蘭苑饎館

营业中

休息中

上openrice見到呢間野好似幾得意,又有好多笑面,所以約朋友去試下,地方唔係好大,有得好似車仔面咁自己揀咁多煲仔菜既汁同料都幾得意是晚例湯 (唔知咩黎, 唔記得問下, 類似d清保涼味既湯, 應該無味精, 本來唔想飲, 費事浪費飲左去)生麵 (有得揀麵, 又好爽口, 正!)柱侯山根蘿白牛根腩煲 (汁醬濃郁, 食材好入味; 份量都唔少; 蘿蔔鮮甜無渣; 牛腩好腍好入味; 牛根腍滑; 山根細細粒好易食)蝦醬海蜇白靈菰豬頸肉煲 (又一味濃郁菜; 食煲仔食海蜇真係好過癮. 加埋d白靈菰索左d汁好好食; 豬頸肉薄薄一片份量都好多下)鯪魚肉釀玉環 (好清淡, 有粉絲墊底, 薄薄一個芡, 食食材本身既味道)

在太子區附近想食客飯，不是去阿媽靚湯米線就是蘭苑饎館，差不多每個月都會去一至二次，每一次的水準都可以保持。又是六時多來到，今次又回復以前人山人海的感覺了，又是坐回這張說是六人枱其實坐到四人已經好好的這一張枱，望望餐牌價錢都沒有改變，有時在這個通漲的年代唔加價反而變成一些稀有的事情了。又是想叫回白切清遠雞和沖菜蒸鯇魚，但問一問原來當日沒有白切清遠雞，只有豉油雞，都沒有所謂的，又可以試一試豉油雞會唔會有一些新感覺。是日的例湯又是粉葛煲粟米，雖然這裡的湯是老火湯，而這一次的水準都沒有下降，粉葛味濃和有一些藥材的味道這些感覺還存在的，但……..為什麼我幾次來到都是這個湯呢，人是貪心的如果有一些另類選擇可能感覺會更加好……..今次的油菜就叫了生菜，沒有什麼特別，食落都幾清爽，可以。豉油雞($70)沒有了白切清遠雞就叫了豉油雞，心想大家都是雞類食物分別應該不會太大，來到時見到豉油雞外表的顏色都幾深，差不多接近黑色，賣相就不是太好，希望味道可以，食落就覺得雖然肉質都幾滑身和唔韌，但豉油的甜味就太重了，搶去了不少雞原有的鮮味和有少少搶喉的感覺，有現今香港這樣重的味道我想不是會有太多人會喜歡的，如果下次

依間食店最吸引我既地方~除左係涼茶舖格局外我最想就係試下..亂咁配搭個自選煲仔套餐(哈哈~好好玩)不過最終事敗..因為服務員會建議最正路又好味既配搭(oh!!)一人點一個套餐..送上例湯一碗~如果單點要$20/碗"蕃茄薯仔魚湯"..果然好夠火喉~個湯好濃郁又香魚湯味"仁稔子薑蒸鱔"鱔魚肉質好靚~醬汁除左仁稔子薑..仲有麵豉子薑仁稔唔會太酸太搶味~整體味道好平衡"自選煲仔套餐"..可以揀1款主菜+2款配菜+1款汁料"南乳豬軟骨煲"(原本想試柱侯醬~不過服務員話配南乳好味~當然我知配南乳係最正路囉)豬軟骨炆得入味又夠腍身配菜.."芋頭,蓮藕"~芋頭好粉口感~蓮藕好靚仲有拉絲加上食店標榜無味精~整體小菜味道..好有住家餸feel套餐仲有例菜..我地揀"生菜拼菜心"套餐仲包括米粉,麵,河粉,飯..任添任食生麵..好正好爽口彈牙~米粉..都好唔錯當然唔少得~要試佢地既甜品.."玫瑰紅莓糕"(原本仲叫左個"香滑芝麻糕"~不過凍既賣晒..新鮮出爐既未食得)糕點煙韌彈牙~甜中帶微酸..有淡淡玫瑰香又唔會太甜"蓮子杏仁茶"蓮子有天然既甜味~入口夠粉軟杏仁茶好香~南杏帶甜..北杏帶微苦兩者份量調配得好平衡

