蛇王芬

营业中

休息中

今日同女友慶祝7週年，見天氣凍，大家又鍾意食蛇，所以訂位試下。去到全場滿座，但都感受到個種人情味；老闆娘（我估）會每枱打個招呼傾幾句咁👍🏽之手叫左個2人餐，有一碟炒粉麵（叫左星洲炒米）、一碟「海鮮」（叫左XO醬芥蘭炒帶子）、一碟小菜（叫左香橙骨）同一碗蛇羹⋯我同女友都唔明點解2人餐得一碗蛇羹，唯有額外叫多碗⋯菜最快到，但真係得幾條😅之後係星米，味道正常，如果乾身d會更好味。香橙骨有驚喜，好香口又唔太油👍🏽蛇羹最遲到，好傳統的味道，但個芡有點勁，好笠口，好彩料足。整體而言，呢道係食人情味，如果純粹想食好野就可能要考慮下🤔

今日因為天氣開始凍，所以大家就諗下食蛇。而亦因為知道蛇王芬曾經2016 取得米芝蓮，所以大家一齊去試下，但完全物非所值。難怪只見大部份是遊客幫襯。本地人只得一，兩枱。整體都令大家失望，首先講蛇羹，湯底好似漿糊咁，粉漿太厚。另外，蛇羹上枱時，不是熱的。所以$150/碗就～～😰😰第二，豉油皇煎蝦，蝦腸未挑，又張蝦頭切開，四隻分為八件上碟，經典。😄第三，潤腸雞㷛仔飯，無飯焦，水份又太多，雞又只得幾件骨。 第四，椒鹽鮮魷，完全無味。原本想點椒鹽蛇碌。因為無貨，才點椒鹽鮮魷。第五，羊腩煲，味道尚可，但沒有冬荀，腐竹又好硬。另外，餐廳不太清潔，枱面餐牌油膩，地滑。而洗手間門口也有積水。侍應服務態度都好。六個人，$2xxx。 完全物非所值。

秋冬就緊係最好去食蛇！港島老字號店 - 蛇王芬，最出名就係他們的蛇羹，佢地的蛇羹真材實料，又足料，食完個人全身暖笠笠，手腳都唔再冰凍！蛇羹除左有蛇肉絲，仲有雞絲、冬菇絲、木耳絲等等，蛇肉仲要新鮮的，非常值得黎一試！秋冬仲點少得食煲？我們今次食這個豬潤啫啫雞煲，雞件多肉又滑，豬潤入口爽又唔腥，件件都咁大件，而且成個煲超入味好正！真心推介～除了食蛇同煲，呢到都仲有其實粉麵炒小菜架，我們還點了楊州炒飯同茄汁煎蝦碌。楊州炒飯食回從前小時候的味道，真的好懷念，粒粒金香的黃金炒飯，還有叉燒粒和蝦仁生菜絲，越經典越顯手藝~ 而茄汁煎蝦碌，酸酸甜甜的茄汁，配上煎炸過的大頭蝦，蝦肉新鮮不霉，彈牙爽口，可以作為開胃的海鮮小食！最後再來養生的飲料，整餐飯都非常之養生，超讚👍🏻

中午一個人去食午餐，經過公司附近，有間食蛇嘅舖頭，於是我就入咗去，叫咗個套餐，燕窩蛇湯海鮮節瓜盅套餐。呢個套餐包一盅湯同埋一碗飯。蛇湯上面有好多燕窩，見到上面有一絲一絲嘅蛇肉，好有蛇肉嘅鮮味。湯入面有一嚿節瓜，中間讓左少少薏米，感覺好清新。蛇湯非常之鮮美，感覺調味料唔多，鮮味都係來自新鮮食材，好好味。套餐除咗蛇湯之外，仲配一盅臘腸蟹肉蛋白炒飯，炒飯加咗少少紫椰菜，色彩好豐富，賣相唔錯。臘腸超級惹味，蟹肉加上蛋白，非常新鮮，食得出蟹肉嘅鮮味，而炒飯嘅飯底，亦都相當講究，一粒一粒炒到乾爽嘅，好有口感。蟹肉睇得出係真材實料，因為意外地發現蟹肉夾雜咗少少蟹殼碎片。原來呢度嘅臘腸同潤腸係好出名嘅，係有得散買臘腸，俾你返屋企自己蒸嚟食。套餐仲送一杯冰凍嘅蔗汁，蔗汁有好鮮甜嘅味道，超正。一邊食一邊聽到老闆娘講，原來識蛇湯或者蛇肉係好有益嘅，仲可以防癌，原來香港中文大學一位教授早已經証實左，係有醫學根據嘅。

