蘭苑饎館

营业中

休息中

同幾個好耐無見既舊同事出來食飯,其中一個朋友訂左枱去呢度食,我都係第一次試呢間...我地5個人,等左15分鐘就入得,但佢比左張4人枱我地,所以其中一個要坐路口位,D人行來行去都幾迫下…叫左幾個餸:甜酸豬軟骨-酸甜適中,幾開胃,豬肉都幾淋既,味道就一般啦…柱侯蘿蔔牛筋腩煲-好好味! 牛筋好淋,蘿蔔夠淋又清甜,用埋個汁撈飯正!!清遠雞- 細細隻咁,都OK滑既沙茶醬蒸排骨-食完都無咩印象,一般啦…例湯- 唔係味精湯已經唔錯菜心&生菜- 無咩特別甜品:藍莓糕&芝麻糕- 都幾有藍苺同芝麻味,都幾好!!桂花糕.- 好唔掂,無桂花味之餘仲要個樣都唔係透明既,食左都唔知係咩糕咁…可能係門口等位時見幾多人,朋友又話係人地介紹去呢度食,所以好大期望啦,但食完又唔覺得特別好好食喎!係有D住家味道咁.坐就麻麻地喇,因為都幾迫下.服務都OK既,個阿姐仲幾好咁主動幫我地切開D糕比我地分來試.

DINNER...$64 PER HEAD以前會記得晒d食物既名，今日完全唔記得，只知入面好有好多豆卜，可能太嘈的關係，又迫，又熱，個腦有小小閉塞 。哈哈哈... 整體黎講，還ok。賣飛佛！甜酸豬軟骨...。正~~個人絕愛甜酸食味~牛腩蘿蔔。忟得好腍！木耳蒸雞？唔知係咪呢個名，有木耳，金針菜，雞！米粉。個餐送的。其實都唔知叫左乜。哈哈...菜。。。ling魚球豆腐......鮮奶魚煲!!!?? 唔知佢叫咩名。沙dad牛肉...。正確就唔知叫咩名...嘻嘻~蓮子合桃露

為了添置心愛的盆哉，今天來到花墟一行，買了心頭好，差不多晚餐時間，見食評口碑幾好，很想也試一下由於才下午六時，人不多，不用等位，但也坐了半店客人。我們要了兩個套餐，套餐包括煲仔菜、例湯、油菜和任添加的飯、河粉、米粉和生麵，每套餐只是六十八元，大吃的也不會吃不飽例湯：嘩！真材實料！湯料見到紅蘿蔔、竹蔗、馬蹄、瘦肉和龍眼肉，和住家的我日常煲的差不多、只欠了鮮粟米和栗子，味道雖不及自己煲的濃味，但已很夠味，雖知這只是例湯，而自己煲的材料費也差不多一百元，真是很好味和抵飲！柱侯蘿蔔牛筋腩煲：牛筋、腩、夠淋又入味，蘿蔔亦清甜無渣，喜歡吃牛筋多些。豉汁白鱔煲：白鱔雖然不夠肥美，但也有鮮味，不會有腥味，煲內加有銀芽雲耳和豆卜，豉汁味道調得剛好，不會太濃烈或太咸，實在很不錯。油菜：選了菜心和油麥菜，兩菜一碟上，淥菜沒有特別，而菜本身不會很老和多渣，食店亦不會倒下大堆蠔油，健康些生麵：我們選了兩碗生麵，老公吃了一口，不其然讚好有出名雲吞麵店的水準，真係有驚喜，掛住吃，記得拍照時，賣相也差了就是一碗任食的麵也不欺場，這種態度值得欣賞椰汁紅豆糕和藍梅糕：最後原想歎埋甜品，劃上美好一餐的句號，怎知未吃完主餐時

