒色後再食

一開始會先想鹽焗蝦每人一份醃過有醬汁既白鱔，鹽焗蝦食落去都幾唔錯，外面都有一d熟食已經可以直接食，例如蟹鉗，花螺，秘制醉蝦，或者可以自己烚吓生菜食。個爐其實可以上下兩層都焗㗎，通常下層都會用嚟焗海鮮，雙層又可以焗下串燒咁，一開頭係拎個筒出嚟加水同加冰，因為啲流水蝦真係好新鮮一夾出嚟啦即刻放落去嗰個筒度冰下先，如果唔係嘅話佢會跳樓🤪佢哋嘅大頭蝦真係隻隻都扎扎跳！好有活力！有時夾佢哋嗰時會跳走，其實唔使額外落調味料已經好好食，肉質厚實彈牙鮮甜！蝦頭亦有膏！外面咗好多海鮮海選擇，例如生蠔，扇貝，蜆，鮑魚同埋幾款魚種！我自己就鍾意食扇貝同蜆！串燒睇落差唔多有成四五十款咁多，比較特別嘅係佢哋有鹹或甜窩夫，鹹嘅窩夫我都係第一次食，其實佢就係有啲似火腿加蛋嘅味道！有漢堡扒豬牛羊都有，實有一款啱你哋，我就俾我鍾意食，菠蘿，翠玉瓜，雞翼腸仔，粟米，蒜蓉包，小番薯，仲有一個好似蝦卷都好好食！嘢飲方面選擇真係好多，除咗平時有飲開嘅，俾我特別嘅係我覺得佢哋有西柚味真露，自己再加啲梳打水，真係好正！整體來講係一個同朋友食飯嘅好去處，除咗食物種類真係好多，有海鮮豬牛雞羊都有，時間亦好非常足夠，有成兩個半鐘可以任食

今晚好開心同朋友黎個4人gathering! 一黎到已經有大頭蝦係爐上，燒多陣就食得，真開心，唔使餓住等咁耐。仲有4大串非常肉厚既白鱔，燒至金黃後肉質嫩滑，好香好味！坐係流水蝦隔離，啲蝦有兩隻大鉗，超級活潑生猛，彈彈下咁。捉流水蝦既秘訣係要夠快，頭大大果種就會有啲橙紅既蝦膏。串燒區方面首推爆汁juicy既燒菠蘿！,食到隔離枱呀姐都望住🤣🤣 翠玉瓜都係燒到好腍好多汁，紫蕃薯好甜好食。鹹食有蒜蓉包同格仔餅，漢堡扒，肉串等等。飲品雪櫃有多款選擇，我最中意就係飲纖解茶同涼茶下番火。海鮮吧大蜆爽口，鮑魚記得唔好連殼燒，帶子，蠔同花螺！海鮮吧仲有生蠔，扇貝，鮮魷魚，墨魚串任拎。甜品有雪糕關注組大熱既阿波羅之外，仲有本土雪糕品牌100%香港製造既Coco Berry.

香港探店｜佐敦｜自助餐｜蝦蝦燒小聲告訴你喔，在佐敦有一所很好吃的任食燒烤放題店👽今天和朋友來到佐敦的蝦蝦燒，不是說笑，真的被他的人氣驚嚇到，6:00門外已經有一條長長的排隊人潮。等了一會，終於進入餐廳，環境整潔，看到有許多款的海鮮選擇：鮑魚、扇貝、大眼雞等等⋯原本以為三百多港幣沒有可能做賠本生意，想不到海鮮竟然如此的高質素！欣賞的就是他們的鮑魚，灑上孜然粉，真的很好吃！我們隨後再水箱中拿了一些活潑的小蝦🦐，先用冰桶把他們凍暈，再放上網上烤，轉眼間一隻爽彈的蝦煮好了！除了海鮮以外，我們推介他們這裏的肉類串燒，欣賞的就是他們牛仔骨香蔥雞肉串燒，真的別具風味，看着他們在金黃色的火爐下慢慢烤熟，一邊和朋友飲咗啤酒談笑風生，又是人生一大享受。——————為食分界線——————📍 蝦蝦燒 (佐敦)佐敦白加士街10-24號永富大廈1樓推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $80#mariofatfat #hkfoodie #Foodie #為食馬利奧 #hkrestaurant #topcitybitesh

之前去過蝦蝦燒海鮮燒烤放題覺得唔錯，今次就帶喺外地回港嘅朋友去試吓。朋友係第一次食流水蝦，可以自己親手夾生猛嘅大頭蝦上嚟烤，覺得好新奇😆同之前一樣，店員會幫我哋將鹽燒同蒜蓉大頭蝦放喺烤爐上烤住先。除咗大頭蝦就梗係唔少得其他海鮮同一人一串超級肥美嘅鰻魚啦～我哋仲食咗大隻又厚肉嘅扇貝😍大大隻原隻蟹‼️新鮮彈牙嘅鮑魚‼️原條燒大眼雞‼️ 鮮甜嘅大蜆‼️同埋蠔、元貝及其他原條海魚‼️今次仲食咗上次🈚️食到嘅蒜蓉包，咁樣烤法真係幾惹味😋燒烤就梗係唔少得蒜蓉燒茄子啦～

有得玩又有得食🍤🍤🍤小編今日同朋友farewell,黎到呢間釣蝦+放題燒烤既餐廳🍤🦪呢間餐廳有兩間分店😇餐廳晚上都好旺場，記得預早book位🫡🫡🥢～釣蝦餐廳預備左冰桶，方便顧客在釣蝦後燒烤。小編平時屬於手眼唔太協調既人，但呢到釣蝦零難度🍤🥢～自助區肉類、海鮮、蔬菜選擇多，仲有小食、甜品、飲品區🥦🍠🍓🦪🍥=== === === === === === 👄味道：4/5👥服務：4/5🍽環境：4/5🥰好玩指數：4/5