蘭苑饎館

营业中

休息中

豉汁蒸白鱔+ vegetable + rice + soup $40: the portion is enough. tastes quite good but a little bit salty.栗子排骨煲+ vegetable + rice + soup $48: except many chestnut and spare ribs, there are onion, brocolli. it tastes good but we can't eat all meat because there are too many. it is a little bit salty too. the soup has pork and dried 龍眼, don't really know what soup it is but it is tasty. the soup is free when two ppl have two sets. overall, good for money

今晚公司有function黎警察遊樂會到攪,set完d野同同事2個7:30行過黎食野,等左15分鐘先有位.今次要左梅子醬梅菜蘿蔔白鱔$48,+油麥菜+白飯2碗.另叫左一碟芥蘭$10.梅子醬梅菜蘿蔔白鱔味道有點怪,我諗梅子醬都系煮排骨好d!甜品同事要左芒果布甸$16,頗多芒果,味道吾錯.自己要左杯黑芝麻黑豆漿$7,相當香芝麻味!大豆亦頗濃,而且無渣!許多豆品店都比吾上,值得推介!埋單$81,claim公數,點都抵!

The soup and the chicken 煲are very delicious! The dessert tastes good too!And I agree that the owner is very welcome for customer to ask him questions related to health and chinese medicine...Well deserve and highly recommend to everyone!

對我們來講這裡是明符其實的飯堂, 因就在屋企樓下; 平時無節目或者唔想去咁遠的話就會過來開餐.依道ge 套餐平均四十多元, 已包括湯和油菜. 最鍾意佢d 湯, 簡直絕讚!!! 佢款款湯都煲得好好味兼且無味精, 而由於老闆是中醫的關係, 湯水亦有藥膳的功能. 對於我等無飯家庭來講簡直係一流!菜式方面有很多選擇, 有煲仔及碟上的形式, 當然煲仔比較貴些但份量亦多些. 如果第日想帶飯的話通想會叫煲仔飯; 而且白飯仲任裝tim!

今晚不想去太遠，就決定在樓下食。我們叫了兩個套餐，包括：例湯，節瓜、豆腐和鯪魚球及腐乳雲耳蒸雞，唐生菜。先來兩碗例湯，真正老火湯，完全沒有味精，又好味，實在不可不試！節瓜- 好新鮮，煲得好，好入味，味道又好。豆腐- 大大件，可惜味道一般。鯪魚球- 好有鯪魚肉味，也好有咬口。唐生菜- 唔多新鮮，味道麻麻，今晚最差的一樣。

來這裏食飯已試過很多次，但只食甜品，又真係第一次。我們叫了蓮子合桃露、椰汁涼粉和白車厘子糕。蓮子合桃露- 蓮子都算幾好，但唔多夠；合桃露味道都唔錯，但相信加了粉，所以好杰，飽肚食就唔多好了。椰汁涼粉- 椰汁好新鮮，味道也很好。白車厘子糕- 問侍應係什麼味來的，她們都唔知；叫來試試，味道很淡但怪怪的感覺，自已也說不出是什麼味道，有點像什麼粉開出來(好假的感覺)，不值一試。

閒日6點未夠7點去到都係冇兩人檯, 要坐大檯今次都係叫兩個小菜~一個係自選煲仔，一個係肉絲雲耳扒瓜甫瓜甫好味~ 細細碟，0的肉絲好入味~不過個煲仔就麻麻可能係我地唔識點match 啦~要0左梅子汁不過就要茄子攪到唔知點咁~....最後叫埋芝麻同桂花糕外賣~因為實在太飽了!

7:30 pm 去到好多人，要等位~ 不過唔係等0左好耐~叫0左兩個小菜- 雲耳蒸雞同蒸肉餅唔講佢0的送好唔好味~ 佢個湯好正~ 去飲佢個湯都抵~0的送都好ok，好似屋企feel~ 不過0係屋企又唔會食呢0的送最後仲食埋個馬蹄糕& 波蘿糕都唔使一百蚊! 抵呀!