係開飯見到都有好多好評..個地點又唔錯係太子好方便, 又唔係難搵.放左工去到6:45分..見到門口已經有3,4個人係到等位..真係估唔到都未到7點就已經要等位, 我地等左3個字7點到去..間舖唔算大.d枱好迫..肥d都唔知點入..首先看看餐版感覺上好似好亂咁..可能第一次食la唔係好識點叫..見到有煲套餐就lee 個la.我地叫左2個煲套餐. 每個$68例湯: 冬瓜唔知煲咩湯..好好飲真係冇味精係一d都冇..係街外食飯飲冇味精既湯水真係少之有少la. 係好味冇味精但就細碗左d.蝦醬雙菇豆卜白膳煲 lee個自選煲好好味..蝦醬味唔會太咸, 白膳都好多件.另有其他配料, 例如芽菜, 支竹..lee d唔係自選到揀ga.但煲入面都有.沙茶醬海蜇牛展煲 d牛展好淋好好食.. d配料有芽菜同豆腐. 整個煲都係滿滿的. 個餐仲有菜我地叫左菜芯同油麥菜..食唔哂...仲可以叫佢走油tim..我地叫左一碗米粉2碗白飯, 佢地d粉麵同飯係任叫的.食完lee個餐真係好飽好豐富呀..雖然聽落貴就貴左少少..但係有冇味精湯有菜有煲有粉麵白飯任叫..其實都係抵ga..重點係好味呀ma.其實佢仲有d蒸餐ga但2個

這裡的煲仔套餐可自選汁料﹑配菜同主菜﹐點樣搭配﹐全由自己話事揀左牛筋腩﹑枝竹﹑蘿蔔配柱侯汁﹐最普通隱陣的搭配;牛筋腩﹐牛筋份量好多﹐但筋位好易膩﹐最多食兩舊就食唔落﹐牛腩就相對比較少﹐但牛腩反而仲正﹐一層肥一層瘦夾雜住﹐好腍滑﹐唔會痴牙﹐就算係瘦的牛腩都唔會有渣豉油王清遠雞‥其實都唔錯架﹐因雞胸部份都很滑﹐但個汁就係普通左啲啦這裡的糕寫明家傳秘製﹐沒有香料味精﹐用鮮果炮製;試了菠蘿糕﹑明目藍莓糕﹐兩款都好味﹐唔錯的飯後甜品呢~~

11/3(四) 8pm蘭苑饎館乃屬S先生必食名單中的一員.七時多到埗,門外人潮如昔,幸虧頭輪用膳時間將至,花不到廿分鐘已能安座於店內.漲價後的小菜套餐(跟飯,麵,油菜及例湯)索價$68,比三四年前的$55漲幅達廿個巴仙之多!而其真材實料的出品倒始終如一!咱們點了元肉煲雞肶菇,柱候牛根腩煲$68,豉汁豆腐龍脷柳白靈菇煲$68及藍莓糕$10.元肉煲雞肶菇湯--色澤呈茶褐色的湯頭味道濃郁,且含藥材香.柱候牛根腩煲--柱候醬貫徹地滲透於牛根腩中,粗獷牛根偏韌,腩位則肥瘦均勻,入口腍香!墊底的白蘿蔔吸索精華,一流!豉汁豆腐龍脷柳白靈菇煲--心頭好白鱔沽清,唯挑了沒啥個性的龍脷柳.豈料龍脷柳的肉質嫩滑無比,簡單的配以薑絲及豉汁,足能將其點石成金!豆腐及白靈菇份量也滿慷慨!藍莓糕--清甜的糕品質地富彈性而晶瑩,藍莓味道真實天然!早已填滿的肚皮也為其多擠點空間!冀望價別再漲,質續保持便是了!

是晚落雨, 不過店內都近滿的, 幸好一去到就有位揀咗一個蘿蔔牛根腩煲同埋一個南乳豬手煲, 各$60, 配菜&飯/粉麵先嚟一碗老火湯, 有少少參味, 甘甘哋, 好好飲, 但應該係冇味精的之後主角出場~ 兩個煲熱騰騰的, 牛根牛腩超淋, 連蘿蔔都好入味, 真係正到暈; 豬手好大隻, 又係炆到好淋, 兩個餸都好重膠質, 好滋補呢飯同湯粉麵都係任食的, 不過兩個煲都份量都不少, 食得晒啲餸已經好叻會再嚟, 因為真係好好食, 同埋仲有好多款餸要試

原本都很喜歡這一間很有古老氣息的藥膳餐館, 欣賞老闆多年心血, 令廣大巿民能吃到古方龜芩膏, 客飲的湯水, 材料...但很可惜, 眼見這買少見少的古老店舖, 後續無人, 少東的態度真令人失望, 喜歡賣給你就賣給你, 不喜歡的就不賣給你, 心情好的時候, 就安排你入座, 不喜歡的時候, 就要你在門外等待45分鐘......真令人感到時下年青人, 一代不如一代, 很懷念老闆時常在舖面安排客人入座的態度.......! 最後一句...食物是好的, 但態度是差的!!!!