呢兩日天氣突然間凍咗好多，想食返啲暖笠笠嘅嘢，所以就嚟咗中環超級出名嘅老牌名店蛇王芬食碗蛇羹暖暖個身準備迎冬。估唔到平日夜晚都好多人，我哋都要排咗一陣隊先有得入座。佢嘅二人套餐望落好抵食，除咗有海鮮，小菜同埋一大碟粉面之外，仲包括主角蛇羹，咁抵食所以就決定嗌套餐。蛇羹對上一次食蛇羹已經係好多年，今日終於可以再食多一次。質素保留以前嘅水準，有蛇王芬獨一無二特別嘅湯底，而且湯羹入邊材料豐富，又有木耳，香菇，食落就似一碗超級香濃版本嘅碗仔翅。橙酒香橙骨見到橙酒咁特別就心郁郁想試，但好驚香橙味嘅嘢都有啲伏，好似鬼佬中餐咁。但係好彩最後抱着一試無妨嘅心態試咗一試，因為食落高質有驚喜！排骨係使用健康嘅煎焗嘅方法去煮，所以一啲都唔油膩。香脆嘅排骨加埋酸酸甜甜嘅橙味醬汁，配搭好特別，而且好好味！子薑麵醬魚雲煲砂鍋原煲上嚟熱辣辣，最驚喜嘅係魚雲嘅調味超級特別，有好香濃嘅酒味，超級惹味，食每一啖都會忍唔住啜多幾下，越食越上癮，食落就明點解佢寫住攞金獎😌星洲炒米食炒粉麵飯最緊要就係有鑊氣，呢度嘅星洲炒米炒得好有鑊氣，而且充滿黃薑味，亦都十分足料，蝦肉同叉燒多到數唔晒，啖啖都有配料，大滿足😋估唔到蛇王芬除咗有

以前好多人對食蛇既概念就係冬天先食蛇，我好欣賞呢間百年老字號既老闆去到佢第四代，佢好努力同唔同品牌合作推廣，目的就係想分享比全港既市民同後生仔知，其實食蛇係一年365日都啱食，已經有中醫證明藥效有抗炎、抑制腫瘤同抗癌等，改變大家傳統既觀念，我都係今晚食飯老闆分享咁多比我地食客知先學識咁多野，黎到當然要點佢現時最出名既燕窩蛇湯海鮮節瓜盅套餐，配蛇王芬臘腸蟹肉蛋白炒飯，蛇湯有香濃藥膳味，同時食到鮮蝦、蟹肉同節瓜既鮮甜，啖啖蟹肉，鮮蝦爽口，節瓜蓉吸左啲湯好好食，炒飯一上枱就好香，夠鑊氣，飯粒煙煙韌韌好咬口，十分足料，此外當然必點呢到既招牌蛇羹啦$140一碗，一班朋友黎食可以直接叫小鍋大鍋，每間蛇鋪既蛇羹都絕對係心思之作，蛇肉口感獨特，有嚼勁，佐檸檬葉和薄脆食，增加味道層次同香脆質感，配埋冬菇片、雲耳、雞絲等，味道豐富，黎緊佢地同pizzahut合作出薄餅添，好欣賞老闆keep住與時並進同不停搵空間去推廣蛇王芬既努力！

蛇王芬 （29/10/2023）今日係假期和朋友到中環街市行街和午膳！ 朋友想吃懷舊風味美食，所以在附近行吓覓食！ 行上幾條街，見到了久違的老店，蛇王芬！ 它在中環閣麟街30號地舖。中環街市乘行人電梯就到，很方便的！門口的霓虹燈和燒腊枱面，真的好有懷舊味道！室內裝潢和枱椅擺設是古舊中式酒樓的風格！ 牆上掛滿了名人所增的字幅和得獎的殊榮，兒時的回憶都番來了！店員親切友善！她說已係第4代數十年的老店，向我們推介太史蛇羹，它係呢間飯店既招牌菜之一，用新鮮蛇肉熬製而成。她還推介我哋試另一款套餐「燕窩蛇湯海鮮節瓜盅套餐」，話喺四季都啱食，有春清、夏調、秋補、冬防之效！今天我們都係要吃蛇羹！點了個二人餐：古法燴蛇羹兩碗+生炒糯米飯一份（2人用）蛇羹有：木耳絲、冬菇絲、花膠、蛇肉、陳皮等，材料豐富十足！蛇肉煮得十分軟嫩，沒有腥味，加上其他的材料和調味料，香濃而鮮美，蛇湯沒有加杰的汁底，有層次感，加上香茅草和薄脆，吃得很滿足！真的一年4季都啱食！跟著來的是生炒糯米飯。 糯米飯炒得很乾身，好有口感！份量十足不油不膩，腊味的滋味和油分很甘香，和糯米飯很搭配！我們仲加了兩條膶腸和一條腊腸！ 膶腸超正，鮮味有

