蘭芳園

营业中

休息中

我是在中環工作的，自從10年來過後，沒有再來過。近日蔡生又在電視勁推介，今天特意陪太太過來一試，看看有何改變，來到檔前，有多人排隊，太太不願排，既然來了就算了，排了10多分鐘已有位。刻意留意周邊的食客，多是年青的男女，很多黃面孔但應不是道地香港人，又不大像大陸自由行的。陫隊時是在茶檔旁，看他們在做奶茶時，陣陣熱氣撲來，已和太太說，如此出名，竟沒有濃茶的香味，心想仍是沒有改變。坐下叫了午餐，改出前一丁，當然要叫奶茶。本人是無論夏天多炎熱都要喝熱奶茶的。茶來了，杯子是較一般茶裻廳的小一號，完全沒有食評中很多讀者說的如何如何好，完全是沒有紅茶味道，像杯奶水般，真的比一般茶餐廳差很遠，真是名過其實，普通價錢，始終是大家樂的是最好的。其它食物完全不合格，麵可能人太多，未煮淋，叉燒是如鹵水般的，是深而帶黑色的，本人非常喜歡食叉燒的，奄列非常普通，不用多言。太太叫的甚麼撈丁也是不知所謂，我已力勸她不要吃了，便她說不要浪費。只差一個字，灣仔春園街的蘭芳真的好得多。我對食的要求也不低，太太常取笑我要吃荃灣的叉燒，旺角街市人和老店的荳腐花，深水辧綠葉的唐不甩等。我常常帶外地朋友到處吃東西，很多外國朋友都

唔係卦，茶餐廳有最低消費??唔緊要，每位20，仲俾得起，只要你交足貨，唔係問題!!但................虛有其名囉!!唔講其他，只講中樣話係至出名的!!奶茶︰淡茂茂，飲得出就只有苦澀味，又唔滑!!我寧願下午茶時間去大x樂用$6去買杯黎飲好過!!唉...........

豬扒包 - 好味, 因為賣晒d豬扒包d包, 用咗豬仔包, 熱喇喇, 脆卜卜, 好正, 如果豬扒大d又厚d就好啦, 迷你咗d唓。凍奶茶(2杯) - 茶味較淡, 多奶, 係店入內水吧做, 應該熱飲比較好.因為係店外出檔口做.蔥油豬扒撈丁- 配搭特別, 不過味道冇驚喜.叻吔多士 - 對我黎講, 有d甜,但係椰香味清, 都值得叫架.70幾蚊, very ok 啦.

1800臨関門走入蘭芳,叫了個下午茶豬扒飽餐,24蚊!!豬扒飽細細個,麵包不是硬豬而是芝麻包,豬扒輕輕炸過,很野味很淋很香很夠味,很肥美的感覺,配合沙律醬和蕃茄,芝麻包,一流!!奶茶--有種酒香味,很滑,茶味是有層次的,一層一層紅茶濃郁芳香的甘甜味,返返覆覆在口腔徘迴,歷久不散,正!!如老店関了,行2個鋪位的新店吧,收2000!!

黎之前嗰日個胃好唔舒服, 之前嗰日飲左一啖葡萄適夜晚連床都落唔到. 本來今日想改食粥嫁喇. 不過唔想掃人哋興所以都照黎. 其老野我都可以忍口唔食, 但係諗起佢個奶茶... 唔得, 死都要飲!!真係好無敵呀~~~~ 我勁鐘意飲茶檔奶茶, 呢期試過好多地方既奶茶我都係覺得麻麻普通. 但係蘭香園既奶茶真係好好味. 有好濃既茶味! 我唔識講有幾好飲. 但係如果飲完個胃會再痛一轉, 都抵番!! haha

專程由金鐘坐叮叮去幫襯,等左都差不多10 mins,而一個人來說都算幾耐~見雜誌介紹"必試豬扒",就棄雞取豬,嗌左個葱油豬扒撈麵,凍奶茶~先試凍奶茶,我本身不是好茶之人,但一飲都即諗"係唔同de wor!!",一飲落已經好香ge 茶味,非一般茶餐廳貨色~不過假如以佢咁香ge 茶味,係配上"冰鎮"形式會更好,otherwise de 冰溶左都係會影響茶味...至於碟撈丁,de 豬扒都幾好味,但不特別,葱油撈麵味道很普通,這碟麵不值這個價錢...要食撈丁我不會專登幫襯它,反而有興趣下次試下西多~~

