蘭芳園

营业中

休息中

剛剛星期日, 本想去永樂園食熱狗, 不幸地紅日休假, 関門大吉, 所以唯有改去蘭芳園食早餐, 不是第一次, 今次食後, 有嘢想發表.食物質素超唔掂 :1. 茄旦通 : 上枱時啲湯已經不過一半, 好似人哋食淨再拎過嚟咁...2. 奶油豬 : 中間嘅醬超少, 一半份量都唔知有無.3. 歺旦面 : 歺肉有異味, 唔好食, 可能牌子問題.4. 腸仔煎旦 : 腸仔不是煎熟, 而是用水烚熟, 5. 豬件包 : 用鑊鏟壓下使面包熱, 所以面包是扁扁上枱的, 睇見都唔開胃.6. 凍奶茶 : 唯獨呢款ＯＫ．我同朋友上次嚟都唔係咁嘅質素，唔係廚房係咪心情唔好，或是餐室粗製濫造，水準超不穏定，我哋再無下次囉．．

今日諗住去食個下午茶, 好多野都話賣哂, 我叫左餐蛋公仔麵啦...等左好耐都未有, 其他同枱既人都差唔多食完, 佢就黎個「雞扒麵」, 落單果個女人仲話我係叫雞扒麵, 我都冇講過, 再同佢理論, 佢先至轉番比我。不過都係失望, D 麵好喊, 隻蛋又熟哂, 厚多士又唔脆, 凍檸茶又冇哂冰, 原來放左係出面冇人攞過黎, 攞到黎都唔凍lu....仲要唔平$38...我覺得一d都唔值呢個价錢, 我friend叫左奶油多都話唔好味, d 伙計仲要攞隻手整開塊包睇下咩黎, 好唔衛生....另一個friend想食豬扒包又話買哂....服務態度「一流」

朋友話想試下真正既絲襪奶茶. 佢話係o係中環, 我諗係哩間, 所以今日山長水遠帶左佢黎入到黎, 一個下午茶$24 得咖央西多士+杯奶茶. 好唔抵, 但佢係賣個名. 冇計.另外兩個fd 只係叫杯奶茶$13. 已經算係貴架啦伙計游說佢地嗌埋野食. 之後我地話唔駛.佢就一路寫單一路話最低消費係每人$20, 你地飲杯奶茶都要收$20架啦, 叫多個豬扒包啦, 埋單都係$61 咋嘛咁下... 一間咁up dup 既野竟然有最低消費!?!?!? 但最低消費都唔係問題佢係咪冇預過有人就咁入黎飲杯野?? 佢既最低消費太冇道理了吧...講食物絲襪奶茶... 想問佢用咩茶葉同咩絲襪沖呢? 隻絲襪穿晒大窿架?茶味一般. 最重要係一飲就知佢唔夠滑, 條脷會"拙"住既一係就佢d 茶葉劣質, 一係就沖法有問題咖央西多, 係幾好食. 不過嫌佢咖央都唔夠多.我食左朋友半個豬扒包, 夠脆但夾塊蕃茄落去... 食落好唔match. 生菜係咪好d?店入面一張豬扒包既相d 沙律醬好多, 但我地哩個係見唔到架囉揭開塊包, 的確係有, 但係得1,2滴, 少到好似個伙計唧左d 沙律醬上去塊豬扒之後又抹返走咁我唔食沙律醬, 見到得咁少

早餐我一定會食蕃茄薯仔火腿通，轉咖央多，熱奶茶，食完成日充滿力量，正正正！

和友人一行7人黎到想試下中環呢間老字號有幾好食黎到已經見到好多人排隊等老闆好好人見到我地7個已經準備緊坐位俾我地入到去當然要試下招牌野食撈面+豬扒包+奶茶因為熱奶茶應該會比凍奶茶香D滑d，所以只有我先叫熱奶茶，其他fd 都叫凍奶茶基本上我地全部人都叫唔同野，因為想試真d呢間野既特色野食，唔想試左一個唔好食就否定晒其他唔好食，撈面個d面就唔會有咩特別la，咪又係公仔面，正就正在佢個d薑蓉同埋d汁總括黎講雞扒撈面: 好食在於有薑蓉心多多撈面: d汁令到d面好有口感，食落好開胃黑椒牛扒撈面：極力推介!!!無論汁及肉感都好好!!食完都會想叫多一碗豬"dum" 兜撈面：類似豬頸肉既質感，都幾好味豬扒包：個包就無咩特別話好味，不過豬扒好味重點既奶茶：如傳聞中既又香又滑，飲完之後好醒神~耳我d fds飲凍奶茶都話就算凍都好飲!~講下服務態度：我地坐近櫃台，所以同老闆講得最多野，老闆親切好人。其間我個fd 食完但唔小心跌左個碗o係地下，我個fd 就去洗手，老闆係呢個時候就親自用紙巾抹下個地驚我地踩污糟隻鞋，呢下我覺得佢好細心^ ^之後個伙記執返隻碗，點知有d渣痴住個碗底然後跌左d野去我杯熱奶茶，我地即

