蘭苑饎館

营业中

休息中

好失望！進入坐滿人的小館，無人理會。問著個高大的男子有無兩個位，只回一句： 若非傳聞中有幾特別，我一早就掉頭走。坐位逼到死，叫了個香茅咖喱鱔同沙茶海蜇牛展套餐。哇！的醬料係一樣味道：鹹到苦，鱔又腥，牛展好難趙，無牛味，飯味好普通。係D湯同菜比較可以接受。一面吃，一面D清潔嬸嬸拉住個垃圾桶在旁邊收抬、到垃圾。令人倒胃口。總之，一句到尾，無第二次！

本人和男友於上星期日慕名來此店光顧, 例湯真材實料, 但我要的梅子排骨煲比想像中酸及多油, 油菜也不夠熱

上星期去蘭苑食飯，去到第一個印象就好似一間跌打館咁, 因為門口放o左好多盅中藥材，七點幾都已經有四、五個人等位．..等o左一陣就有位。我o地(兩條友)叫一個豆辦梅子排骨煲套餐同瓜甫套餐, 排骨煲真係好掂，d味較得o岩o岩好，(我朋友果然冇介紹錯) 瓜甫套餐係節瓜加蝦米加粉絲，青青淡淡，唔錯。不過個湯就唔係好好，係好大碗，但係味道方面…..我淨係飲到蜜棗味。整體o黎講：地方超級勁窄，食得唔太舒服，小菜方面味道唔錯。仲叫左菠蘿糕，d菠蘿粒好好味架。

餐牌上既小菜以蒸為主,所以撈飯好開胃!個餐有時菜及老火湯,全部無味精,真材實料!小菜有家庭feel, 全部都平易近人。不過建議叫一碟濃味,其他叫比較清淡為佳,因為汁料偏咸。總體上這裡的食物都值得推介!唯一要彈既係地方窄,檯面既餐牌同調味料佔左1/3張檯,食得要好小心...

以前要食健康餐,多數選擇"一道",但始終都係中國人,又慣飲老火湯,整多條菜,呢度可真係完美的開餐地方.和小肥吃了多次,每次來吃晚飯例牌多人,最近個次諗住六點鬆,應該少人D,點知都係人頭湧湧.真係好欣賞佢地個套餐,有老火湯(夠火喉),灼菜(嗦嗦聲),小菜(多選擇又好味),飯,河粉,米粉,粗幼麵任食兼任揀,都只係三十五元,煲仔四十二元,絶無味精,犀飛之利.山根豆腐龍柳煲－用蒜蓉吊味,龍柳有三大條,山根豆腐入味.瑤柱肉鬆蒸水蛋－瑤柱雖已拆絲但不會淡茂茂，肉碎有咬口再加滑滑水蛋,問你點頂.海蜇白蘿蔔牛筋腩煲－多重口感，豐富抵食.冬菇木耳蒸田雞－冬菇香,木耳腍滑,田雞火侯好,絶 對唔會過火.另外自製糕點也很有一手,真的未試過舖頭做的會如此有心機,如菊花馬碲糕,桂花糕,菠蘿糕,椰汁紅頭糕,不單只好味道,那種軟糯中帶爽勁真的不是行貨可比,自家屋企做也學不來.

蘭苑真的有很多出式的菜色,甜品,仲有無味精靚湯.不過小弟在評語之中見到的,太多數都係吃田雞,蒸魚,水旦.其實,水旦好吃只要有罐史雲生雞湯就得.衷心而發,最值得一試的,其實係豉油雞.無可形容,唯有一試.不過多數在晚上8-9 時都未必嘗到,要早一點點兒.除了家常飯,飯後品又老是見到芝麻糊,其實在坊間不多見的杏仁茶才是膺品.不苦不甜,恰到好處.飯後芝麻糊略縑味濃而增添一點膩.反之然清清一口茶, 更能回香.

之前只係係荃灣分店食過糖水同龜苓膠，知道太子呢間有好野食當然黎試下啦。環境都算唔錯，鋪仔細細坐迫d左所難免，仲有電視送飯，真係幾有屋企feel。全女班既陣容，人手唔多，忙中亦有禮。講返d菜，款款都係以蒸為主，用梅子，南乳，蝦醬等去蒸排骨，田雞等。我地無叫到出名既蒸水蛋，叫左冬菇雲耳蒸田雞同梅菜扣肉，跟餐送一碟油菜同例湯。例湯係粉葛赤小豆煲瘦肉，好濃但應該無味精，一流既阿媽靚湯。梅菜扣肉唔算太膩，夠入味，撈飯一流。而田雞蒸得o岩o岩好，一d都唔鞋口，冬菇雖然細細粒，但好香，可惜雲耳唔夠入味。飯後叫左芝麻糊，入口有甘味，唔會太甜，都算水準之作。桂花糕既桂花味濃，但夠嫌大菜糕多得滯，太硬身。感覺上好似食緊屋企飯，下次要試下蒸水蛋既威力先。

今天專誠到西洋菜北街試菜。裝修很配合主題，感覺不錯。沒有人會用的餐牌很別緻。要了豉汁蒸蟮。例湯是不知甚麼煲豬(月展)，一定冇師父，而且味濃郁。豉汁蒸蟮似少實多，豉汁及蟮都很對胃口。無他，和湯一樣，真材實料吧了。買手應記一功。再要了人人稱讚的桂花糕。吃一口，偏淡，再吃，有「啊!這就是桂花糕了!」的感覺。慢慢滲出的花香令人回味。$35+$6，算不錯了。