今日中午要去中環工作，因為唔夠12點可以走去一試蘭芳園老店(唔洗等位)。試左招牌凍奶茶 -- 都ok香，朋友話D糖水好似有D特別味，講唔出係乜。下次要飲熱試真奶茶味道。鮮茄薯仔湯豬扒蛋公仔麵 -- 湯好味，豬扒就預左唔會太好食，唯獨點解唔見薯仔？咖央西多 -- 蘭芳園特色，唔叫真係唔會比糖漿你，叫左都唔想比你。味道就深水埗好食D。走時唔夠12點半門口已經開始排隊

其實一直就想黎呢度試下，但遲遲都未有機會，今日拍拖偶然地經過蘭芳園，但本來plan去食日本料理，但我堅持想入去試下，最後呢一次偶然，令我發現唔少驚喜。一入到去發現店裡超級多人，但經店員巧妙安排坐位後，不用三分鐘已經有位。本身只係唸住食咖央，因為想留肚去食日本野，但入到去發現香味充斥全店，最後決定叫一個咖央，一碗心多多撈丁，一杯香滑奶茶。食物黎到之後，我地先發現原來我地坐左喺個廁所出面，但可惜已經恨錯難返，全店都係人，我唸想換個位都幾難，最後只好忍氣吞聲繼續食野。但當我地正介懷緊個廁所時，我無意咁將塊咖央放入口中，發現原來加入左奶黃既西多士真係好好味，奶黃既甜味同西多既味道係勁match，我再將心多多撈丁放入口中時，我已忘記個廁所喺我地後面，因為個心多多撈丁實在太好味，無論係啲材料定醬料都同成碗撈麵味道好夾，真係好好味；到本奶茶，真係又香又滑，同其它茶餐廳完全無得比，茶味香濃，奶味香滑，構成左一杯一百分既奶茶，下次有機會一定要黎試下其它野食。

我唔係第一次去食野~~ 一直都覺得呢度D奶茶係真係好飲，所以間唔時都會泥下飲杯茶食件多士。前天一心帶我阿婆同我阿媽泥試下，點知真係一肚氣。因為之前食左野，而且婆婆冇可能食到咁多所以我地諗住叫一個西多士餐加多杯奶茶for 3個人食。點知佢話我地唔夠最低消費每人$20。咁我地焗住叫多個餐都仲係欠$10 咁就再叫多杯野飲~~ 但係係呢個落單過程個個伙計D態度真係好黑人憎，一直同你講仲欠幾多錢woo~~ 你叫唔叫我都要落你單gar~~ 都係欠小小錢ge ma~`咁都唔俾~~~~ 喂我泥食野係我覺得你D野好食..點知泥到好似欠你鋪頭錢咁~~ 最重要D野又唔係好食...個多士你話裡面有咖央唔洗落糖醬，但係個D咖央小到冇咁濟呢~~去深水步維記食好過。。。仲有個雞翼..............真係算罷...求其街邊小食店都好食過佢。野唔好食........得杯奶茶好味~~ 下次你仲會唔出長水又遠咁專登泥受你氣而飲杯奶茶呀~~ 我又唔覺得佢杯奶茶好味到咁law~~

三十年來, 斷斷續續都有幫襯.近排多數在此食早餐, 就是鍾意佢地的蕃茄湯米, 湯味濃及米粉幼滑, 反而對佢地的超牌菜絲襪奶茶, 就覺得好一般. 最近朋友到訪一同食午餐(平時我一定唔來, 因為見到門口條龍就怕), 因嚮往其名, 試其撈丁, 一丁硬而凍, 很難食, 賣三拾幾蚊, 唔值.而且自最近裝修完之後, 竟然要收最低消費每位$20 以上種種全因名氣所致

