蛇王芬

营业中

休息中

美國朋友主動話要食呢間，作為香港人傾，我都未試過呢一間老字號。裝修好有香港懷舊特色，感覺以前嘅酒樓就係咁樣嘅間隔。蜜瓜瑤柱燉螺頭(秋冬) ($120): 對於幾時要飲乜嘢湯，冇咗媽咪喺度我真係唔係好清楚，好彩佢哋餐牌上邊有寫住邊一種季節適合飲咩湯，方便可以適時進補。一上堂嘅時候，已經聞到好大浸嘅鹹香味，佢哋加咗豬肉同埋好多瑤柱，真係好足料，蜜瓜香甜潤喉，好耐冇飲過撳香濃嘅中式湯！金菇瑤柱扒豆腐($120): 呢樣係我揀嘅，有印象細個喺酒樓食過，但係好似近來都冇乜見過呢一款懷舊菜，香煎豆腐，配上金菇瑤柱芡汁，識落熱辣辣，最啱就係送白飯($20)! 菠蘿咕嚕肉($140): 呢個係我朋友嗌嘅，佢話喺美國食唔到正宗嘅咕嚕肉，所以每一次去到中式餐廳佢都必點。呢度嘅菠蘿用上新鮮菠蘿，而且咕嚕肉係冇骨嘅，每舊啖啖肉，炸皮唔會過厚全部啱啱好，酸甜度亦都適中！總結：而家去得多新派食肆，其實間唔中離婚懷舊香港老餐廳都唔錯，真係食得返兒時嘅味道，其實呢啲舖頭喺香港真係買少見少，趁而家佢哋仲捱得住嘅時候我哋就應該好好幫襯去支持吓啦。

蛇王芬地址: 中環閣麟街30號地舖電話: =====================蛇王芬，我細細個就聽過呢個名啦，老店名字深入民心，多了口啤。除了蛇，一般人印象都是秋冬要進補暖身先食，現在夏天有什什麼好介紹呀？有飯，湯點心小炒等的，叫了個套餐$188燕窩蛇湯海鮮節瓜鐘套餐，很補身的燉湯，湯頭有冬瓜夏天補水，而燕窩就養顏，蛇肉除低脂高蛋白質，更可以補氣，成個湯都是精華來！蛇王芬臘腸 蟹肉蛋白炒飯，飯粒粉得很粒粒分明，很多料每一口都食到不同材料在口中！家鄉雜菜煲 $120,清淡健康少油菜式，加了蝦米吊味，大量蔬菜外仲有粉絲。瑤柱煎芙蓉蛋角 $130，慷慨很多蝦肉同豬肉碎，煎得整齊仲加了芽菜洋蔥，令口感多了份爽利。

🐻位於中環的蛇王芬，今次去試了他們的午餐🐻套餐係$150元有一盅燉湯和一碗雙併燒味飯🐻叫左蘋果海底椰燉湯，味道香濃，料頭十足，雙併飯有叉燒，油雞，切雞，燒肉等選擇，我叫左叉油雞雙併，叉燒不錯，味足肉嫩帶有適量的甜味，油雞都很嫩滑，要注意的是他的飯量真係一碗，男生唔會夠飽🐻美中不足是一誰店舖有浸怪味，店員服務一般，愛理不理咁🐻蛇王芬 (中環)中環閣麟街30號地舖

蛇王芬 中環閣麟街30號地舖中環扶手電梯旁的一間老字號店舖除非左食蛇出名 仲有小菜 燒味都可以試下叫左一碗油雞瀨粉 蔥油好香 食胸位大大嚿中式炒牛柳$170嫩滑的牛柳肉為主料牛柳的炒制過程讓其表面微微有些焦香 加埋洋蔥爆炒一道傳統的中華美食咕嚕炒蝦球$200獨特酸甜口味廣東菜系美食呈現出金黃色的外皮，蝦球外酥里嫩 搭配著鮮艷的青紅椒，整體顏色豐富鮮明醋和番茄醬的組合賦予了菜品濃郁的酸味酸甜對比的味道，往往能刺激味蕾