食左蒜蓉雞肉撈丁, 咖央西多士, 奶油多, 熱奶茶.服務是十分差！！！茶餐廳都有最低消費? 每位20... 甘都不是一個問題... 最重要係我地二個人去... 叫左二樣野食... 我地跟服務員說"叫住甘多先,轉頭再叫." 服務員就立即說"我地有最低消費你最好叫多d野." 我地都說左轉頭叫啦... 一定要一次過叫曬$40的食物嗎? 服務員仲要好串甘說"哦... 轉頭叫咩... 甘叫咩呀?" 嘩.... 算是什麼服務！！！ 食物方面.... 都不是特別好食. 撈丁好像放了很久才拿出來,可能是放得久了,一丁的質地變得實同乾的,加上只是加了一點得個鹹字的豉油,溫度只是微溫,雞扒十分油. 這一個餐的價錢$37(一個撈丁+一個奶茶)... 這樣的質數... 一點都不值.... 咖央西多士來的時候牛油的份量是少得可憐的,在要求下侮氣的加過！！！極之失望~~

昨日honey和我去中上環的第一站，剛剛十二點鐘前到達，叫了「慳d駛時間餐」和所謂「嶄新推介」。「慳d駛時間餐」有五香肉粒一丁、厚多士和奶茶。麵沒有什麼特別之處，五香肉粒當然不多，湯底頗鹹。厚多士烘得剛剛好，牛油又夠多，麵包又夠厚，非常美味。「嶄新推介」有蕃茄薯仔湯豬扒煎蛋通粉和奶茶。湯底有點薑味，但honey卻feel不到，湯的味道不錯，蕃茄味頗重而不鹹，但似落了茄汁。豬扒也算又入味又香口，不算太薄，但炸得有少少乾身了。奶茶仍是上次的問題，滑得來味不足，總是覺得飲下去時是淡淡的，差了一點茶味。其實有點後悔，應該去勝香園試試，相信會滿意一些。

呢度d奶茶，真係又香又滑，仲係好傳統o既絲襪沖的奶茶，所以呢杯茶係o黎呢度我一定會飲o既。不過唔建議食撈丁，因為味道很普通，個人認為鹹左d，但係又幾貴，自己o係屋企煮應該更合口味。個豬扒包就幾好，個包好香口，而且係脆脆的，塊肉仲保留到d肉汁，可以試試，但係就迷你了一點。其實，呢度貴就貴少少，但係呢d店子越來越少，難得佢地仲保留到懷舊風味，我覺得值得去試下。正如一d西餐廳，菜式普普通通，卻也很貴，原因是它的環境，氣氛吧。

蒜蓉雞肉撈丁- 沒什麼特別，都係炒公仔麵加左d白切雞既蒜蓉- 雞肉都可以既，至少唔硬，肉汁都幾香，幾可口- 撈丁本身唔夠乾身，而且都冇吸到雞肉汁，所以只食到好濃既蒜蓉，雞肉自己有自己- 成碟的感覺就係d野食分開晒，一d都feel唔到佢地既chemistry- 整體成碟係幾油下... - 三十幾蚊一碟炒公仔麵就唔值喇- 可能係抱住好大既期待去，所以食完真係有點失望金牌辣口豬排包 推薦 - 細細個，但豬排是十分鮮美，多汁香口，肉地剛剛好，厚得黎唔會煮過龍- 加上熱烘烘的麵包和salad醬，十分惹味- 它配了一個蕃茄，更加好味同爽口，豬排沒有蓋過蕃茄的味道- 整體我覺得這個金牌辣口豬排包比招牌菜撈丁更值得吃!!奶茶 推薦- 男朋友話真係好好味，好滑好香，一點都沒有澀味- 男朋友仲讚話係全港最好味既奶茶凍檸茶- 我自己喜歡甜d既凍檸茶，要多檸又多甜- 佢黎個陣我覺得唔夠甜，所以叫佢加甜- 換完之後都冇變過，都唔知有冇幫我加糖漿- 所以我覺得呢杯檸茶不太好味