都有一段時間沒有來過食這店的客飯，希望這店的水準沒有下降。晚上六時多一些來到，沒有了以前這種未到六時已經人山人海的感覺，不過心中有少少不安驚因為食店的人流少多數不是好的原因，但我都沒有想得太多，入到去找到一張六人枱便坐下了。我覺得是一張六人枱，但看看枱上寫著是八人枱，但怎樣看都坐不到八個人，算了吧，拿起這本好像古書的餐牌來看看，價錢和上一次上升了一些，但都是可以接受的範圍，心想上一次都想試試這店的清遠雞，就叫了一個白切清遠雞和梅菜蒸鯇魚。這店的套餐是跟著一個例湯，一個油菜，還有一點是白飯或是粉麵都可以添食的，對我這些飯桶來說十分之欣然。是日的例湯是粉葛煲粟米，這裡的例湯不同於其他地方的”例水”，因為飲落絲毫沒有三兩滾或是味精的感覺，真真正正回家飲老火湯的感覺，飲落粉葛味濃，還有一些藥材的味道，趁熱飲感覺更加好，很少地方的例湯可以有這店的水準，不過如果想再飲單叫就要比多$20了………………………油菜就沒有什麼特別，兩個人餐的份量和出去食粉麵店這一碟差不多大小，不過叫的菜心沒有煮得過熟，爽口和新鮮仍然給予人家健康的感覺。白切清遠雞($70)上一次食飯時看見同枱的人叫了這一個，看見賣相都幾好

本來想食川菜點知排長龍，朋友話俾錢買難受吾想等，於是選擇了這間蘭苑饎館，原來是一間葯膳餐館，第一次幫親，睇MENU時都吾太知道價錢點計法。其實得一兩個價錢，$65至$78 一碟海鮮及雞要再加$5，大概是這樣，下面我影了少許相片可以參考下，點了三個餸，每個餸有跟一碗老火湯有葯材味幾好，三款菜烚埋一碟有腩汁和蠔油，粉麵飯任食。我們一人要了一碗飯跟住再叫了一碗麵，麵是雲吞麵幾彈牙OK。全部菜式味道偏淡少油，食開濃味的就要適應下啦!薯仔咖哩雞 這味最好食黑椒我牛仔骨 黑椒味吾够，而且是蒸的，可以接受。吾知乜仁薑豬頸肉 這味我就覺得吾好食，我朋友都認同，味道不能接受個人認為。桑寄生蛋茶椰汁西米露 西米好彈牙奶好香幾好。蓮子芝麻糊蓮子鬆化又甜，因我們坐在收銀處，老闆娘聽到講好甜好大反應，她即刻問:咩好甜呀? 解釋蓮子好食吾係糖水太甜。服務幾好，係到食飯的人都好靜，店面企理!

4碟菜mix一齊IMG:3]蒸三色水蛋蒸肉餅最值得一提既係甜品, 佢地有mini板既糕點, 等我可以試多幾隻, 味道清甜, 連一向唔鐘意食甜品既男友都食而且讚好, 我叫左4隻味試,(椰汁馬豆糕, 椰汁紅豆糕, 黑芝麻糕, 菠蘿糕), 個老闆娘仲好好人走黎教我地由咩味開始食起, 可惜大家顧住食而忘記影相

很少在太子覓食, 但對這間蘭苑饎館並不陌生. 皆因我一女友正住在蘭苑饎館樓上. 老板是順德人與我同鄉. 順德人對食物的講究不需質疑! 且這裡標榜沒味精! 菜色更以蒸煮為主! 甜品則以生磨以及真材實料為生招牌! 適合不少講究健康的男女!店內裝修古式古香, 牆上貼滿一些有關考究龜芩膠不同功能的資料, 每碗價格由大約三十多元至五百多元!!! 餐牌的像一本木製的古書,很有書卷味. 年前常有來晚飯因為很有住家飯的感覺. 但近年味道材料有差已少有過來了! 還好的是這裡的甜品仍保持水準, 所以只外賣這裡的甜品尤以合桃露最為出色! 不過, 是日特意帶女友來, 我們各自點了這裡招牌合桃露, 味道大不如前….. ! 是因為老板榮休傳下一代? 而下一代沒好好的延續老父對食物的要求水平? 連我女友都反應不外如是…. 枉費我在路上一直hard sell標榜他們的甜品!

