蘭苑饎館

营业中

休息中

首先我問太子果間老細，佢話同荃灣個間冇關係，甜品同Ｄ龜膠更加兩會事，下午去同佢吹下水，晚上佢太忙，冇兩嘴。近排加咗價Ｄ嘢大咗，但人手好似成曰都唔夠，得個老細識招呼，Ｄ阿姐就一時時，但解釋都唔差，我話下午同個老細傾Ｄ龜膠，有問題問吓佢，食飯就一個字，清、鮮、咁啦

繼續幫襯荃灣呢間分店, 好可惜佢無做晚飯, 否則一定常常黎!老公熱氣, 叫左個龜靈膠, 一入去老闆娘就話加左價, 唔緊要, 因為有需要食, 原本$46, 而家$50! 老公第一次食, 食左苦口苦面, 我就揀左個凍杏仁茶, $16, 老闆娘話熱既好食, 我都覺得糖水係熱既好食, 但今日太熱, 想冰下, 不過佢同我講, 而家後生食凍野, 第時老左唔係咁好, 好言相勸, 好...我下次會食熱嫁啦! 個糖水好香杏仁味, 又滑!

我寫既係荃灣兆和街分店! 呢間除左糖水同龜靈膠, 龜靈膠分好幾隻, 廿四又有, 四十六又有, 九十六又有, 廿百四都有, 我同想去就咁叫九十六佢就知嫁啦, 貴過呢隻佢會幫你倒埋(service 好), $24同$46就自己搞惦! 不過, 我今次同老公黎只係食兩碗熱糖水! 老公要蕃薯糖水, 佢話好得, 因為蕃薯夠腍! 我就叫左蜜糖燉木瓜, 木瓜夠腍, 又滋潤! 佢地既傳統糖水真係幾好味!佢地以前已經係全面楝煙嫁啦, 同埋地方好企理, 夠光猛!

爾不知龜苓膠跟龜苓膏的grading 是否一樣，但兩者均不寒不燥，具清熱毒的功效；就藥性而言，則龜苓膠稍勝。抖抖氣的滋補品是普通龜苓膠：龜苓膠呈褐黑色，且稍稍凝固，證明了是正貨，亦證明了攪得足；龜苓膠味甘且醇，藥材味+香味重，亦證明用料十呱；雖然甜食可能較易入口，但鹹食、淡食，對身體吸收消化較好。普通的龜苓膠不等於療效較遜- 相比貴價的龜苓膠，普通的龜苓膠更清熱袪濕，更助去痘痘，更適合我這副賤骨頭。（貴價用以養身、治癌為主）唔理佢係咪正宗「蘭苑饎館」，反正都係合作過，又用足料；服務亦唔敢要求D乜，因為都係涉時間入佢舖頭，佢又係涉時間賺我呢張單仔。

作為依間舖頭嘅街坊都幾年，雖然依間舖地方好迫，又多人同要搭枱，d待應又冇禮貌，價錢偏貴，但見佢d 野食嘅味道都ok，所以以前隔唔中都會幫襯依下。但因為後來多左人去，等位時間越來越長，加上d service每況愈下，例如d待應(阿姐)例必唔會招呼你，忙到叫極都唔識應你，就算果到位類似老闆全程黑面嘅哥哥仔亦都唔好得幾多，叫佢落單好似煩親佢咁，除非你係熟客，佢就會用超溫柔嘅聲線同超強嘅耐性去招呼你，因為唔想貼錢買難受，所以都好耐冇去。最近夜晚經過依間舖頭，諗住買個外賣紅豆糕，以為外賣唔使受氣，點知當我一踏進門口，行埋收銀同果位剛剛收完錢嘅老闆哥哥仔講：「唔該要兩個紅豆糕拎走」佢只係黑面咁望一望我，同時間另一個客人入黎問佢油雞賣哂未，原來係佢熟客，佢就話「本來留番最後一碟俾自己，見係你就俾你」，然後就當我透明咁行左去廚房落單，我呆等一陣，依然冇人理，唯有離開．．．．．．總而言之，依間舖頭d菜式雖然只係家常便飯，但味道可以；不過絕對需要做好要「受氣」嘅心理準備，熟客例外!

