蘭苑饎館

营业中

休息中

已有一段日子沒有來食了，早幾日忽然想飲靚湯，便再來了。湯還是這樣清甜美味，但就細碗了一點，唔多夠喉添。飲完湯便叫了一個芽菜節瓜鯪魚球煲仔套餐。節瓜煮得幾腍唔會太硬，味道就一般點，鯪魚球就很香鯪魚肉味，很爽又彈牙，真係幾好食！菜叫了芥蘭菜，但就有點老，有點韌；麻麻。雖然價錢比以前貴了唔少，但質數都算唔錯，還是值得再來的。

今日先後去過此網站提及過的餐廳/食肆搵食....原來, 即使好評眾多如斯的一家"蘭苑饎館"居然有著那種"極其傲慢", 不可一世的待客態度....本人及男友實在看不過眼...不吐不快..!!因本人對桂花糕特別鍾愛, 所以即使我仍帶病在身, 仍再三要求男友陪我到此店試試她們的糕點及其他甜品...當我們從老遠的"旺角金聲戲院"行過太子察館club搵此店時...好不容易才搵到...心想, 幾好采, 吾需要搵餐朦! 當進入此店時, 內裡的裝修真如"特稿"所指, 很有古色古鄉既味道...很親切及懷舊既感覺! 起初我倆站在門口等侍應cater我地...不過很奇怪, 下午5點全店都搵不到一個樓面, 見到的就只有食客!算, 於是我們照自行搵位座. 但坐左足足"五分鐘"先奇蹟地見到有個侍應亞姐出現!! 於是我們就說: 吾該寫野. 佢都即答: 等等! 點知呢句等等, 並不代表佢真係會過多陣來serve我地, 而係見著佢無啦啦吾知在那裡推出一個有wheels既垃圾筒出黎...逐張台收搭d要洗既碗, 原先都可以接受既, 因成間店子就只有佢一個人!!(但當時全店最少有4台客, 不過男友話見到佢內堂有最少2個亞姐

整完頭見時間尚早就趁機行下花墟,突然醒起呢間出名食肆就係後面街,又黎八下先。係門口雪櫃裝左幾野就拉門入去,一入到入面就聞到好香飯餸味,肥肚即刻餓!!為免口水滴出,即刻同收銀姨姨(不過我覺得可能係老闆娘!)落單,之前都有睇過有食友話呢度服務態度唔好,所以自己都先用蜜糖啷下口...姐姐,唔該我想買d糕!!"姐姐"即刻答:好!!你想要乜野糕??你等我收完錢拎比你,好嗎??好呀(心諗:得左!!都唔係咁差bor!嘻嘻~~)桂花糕:呢個外表似蔗汁糕,內裡無桂花既桂花糕,媽媽超鐘意陣桂花香味,仲認為係用桂花煲水然後做糕,不斷話好吃;但細佬就唔鐘意呢陣味,仲話好苦;自己覺得還可以,味道的確有桂花味,口感煙un,雪凍係夏天食,的確唔錯。芝麻糕:味道好芝麻!!真係好似吃緊芝麻糊咁,口感又係好煙un,真係好得!!我同細佬都鐘意呢個多d,好味!!

跟男朋友來這裡吃飯, 想試試傳聞中沒味精的住家飯...點知....一去到, 一大班人等位, 等了約十五分鐘..終於有位..兩口子被安排坐在一張6人圓桌. 同桌已有其餘三人(2組人)坐著進食. 搭枱都算...點知點了菜後, 正在喝湯時, 那個侍應竟叫了一男一女過來坐. 我望了她一眼說了一句, 咁迫, 點坐? 那個男客都覺得迫, 也說了一句, 這樣迫, 不好了, 廢事兩個人坐下七個人一起辛苦. 之後, 他們被安排到另一枱. 以為之後可以吃餐"安樂茶飯", 點知.....那個侍應竟跟另一侍應在我身邊說...你估呢度可唔可以坐三個??!! 兩個都坐不到, 點坐三個??? 我同男朋友面色一沉, 大家都不想在這裡吃, 便同侍應說, 如果你再叫人來坐我們便走了, 叫的東西打包, 廢事阻你做生意...點知佢理都無理我地. 我地出門口等了一會, 都很不憤. 終於放低20元走了(1碗例湯$10)我們要求的不是如酒店般舒服. 但最基本的飲食環境都提供不到. 今時今日咁既食店一副唔憂做既態度..應該接埋

