蘭芳園

营业中

休息中

是個週末, 約了一眾好友到 Four Season 歎 High-Tea, 當中有朋友建議: "不如去蘭芳園打打底先丫?" 在享受價值 $200 的 "高茶" 前, 歎一歎後面少個零的 "低茶", 於同日享盡高低茶, 有趣! 於是便一口答應了~到達蘭芳園時, 已比原定時間遲了十數分鐘, 真的感到不好意思, 但同時亦造就了友人多了等候坐位的時間, 因而佔據到店鋪內唯一一張 "鐵皮下的檯", 擁有私人空間之餘, 亦可盡享鐵皮屋內喝奶茶既風味~ 身旁的鐵皮屋便是該店的茶水檔, 看著沖茶的不斷重覆地拉起那條 "絲襪", 多士爐裡的多士不斷彈上彈落, 炸豬扒和炸雞扒亦一堆堆的來來往往, 流量甚高; 加上鐵皮屋外長期的人龍, 絕對是其門如市。一行三人, 叫了以下食品和飲品: 凍奶茶 - 這裡的凍奶茶是小弟一直以來認為是全港最佳的凍奶茶。喝第一口的時候, 那種濃郁且特別的茶味, 絕對不能在其他地方喝得到。有一點不明白的事, 這裡明明張貼著 "舊店凍奶茶沒有茶冰供應", 但味道卻遠比加了茶冰的蘭芳園新店為佳, 真的不明所以, 難怪舊店的好評那麼多, 新店則是劣評如潮吧~ "茶走" (熱奶茶 + 鍊

我係前兩年summer o係上環返工, 有人帶我上黎食聽聞最出名係食丁, 可能我冇叫撈丁, 所以我覺得冇乜特別同如果煮都唔知有咩分別哩度食個公仔麵都要廿幾三十蚊, 都唔知有咩咁正.求其去間茶餐廳食都有咁既質素

聽講呢間係老字號, 啲野好味, 所以專燈黎試下但今日試過之後......好失望~見到 "金牌豬扒包" 呢四個字, 即刻嗌黎試下 !可惜.....所謂ge "金牌豬扒包" ......唔覺有幾特別......啲豬扒好un, 個包細, 塊豬扒又細, 如果好味ge, 迷理啲都值~但又細又麻麻地好味, 食開心樂園餐仲飽過佢~杯奶茶都算ok, 好有茶味, 但個人黎講覺得只係ok, 唔係特別好飲~食完個包, 緊係仲肚餓, 見到啲報紙話西多士好食, 所以叫黎試下呢度啲西多中間係咖央, 不錯。可能因為多人, 覺得有啲求其~2樣呢度出名ge野食都令我失望..........

早晨偶然經過，花了$23一嘗香港特色。很滑但無茶味的奶茶，錢用了來買絲襪，茶葉唯有將就下。多士很好，小牛油夠健康。火腿無懈可擊，就是一塊從雪櫃拿出的火腿。腸有煎過喎。蛋介乎太陽蛋與炒蛋間，勁。看看牆上的推介，原來豬扒包才是招牌貨，失敬失敬。晨早溜溜竟然有人叫豬扒包，比澳門進步不少。很想叫來試試，幸好無叫。後來講起，原來老婆試過話很差，但不要信她，她不是食家。臨走忽忽一看，收銀旁有告示：每位最低 "銷" 費$20。簡直可以列為香港奇景。走得忽忙，不知有冇眼花，還望各位指正。來到門前，看到蔡先生大相，不愧飲食界名燈。見到遊客拿著指南進來，終於明白為甚麼香港旅遊業........

(24/12/08)雖然有得早放,都與同事出去食飯。唔洗趕時間咪來食law。兩點幾,仍要等一陣。order撈丁都等得幾耐吓。香蔥豬扒撈丁,撈丁唔同炒丁般咸。其實一聽咁既配搭都知一定好食,只係想實實在在嘆嘆,睇吓豬扒醃得O唔OK。沒有選錯,豬扒一定入味過雞扒!(夾了同事一件雞扒,只有吸到醃味,肉無味)香茅豬扒很冶味!加埋招牌奶茶…….我唔覺得特別出色,亦飲唔出「茶葉」既香,茶味沒被奶蓋過,都可以排第三名既。$37(麵+飲)四個人再來一份奶油厚多士share,只係睇到店員密密手烘,唔執輸,食埋一份。雖然食物只屬合格再高d分,但伙計們的叫嚷order聲,和忙中仍和食客嗲兩句,那種香港風味,買少見少了。

While I strongly believe that inality is a striving for originalityis a grievous culinary crime, poor imitations of the original are worse. I have arrived at ye another spot where it all began -- 蘭芳園. The no-mistake joint was side by side with the new store in tow. The old one, with everything aged from orange-red tiles on the floor to the news clips of recommendations of this place over the years (and more to come, hopefully), hesitates at nothing to tell you that their milk tea is magnificent

12月25日專登過來食勝香園的，點知休息幾天，失望之際就行去隔離街蘭芳園食lunch（因為之前來過一次話過吾會再來的），三人叫了……１）葱油朱扒撈丁＋熱奶茶（＄３７）　　Ｄ丁麵吾爽，朱扒無特別，no good. ２）鮮茄薯仔湯朱扒蛋通粉＋熱奶茶（＄３４）　　點解ｄ湯敢甜，好似假左ｄ，又係啦朱扒無特別，no good.３）义燒汁朱泵兜撈丁＋凍奶茶（＄３９）　　唯一叫做好食ｄ，可能ｄ朱頸肉好淋又好味，但丁麵我自己煮好味過佢啦！　　名不符實，好貴，唯一可取算是柸熱奶茶啦。真的吾會再來了。