諗住唔去旺角咁迫人，於是揀左太子呢間小店食晚飯。初頭諗住都差唔多9點啦，應該唔駛等位啦，點知都差唔多要等成10分鐘。望完成個餐牌，感覺好似食車仔面咁，可以自選汁、2款配菜同1款配菜。個餐仲跟一個例湯、一碟油菜同一個飯或者粉。見到有d組合配起上黎會有d怪，所以只係揀左d好保守既選擇：勝瓜排骨煲:::個味都唔錯，排骨好入味，唔鞋口，但勝瓜份量好似少左d梅菜肉絲蒸豆腐:::個汁濃左d，豆腐都幾滑，肉絲既份量好似仲多過d豆腐，最特別既竟然仲有粉絲添，吸晒d汁既味。成晚最欣賞反而係個例湯，今晚既例湯係木瓜煲海底椰，個湯一d味精都冇...好正!!其實佢仲有糖水同糕點，不過太飽既闗係，所以只係買左一個桂花糕外賣.... 佢話冇用魚膠粉做，咁唔知係咪用左馬蹢粉呢？口感都唔錯既，唔係太甜，但桂花味好似少左d!!!下次要再試埋其他糕點先得!!!

噚晚同靚女A.I.C係MK跳完舞,坐的士落蘭苑食飯,的士行條路九曲十三灣先到,但走時行返出大街,其實好易搵,但平時你一定唔會經過呢條街,呢間係靚女C,I推介,我就第一次食,到鋪頭都成9點9左右,個鋪其實都幾細,大約可坐30人左右,但就幾FULL,我四個人叫:薯仔洋蔥黑椒蜜糖牛仔骨煲,薯仔唔粉好甜,洋蔥爽,黑椒惹味,牛仔骨加蜜糖甜甜,同D肉好"林",正!椰汁芋頭雞煲,唔會好"溜",芋頭粉粉地,D雞都好滑,都正!瑤柱蒸水蛋,D水蛋勁滑,直情一食就好似滑落喉嚨咁!每個會送個油菜,但有菜得你"簡",我就叫三種唔同菜,雖然係烚完加D蠔油係面,但D菜都好甜,無渣,而跟仲會送多碗湯,唔知乜湯,但足料,夠清,最緊要無味精.靚女I係平時飲杯或者食兩啖就飽人,居然擒晚食兩碗飯,出奇!最後我叫玫瑰草莓糕,桂花糕,芒果布甸同雪耳木瓜做糖水,我覺得玫瑰草莓糕比桂花糕好食,玫瑰草莓糕真係食到粒粒草莓,同酸酸,幾消滯,桂花糕唔係好食到味,芒果布甸好滑,但無乜特別,雪耳木瓜就好清,唔太甜,D料好足,都OK,食完都差不多11點,仲有好多人不斷食,不過係食糖水,因為一近收鋪,就無飯,食!其實靚女C.I.仲話有好多好食,但

我一直覺得一間食肆好唔好食, 不一定同佢裝修有幾靚、服務有幾好成正比的。大家各取所需, 一定唔會指望在大牌檔會有vip的服務。不過, 人畢竟是人, 服務不週, 或多或少對食慾有所影響。今晚去蘭苑, 適逢星期五人多, 等位是理所當然的。到有位了, 即以火速叫菜, 這是去人多擠迫的食肆必須如此, 否則肯定有排等食。看過之前幾位食家的遭遇, 覺得香港飲食業有一個好普遍的問題: 為了降低成本, 求其搵d人做面, 不求服務好, 只求人工低。今晚見到主管收銀機的哥哥火紅火綠地呼喝樓面(為數至少3人吧!全屬女性, 疑似內地來港人士), 轉channel亦轉到走火入魔------- 他對客的語氣極溫柔, 對樓面則是忍無可忍的地步(不過, 絕對值得體諒)。終於, 有客上門問要等多久, 他一時轉不到channel, 呼喝地回答, 然後, 馬上回復溫柔聲線, 一笑!如果食肆不是為了慳錢, 請d不但手腳慢而冇腦的人士, 反而加強培訓(政府可以幫一把嗎?), 劉華所說的服務態度又不一定是天方夜譚的........這晚吃了兩個煲, 蘿蔔臘味煲用料足, 味道不錯, 只嫌油鴨嫌鹹(佢本身係鹹, 調味上或者難以遷就);