Ser Wong Fun is a legendary restaurant in Shatin that has been serving snake-based dishes for generations. This unique establishment embraces the rich culinary heritage of Cantonese cuisine by featuring snake as the main ingredient in many of its dishes. The restaurant's rustic and traditional setting adds to the overall experience. The star of the menu is the snake soup, a delicacy known for its health benefits and complex flavors. The soup is prepared by simmering snake meat with a blend of Ch

自從立秋後，入夜無之前咁熱嚕～最近起中環行街時發現有一間食蛇既傳統餐廳《蛇王芬》，呢間餐廳屹立在港已經八十三年，佢同其他食蛇鋪頭有少許分別，就係有燉湯飲❣️估唔到蛇、燉湯同炒湯係咁夾架😍小妹爸爸好愛飲湯，決定同爸爸嚟《蛇王芬》撐枱腳😊我哋兩個叫左一份「燕窩蛇湯·海鮮節瓜盅配蛇王芬臘腸蟹肉蛋白炒飯」、一份燉湯配碟頭飯系列及一碟清炒西蘭花，初初以為一人份量應該唔會大份啦，點知份量十足兩條友差啲食唔晒😂不過勝在湯又好飲、飯又好食🤤不知不覺就食晒✌🏻▫️ 燕窩蛇湯·海鮮節瓜盅紅色燉盅一路熱住碗湯，蛇湯湯料十足，有玫瑰花、薏米、蛇肉、節瓜、燕窩、蝦、蟹肉，爸爸好西利飲到無味精少鹽，係湯料既原味！有玫瑰花同燕窩養顏又補身🩷🩷▫️ 臘腸蟹肉蛋白炒飯掀開盅蓋，映入眼簾係色彩繽紛，有別一般蛋白炒飯，配料十足，臘腸、潤腸、蟹肉、蛋絲、紫椰菜絲、蔥花，重點係炒到粒粒飯香，連屹立在港六十年既爸爸都讚不絕口👍🏻👍🏻▫️無花果蜜棗豬肺湯燉湯套餐有四至五款特色盅湯揀，第一眼望到《蜜瓜瑤柱響螺湯》可惜賣晒🥺，跟住就揀左今季當造水果《無花果蜜棗豬肺湯》，爸爸話呢個湯坊間較為少有！又一碗足料靚湯😍😍 蜜棗，瘦肉，無花果、雲腿、豬

近來工作繁忙，有需要靠食療進補一吓，就嚟咗中環百年老店<蛇王芬>，一邊食一邊養生😛燕窩蛇湯海鮮節瓜盅套餐 ($188)套餐包含<燕窩蛇湯海鮮節瓜盅>同<蛇王芬臘腸蟹肉蛋白炒飯>兩味菜，另送<公利蔗汁>，可惜我哋幫襯當晚<公利蔗汁>送晒，無緣一試😖<燕窩蛇湯海鮮節瓜盅>蛇湯玫瑰花香同肉香非常突出，湯頭清澈，飲落令人好快暖身🥰 海鮮節瓜盅含有多款矝貴食材如燕窩、蟹肉、乾瑤柱、蝦肉等，口感層次非常豐富，滋陰營養值爆燈🤩 老闆娘向我哋介紹蛇湯嘅益處，同埋精選節瓜（全年收成，性質適合唔同體質食客食用）、玫瑰花（紓肝鬱）等入饌嘅心思，令我哋都十分讚嘆<蛇王芬>美食嘅保健價值🥺<蛇王芬臘腸蟹肉蛋白炒飯>好有鑊氣，配料份量毫不吝嗇，各散發獨有鮮美，飯粒分明唔油膩，美妙😍經典太史蛇羹 (每碗) ($140)蛇肉十彈牙，同市面其他蛇羹相比，<蛇王芬>嘅蛇羹肉香好濃，感覺沉實、偏鹹唔甜🍲 加上各樣配料如木耳絲、果皮，食落足料，味道天然😇西檸煎軟雞 ($140)傳統老