一個人的晚餐 曾是九龍區飯堂, 但因為同區太多餐廳食店, 漸漸就忘卻了今日重臨舊地, 惜日的串串太子不在, 換上了一個勤快的男仔食物依舊, 價錢漲了 點了 { 仁面蒸銀雪魚} 餐先黎老黃瓜排骨湯 : 無味精老火湯, 和自家煲的一樣, 料足湯甜"仁面"蒸銀雪魚, 小女子愛"仁面漿" 的酸味, 十分開胃, 其實本身唔知道"仁面”乜東東, 而第一次就係呢到食到, 從此愛上了, 明白銀雪魚是雪貨, 有勞配角將主角味道升呢還添了一碗飯再買了龜伶膏, 合桃糊供家人作甜品 合桃糊味道怪怪的, 沒有合桃味 龜伶膏甘苦非常, 無論如何食完也當自己可以下了火 食住家飯好地方

由於市道唔好，我地呢d升斗市民真係食唔得貴。出面好多食肆我覺得係lert水，收既價錢根本比唔番我要既野。揀左好耐，揀左呢間。我地叫左蒸飯同煲仔套餐，分別係鯪魚球蒸豆腐，豉汁皮蛋蝦米肉餅煲，配油麥菜。先黎兩碗老火湯，係紅蘿蔔粟米湯，真係好飲，無味精，唔淡口，我忍唔住連粟米都食埋，夠哂潤同下火。個菜唔差，青綠，又爽又咬口。重點係兩道主菜，兩個人食都覺得多，女朋友叫既鯪魚球蒸豆腐，真係份量十足，件件大舊，魚肉彈牙，不過就覺得豆腐唔太特別。而另外既豉汁皮蛋蝦米肉餅煲，就真係幾好味，肉餅刴得出色，可能我點既兩樣野都做到吊味既效果，幾惹味。呢道另一出色之作，就係可以無限添飯，香港真係無咁滯，通常都收番你幾蚊，呢道真係好強。所以係餸多又好味既情況下，真係可以爬多碗飯，故此我食左兩碗！！！最後，我想講服務都唔差，d姐姐都有禮貌。兩杯荼都好正，因為係普洱，哈。我一定會番check。

9月11日（星期五）晚，陪女友試完伴娘衫已是接近十點了，我們不等新娘和其他姊妹就先行離開去吃晚飯。雖然有點雨，但我依然帶女友來這裡吃，全因這裡的甜品糕點委實不錯，又有小菜飯麵吃。可能太夜了，女友祇想吃點麵食，就點了一碗牛根腩麵，我就要香茜牛展撈麵。等了約五分鐘，女友的牛根腩麵來了。牛腩的份量比牛根多，入口鬆軟嫩滑，而且用柱候醬炆得很入味，湯底並不特出，還要不夠熱；我的香茜牛展撈麵份量不少，雖然牛展同樣醃得很入味，可惜很韌，咀嚼要很費勁，麵是用鹼水麵，所以有“壓”味，附上的清湯有很濃郁的蝦子味，可惜祇是暖而不是熱。吃完正餐後，當然又到甜品時間，女友已經選好了要吃銀杏芝麻糊和紅莓玫瑰糕。銀杏芝麻糊依舊香滑幼綿，但好像稀了一點，銀杏軟腍，不過感覺上比我上次來吃好像遜色了些；紅莓玫瑰糕味道帶點微酸，也帶點淡淡的玫瑰清香，女友很喜歡。臨走前還外賣了一客紅莓玫瑰糕和桂花糕，帶回家孝敬給伯母。

牛腩河好味，因為啲湯低好夠味，又唔會好味精。另外，牛腩又夠「林」，就算係啲瘦嘅部分都唔「鞋」，加埋幼滑河粉，有90分。咁嘅質素都只係$22，都幾抵食。至於服務，就不耐都知道麻麻地，所以無期望會令人感覺好啲！