今日同男友走去試ｏ下呢間食店，叫ｏ左牛根楠，菜肉雲吞，玫瑰紅莓糕同埋桂花糕，味道不錯，好有住家ｆｅｅｌ，我估應該無用味精，特別係ｏ個兩個糕點，真係好正，＄８一小個真係抵食，但ｓｅｒｖｉｃｅ真係．．．．．．阿崩叫狗，越叫越走，再唔係就好似當你係佢仇人咁！真係要套用劉華ｏ個句：今時今日咁ｏ既服務態度係唔夠家！咁ｏ既態度，遲早等執！

文迪公司有局, 剛好我要落金都, 就試吓而間太子區內其中一間食評唔錯的小店. 整個一人晚餐.例湯: 8分, 佛手瓜煲蠔豉, 幾清甜, 平心而論, 我唔太好煲蠔, 但總算給我一飲而盡.蒜蓉蒸排骨: 7分, 蒜蓉味幾大, 排骨有部分蒸得太老, 但蒜蓉蒸排骨撈飯好難唔好食, 簡簡單單, 已經滿足, 其實而味, 文迪整得仲好.生菜: 7分, 落得太大Pat 蠔油, 不過生菜幾靚.合桃糊: 7分, 近日頭痛得很, 食碗合桃糊先, 成日話合桃糊補腦, 其實有用嗎? 都是心理作用. 天氣太熱, 要碗凍合桃糊, 一食就知賴野, 太甜, 又太杰. 要熱食才能定斷.服務算唔差, 食物就大致滿意, 例湯幾好, 加個蒸餸, 点都好過在馬鞍山食個D阿尖.

鯪魚球湯麵($20) --- 正!佢呢度仲有甜品糕點食架, 花款就比較懷舊一D D龜苓糕由25蚊至130蚊都有~上次食過合桃露都掂架~

7.19(三)放工之後同媽咪黎食dinner,之前食過幾次都好滿意~今次叫左南乳豬手芋頭煲同埋蒜蓉白鱔豆"朴"煲例湯係黃瓜煲豬展,基本上黎呢到都係為左碗湯豬手炆得好淋又入味,豬手又肥又夠膠,但今次d芋頭唔靚,唔夠粉白鱔新鮮肥美,但配埋豆"朴"好似怪怪地油菜一d都唔夠油水,好似完全無落油咁臨走外賣菠蘿糕,芝麻糕,紅豆糕等等食物好,但地方實在太迫

同太座在祥利飲完奶茶，吃完鹵水牛治，就來了花墟買點花。近排連吃幾餐上火菜，又辣蟹又天婦羅又泰菜的，是時候清一清，就一起來吃碗龜苓膠。一碗普通的，一碗金錢龜膠，再來芝麻糕及桂花糕各一個。龜苓膠帶酸味，不是那麼容易入口，不是想著那清熱解毒的成效，幾難一吃到底。太座的金錢龜膠跟我的普通龜苓膠味道也差不多，不過價錢差不多貴一倍，希望成效也好一點。兩個迷你糕點也不錯，芝麻糕幾香甜，桂花糕亦清香，令到酸酸苦苦的龜苓膠也容易入口一點。埋單87蚊，相信下次來，也會是來吃龜苓膠。

上星期六和二少奶往吃飯。吃了一客豉油雞和一客蝦醬蒸肉餅。每客都跟湯,碗粉/麵/飯和灼菜。最精釆和最好的是湯:很醇和，夠火路和喝後不見涸喉。湯是加了少量中藥去煲的,但不重藥材味。豉油雞極鹹。如豉油加少量冰糖去增加甜味會更好。肉餅都鹹, 可能因為蝦醬的原因。份量少兼薄身。整體上一般已。

最近天氣時常下雨，沒有心情去太遠食，就決定在附近食算了；因很快便到端午節了，想應下節，叫隻裹蒸粽試試；另叫了一碗菜肉雲吞米。裹蒸粽- 糯米幾腍口，綠豆份量又剛剛好，可惜蛋黃唔夠油水，肥肉又唔夠多，雖然比較上健康，但味道又因此而普通了一點，真係有得必有失了。菜肉雲吞米- 雲吞大大隻，皮薄餡靚，味道都算唔錯，米粉煮得唔會太腍，都算幾好。