一路都想試試蘭芳園好! 吃完泰昌再來蘭芳園啦點知一坐低就俾伙計窒叫我地坐好d，米鬼阻住條路.. 你地方咁"大"，大家都應該"就"下啦個伙計真係超無禮貌!!!算~我們點了蔥油雞扒撈丁，奶醬多，奶茶蔥油雞扒撈丁：特別但不算超好吃奶醬多：普通奶茶：真係堅好飲我地唔介意逼，淨係希望有一份"做客人"的感覺

本來打算花好長時間找店面的，誰知一點都不難找，就在結志街口，一眼就看到了。比較了一下新店和老店，還是選擇了老店。正是午飯時間，店内坐滿了人，自己很好彩，一到就有空位。店員服務周到熱情，也很禮貌，一段都沒有因爲客人多而不耐煩。點了蔥油豬扒撈丁和熱奶茶。上得也很快，之前還以爲要等很久。奶茶的味道不錯，有濃郁口感。撈丁的分量也很足，好幾塊豬扒但是都是連著骨頭的，但是味道偏淡了，自己加了辣椒油之後還不錯，蔥的味道很香，但是之提供了勺子，吃豬扒咬骨頭的時候不方便。

今日經過中環 順道去蘭芳園試一試期望多時既金牌奶荼同埋西多士熱奶茶: 茶味不足 略苦 冇咩奶味... 好似飲水咁(唔關期望大, 杯奶荼真係唔惦 ) 真係非常非常非常失望 好多茶餐廳仲好飲呀西多士: 味道ok 本身可以拎我既心情有所提升 但係其一個侍應既態度真係十分之差 我唔知本身既西多士中間係甜既 咁我慣常地問佢地拎糖醬 第一位侍應好好心咁解釋比我聽.裏面係甜既.. 叫我試下先 呢個時候.. 就有另一位態度囂張既侍應走埋黎同第一位侍應講"使乜咁講多野 浪費時間 你拎比佢啦 免得佢又夜長夢多" 我都做過侍應.. 呢d 話咪番入去先講... 大大聲o係客面前講.. 全場都聽到... 想點呢...雖然我唔係咩食家.. 但唔使咁對我牙...嘆奶荼 都係去番自已去開既茶餐廳好 最緊要係侍應當你朋友咁笑笑口

在香港的歷史中，最早發展的地方是由堅尼地城至灣仔一帶，所以很多數十年甚至過百年的老店也起源在這一帶。今天來到有五十多年歷史，位於中環的鐵皮茶檔「蘭芳園」，看看其「絲襪奶茶」是否與坊間所說「地上最強」吻合。早上十一時半來到，店內只有數檯人客，找了一個可看見外出「鐵皮檔」的位置坐下。沒有詳閱餐牌，馬上點了預定的「蔥油豬扒撈丁」及「熱奶茶」($37.00)。本以為茶奶會很快送來，但也等了兩三分鐘才端上。看了一眼，茶色較淺，再嗅了一下，沒有太香的茶味。放了慣常份量的沙糖，攪了數下，由於杯身底部有些坑紋，令攪拌起來不太方便，呷了一口，發覺甜味不夠，要再加多一點。茶身較薄及淡，被奶味蓋過了一點，還好仍然保持滑口，熱度亦足夠，但奶茶吞下後便立時在口腔消失，沒有食友「南瓜」兄常說的「回甘」味道，還是「鑽石」的茶奶合自己口味。已呷了半杯奶茶，但「蔥油豬扒撈丁」還未送來，往廚房一看，原來頗多外賣單在製作中。在等待期間，已密密地有客人進來，由只有數檯客人到已沒有吉檯。「蔥油豬扒撈丁」終於送到，賣相不錯，蔥油、椰菜絲、紅蘿蔔絲及豬扒整整齊齊地放在「一丁」上面。先試了一口「蔥油」，沒有預期的重味，反而更合心意。

試了奶茶、奶油多、西多士，覺得除了奶茶較好味之外，西多士及奶油多跟出面的茶餐廳分別不大，可能是我不懂欣賞吧。而待應的態度亦一般，相信下次去中環亦不會光顧了。