冒奶茶之名而來,來之前當然亦搜查過有何吸引.從天橋已看得到人龍,既然來了,就排隊試試吧. 等了大約10分鐘,邊等邊看剪報,決定好吃的,一坐下便落單,別浪費時間嘛.凍奶茶 - 看報道知道這店用奶茶冰,心中暗讚他們那心思,但不知是奶茶冰用完還是熟客才有,我面前的那杯凍奶茶,用的只不過是普通的冰. 對坐的那位女士,情況也是一樣,但侍應忙碌得根本沒有機會向他們查問,算了吧,算我們運氣不好吧. 茶味算濃,惜不太香滑,不如外間所說的好西多士 - 另一招牌,西多裏塗滿咖央,外加糖漿,炸得尚算均秤,但我吃不出它的特別,就如其它茶餐廳所能吃到的. 蔥油心多多撈丁($36) - 有雞翼,煎蛋,五香肉丁,但賣$36,有點貴吧. 用料都是普通而且廉價的,亦沒有特別加工,撈丁亦煮得過淋,醬汁不多,只靠蔥油調味.整體而言,名過其實,食物一般,亦無服務可言,坐近茶水部要小心,上次坐於那個位置,奶茶險些高空侵襲,縱最後只是褲腳擋災,但還是小心為上.

見佢名氣咁大就特登搵日lunch去食下我一個人去食左個tomato potato 豬扒意粉叫左杯熱奶茶．承惠30元係中環係叫好平．食物都ok...不過真係冇咩特別．杯奶茶就更普通...所以唔明點解會咁出名?不過我承認佢係幾有特色既而且反而service唔錯wow．幫你搵位又主動幫你落單．幾有人情味 有機會我都會再來試試豬扒炒丁的

Sunday afternoon tea after shopping. Because our time are short, so we pick 蘭芳園 think they will be fast as like other 茶餐廳. We've order 豬扒包, 西多 & ice milk tea at first. But they said it will be the same price $24 even we not ordering 2 drink. Because all things they have are in set. No metter noodle or bread............ So we have no choic and add a ice lemon tea. As we saw on tv said's they are using milk tea ice for serving ice tea. But sorry, we can't find any............. maybe its already m

傳聞絲襪奶茶是他們發明的，又真係幾好飲。茶味和奶味平行得好，不會太重蓋過對方。最低消費$20，原本巳經食飽了午餐，但都要叫多件多士。

唔知星期日老店無開，去了新店。環境超狹窄，我地2個人而同另外5個人迫埋一張細桌，桌面根本唔夠擺，好易就會攞錯隔離位杯嘢飲。我背脊好多人行來行去。叫了個沙嗲牛通，無水準，朋友叫了心多多撈丁，除了鹵水雞亦好D外，完全唔覺好食，豬仔包一般，得杯奶茶叫有D水準。$37一個餐，咁嘅質素，坐到同人手貼手，如慕名而來，可謂失望至極。佢同老店只係幾步之隔，應該係同一老闆，如果老店的水準都係咁樣的話，真係好彩無入選為香港代表。同一價錢翠華的質素仲好過佢。唔會再去。

十二月五日﹙五﹚難得上到半山區，又心掛掛這裏的豬扒包和奶茶，就上來吃個茶餐。例牌要了豬扒包+熱奶茶，今次的奶茶好少奶，但茶味依然好，不錯。豬扒包豬扒煎得好香口，但肉質就好腍好好味，不過唯獨是好細個，食完唔夠飽。再點了一個奶油多，等左好耐啦，差不多三個字追單亦追左兩次先有得食。個面好燶，以為烘過左火，怎料吃起來又不錯，好鬆脆，好耐冇食過奶油多，好懷念的味道。埋單$32，茶廳下午茶來說也算貴，不過好味道。

今日睇報紙訪問此店老闆, 佢話無茶餐廳入圍感失望, 計我話做茶餐廳做到蘭芳園咁都可以入圍, 咁米芝蓮就真係冇代表性喇!老老實實我就住係蘭芳園附近的, 但我只幫襯過一次食早餐, 我見到個碟通粉表面普普通通, 無特別, 食落就真係..... 水一般的湯, 唔好講什麼什麼湯底, 連味精都費時落, 好(淋)..好(淋) 的通粉, 過熟的火腿, 早餐咁簡單的東西, 都可以攪到一團糟, 我唔相信這間餐廳會弄出什麼好吃的東西....

以為週六會凍，長洲之旅前外賣了一份暖胃早點。　老店環境風味確是一絕，接單的哥哥仔也風趣健談，不過食物只是平平無奇：奶醬多($8)-煉奶與花生醬份量適中，味道無特別，貴了的$1/2是給比一般茶記厚身少許的麵包。金牌熱奶茶($13)-已經加到$13杯了，令人期待味道會有點特別；一試，茶奶濃度一般，口感不算太滑，這明明是杯很平庸的奶茶嘛，為什麼會被吹捧上天，又賣到$13? 不太明白。　 中環有太多美食，見識一次後，蘭芳園是我不會想重溫的一間。