當你被安排坐在門口的兩張6人檯上, 人數又唔夠好迫的迫在一起, 你就會被迫轉檯. 我地前一張檯都係一樣 我地一行5人,湯都飲埋, 就被迫轉到4人檯. 張檯根本唔夠放5個餐!!! 椅背貼椅背坐, 肥一d ,後面的都坐唔到. 如果想食一餐舒服的晚餐, 可以有更好的選擇!! Never come back again

食自己餐生日飯．．．自己揀食咩．．因為得３個人又唔想太貴．．上ｏｐｅｎｒｉｃｅ搵見到ｌｅｅ　間都幾多讚．．同埋話成ｓｅｔ　粵菜０個ｄ都ｏｋ．．所以決定左黎試下先～～因為位唔係好多咋．．所以都等左好耐～終於埋左位．．．我地叫左３個餐．．．１．　有蒸魚ｄ魚好多骨．．係佢主打０個隻醬料．．不過我覺得唔太入味囉！２．　雞煲味道幾好味～但雞有ｄ鞋口３．　沙爹牛肉煲味道都唔錯．．但好油膩感～我配左個米粉冇食飯．．仲有碗湯飲下咁．．咁既價錢夜晚來說係幾ｏｋ囉！怪不得咁多人等位．．ｄ人都想食下住家菜．．之後叫左２個糕點來試証．．叫左個紅棗膏　＆　紅豆膏咁上下既野來試．．本來想試ｄ特色一點的膏．．不過好多都賣晒ｌｕ．．這個價錢都幾抵丫～如果唔洗等咁耐位的話！

除夕，同男友來食晚飯去到門口已經見到有人等位，好在我地有打電話留座，去到一陣就可以入去我地叫左豉油皇清遠雞($65)，豉汁炸菜雙菇排骨煲仔套餐 ($68)，跟老火湯、油菜、白飯 仲叫埋甜品--玫瑰花糕、桂花糕 ($10+8)，個甜品我覺得OK，這裡的賣點是不含香料味精....淡淡花香...煙煙un un 咁...但男友就唔係咁鍾意....仲話似藥水味呢餐樣樣都OK....係個煲仔菜我覺得鹼左D，用黎餸飯都OK

朋友和我補祝生日自己又不想食日本野or西餐，在open rice細看之下，便發現左呢間中菜book左2000，但去到都係有好多人係度等緊，真係幾多人下，附近都冇咩人，但唯獨呢間最勁!!我們一行八人，但間野比較細，大台都好似得兩張，好不幸，我們坐了近門口那張，每當開門時，就會有陣陣既寒風，真係好凍下，而且個個都著好多衫，但位又逼，所以都唔係坐得咁舒服呢~無計啦~我地八個人，叫左八個小菜如果普通既就$60，係煲既就$67(我應該沒有記錯)，如果要雞就要加多$5之後每人一個湯，有碟菜，主食有----白飯、麵、米粉呢d係任叫架~~~食幾多都得^^個湯就真係幾好飲，好落足料，而且又唔會太多salt，所以唔會太咸，好好飲藥材湯，我想應該係黨蔘~之後叫了八個送，但因為個名太長所以忘記了~大約記得1)蝦米蒸水蛋2)白飯魚蒸鯪魚3)排骨煲4)rose既銀雪魚煲5)鯪魚球釀節瓜6)腐竹豬軟骨煲7)黑椒牛仔骨8)青遠雞我覺得就幾好味~除左個蛋冇咩味之外，其他都不錯。但如果下次來，都係最好四五個人好了，八個人逼在一起太逼了!!

想試一些沒有味精的客飯店，在網上發現了在旺角警局附近有這一間客飯店，就來到這裡試一試。大約六時半來到，入面已經接近爆滿了，真是這樣厲害???只有一兩張吉位，就選了一張近門口的細台坐下了。入面的環境就不是太大，想大約有三至四張圓台在中間而有五至六張四人的方台在旁邊，看來都是一些家庭式的食店。門口的雪櫃放了一些好像是用膠杯放的中式糕點，而店內也是寫滿一些龜芩膠的資料，唔講會以為這一間是食龜芩膠的店子，龜芩膠的價錢有平有貴，平的大約三十多元但有一個貴的要五百多元!!!!!店內寫每一種都有不同的功能，但今晚是去食晚飯所以就沒有詳細留意就看看有什麼客飯食了，希望下一次有機會再試一試這裡的龜芩膠。拿起餐牌望了一望，餐牌的外表是一本好像木質外表的一本古書一樣，有少少特別的感覺，看了一看，這裡的套餐有兩類選擇，一類是中式套餐而另一類是煲仔套餐，可以是自選或是一些精選的套餐，自選中式套餐可以自選三種配料，而自選汁料煲仔套餐是自選汁料、兩種配菜和一個主菜，價錢是$60-$68，是雞就要加$5。還有不只是飯可以無限添食，米粉、生麵和河粉都可以，這個比較特別，加上一個例湯和一個油菜。價錢就中規中矩，除了這些套

