蘭苑饎館

营业中

休息中

8/6,又落MK了,又要頭痛食咩好久仰'蘭苑饎館'大名,只知近界限街,心血來潮上openrice 睇地址.....點知竟然得到一個消息: 小菜/粥麵飯呢d 9/6之後暫停供應(按:琴晚去到問個阿姐話十號之後無) 望下個日曆,8/6....咦?仲有機會試到喎^.^V地點其實o係太子,近運動場道o個邊...旺角警署後面'酒吧街',七點半到去到,條街好靜,但係間舖就坐滿人,幸好等左一兩分鐘就有人走了我地叫左兩個set,一個係豉油皇清遠雞($42),同梅子蒸排骨($35),跟飯跟湯同油菜,先黎兩個例湯,我唔知係咩湯,只知有d花膠似的既料,好清甜,一d 味精都無,好好飲,豉油皇清遠雞唔生,一d 血都無,但仍然嫩滑,梅子蒸排骨,夠酸夠梅味,好好送飯~食到好飽,但都想試下個桂花糕,點知剛剛買晒不過唔緊要,佢地唔做晚飯小菜,下次再試都得我地叫左芝麻糕同菊花馬蹄糕,一向唔好甜點的我,都覺得菊花馬蹄糕好正!好清香,好似五花茶jelly 加馬蹄粒!下次一定要再試佢地d 野無味精,選擇好多,希望只係'暫停供應'小菜吧,等我有個飯堂都好~不過好似話繼續會有湯水,咁我都專登去飲湯架!

蘭苑饎館停止供應小菜及飯麵了. 今後主力賣龜苓膠,甜品,湯水及小食.認識這間店子才短短三個月左右的時間,嚐了幾次好口福.又一次相逢恨晚的經歷.$35一客套餐,有湯有菜有飯...而且用料新鮮不會將貨就價...款式如蒸肉餅,蒸水蛋,蒸鯇魚,清遠雞等等都很有住家飯的風味.$8一件的糕點亦很精采. 個人尤其喜歡菠蘿糕,紅莓糕,愛其清香而且果肉夠多.三個字: value for money.臨別秋波五日內去了兩次...想在味蕾盡量留下多些記號...實在可惜,希望老闆有朝一天會回心轉意再次益食家...

2005年5月28日(星期六) 下午2時第一次光顧這食店，這裡位置比較隔涉，過了午飯繁忙時間還有四成人光顧，真的不錯！可能人手不夠，坐了十分鐘才有侍應招呼我們。因餐牌有好多食物選擇，我們不介意等耐少少，跟著我們點了一個煲仔套餐和一個中式套餐，隨餐附送例湯及油菜(選了通菜和菜心)。例湯首先奉上，飲一淡已覺得好掂，老火湯即是老火湯，絕不感到有味精；至於油菜，通菜和菜心已走油，都好新鮮，有吃住家飯的感覺。南乳山根蓮藕豬手煲套餐($42)：選了跟粗麵(跟飯都得)，豬手炆得好入味同好腍，亳不油膩兼好有咬口；加埋同樣充滿南乳汁的蓮藕和山根，真的好掂！冬菇雲耳蒸鮮雞套餐($43)：中式套餐只是35元，因採用新鮮雞的關係，雞類需要另加8元；個人覺得雞沒有雪味，真的像家中吃的沒大分別。金錢龜膠一盅($48)：順便試埋這裡最出名的金錢龜膠，趁熱食再加上少少盬，甘香無比，絕對是清熱氣的首選！這裡不設非吸煙區，還有洗手間十分濕滑，如無緊急需要，不去也吧！P.S. 店內貼了告示，6 月9日起暫停供應粉麵飯。真的可惜，剛找到了這間無味精食店，希望他們增加人手及恢復小菜供應啦！

今晚專誠過黎食晚飯,因佢地小菜只系供應到下個月9號(老闆娘話做小菜賺吾到錢,因佢地一定要用靚野,但又吾想加價),要食既朋友要趁早!7點左右店裏近乎爆滿,好彩咁arm有張走.我地2個人叫左蒜蓉山根豆腐龍利柳套餐$42同沙茶枝竹白蘿蔔滑雞煲套餐$50,2個套餐包油菜,例湯,一碗白飯(任裝)/粉麵,全部即叫即做.蒜蓉山根豆腐龍利柳---芽菜墊底,山根入味,豆腐龍利柳相當滑!份量亦頗多!沙茶枝竹白蘿蔔滑雞---十分惹味!配料有雲耳冬菇,枝竹入味,白蘿蔔清甜無渣,雞件同樣滑溜有雞味,又系多到食吾晒要打包!油菜要左油麥菜及通菜---油麥菜都幾嫩綠,通菜就老左d,黃左d!例湯---蓮藕眉豆湯,絕無味道!我地要左一碗白飯及幼麵,幼麵比得上一些有質素既麵家,麵身彈牙且無簡水味.甜品要左紅莓糕及桂花糕,$6杯,本來想試埋菠蘿糕但已沽清!2款都十分有水準!老闆娘雖粗粗魯魯咁,但其實十分友善,埋單$104,同男友一致認同:"終於食到間好野啦!"6月9號後佢地會以賣糖水,小食及湯水為主,老闆娘話款式會比而家多, 熱切期待!