美國朋友主動話要食呢間，作為香港人傾，我都未試過呢一間老字號。裝修好有香港懷舊特色，感覺以前嘅酒樓就係咁樣嘅間隔。蜜瓜瑤柱燉螺頭(秋冬) ($120): 對於幾時要飲乜嘢湯，冇咗媽咪喺度我真係唔係好清楚，好彩佢哋餐牌上邊有寫住邊一種季節適合飲咩湯，方便可以適時進補。一上堂嘅時候，已經聞到好大浸嘅鹹香味，佢哋加咗豬肉同埋好多瑤柱，真係好足料，蜜瓜香甜潤喉，好耐冇飲過撳香濃嘅中式湯！金菇瑤柱扒豆腐($120): 呢樣係我揀嘅，有印象細個喺酒樓食過，但係好似近來都冇乜見過呢一款懷舊菜，香煎豆腐，配上金菇瑤柱芡汁，識落熱辣辣，最啱就係送白飯($20)! 菠蘿咕嚕肉($140): 呢個係我朋友嗌嘅，佢話喺美國食唔到正宗嘅咕嚕肉，所以每一次去到中式餐廳佢都必點。呢度嘅菠蘿用上新鮮菠蘿，而且咕嚕肉係冇骨嘅，每舊啖啖肉，炸皮唔會過厚全部啱啱好，酸甜度亦都適中！總結：而家去得多新派食肆，其實間唔中離婚懷舊香港老餐廳都唔錯，真係食得返兒時嘅味道，其實呢啲舖頭喺香港真係買少見少，趁而家佢哋仲捱得住嘅時候我哋就應該好好幫襯去支持吓啦。

蛇王芬地址: 中環閣麟街30號地舖電話: =====================蛇王芬，我細細個就聽過呢個名啦，老店名字深入民心，多了口啤。除了蛇，一般人印象都是秋冬要進補暖身先食，現在夏天有什什麼好介紹呀？有飯，湯點心小炒等的，叫了個套餐$188燕窩蛇湯海鮮節瓜鐘套餐，很補身的燉湯，湯頭有冬瓜夏天補水，而燕窩就養顏，蛇肉除低脂高蛋白質，更可以補氣，成個湯都是精華來！蛇王芬臘腸 蟹肉蛋白炒飯，飯粒粉得很粒粒分明，很多料每一口都食到不同材料在口中！家鄉雜菜煲 $120,清淡健康少油菜式，加了蝦米吊味，大量蔬菜外仲有粉絲。瑤柱煎芙蓉蛋角 $130，慷慨很多蝦肉同豬肉碎，煎得整齊仲加了芽菜洋蔥，令口感多了份爽利。

🐻位於中環的蛇王芬，今次去試了他們的午餐🐻套餐係$150元有一盅燉湯和一碗雙併燒味飯🐻叫左蘋果海底椰燉湯，味道香濃，料頭十足，雙併飯有叉燒，油雞，切雞，燒肉等選擇，我叫左叉油雞雙併，叉燒不錯，味足肉嫩帶有適量的甜味，油雞都很嫩滑，要注意的是他的飯量真係一碗，男生唔會夠飽🐻美中不足是一誰店舖有浸怪味，店員服務一般，愛理不理咁🐻蛇王芬 (中環)中環閣麟街30號地舖

蛇王芬 中環閣麟街30號地舖中環扶手電梯旁的一間老字號店舖除非左食蛇出名 仲有小菜 燒味都可以試下叫左一碗油雞瀨粉 蔥油好香 食胸位大大嚿中式炒牛柳$170嫩滑的牛柳肉為主料牛柳的炒制過程讓其表面微微有些焦香 加埋洋蔥爆炒一道傳統的中華美食咕嚕炒蝦球$200獨特酸甜口味廣東菜系美食呈現出金黃色的外皮，蝦球外酥里嫩 搭配著鮮艷的青紅椒，整體顏色豐富鮮明醋和番茄醬的組合賦予了菜品濃郁的酸味酸甜對比的味道，往往能刺激味蕾

膶腸香煎鯪魚角 $140好少見到膶腸煎鯪魚角呢碟菜，尤其呢度膶腸、臘腸咁出名~煎香嘅膶腸原來咁香脆，surprised。加埋蛋、鯪魚煎成一大底，好夾！海鮮炒河 + 燉湯套餐 $190喜歡家庭式湯水嘅話，一定要飲呢個足料豬肺湯。d豬肺同配料燉到入口即化，d精華溶晒入去，正😊呢度嘅炒野唔使多講，夠哂鑊氣，海鮮炒河，新鮮、好味！d河粉沾滿醬料味，仲咁多海鮮，好食。燕窩蛇湯 + 海鮮節瓜盅套餐 $188睇過介紹，蛇四季啱食，見呢個餐幾清新咁：蛇湯清清甜甜，仲有燕窩，upgrade哂😁加上節瓜消暑、清熱，呢款湯好啱夏天飲！配蛇王芬臘腸蟹肉蛋白炒飯炒飯用臘腸、蟹肉、蛋白炒，夠香口。而且好多料，至愛嘅臘腸，原來同蟹肉好夾！