膶腸香煎鯪魚角 $140好少見到膶腸煎鯪魚角呢碟菜，尤其呢度膶腸、臘腸咁出名~煎香嘅膶腸原來咁香脆，surprised。加埋蛋、鯪魚煎成一大底，好夾！海鮮炒河 + 燉湯套餐 $190喜歡家庭式湯水嘅話，一定要飲呢個足料豬肺湯。d豬肺同配料燉到入口即化，d精華溶晒入去，正😊呢度嘅炒野唔使多講，夠哂鑊氣，海鮮炒河，新鮮、好味！d河粉沾滿醬料味，仲咁多海鮮，好食。燕窩蛇湯 + 海鮮節瓜盅套餐 $188睇過介紹，蛇四季啱食，見呢個餐幾清新咁：蛇湯清清甜甜，仲有燕窩，upgrade哂😁加上節瓜消暑、清熱，呢款湯好啱夏天飲！配蛇王芬臘腸蟹肉蛋白炒飯炒飯用臘腸、蟹肉、蛋白炒，夠香口。而且好多料，至愛嘅臘腸，原來同蟹肉好夾！

燕窩蛇湯海鮮節瓜盅套餐老闆娘極力推介，四季適宜嘅套餐，有燕窩蛇湯、配蛇王芬臘腸蟹肉蛋白炒飯做主打，這個組合果然是養生之選。蛇湯配合玫瑰、燕窩，味道清新優雅，臘腸蟹肉炒飯一人份量剛好。老字號臘腸值得推介，脆身而且味濃。海鮮炒河河粉炒得乾身，鋪上滿滿嘅海鮮；配上店家提供的辣椒油，可口開胃。杏仁無花果燉豬肺湯豬肺湯不是很多店鋪有提供，呢度的白肺湯很值得推介，它提供的豬肺份量多，湯頭清香豬肺香濃。潤腸香煎鯪魚角用炒蛋配合潤腸及鯪魚肉蓉，份量十足！上枱時已聞到陣陣潤腸油香味。而且很少見到呢個餸，worth a try ar！

傳統的燕窩蛇湯海鮮節瓜盅套餐，再配上香噴噴的腊味糯米飯，實在是令人垂涎三尺。出門前天氣陰陰沉沉，但步入蛇王芬的大門，溫馨的氛圍讓我忘卻了外頭的陰雲。店內佈置古色古香，仿佛帶我們回到了過去的香港。先來點了招牌菜──燕窩蛇湯海鮮節瓜盅套餐。服務員彬彬有禮地為我們端上，一打開瓜盅蓋，湯的香氣撲鼻而來。湯裡面的燕窩份量十足，入口即化，滋味十分鮮美。蛇湯的味道濃郁卻不膩，令人意猶未盡。接著上來的是腊味糯米飯，看著蒸氣瀰漫，香氣撲鼻，讓我肚餓難耐。一口咬下，糯米飯Q彈而不膩，腊味的豐富滋味充分釋放在口中，令人回味無窮。這道糯米飯真的是相當出色，讓我更加期待之後的菜式。在品嘗美食的同時，我們不禁開始談起了過去的趣事，笑聲不斷，好友間的情誼更加深厚。

今日路過，想試佢哋嘅腊味糯米飯好耐，不過又已食咗晏，就決定買外賣返屋企做晚餐。打開個盒香噴噴，望落去以為唔係好多，原來都有飯碗差唔多3碗半。糯米飯軟棉棉嘅，臘腸膶腸都好甘香好好味，仲要份量都唔算少，整個飯都好好味，不過如果再乾身啲啲同埋有花生就更加好。

上星期日去左聞名已久既「蛇王芬」，除左出色既蛇羹同糯米飯，餐廳加入不同與蛇相關既菜式，適合一年四季食用，滋補養生。首先係套餐嘅部分，$188套餐就包括燕窩蛇湯海鮮節瓜盅、臘腸蟹肉蛋白炒飯，仲送一杯公利蔗汁。燕窩蛇湯好滑好鮮，加埋海鮮同節瓜，真材實料👍🏻，非常開胃好味。臘腸蟹肉蛋白炒飯亦好好食，飯粒香口，蟹肉同蛋白令味道更加豐富。最後嘅公利蔗汁清甜爽口，搭配食物飲落去都好舒服。另外新款點心都好好食，特別係黑芝麻豆沙包，芝麻馅非常滑順，黑芝麻香味濃郁，好好味。菊花蝦餃外皮夠薄，蝦肉鮮甜，一口咬落去真係好滿足。☀️最後係福建炒飯同銀牙肉絲炒麵，都係好好味嘅經典菜式。福建炒飯飯粒爽口，炒得香口，加埋啲蝦同青豆，味道更加豐富。銀牙肉絲炒麵亦係好滑好嫩，炒得好入味，好開胃。✨總括而言，蛇王芬嘅新款食品套餐同啲新款點心都同樣好味，而福建炒飯同銀牙肉絲炒麵都係好食嘅經典菜式。如果你鍾意食蛇羹，又鍾意試新嘅菜式同埋點心，蛇王芬係一個好好嘅選擇。🎁

