蛇王芬

营业中

休息中

真真是我吃到香港最難吃的蛇店，沒有之一。和朋友兩個人去吃的，所有的菜味道到很奇怪。比炮台山或銅鑼灣的差得太遠，還特別貴。很不理解為什麼還沒有關門。看來老闆有錢造。

下午跟同事去蛇王芬吃个午饭，喝了花胶水鸭汤加两个小菜和白饭感觉很温暖特别是在下雨天🌧 这种老店在香港已经不多，服务生都是一把年纪，在店里做了几十年，对店里的食物非常认识，也可以给很好的介绍，仿佛回到家里吃饭的感觉，很窝心一定要再去，支持老饭店

雖然而家並不是食蛇羹嘅季節，但係我實在好鍾意蛇王芬餐廳入面的荷葉飯！端上枱嘅時候會見到一個竹造的蒸籠，揭開荷葉就會見到好大盆荷葉飯。非常非常香！當你食每一啖飯嘅時候，都會有一陣好香嘅荷葉味同埋淡淡的竹香味，而且飯粒唔會太硬或太軟，絕對令人食唔停口！荷葉飯入面仲有幾隻大蝦，所以令到啲飯帶有鮮味！荷葉飯份量好多，只係食咗一半就已經個個都飽晒，要打包返屋企。如果係冬天嘅時候，一定要叫埋佢哋嘅當家蛇羹，一碗碗非常足料，食完個人真係暖笠笠！

中午11點一開門就入去，成間餐廳都係我一個客。几個侍應個個掛住睇電視，落單就漏單，黑口黑面，要服務就叫你自己攞。去得早成間餐廳得我一個人，唔係忙啊！買單＄570，一個人中午食晏570，就話唔算豪，都唔係平呀嘛。吃完飯問個服務員攞張紙巾，佢叫我去櫃檯自己攞，然後話呢個公共嘅。嘩大佬！我俾足錢咖，仲以為去咗57蚊嘅大排檔添。依家好多大排檔嘅服務態度都幾好啦，呢種服務態度餐廳以後都唔好預我呀，周街都係餐廳，使唔使俾錢去受氣啊！

d碗蛇羹係我人生中食過既所有蛇羹裡，最難食的一碗！以前都有幫襯過中環蛇王芬，但今日d碗同以往的味道完全不同，係甜架！係甜架！仲要係甜的怪味！成碗甜品咁，初初以為佢落錯左糖，同職員講番和邀請佢地自己試下，因為我叫的係一窩都係“不”出黎落碗度食且食左頭幾啖已覺很有問題但職員只係換番兜加左鹽的甜蛇羹俾我完全不是蛇羹應有的味道。我仲叫左一窩380蚊，做咩現家變左窩糖水，完全無蛇羹的味道100%難食同怪味👎

一间过份被传媒抄作的餐厅，基本上吸引遊客为主。试过招牌蛇羹味道尚算ok。糯米饭无乜特别。蛇碌四佰几味道真系好一般。雪藏野收你嚟个价钱。以上只属个人意见无野讲不推荐。

一間好貴 但係好好食ge餐廳 點左一個2人餐有1碗蛇羹 黃金蝦 荔芋滑雞煲 膶腸雞煲仔飯 是日糖水係陳皮綠豆沙 盛惠740個大洋 因為唔收任何卡 所以食到1蚊都無 記得禁左錢先好黎黃金蝦 得4隻 望落去無咩蛋黃 但食落就知真材實料 蛋黃汁收到超乾身 食上去無平日咁油 而且每隻蝦蝦頭都有小小膏 mix 左蛋黃汁真係無敵好食荔芋雞煲 芋頭夠哂粉 雞夠滑 底d汁有d 溶溶地ge芋頭 送飯食一流煲仔飯亦保持一貫高水準雖然食材不貴 但美味卻是不平凡 所以就算貴 還是值得一吃

