蝦蝦燒

营业中

休息中

蝦我就本身都好鍾意食，但係想食到新鮮生猛嘅就唔容易。今次好開心約左兩個朋友一齊又玩又食。首先一嚟到每一枱都會預先準備咗鹽焗蝦同埋一份醬汁白鱔。咁可以食左依兩款先再出去拎食物。鹽焗蝦完全唔需要調味，鹽分已經慘哂入蝦肉裏邊，肉質彈牙爽口。而白鱔肉質好厚身，又經過醃製，燒到外層焦香就可以食用，魚鮨香特別濃郁。之後就可以出去拎海鮮，主打嘅海鮮有鮑魚、多款唔同嘅魚類、扇貝、生蠔、蜆肉同埋螺。我就比較鍾意食扇貝同埋生蠔，值得一讚嘅係refill都幾快。另外出邊自助區仲有多款肉類、蔬菜同埋串燒。漢堡扒、豬肉串、菠蘿都好值得試一下。最後當然唔少得我哋嘅主角蝦，每一隻都好生猛，由水缸鉗起身嘅時侯啲水花大到彈哂出嚟，足以證明幾新鮮。食完生猛嘅靚蝦，就可以食埋佢哋嘅雪糕同雪條，再飲番一杯啤酒，真係好寫意嘅晚餐。