一個人係中環食乜好，見到「蛇王芬」推出了養生套餐，好吸引，立即試試。 燕窩蛇湯海鮮節瓜盅配蛇王芬臘腸蟹肉蛋白炒飯真的沒有想過燕窩可以配蛇肉，再加節瓜和玫瑰，居然個湯好清甜。 炒飯啲飯粒粒分明，再加上臘腸的香， 蟹肉的鮮，蛋白的滑， 還有陳皮和玫瑰，增加了炒飯味覺上的層次。

中環有好多不同嘅美食，但是有間老字號「蛇王芬」，之前去過，都係去食蛇羹和臘味糯米飯。沒想過可以配搭其他食材，做出美味又養生的料理。😍這就是「蛇王芬」新推的養生套餐，$188。燕窩蛇湯海鮮節瓜盅，燕窩、蛇肉、節瓜、海鮮，個湯非常清甜，清潤，又補而不燥，再加兩朶玫瑰，另到湯的清新味道再提升了。蛇王芬臘腸蟹肉蛋白炒飯，炒飯粒粒分明，特別加上紫椰菜及陳皮絲，清新爽口，減低臘腸的油膩感。另外還加埋玫瑰🌹，玫瑰嘅清香，加上陳皮的香味，整個飯嘅層次更加豐富。翡翠蘆筍餃餃皮晶瑩翠綠，以新鮮豬肉、雞髀菇、秀珍菇及蘆筍切碎，蘆筍鮮脆，鮮肉多汁，爽口又美味。太子參帶子餃帶子餃於餡料中混入中醫師推介的太子蔘粉，餃子🥟味道甘香味濃，鮮味十足。紅菜頭素餃餡料有紅菜頭、雞髀菇、冬菇、杞子；蒸餃最能夠保持蔬菜的原汁原味，清甜好味。而且更是素食人士健康之選。蝦乾肉碎炒四季豆蝦乾嘅鮮味十足，新鮮嘅肉碎，和四季豆，是一個很惹味的小菜，配飯食一流。

約咗個舊同學食晏，專登揀嚟「蛇王芬」，依家天氣咁熱就梗唔喺諗住食蛇羹啦，目標喺佢啲燉湯，皆因佢啲燉湯都好有口碑架，所以，前嚟一試。「蛇王芬」喺中環屹立好多年，鋪面及環境一直無變，古雅嘅吊燈，大大細細嘅舊式木椅或圓櫈，喺老飯店嘅模樣。是日就全場都坐滿客人，聽落啲口音或對話應該有唔少喺遊客。佢哋嘅燉湯賣到$120一盅，但依家「燉湯套餐」俾多少少就多個飯，配碗上嘅燒味飯賣$150，配碟頭飯賣$170；而燉湯共有5款選擇，不過，數量有限，售完即止，據侍應講啲燉湯真喺頗都受歡迎。燉湯、雙拼燒味飯套餐 $150燉湯選咗蜜瓜瑤柱海竹燉響螺，原盅燉，自然保留所有精華，撈一撈，果然用料十足，絕無欺場，而入口醇和香濃，飲得出貨真價實，不愧喺招牌作。而燒味飯本來想食叉燒搭燒鵝，不過，叉燒已賣晒，所以，轉揀油雞燒鵝，油雞做得皮爽肉嫩，帶點豉油嘅香味甜，燒鵝亦有一手，外皮仍具香脆感，富油香。另外，阿姐推介我哋試另一款套餐「燕窩蛇湯海鮮節瓜盅套餐」，話喺四季都啱食，有春清、夏調、秋補、冬防之效，唔會好似食蛇羹咁燥底，餐牌反面更有詳細嘅介紹。除咗節瓜盅，仲配上一份炒飯及「公利」蔗汁（送完即止），目測所見，亦喺成為唔