上星期天氣持續寒冷，人人都去食碗蛇羮暖身，蛇羹唔啱我，但都嚟到蛇王芬飲個燉湯補一補😉6點幾攞位已經差唔多坐爆，都幾旺場，有燉湯有燒味有小菜，碟頭飯唔算貴，小菜就中價，都要百幾蚊一個。左邊係海底椰蘋果雪梨燉豬𦟌，右邊係蜜瓜瑤柱燉螺頭，$100一盅都幾貴，但真係好足料。蘋果雪梨係勁甜，所以我覺得蜜瓜螺頭有「湯水」嘅感覺多啲😅家鄉什菜煲，要$110，其實只係一個普通什菜煲，冇咩好挑剔。粟米石斑塊，$180，從商品說明條例生效開始，好多地方都將呢味餸改返做「粟米魚塊」算數，佢寫得石斑即係真係用斑啦😎份量都幾多，製法都係炸好先再煮個汁淋上去，上碟就仲會食到脆卜卜。個斑塊略嫌切得太薄，炸出嚟粉比較多，冇啖啖肉嘅效果。兩個人都食六百幾蚊，小菜ok啦，講唔上好出色，不過係間唔時嚟飲下湯架乍。

[ 寒冬必食 | 暖身暖胃🐍]••想同大家happy share🤗男朋友未食過，又勁抗拒食蛇，然後我威迫利誘下應承同我去食😼✌🏻去緊既途中佢想縮沙，又問可唔可以一碗兩份，又問可唔可以食左其他野先🤦🏻‍♂️-🔹蛇羹($120/碗)⭐️7/10我最期待係面頭啲脆脆😍好濃烈檸檬草味，湯底算稀(以前食過都比較杰身)🤔味道幾好，有木耳絲、大量雞絲、極少蛇肉🐍我諗一碗入面只有20分之1係蛇肉🤷🏻‍♀️只係感覺上咁貴一碗，唔足料就唔係好抵💸📌PS. 男朋友最後食得仲快過我，話要比8分😏-💡點解食蝙羹會暖？蛇羹加入行氣活血材料，蛇肉有通經絡、促進血液循環，所以食完會覺得暖身興合合🔥其實夏天都岩食架☀️可以幫助出汗同排毒💪🏻-🌚最後男朋友夜晚仲同我講，佢老闆介紹另一間蛇羹比佢🐍我地遲啲再去食，佢由原本唔肯試，到依家愛上左😚---更多食評ig: hungrykays 💁🏻‍♀️

又貴又不好吃嗎！非常失望的一餐！我和我的朋友也不會再來！$120 一碗蛇羹，裏面的蛇肉份量非常少！$150 芋頭炆雞，芋頭不見得有幾件，可能都溶化了，雞與芋頭是沒有關係的，好像是分開煮好然後放在一起而已。最慘是雞件，只有幾件，又細又嚡口！蜆蚧煎鯪魚角，不是角而是炸粉餅，不是煎的，而是炸的，而且沒有鯪魚味，魚肉水分高！只有清炒菜遠還算可以。地方狹窄，地板濕滑。服務員沒有禮貌，態度差，亦不願意幫助客人，不回答客人的提問。

原本一家人想食蛇暖暖胃，便興致勃勃到有名氣的蛇王芬食蛇，點知超級失望，一定冇下次！我地三個人點了蛇羮，蛇丸，生炒糯米飯同一蝶姜汁炒芥蘭。蛇羮一上枱就只係暖，唔夠熱，仲要全褒雞肉絲佔90%，蛇肉絲得果幾條，已經唔多高興，不過吃下去味道還OK,便算了，期待着蛇丸。蛇丸一上枱，我便急不及待夾一粒來吃，一咬，OMG, 全是豬肉！這一究竟是豬肉丸還是蛇丸？老公忍唔住問伙計：｢這是蛇丸嗎？好像全是豬肉，以前吃的不是這樣！｣伙計回答:｢一定有溝豬肉架啦！太公係度果陣係好D既。｣大佬，你收我成四佰幾伍佰蚊一蝶｢蛇丸｣都唔係俾｢豬肉丸｣人呀嘛！唯獨生炒糯米飯同炒芥蘭還可以！以後一定唔会再去！

