蘭芳園

营业中

休息中

第一次食既感覺係: 絕對係名過於實.叫左豬扒包, 肉丁蛋公仔麵, 凍, 熱奶茶.個麵唔係話唔好食, 不過同自己係屋企整既無乜分別.豬扒包等左好耐先有, 幾得, 不過好鬼死細件.奶茶無乜特別.同埋d座位真係幾迫, 周邊環境又唔係咁乾凈...大家最好有心理準備

聽聞呢度ge 豬扒撈丁, 舊式咖o央西多士同奶茶冰的凍奶茶好正, 泥開中環米去下law, 好好彩, 排左五分鐘就有位, 但係入面迫迫夾夾, 坐得唔舒服......蔥油豬扒撈丁: 明明係大光面又點解叫丁??? 還有, 塊豬扒好鹹,仲有點鞋......舊式咖o央西多士: 冇咩特別奶茶冰的凍奶茶: 唔知係咪下午茶時間先出呢, 我飲ge唔係用奶茶做的冰......牛展撈丁: 好似酸酸地......好彩冇肚痛總結: 明過於實

久聞蘭芳園大名..上星期六朋友唔洗返工..半推半就同男朋友比佢叫左出去..男朋友call埋另一個朋友..佢地目的係影相..我目的就係蘭芳園雞扒蔥油撈丁..去到長長人龍但四位都好快有...地方淺窄..肥少少都入唔到去..叫左四個雞扒蔥油撈丁..我地幾個等左好耐..佢上左飲品先..杯凍奶茶好淡..可以係我唔識飲飲慣味濃ge..撈丁上左一個先..三位男士好有風度比我食先..我食到一半男朋友認唔住催...又送多兩個黎..另外o個個o係我地差唔多食完先送黎..可能人多關係佢地做唔切所以要等咁耐..但我o個日成朝咩都無食過水都無飲過一啖ge情況下要等咁耐都幾不滿....碗撈丁幾香..但雞扒唔滑..整過左火...d蔥油好油...食完好膩...我同男朋友都係prefer勝香園多d

返五天半的我，星期六還不是要加班的。在三點才下班的星期六下午，有啥比祭祭五臟府去慰勞一下辛勤工作了五天半的自己來得急切？蔥油撈丁的蔥油，太多，小弟受不了；但不下，又好像有點缺失。在少下蔥油的情況下，再加上爽滑的一丁麵和熱騰騰的配菜，撈丁實在妙不可言。尋常物，可以做出這樣的好味道，無話可說了！再貴一點，也不肉赤。豬排包，不及勝香園的豬扒脆脆好，但其實蘭芳園做的，也相當不錯。事實上，不論是蘭芳園的豬扒包或勝香園的豬扒脆脆，都比在馬交大利來的，那個要排隊才買得到的乾涸豬扒包來得好。吃豬扒包，何必捨近圖遠呢？來蘭芳園，不得不喝熱奶茶，既香且滑，是港式奶茶的代表作！

第一次黎食，聽講奶茶好飲，中午黎到，門口好多人排隊，但冇幾耐就有位，一入到去坐低就問我地食咩，真係好趕囉，因為第一次去，都唔知有咩食，餐牌都睇唔切，見有雜誌介紹蔥油雞扒撈丁，於是就試啦，點知都幾失望，食到尾愈食愈唔想食，最終都食唔晒，唔知做乜咁多人黎食，不過個奶茶就真係好好飲，但價錢就有D 貴囉，唔會再去食。環境都算係咁，雖然真係坐得好迫，但大排檔黎講算係乾淨，我一向好唔鍾意坐大排檔，但都接受到。服務就唔會有架喇，雖然D 阿姐好忙，但態度都幾好。