很多時也會來這裡食，貪它的例湯好味又足料，最好係無味精。可惜到月底便沒有套餐了，趁它快將不做，昨晚又和辣椒女再來食。我叫了一個清湯、西蘭花、栗子和肉鬆煲套餐；味道唔會太濃，肉鬆很鬆軟，西蘭花和栗子就一般！跟來的菜，今次就好唔新鮮了，食了部份便沒有再食了。辣椒女叫了一個白切雞套餐，雞肉唔會太韌，但相信係雪雞，沒有什麼雞味。今後想飲無味精靚湯，相信除了自家煲的外，也要去很遠才會有得飲了。

昨晚來到，跟館長閒談，他說會做番醫館，不會再推出自家飯和粉麵，只供應金錢龜膠、糖水、糕點和等小食，主打應診，聽後雖感可惜，但幸好不是結業，否則更可惜。昨晚試了$90 的金錢龜膠，入口有少少甘香，有咁苦，而且比$48更大盅，可以分兩碗來吃！p.s. 有意幫襯的食家要早點去到，因為勁多人啊，更重要的是趁早啊！

因少湯水飲,我們時常也來這裡食飯,因這裡的例湯無味精,套餐又可自選,喜歡食什麼都可以,而且味道也很好.今晚我就叫了自選套餐清湯,粟子,節瓜,鯪魚球煲- 粟子好,幾好味;節瓜很新鮮,唔錯;鯪魚球很彈牙,很有鯪魚味,正!另一個係沖菜雲耳蒸雞- 雞很有鮮味,很嫩滑,幾好.這裡時當也很多人,如遲一點來也要等位.

男友昨天又拉我來，說想多吃一次金錢龜膠。今次我要了桂花糕，好清，桂花好香，但糕身稍嫌唔夠挺，同細杯o左少少，我始終要食好味o既桂花糕，必須要到台灣才行，真係好好味。

男友話自己好熱氣，所以同佢o黎食龜苓膠。要了一盅$48 的金錢龜膠，另要芝麻糊和一客紫菜四寶湯。芝麻糊好香，有朕藥味，唔甜，真係十年如一日都係咁；四寶湯好多料，除四種丸和紫菜外，還有冬菜、生菜…清清o地，跟在粉麵店的湯底完全不同，夠晒健康，惜魚彈和墨魚丸不算太彈牙。來到重頭戲龜苓膠，由於我想試啖，所以猛叫男友加冬蜜，入口超苦，而且有少少酸味，但有位阿姐說這是正常的，若果食唔到苦，就真係好熱氣，她說得一點都不錯，因為男友說不苦、無味~~~~

今晚叫左兩個自選配搭餐分別係沙爹雙菇粉絲牛肉煲同豉汁豆腐白鱔煲例湯係芥菜湯好清甜又唔油豉汁豆腐白鱔煲～呢個有驚喜，白鱔份量好多，而且好入味，但就片片都切得好薄，不過至奇係明明只係點左一個配菜同主菜，但就有埋山根同芽菜，好味道，俾我地清晒碟沙爹雙菇粉絲牛肉煲～好多牛肉，但無乜味，到最後食剩好多；粉絲同雙菇都幾入味，但份量少左ｄ；不過ｄ汁都幾油下，唔係咁符合佢所標榜既健康飲食喎不過真係好多人下未到七點已經滿座仲要有人o係門口等位可能人手唔多夠寫菜都叫人叫左五分鐘先有人理我

今晚六點九左右去到竟然唔係好多人叫左兩個set豉汁蒜蓉山根豆腐龍利柳煲同黑椒蜜糖洋蔥薯仔牛仔骨煲跟餐有湯同油菜各一飯係任食既豉汁蒜蓉山根豆腐龍利柳煲～清清地，不過唔多覺有豉汁味，但就好香蒜蓉味，豆腐無上次食咁滑，但都ｏｋ；而龍利柳好大件，個煲上檯時成個面都係，食極都仲有，好抵食！黑椒蜜糖洋蔥薯仔牛仔骨煲～呢個好野味，但一ｄ都唔油，薯仔同牛仔骨都好入味，不過牛仔骨有少少ｕｎ，但ｏｖｅｒａｌｌ呢個好食過豆腐煲添！湯係淮山杞子豬肉湯，好濃味但飲完唔會口渴，而且想飲多碗添！菜要左芥蘭同菜心，都好新鮮，幾清甜，唔錯！埋單都只係84蚊，朋友仲問我係咪計錯數，因為好抵食！不過人手唔係太夠，入到去坐低想搵人寫野都等左好耐