首先食左個芝麻糕$6...好味!! 夠彈牙、有芝麻味..唔會太漏(因為擔心食完飯食唔落...兩個人叫左兩個餐)好抵食...一個餐包括一個湯(送既)，一個主菜(任撰如雞、鱔)配兩種配菜(包括豆腐、海哲、皮蛋等..其實都唔少都唔係幾係配菜)再配汁...餐仲有一碟油菜...一個餐都係$48...真係好抵..一流...服務都ok...坐得舒服+骨子會想再去...

住左太子一年只係去粥皇湯后.睇完openrice今日同女友走去試一次.女友一心想食鱔可皆冇晒.叫左咸蛋肉餅,蝦漿魚肚蒸水蛋油菜要左通菜加芥蘭.先上中湯. 好重藥材氣味,聞果時似飲"苦茶"果d味.飲落味覺上反而係甜甜地.一定就健康過d例湯,但個人唔like依d湯.而且冇選擇.油菜唔算新鮮.普通.油菜係咁上下.蝦漿魚肚蒸水蛋配合出黎既味道好怪.魚肚爽.水蛋極滑而且一d都唔老.功夫好好.但味覺不配合.咸蛋肉餅,最容易可作比較既菜式,味覺唔錯.馬蹄好爽.但咸蛋太硬唔碎撈唔到飯. 白飯亦唔夠飯氣整體係平均.可能期望過高.最後買左菊花馬蹄糕,桂花糕,波蘿糕各$6菊花馬蹄好香菊花.馬蹄又係好爽.唔加馬蹄可能會好d(浸會大學聯福樓既菊花糕會好食好多)桂花糕有藥味略苦(或者叫甘都得既)波蘿糕最好食最正常.前兩者其實可能食唔慣jer可以一試.下次有機會再黎一定要試下鱔類同龜苓膏.

今晚公司有function 系太子警察遊樂會到搞,set好晒d野後帶同事黎呢度試.8點去到剛剛有人埋單.我地叫左豉汁蒸白鱔+米粉+湯$40---呢度d鱔點整都咁正!咖哩杬角蘿蔔豬軟骨煲+白飯+湯$48---咖哩吾太辣,杬角咸咸粉粉咁,個人接受吾到!豬軟骨則相當正!蘿蔔亦入味!埋單$88,入公數,多謝老細!^^...

剛剛起身食埋個芝麻糕,雖不算好滑,但芝麻味頗濃郁,$6算交足功課啦!

今日不在狀態,諗住放工搵間近近地食完飯可以快d返屋企歇歇;諗起呢間由今日開始有返小菜供應.於是7點左右去到,比平時少人,可能吾系太多人知有小菜供應返.我地2個叫左蝦膏蒸白鱔餐,$40加左價(原價$34),加幅都吾細,但好食又吾系貴得好過份的話系絕對可以接受.蝦膏咸咸香香,白鱔肥美滑溜,雲耳墊底,正!另外叫左自選煲仔套餐$48,今次叫左柱侯雙菇銀芽排骨;overall都吾錯!唯柱侯吾夠惹味,下次試香茅咖哩/南乳.例湯---龍眼淮山煲豬骨湯,當然系無味精靚湯啦!最後take away左芝麻糕$6,未食,埋單$94,仍舊算抵啦!

今日下午過太子辦點公事提早放工,行過黎買佢既菠蘿糕食,$6 一小杯,甜度恰到好處,但還是較鍾愛桂花糕.多口一問阿姐而家系咪剩系供應米線及甜品,佢話"系",但下星期開始有小菜套餐供應返,對於我地呢d為食之人,絕對系天大喜訊!^^...

4 月中同ball n Terry 食，套餐扺+好食ar!!梅子蒸排骨好開胃！其他都Yummy Yummy .下...我想再去食套餐a..好失望a..真係無味精同有水準ge 鋪頭..希望快d 有番la！