百年老字號的蛇王芬 有蔡瀾題字的文書 古色食肆真的藏着個寶 一直誤以為秋風起三蛇肥 秋冬時才吃蛇進補不食不知 食完長知識中醫一年四季都會用蛇來入藥仲有真實醫學數據支持 食蛇可以抗炎、促進新陳代謝、抑制細胞孌異及增強免疫力蛇肉本身滋補不燥、低脂肪、低膽固醇，養生妙物！🤩第一次去老字號的店舖食蛇最穩陣之選當然先試試拿手小菜🍴古法燴蛇羹 （我哋只叫了一碗，職員好好人按量收費）蛇羹有木耳絲，冬菇絲，花膠，蛇肉，一入口好重陳皮味。每一羹都材料十足，質地粘稠，蛇肉偏鞋身，食完輕輕暖和，就像去酒樓飲的羹一樣，心諗，夏天食食蛇羮何嘗不可？🍴生炒糯米飯 糯米飯很足料，煮得很軟棉但不爛，內裏有很足料的潤腸粒、臘腸粒、蔥花，臘味的油有添滿飯香，但吃完不會太膩。二人食剛剛好！🍴金菰瑤柱豆腐煲一上碟睇落勁似肉絲炒麵😂 實際上是金菰瑤柱，食落非常香甜，下面的豆腐有輕輕炸過，比豆腐煲好食好多！！以往一直以為食蛇的舖頭主打只是蛇，想不到這間中菜的水準好高，每碟的價錢也比酒樓便宜，真心諗住下次帶家人黎一齊食，好過來來去去都是傳統酒家🤔而且仲發現佢地有款清新輕盈的新菜式 - 蛇湯海鮮節瓜盅套餐，幾岩春夏食，又可以養生，下

大陸親戚來了香港，堅持要炎炎夏日食蛇羹，沒他好氣下帶他去了中環頗有名氣的蛇王芬。從店員介紹得知他們正推廣「春清、夏調、秋補、冬防」的理念，即是四季都可以食蛇養生，打破傳統只在冬天吃蛇的概念。**燕窩蛇湯海鮮節瓜盅套餐 ($188)我選了店員推介的套餐，適合夏天享用。燕窩蛇湯海鮮節瓜盅清澈鮮甜，蛇肉與燕窩的搭配十分分新穎，毫無違和感。蛇王芬臘腸蟹肉蛋白炒飯粒粒分明，臘腸帶來了濃厚的香氣，與蟹肉、蛋白的輕盈口感形成了鮮明對比。**太史五蛇羹($140)五種不同的蛇肉經過精心烹煮，每一啖都超足料。上面鋪滿了薄脆，配搭蛇羹一流。**明爐燒味雙拼飯($70)燒鵝皮脆不膩，肉質軟嫩多汁，叉燒都非常不錯，而且份量充足。

朋友無啦啦話好想試吓食蛇嘅餐廳，今日就去咗中環呢一間餐廳，地址位於中環閣麟街30號，距離地鐵站都唔係太遠嘅路程，方便大家輕鬆搵到 今日放假嘅時候晚上嚟食，好彩都唔係太多人，好快就可以入嚟到，梗係必須要食蛇羹蛇羹既蛇肉非常豐富，呢間老字號做既其芡汁相對調校得較薄，食落去唔會有太傑嘅感覺，呢個位做得非常唔錯 另外，呢間餐廳仲係湯底除加入蛇骨熬製，令到成碗蛇羹嘅味道更加濃郁呢碗蛇羹亦加入左陳皮同埋老薑去除腥，令到食起嚟更加好食，亦都加咗木耳增加口感，好感令人非常滿意同滿足 味菜牛柳絲撈麵都非常有驚喜，味菜同埋牛柳嘅口感難得非常夾，味菜酸酸地再加埋林滑嘅牛柳，幾特別呢個口感第一次食，粗面嘅軟硬度，亦都做得啱啱好，唔會話有太林或者覺得太硬嘅口感！金針雲耳牛展煲都相當唔錯，幾鍾意食佢呢一個味道上嘅配搭 牛展亦都做得非常入味！朋友同我食完都非常滿足 下次一定會返嚟再食！！