蘭芳園

营业中

休息中

第一次黎食，聽講奶茶好飲，中午黎到，門口好多人排隊，但冇幾耐就有位，一入到去坐低就問我地食咩，真係好趕囉，因為第一次去，都唔知有咩食，餐牌都睇唔切，見有雜誌介紹蔥油雞扒撈丁，於是就試啦，點知都幾失望，食到尾愈食愈唔想食，最終都食唔晒，唔知做乜咁多人黎食，不過個奶茶就真係好好飲，但價錢就有D 貴囉，唔會再去食。環境都算係咁，雖然真係坐得好迫，但大排檔黎講算係乾淨，我一向好唔鍾意坐大排檔，但都接受到。服務就唔會有架喇，雖然D 阿姐好忙，但態度都幾好。