2005年7月15日看過某些報導和友人的介紹之下,今夜來了這裡晚餐,但似乎比我想像差了一點距離呢.佛手瓜眉豆茶樹菇:幾清新的湯水,可能是首次按觸的關係,我不太喜愛茶樹菇的味道,如果沒有了它,我會更加喜愛喝它的.蝦醬蒸肉餅:本來這是一道不錯的菜式,但可能我們選擇錯誤吧,總覺得那鹹香的蝦醬與肉餅的味道十分之格格不入,味道古怪得很.家鄉釀節瓜:那釀豬肉的味道不錯,但口感可以更加好的,節瓜淡淡的沒什麼味道可言,如何下小許鹽煮之,可以效果更加好.

上次食過好食, 諗住返黎再食喇點知未食就一肚氣　一去到, 門口已經有2 個人等緊例排冇人招呼, 咁就行入去喇去到見到full 晒, 不過有人就食完係呢個時候, 有個女人同收銀講" 3 位"收銀就寫低3 位吓 , 我入去先架喎咁不過佢開聲先, 算喇( 當時心聲仲好靚)我就拿拿林話" 2位, 唔該"點知佢同其他客傾計, 冇理我同時, 又多一個人就入去話2 位收銀又mark 低2位, 依然冇理我咁都得??又俾人打尖??我大大聲咁講多次, " 2位, 唔該"都係唔show 我跟住又走多一個人入黎話3 位佢又寫低我唔知咩事lor簡客呀???一次就話聽唔到, 2 次當誤會叫左3 次都冇人理, 玩我呀???而家好生意大晒呀, 咩態度呀一付唔憂做o既樣已經黑人憎我冇錢俾呀!!!!從來未試過咁受氣野食係得, 但要睇佢面色不吃也罷, 以後唔黎!!!!!!

今晚一行四人去左蘭苑禧館度食晚飯.. 之前已黎過幾次.. 每次都覺得很好食..今次試左好多款糕呀.. 包括有芝麻糕.. 每次都覺得很香芝麻味.. 超好食.. 紅莓糕.. 入面有山楂.. 酸酸甜甜的.. 好得意..好開胃.. 桂花糕.. 好清甜.. 仲有食大紅荳糕.. 都好唔錯.. 我地四個女仔叫左三個餐.. 包括一個鱔煲配粉絲同豆腐.. 但明明我係叫左豉汁.. 但黎左清湯.. 但都好好味.. 本人好喜歡呢度既鱔煲.. 每次係必然正選.. 之後叫左一個雞煲配薯仔及蓮藕要清湯.. 但蓮藕變左洋.. 我地都係冇叫佢換.. 因為根據以往經驗..有少少驚左呢度d阿姐.. 呢個煲都好唔錯.. 不過比起鱔煲呢個就冇咁野味.. 加上蓮藕變左洋.. 都令到個煲失色左~~ 另外我地仲叫左一個瑤柱肉鬆蒸蛋.. 個蛋真係超級滑.. 好好味.. 湯亦都係超級好味.. 鍾意佢冇味精.. 正.. 另外亦有菜.. 真係好豐富呀.. 下次想試菠蘿糕..

I have had dinner at this restaurant for few times (after reading the positive comments given on this website). However, with respect, I feel a bit disappointed about the quality both of the taste of food and the service of staff. The dishes (though alleged to be steamed upon receiving order) were just warm and a bit oily.

湯好正, 好濃!!一個牛根腩煲, 一個排骨煲~~好似淡左d , 不過d 用料好正牛根淋, 排骨新鮮不過唔好坐, 個老細(我估) 態度不太好值得再去!!