今天晚上實在是非常的肚餓，而且很久沒shopping了，便提議媽咪一起去行街，順便出街食飯醫肚，媽咪當然舉腳贊成啦。想試這間已經很久的了，可是它的位置較遠&偏僻，所以一直沒有機會，今天知道行街會係呢附近，便和媽咪來這裡吃晚飯了。大概八點一入到去，竟然坐無虛席，完全沒有位，要我們稍等一會，幸好有兩名男士非常禮讓，立即結帳讓座給我們，真是太好了!一坐下當然看看吃什麼好呢，看見別檯的肉餅相當吸引，所以我便決定要叫個咸蛋蒸肉餅，而媽媽猶豫了一會，終於決定要個豉汁蒸白鱔，它的套餐還附送湯 + 油菜呢。仲有仲有，佢白飯任裝，哈哈!!! 先來個湯，個湯有好濃既藥膳味，媽咪話有南棗，首烏，黑木耳等等，其實我都唔知咩黎。但我本身都比較喜歡中藥既味道，所以就覺得ok呀，因為飲落去好香，而且d黑木耳食落口好有口感。另外佢油菜有3隻揀，我地就要左菜心同埋油墨菜啦。講返主菜即係白鱔與肉餅啦，個白鱔黎到真係超吸引，因為佢整到個外表好靚，而且d豉汁好香，所以就好想食啦。佢個鱔一d都唔腥，佢切到好薄，如果佢個鱔再肥美相信會更好味d，不過而家都好好食啦。另外就係個肉餅，蒸既時間剛剛好，唔會蒸到過哂龍，亦都唔會覺得好油膩

朋友跟我慶祝生日, 因為病了, 只可以食較清淡的食物。兩個好朋友選了很久,終於在openrice找到了這間食店。一開始有一個中湯, 應該是豬肉煲瓜,很夠味, 瓜甜, 湯沒有味精, 令我這個不太好湯的人也迷上了。兩個朋友當然讚不絕口,聽食評講,小菜叫三個可以任食飯,麵,所以叫左鹹蛋蒸肉餅,薑蔥清蒸龍利柳,同埋蒜蓉蒸排骨,叫左三種菜,好快就黎左喇。講下個排骨先啦,夠味,但係又唔鹹喎,又唔多油,仲有唔係用肥豬肉呃秤,送飯一流。朋友最欣賞清蒸龍利柳,因為佢話係屋企食龍利柳清蒸會好鹹,但係呢度一d都唔會,連我呢個唔係好鍾意食薑既人都覺得好想食晒d薑蔥。再講埋個肉餅,一d都唔會蒸過龍,肥瘦比例岩岩好,係個鹹蛋有d奇怪,唔係撈係裡面,係放係肉餅上面,但係都好好食。連我最冇expect既菜,都煮得好好食,雖然佢只係"綠"熟佢,但係佢唔似一般油菜咁,因為冇洗乾淨而好苦,係好清甜。overall我食完呢幾樣野,已經對呢個餐廰讚不絕口,再食埋佢個甜品,我係決定一定會再帶朋友黎食,因為佢既桂花糕,味道真係好香,但係又冇一般果d大菜糕既糕粉味,其餘既紅莓糕都好畀到驚喜人,好足料,酸酸甜甜既感覺,好開胃,芝麻糕就

因為奴隸太公晚晚至少九點方能收工，未能參與窮鬼的天香飯局；不過能夠參與大家的溝貨行動，已屬幸運。礙於小時的陰影，太公未有點位何龜類產品，只要了碗綠豆沙和玫瑰花糕。玫瑰花糕 - 初放入口，微苦的藥材味襲來；猶幸，這微苦味，屬苦而不澀，而且與那幽幽淡淡的甜味平衡得宜；在口中細嚼一下，玫瑰清香漸漸滲出，芳香四溢；吃畢，口中有回甘。當天只顧與食友風花雪月而未有問老闆此糕來由，看畢陳真兄的食評，方知這糕點是古代美人吃的點心 (嘿嘿！咁我家下食咗，咁咪....阿媽我得咗喇！我做到靚女喇....)，有「令身體發出香味之效」....哎，蝕桌，早知當晚不洗澡，測試一下！綠豆沙煲至起沙，甜度剛好，感覺清新而不漏，與太公平素光顧開的荃灣同名之店出品竟非常相似....兩家同名店子，聽聞也有些淵源....不過，誰先誰後誰正誰偏誰是誰非，又干太公何事呢？最重要，是兩家都能做出令人吃得健康又愉快的食物啊！