星期日晚8:30到達，門口已經有4至5人等位，可能因為我地3個人，唔需要等就可以入座‧3個人叫左3個套餐，包括大蒜西蘭花田雞煲，梅子醬粉絲腐皮肉片煲，梅菜蒸鯇魚‧田雞肉都幾爽，但係d西蘭花就唔得，有陣怪味‧梅子醬過份重手，整煲都係梅子醬，太酸‧鯇魚就有d"sing"味，但尚可接受‧每個套餐都有湯，油菜，白飯‧最後叫左桂花糕及芝麻糕，桂花糕比較清，不太甜，而芝麻糕就好滑，但欠缺芝麻香味‧總括來講，以每人四十幾蚊食丁到咁多野，算ok。

2/Nov/04 已經係第二次去架啦，不過都係頭一次食到，因為之前去要等位朋友仔都唔願意等。今次七點三去到大概等左十五分鐘到啦。老實講，一坐低確有d失望，一來d伙計勁忙，叫左不下十次都冇人理；二來打開菜單，發現原來都係叫套飯，配料一樣只係主菜唔同(e.g.沙茶蒸白鱔/排骨/肉餅等等)叫左個梅子蒸白鱔同瑤柱肉鬆蒸水蛋，套飯係包湯,油菜同白飯/粉任裝，HK$35‧‧‧梅子好酸>_< 如果不好酸野真係唔好叫，鱔都幾好味丫，又唔多骨；反而水蛋令我有D失望，可能已經有塩又再加埋豉油所以有d鹹，肉碎好"鞋"，蛋好滑但唔知點解面會有一洞洞？所有送勝在全冇味精~ 家庭feel啦最後叫多個芝麻糊同龜令膏。大家一定要去食佢o既芝麻糊！又滑又香，食落又不會過甜！同埋價錢又唔貴，都係12蚊碗~ 確實係好好食！龜令膏比起出面o既味道好唔同，酸酸苦苦，食落似飲梗苦茶o既味道~ 唔知係咪咁樣先正宗？環境好迫夾坐得不算舒服；老闆係中醫師，同場見到有個客人叫老闆幫佢把把脈~ 嘿嘿...都幾有趣。

variety choice, steam dishes: you can mix with your choice of meat & sauce.hot dessert: walnut "low"cold dessert: black sesame "go"Good home cooking food

話說開完一晚通頂既生日party，就同班朋友去食左呢度開餐啦，之前黎呢度開飯都黎左兩次啦，都係同男朋友黎食，今次同成班朋友黎食，可以叫多d野啦~ 呵呵！1. 上次叫既蝦醬肉鬆蒸水蛋就咸左d，不過都好食，所以今次有位食齋既朋友，就叫左三色蒸水蛋啦，其他鋪頭我肯定呢味只係普通貨色，但呢度一定係招牌菜咁滯，因為.....嘩~嚇死人架，滑不留口，勁香滑~唔係厄你，人人都爭住食，唔係講笑。2. 另外叫左梅子排骨諗住無死錯人啦，點知一個二個都嫌佢d排骨好肥，咁又係呀，真係一舊二舊肥膏黐住哂架，我就免為其難食左佢啦！3. 雲耳蒸雞唔係好明點解無啦啦特別貴左既，四十幾蚊，其他都係三十幾之嘛，咁有朋友想食雞，咪叫囉，份量真係幾少喎，一個人食就夠既，成班人食就好似唔係好夠分囉，不過味道算唔錯~。4. 見成日黎親梗有人食豆豉蒸白鱔，於是我都心郁郁叫一碟啦，味道真係唔錯喎~味道香甜而嫩滑，不過衰就衰在太多骨，好討厭囉，所以就算幾好食都唔會再叫。開餐之前我叫左個桂花糕比大家食，開一開胃，我勁hard sell: 清香軟滑，茶香透心，我d朋友都話：~真係喎！因為真係好軟滑，好有茶既香味，唔濃既味道真係有好清新既口

今日去旺角睇七點半睇戲時搵地方食飯因為知道openrice 有網友話呢度好食咁就一於黎試下地方都唔算難搵但係只係六點三四個字間舖已經充滿晒人差d 仲要搭添到六點七八個字已經開始要等位lu我同朋友兩個人叫左三個set有梅子蒸鱔, 鯪魚蒸豆腐同埋冬菇雲耳蒸雞睇個樣好似好少但最後都係食唔晒食物味道不錯夠味得黎唔會好重味精梅子醬好味但夾白鱔好似搶左魚既鮮味下次都係配排骨相信會好味d鯪魚肉好彈牙又有魚鮮味好正呀d豆腐又滑喎下次一定會再食冬菇雲耳蒸雞好入味但略嫌油膩左dd 湯有藥材味全無味精正下次一定會再黎食過不過一定要早

呢度平時仲多人過假日啊,d街坊落晒黎開餐,成個公眾飯堂咁。呢度真係冇野可以挑剔,d 湯永遠都好鮮甜,用足料。個個小菜都好掂,選擇仲好多tim。桂花糕真係好清香,好過d新派甜品店既所謂桂花同心糕好多。價錢仲好抵tim,大家一定要去試!

蘭苑饎館.....小菜真的很不錯，雖然地方不大，但每款小菜用料十足，蝦醬魚肚蒸蛋是我最愛。但有時我覺得比較咸。價錢OK。