16 December 2005 - 晚飯見各食家都讚口不絕，我專誠黎呢度食，都係麻麻地啫，尤其是乾淨程度！兩個人叫咗個沙嗲薯仔豆腐肉片煲，冇例湯送，問咗原來要一人一個煲至會送，咪加十蚊一碗兩個人share囉，仲有一碟油菜．．　入到去淨係得最出同最入個位，我同朋友唔想坐門口，咪坐入面，但係真係好污漕，有陣臭味，即刻冇晒謂口．．味道一般啦，我覺得都ok，不過友人覺得啲沙嗲唔夠沙嗲味，所以我哋兩個都麻麻地對呢間嘢，服務又麻麻．．坐又坐得唔舒服．．．

今晚同朋友仔黎食晚飯叫左兩個煲仔菜枝竹羊腩煲同黑椒栗子荔芋白鱔菜要左生菜同油麥菜湯因為今日係十五所以係齋湯雖然無肉但仍然鮮甜無比飲完一碗好想再添飲但因為要留肚食煲仔菜無再加10蚊要多碗枝竹羊腩煲～雖然好多骨,但羊肉炆得好淋又帶有少少膻味,唔太肥而且個汁一d都唔油,好味道!配料又多,有馬蹄,枝竹,冬菇,一樣好入味,不過呢個餐比較貴,羊肉亦唔算多,要成60蚊,但食完我都覺得值!黑椒栗子荔芋白鱔～黑椒汁帶有少少蜜糖甜味,粟子同芋頭夠淋,配料自動加入吸味既雲耳,好快就俾我同朋友仔一齊食晒,可惜係白鱔切得較薄而且份量好似比以前少,幸好味道唔錯!阿姐亦比起以前態度好左而且落單反應亦好轉係值得讚既!

上星期六中午四個人食三個煲仔菜套餐(@$48)：海蜇蘿蔔牛展煲、南乳生根蓮藕豬手煲同杬角豆腐鯇魚煲，每個套餐跟油菜同白飯(任吃)。餐牌上寫另加$10至有例湯，但係我問阿姐，佢又話送，唔知係唔係叫多過一個套餐就有得送呢？例湯係海龍海馬蓮子百合湯，果然係好，唔係落重味精例水。三個煲之中，最正係豬手煲，南乳味適中，有好多舊豬手，而且整得夠淋滑。鯇魚煲亦好，鯇魚腩新鮮，豆腐又好滑，不過杬角味就唔係人人接受到。至於牛展煲相對上差，雖然料幾多，但係牛展唔係切成一塊塊，而係好似滑牛咁細細舊，感覺唔太好。臨走見有糕點賣，雖然已經好飽，但係老婆忍唔到口試一舊桂花糕($6)，又係好，煙un兼散發桂花香味。Overall係幾好，將來行開附近就番炒。

終於揾到機會去呢度食晚飯, 二個人叫左:1. 咖喱薯仔牛根腩煲- 牛根好食D, 不過咖喱唔太香辣.2. 蒜蓉雙菇豆ト鱔片煲- 鱔片唔夠肥厚, 但豆ト索洒汁好食.附送既例湯好充料.之後叫左一盅龜靈膏- 一pat pat 唔係膏狀, 好重藥材味(我覺得有D當歸味), 初初食覺得幾難食, 但食落又ok wor.外賣叫左支五花荼, 幾好味, 清熱解毒.

之前成日看MM兄及麵包兄的食評，但一次都未幫襯過。同雙鬼食完大排檔，送走左佢地，見喉嚨有點涸涸地，不如來吃碗糖水潤潤佢都好。九點幾，人客一點不少，不過都可以坐在一旁的二人檯。叫了碗龜苓膠，好快有得食。未吃過這味，一吃是有點意外，是幾濃烈的藥酸味，反而不是很苦，加上暖暖的，坦白講，幾難入口；加點蜜糖，酸味更突出；此時終於知道那樽幼鹽用來做什麼，加入了鹽，酸味沒有那麼濃，但變苦了一點，亦較易入口。雖然吃時不知功效如何，但感覺是真材實料的，25蚊，食得過。吃到一半，叫了個桂花糕來送口。這裡的桂花糕，桂花味道香，質地實淨濃郁，講明不添加香料及人造色素，絕不欺場。只6蚊一個迷你的，足夠一人份量，值得一試。走的時候，見小菜類的賣相都相當不錯，尤其以我喜歡的豬手而言，下次一定會找時間再來試試。

地點的環境因為是街尾確是靜了些,但亦有很多客專程來外賣龜苓膏, 這裡有各款煲仔菜, 套餐$48, 叫夠3客才送湯,我們4人叫了3個- 蜜糖薯仔牛仔骨煲, 南乳豬手煲及排骨煲, 而例湯很重藥材味, 一問之下原來是淮山靈芝湯, 白飯任吃及每個煲跟一碟菜遠, 食物有水準