近日最熱的話題,莫過如H&M進佔香港.以下是身邊人之反應:曾在法蘭西留學的V小姐:沒有飲頭啖湯之意欲.舊愛Mrs L:一直都對其沒有好感,當年留學英國,只視其為佐丹奴.修咸頓之友師爺S:第一日去排隊?你唔係咁睇我丫嘛?E小姐:等過多兩個月先去.OR S小姐:下?開左喇?白粉報當潮記的記者S:周四Pre-opening時,我已掃左好多,仲有八折...大家反應不一,沒有時間性,距離的差別,已經不再稀旱.但身為其品牌愛好者,點都要去簽一簽香油.幾天過後,諗住人潮已散,去到依然人山人海.洗濕個頭,唯有頂硬上.入去男裝部左執右執,也有不錯的收鑊.雖然未來日子,預料會周街都係.男人之家買娜姐Collection,或多或少有點點戀物之意味.在意識形態上,已強行佔有其身體的一部份.說到這裏,又引伸到戀物狂其中一道最愛- 絲襪.拿著大大的白色膠袋,沿著行人電梯上,上到蘭芳園.已沒有光顧經年,對其荵油撈丁甚為掂念.馳名的"絲襪"奶茶,名聞遐爾.不知道有某些"癖好"人,會否"愛屋及烏".但眼見在店內手持M For Madonna的購物袋者,大不乏人,當中男士亦佔大多數.同樣亦是要"絲襪奶茶"....沒有娜姐

星期日,試了蕃茄薯仔湯底豬扒蛋通粉,加凍奶茶$31。湯係幾甜. 但d豬扒就嘛嘛,可能本人真係唔鍾意d豬扒係用梳打粉醃過,而且d湯唔熱. 犯我最唔鍾意d食物禁忌. 所以整體講,都唔係真係咁特別好味. 未必會再幫襯.

每次去只例牌叫兩款，要不雞扒蔥油撈丁，要不豬扒雞蛋蕃茄薯仔湯通。前者創新，蔥油也香，不過撈丁水平不穩定，有時太乾很膠口。後者清清的不錯，不少OL都是點這過個，而亞哉只是純粹喜歡吃濕濕地的東西。奶茶好是好，不過很奇怪，這店本用奶茶冰，發瘟起來有時又用回普通冰，令味道變淡。只有一碗麵通常都滿足不了大胃王/男人，加上一個豬扒包跟人分就剛剛好。豬扒香脆，熱滕滕上，不花巧，卻很美味。每次午飯總是人頭湧湧，不過也不是排很久，始終店員上食物快，人人來去匆匆，食完就走。兩家店聯在一起，都是小店形式，得背對背坐，不過lunch time的中環處處也差不多。

尋日放假去到都多人,叫左雞排撈丁同熱奶茶;雞排撈丁都ok啦,唔係想像中話好好食,不過真係新鮮,d皮好脆. 奶茶比較滑,可以一試.

成日都泥食lunch, 今次最失望。次次都係食豬扒撈丁, 今次諗住轉吓啦!叫左個蕃茄薯仔湯底豬扒蛋通粉, 加凍奶茶$31。湯係幾甜, 豬扒一塊開四, 蛋一隻, 煎到好硬, 通粉份量好少, 好似俾人食左幾啖咁 凍奶茶一向都又香又滑, 今日唔知咩事, 過份的甜又無茶味, 搞乜野呀!!!咁嘅份量, 當然係唔飽啦! 叫多份油占多$7, 仲要加多句︰「老火,唔該!」JAM多到漏出來, 又夠晒"LONE", 香脆可口, 正呀!!

我覺得呢間餐廳好一般....d炒丁麵周圍都搵到,唔會令我覺得食過番尋味!不過奶茶的確好飲!!

早幾日(2007-2-14 三)中午去食白汁牛撈丁, 食到尾先發現碟底... 有隻已煮熟的仔! 反哂胃啦!本來我自小住擺\花街, 經常到來食飯, 都算係fans 一名, 但經此一役... 心淡啦, 唔黎啦!

預定會好迫好多人, 店舖細, 大排檔式是這樣了, 環境算乾淨. 點了豬扒飽, 奶茶. 好快就來了.豬扒飽的豬扒煎得好香, 奶茶很滑! 走的時候仍有好多人排隊, 就知這間店受歡迎程度了!

因為同事中左獎,所以請大家食下午茶,既然係請蘭芳園,我梗係除左食物之外,仲點杯熱奶茶啦!人人都話出名喎!不過咁,我唔知係只係今次定係點,我飲落唔覺得特別美味,個原因係太甜...滑係滑,但真係甜喎!我諗少些糖會好好多!至於食物方面,ok啦!就算外賣雞翼薯條都好香好脆呀!

had lunch here today~~went there at 1.30pm but still lots of ppl..tried 雞扒撈丁and hot tea!the tea is very good. 香濃~and my friend tried 豬扒撈丁, also good!and the service wasn't bad as a 茶餐廳really recommendable!