近日天氣凍，好想補補身體，想起食蛇就揀咗蛇王芬，因為歷史悠久，讀書時去過，當時已覺得好味！我覺得這裏環境比其他食蛇的食肆乾淨同整潔好多！價錢雖然比較貴一些，但起碼坐得舒適！我們晚上六點左右去到，人流不算太多，兩個人不用搭枱，還有兩張櫈放東西！我們叫了兩碗蛇羹$120元一碗，蛇羮落足村料，味道一流！叫了一碟細腊味糯米飯$140元，已足夠兩人份量，每人有兩碗幾飯，糯米飯好香口好軟熟，不硬但好有口感，腊味好好味，但只覺花生比較少！然後我們叫了一碟上湯豆苗，菜非常嫰，好正😍！老字號食店，服務很好，職員全無架子，好有禮貌，店內還有好多小菜和燉湯，下次我一定會再來吃😍😘

香港貴為全球最長壽的地區，日本傳媒早前列出香港人的「飲食秘笈 」，其中一項就是吃蛇羹，因為蛇羹可以促進血液循環。無獨有偶，今次公司大老闆請我們去百年老店—蛇王芬吃午飯，我們這個年代真的很少吃蛇羹，今次倍感新鮮呢！門口懸掛「蛇王芬飯店」的金漆牌匾，還貼上不少雜誌訪問和報導，原來賣蛇羹的食店一律以「蛇王」為名，又長知識了！店內一張張小圓檯盡現老香港的懷舊情懷，裝潢簡樸，正如店裏的菜式，不靠冠冕堂皇的裝潢，只憑真才實味取悅客人。⭐️太史五蛇羹（細）年長的同事跟我說，由於店舖以煲湯起家，所以湯底略勝一籌。以蛇骨、北菇、果皮、雞、火腿、生薑等食材熬煮湯底，配以鮑魚絲、雞肉絲、冬菇絲、木耳絲、五種蛇肉絲等燴羹，再撒上檸檬葉和薄脆，提升鮮度，口感豐富。工序之繁複，聽到已把我嚇怕了，這滋味來得不易。品嚐起來蛇羹的味道類似碗仔翅，蛇肉與雞肉口感很相似，一般人是分辨不出的，但蛇羹那種獨有的淡淡腥味，是聞得出來的，晾在一旁的檸檬葉剛好中和了這味道。除了蛇羹，老闆隨便指滑餐牌幾下，就點了好幾道菜，一看就知道他是這裡的熟客，席間熱情的老闆娘Gigi還坐在我身旁跟老闆談天說地。⭐️臘味糯米飯⭐️潤腸這裏的潤腸以新鮮鴨醃

冬天的時候，我好鍾意去蛇王芬開飯，它的燉湯和臘味飯簡直就是驅寒的妙品😻😻😻丨臘味糯米飯：蛇王芬出名臘味，糯米飯的臘味粒粒甘香鮮味，糯米飯一粒粒煙韌可口，臘味的味道完完全全與米飯融和成一體😻😋👍🏻👍🏻👍🏻吃完後成身暖笠笠，感覺超正❤️❤️❤️蜜瓜響螺燉湯：每盅湯都有蜜瓜、江瑤柱、響螺及瘦肉，真係超級清甜好味，直情好過我阿媽煲的湯！它不單單好味而且只是吃了幾口湯，成個身已經超暖，仲好熱添😻😻😻

嚴寒天氣下，身在海外，白雪紛飛下，朋友們説起，特別思念香港的食物，首選臘味糯米飯及菊花五蛇羮：）回港後，仍未征服時差，逕行奔往蛇王芬一慰思念之苦！份量足夠2-3人，糯米不太軟，也不太硬，恰到好處：）材料十足，亦不油膩，實在不枉此行，多走一次也值得😂個人較喜歡閠腸的甘香，不肥不腴，糯米飯以外，再加叫一條以作慰藉，仍是令人叫好：）既以蛇為鎮店之寶，到來後怎能不嚐呢？我的評價是質材俱佳，唯欠菊花，是其不足之美！但整體清香，令人吃後有著暖笠笠之感：）離港前一定要重來一次，風雪何懼⛄️，我有蛇羹😝