先幾日，女朋友話呢度介紹評語話呢間o野好服務，好味。咁就打算一齊去試試。去到，唔駛等。但一入到去，無人理我o地，我o地見到有張兩人枱，就行埋去，沿途一途冇人理我o地，望都冇望，我以為我o地兩個死o左添。直到坐低，都冇人理我o地，有個肥阿姐仲問我o地係咪叫o左唔知咩咩咩煲……我先答佢\我o地o岩o岩坐低，佢\o地先知我o地係未叫o野食o既！先識放兩杯茶落黎！坐低後，令到我好不安o既係，o係枱面o個個醬油兜，個size 係錯得好緊要！個兜佔o左枱面差不多四分一o既面積，叫人點可以舒舒服服咁食o野？我o地睇o左一輪餐\牌後，決定要兩個自選煲。好唔容易咁求祈叫o左個肥姐姐黎落單。嘩……認真唔掂，落兩個自選煲，total 都係六樣o野，寫單寫o左超過五分鐘。同埋佢極度唔熟個餐牌，答非所問！不過，Ｄo野食都算係幾好味，我o地叫o左Ｄ騎呢配搭，但都好快而準地送到。仲好新鮮。食物不錯。不過梅子煲真係酸o左少少，但未去到唔好食o既地步囉！

今日同老公去試下呢間咁得意ge野啦~我地去到12點幾..都冇咩人~去到問下個姐姐有咩好介紹~雖然佢講野唔正,我地諗左好耐至知佢講咩~但係佢笑咪咪咁~冇所謂啦~之後諗定左叫野食啦~點知開始多人~姐姐都唔得閒啦~阿老闆幫我地寫單~我地問佢係咪有湯,因為餐牌話跟餐要加$,但老闆話~送比你地啦~哇~幾好人呀~d湯都幾好味呀~好似屋企果d呀~佢係藥材湯黎ga~梅子蒸排骨~味道酸酸的,果d梅子好似客家人"業"的鹽梅子~本人覺得mama...但食食下又幾好呀~開胃呀~雲耳蒸雞~哇~幾似阿媽整果d喎~佢用d料都幾好喎~雞唔係雪ga~有時食得多其他野,食下呢d都幾好呀~一個唔錯ge choice~

此店說遠不遠，近也不算近。旺角有西洋菜街被人行到地裂，卻免必人人都知道西洋菜北街在何處，居然要走到旺角警署後。第一個印像，普通客家潮州小菜，還居然與藥膳扯上關係，感覺主題不夠清晰。當日人多，坐進去侍應忙得團團轉，近十分鐘沒有理過我們，有點氣。點過菜後，前後也許過了15分鐘。等菜到時，差不多是半個小時之後。先來一個例湯，居然是木瓜海底椰瘦肉，清甜，差點兒不夠咸味，但清有清的好。點了欖角蒸肉餅及羊肉煲，突然之前的悶氣全消。肉餅嫩滑彈口，是半肥瘦。怕肥者可能不敢碰，但如果老一輩的人會知道，這是久諱了的老式做法，口感上佳。配欖角吊起甜味，奇在欖角本身也偏甜，不過不減風味，與肉餅的味道匹配，能相互調和。羊腩煲，枝竹馬碲落齊，甜味吊起羊肉鮮味，難得肉件切得大落落大方，肉骨均勻，入味腍身，好得滿足。最後點了一個芒果布甸，色彩不及其他館子，令人意外是布甸底沒有用魚膠出術，軟黏中反見真實面。芒果香味十足，$12作個結，很滿足。更難得是，終於找到沒用味精但又有味道的館子。本想買個芋頭糕去試，但年廿九晚，連舖子都蒸不夠訂單，沒法子，下次再來。

咁多人讚, 咪去試下啦, 其實佢個位置都幾偏, 有d難揾, 但星期日八點幾係都有成十零個人排隊, 由於間店細, 所以二個人食都等左超過30mins小菜全部係套餐,不過唔貴價錢$35-$55,包小菜加白飯or米,河任食,原本想叫招牌貨蒸白鱔, 但未到9點已售光,所以叫了一個"蜜糖洋蔥薯仔炆牛仔骨"同"梅菜蒸鯇魚", 蜜糖汁調得唔錯, 薯仔係用鬼佬薯, 好腍.但只得好少牛仔骨, 同埋都唔係一般牛仔骨,只可以話係有少少骨的牛肉, 肉係滑, 但係有梳打粉味,整煲都唔係好大煲梅菜鯇魚都係其中一個招牌菜式, 都ok, 因為魚蒸得將滑,係街好少蒸得咁好, 但梅菜唔靚味好淡, 魚雖然只係得一個人嘅份量, 但$35算抵食, 另外見枱枱客都叫甜品, 又叫個迷仔菠蘿糕同桂花糕(各$6), 桂花糕味清帶甘味, 我比較愛濃味食物, 所以覺得麻麻, 但係到底桂花係咪味帶甘???菠蘿糕有粒粒果肉, 賣相good, 味好清甜, 佢話係無加味精, 我信,食落有d似日式果肉pudding無叫湯, 但waiter送左二個應該係例湯-栗子煲豬展加埋唔知咩藥材, 好屋企湯的味道我就覺得呢間一般啦, 菜式好住家, 坐得好迫,