好多時去食飯都係上forum 或者朋友介紹，今次去呢間都係朋友帶過我去食麵，覺得好好味所以今晚帶女朋友去試！仲講笑話帶佢去食五佰五蚊一盅龜苓膏帶女友去到果頭唔係好認得路，七點幾去到，爆晒。不過專程黎到，點都等啦！好在都唔係等好耐。上次黎食麵舖裏面冇乜人，就咁睇舖內外既裝璜，我真係以為係一間涼茶舖！其實裏面有d逼，可能我太大份講返食物，今次本來諗住食麵，上試食過既香茜牛展麵同牛筋麵都好好味，仲好多謝負責人請我同朋友飲好好味既五花茶。不過睇睇餐牌又想試下套餐。今次揀既套餐係60蚊一客既中式套餐，一送一菜一湯白飯任裝，岩晒大飯桶。食得落既話仲可以食埋河粉、米粉同麵。湯唔錯，亦多料。我就揀左濃味既蝦醬蒸豬頸肉，女朋友就揀較清淡既鯪魚肉蒸豆腐。蝦醬蒸豬頸肉，蝦醬絶唔孤寒，夠味之餘送飯一流，豬頸肉幾彈口。鯪魚肉蒸豆腐就絶對份量十足，女仔一個人實食唔晒，我梗係要"幫手"食啦，雖然好味，但係可能因為蝦醬味濃，所以呢味送就比較淡口，可能有機會就先食豆腐先。最特別係女朋友一食碗飯就大讚好有飯味，又真係喎！食飽飽，飲杯茶，黎個甜品，人生一樂也。甜品有好多款式，有糕點，有糖水。但係都要試食過既椰汁馬豆糕，因為

兩口子好多時都出外用餐. 都唔知食咩好呢日上openrice search . 見到呢間好似標明住家菜. 冇味精. 我地就去試下law呢度係出名食龜苓膏ga. 最貴一盅要成500蚊. 不過我地就冇試la60 蚊一個小菜套餐. 或68蚊一個煲仔菜套餐. 送例湯. 油菜. 仲有白飯. 粉麵任裝. 個湯真係冇味精噃. 我問阿姐係咩湯. 佢話翅+ 雞煲成叫咗一個南乳排骨栗子煲仲有一個梅菜扣肉煲. 兩樣味道都ok . 男友都吃了兩碗飯我又因為為食. 又叫咗個菜肉雲吞. ($25)最後太多野. 所以係食唔哂d 餸ga. 最後打包番屋企帶飯.(堂食任食咋.外賣一個飯要八蚊. 哈哈)仲外賣咗兩個甜品番屋企食tim.....點知係呢餐最失望ge野. 個馬豆糕. 我男朋友食咗一啖就話好難食. 唔肯再食我個桂花糕呢.....d 質感好奇怪. 同埋有少少苦味總括黎講. 都ok ga. 可以再去試呢 !!

我們一行12人, 訂左位可惜佢無大枱, 不過老闆好有誠意, 兩張一園一方合拼, 剛啱電視做獎門人, 睇到電視, 我們叫左10個套餐, 因為一人套餐,有一個例湯送(真係用料十足, 夠濃但唔會口乾, 似無味精) 各人注意一點, 一人餐係for一人, 先送例湯, 白飯/米粉/河粉/生麵-任添.我地share食, 老闆話無湯送 10個餐唔係10碗咩, 街市講價, 要叫11個套餐就俾12碗...我見到個價錢牌有注明, 所以叫多個菜啦, 有一點美中不足, 係無煎炸野食, 得煲仔菜同蒸野果類. 今日連大鱔,綄魚都買晒