在先聲明不是因為以下單一事件而給它喊臉，是因為從食物以至服務都是很差的，而事實上以往吃過多次新店也是非常滿意的，但今回到了更加受好評的舊店竟得到如此的遭遇。甫坐下由於在排隊已想了吃什麼所以叫一名矮小的男伙計點菜﹝他的名字其實我是知的，但在此不開名了，不想他因為此而冇咗份工﹞，我說：「伙計，可以寫得了」。他回應道：「係！死得了拿」。我想在座同枱的其他食客都應該很清楚的聽得見，而我本人口齒雖不算是玲俐，但咬字也是清晰的，我心想，來港式咁「牛」的茶記吃東西也不要要求服務吧，點知不是沒有服務咁簡單，而是被串，再心想，被串都算了，不要拿這個字來串人嗎？我當時立即糾正他：「我是說『寫』得，不是『死』得」。他沒有反應且沒有道歉，而最後也是由另外的店員替我們寫單。其實真的想回敬他「你死得我們都未死啊。」最後當然是沒有說出口的，因為佢冇禮貌，但我們有。吐完苦水後，再入正題談食物，更加難受的開始了，人家說蘭芳園除了撈丁出名外，其豬扒包也是馳名的，以前在新店也吃過，感覺雖比勝香園的豬扒脆脆差，但也是不錯的，但今次的豬扒包是不熱的，而在內的豬扒也貧瘠得很，今次吃到的其豬扒包比勝香園的豬扒脆脆可說是天同地比。撈

第一次來到，估不到有很多遊客在拍照。要了凍奶茶和豬扒飽，豬扒飽的飽是脆脆的，很好味，但奶茶就不行了，太苦了， 朋友說勝香園的較好，我就覺得McCafe 的較好，又平些。只可以說，Not our cup of tea! 而且都幾貴!總算試過吧,但應該不會再試了.

It is my first time to visit this famous restaurant but i found that it is not special at all.chicken rich--> cost $37 .....too expensive and not really goodpork chop bread------> bad!!Only mike tea is ok!!so..............no next time!

每次在這裡看到勝香園的食評,就替蘭芳園不值,同是番茄通,蘭芳園其實做得比勝香園好很多,更不要說那永遠不會使人失望的多士了,可為什麼勝香園的捧場客卻多那麼多呢？真使人摸不著頭腦!不過,蘭芳園的番茄通確是比前幾年遜色,再沒有以前那麼真材實料,不過,那每碗只配給一塊的薯仔,卻仍是和自家煲的薯仔湯內的薯仔一樣,"粉'得絕對不簡單,家的味道,就在這小節!!!

之前睇過陳豪介紹呢到D COFFEE 好好飲, 專登12 LUNCH 走黎呢到食. 食左餐肉旦丁面, 牛油多士, 熱COFFEE... 比我預期差好多, COFFEE 其實唔係想像中咁好飲, 可能個日都熱熱地, 食到我周身滾, 都再無 心情研究係咪真係咁好食, 炸炸林食完快D 走.... 唯一要讚既係件多士, 夠厚, 又好味 (不過我覺得呢間評價過高, 實在唔了解點解咁多明星讚到天上有, 地下無... 可能我唔識欣賞 )

自從幾年前幫襯過蘭芳園嘆過杯奶茶，食過豬扒飽，覺得名過於實，但經常見到食家，食評大讚呢間食店的香滑絲襪奶茶，出位油撈丁，金牌豬扒飽等，今天又抱希望再去排隊幫襯，叫了一個奶茶，一個油豬扒撈丁，發覺個奶茶杯 Size 比一般茶餐廳細，餐具都非常殘，飲落杯奶茶無茶味，不夠奶，有苦味，唔夠香，又唔夠滑，求其一間茶餐廳D奶茶的茶味都濃過佢，滑過佢，價錢太貴，$37 一個餐，而且個油撈丁乾到汁都無滴，食唔落去，唯有再去另一間茶餐廳飲番杯奶茶頂癮，在金融海嘯之下，這樣差水準的食店，依然可以有咁多人排隊食，香港人真係有錢花唔去。其實D貴，但有水準，先值得我們去幫襯。老友!