蘭芳園

营业中

休息中

11月14日, 中上環美食之旅第三站期待已久的蘭芳園奶茶本只為奶茶而來, 但 每人最低消費是20元, 所以我們除了奶茶還叫了其他食物。朋友叫了凍奶茶, 初飲OK, 但越飲便覺得淡一點 (冰溶了)熱奶茶 : 不夠滑 (失望)咖央西多士 : 太甜, 吃不出甚麼味熱狗 : 包幾脆; 香腸太鹹, 配包一起吃, 整體OK奶醬多士 : OK, 奶醬幾好味紅豆冰 : 很差, 淡, 紅豆不多懷著期待而來, 失望而回 。

好耐都冇去過"蘭芳園",噚日剛剛係附近做野,於是帶埋亞豬去試一下(因為佢未去過 =^^=).一去到坐低我就叫左個蔥油雞扒撈丁,而亞豬就要左個蔥油豬扒撈丁(同類相殘 ccc... ).跟手再一人一個凍奶茶.....點知......結果係.......蔥油雞扒撈丁~丁麵(肯定唔係出前一丁)發漲又淋身又冇咬口......雞扒乾曾曾....蔥油就非常非常之鹹....蔥由豬扒撈丁~丁麵(肯定唔係出前一丁)同樣發漲......豬扒就好似樹皮一樣.....至於蔥油同樣都係十分之鹹...不過...有彈亦有讚....果兩杯奶茶就好GOOD囉.....不過我同亞豬點都搵唔到一粒奶茶冰...總括而言,就係同我幾年前去食今次既感覺就係......大不如前囉.....而且埋單仲要成$78蚊真係好唔抵食

二人試左:咖央西多+奶茶($24)豬扒包+奶茶($24)咖央西多ok; 豬扒包件豬扒好燶,幾乎是黑色的. 唔掂奶茶味道好正, 不過因為用膠杯(個人只喜歡用玻璃杯), 扣一半分!整體一般.

食物：蔥油雞扒撈丁，蔥油超鹹，雞內超老奶茶：極普通，大ｘ樂水準環境：在門口一望，不用多說了吧！老店的確是很有本地「風味」，但如果只求吃飽不肚痛便收貨，未免太過盲目！單靠名氣而沒有素質，應該被淘汰！

因為睇好多飲食節目都有介紹~咁星期日就同左2個朋友去試下~~一去到..已經見到門口好多人等位...入到去之後..點左薑蓉雞扒撈丁餐, 心多多撈丁餐同磨菇炒蛋豬扒包餐~~撈丁凍GE..唔夠汁!!!!翠華好食好多~~~凍奶茶...唔夠味..太興好飲D!!!39蚊一個餐完全唔抵食~~~又唔好食....無下次~~~

下班後，距離晚上的飯局還有好一段時間，跟女友慢步到上環摩羅街看看那些收藏品，看畢後發覺還有不少時間，便決定來這裡歇息一會。自己比較喜歡到老店多於新店，始終對老店的感覺來得親切和踏實一點。坐下後也不用多看餐牌了，要了一份下午茶餐，而女友也要了一份奄列餐。今天氣溫實在太高了，一般不論多熱也堅持要熱奶茶的自己，也得向現實低頭，要了杯凍的茶來解一下全身暑氣。<<咖央西多士>>味道不過不失，沒炸過火變燶，但味道也不算是很突出，只能算是比用花生醬作餡的多了一份椰香味道罷了。而那杯凍奶茶，喝了幾口後發現了一些東西.....女友的<<火腿奄列餐>>，水準極之一般，價錢也不算便宜，如果自問對食物要求高的食友，可以不試。而因為口癮要了的<<鮮牛蛋治>>，牛肉和蛋都"全無生氣"，既不香也不滑，味道平庸，可算係失敗之作。剛才提到發現了的一些東西，為了再確定一下便再要了一杯<<熱奶茶>>。一飲之下，茶既香口感幼滑，最特別的地方是在喝後，紅茶的香味餘韻竟可殘留在口腔之內上好一段時間，比較

不嬲去開蘭芳園感覺都唔差, 服務方面就唔會好喇, 正如去澳洲牛奶公司咁, 都唔會奢望伙計對你好聲好氣, 所以主要都係睇食物質素. 之前食開葱油雞扒撈丁, 通常都好味.今日試左個叉燒汁豬泵兜撈丁, 極度失望, 唯有忍痛俾個喊樣. 撈丁又好撈麵又好, 麵身應該乾的, 配葱油雞扒時無問題, 但配叉燒汁豬頸肉時, 就係個叉燒汁出事, 同撈丁完全唔o岩feel. 食完之後, 個碟底仲有汁, 代表實在太濕喇.另外, 兩三個月無來過, 發覺起碼加左兩三蚊, 而家一個餐要37蚊, 好貴. 唔緊要, 同事的心多多撈丁同牛蹍撈丁, 麵的上面都鋪滿餸, 但係, 我個豬泵兜撈丁, 竟然只係得幾片豬頸肉, 感覺好蝕底.

第一次入去食，服務真係非常差，你一坐下就好似要你立刻ORDER，快啲食完走一樣， 大佬又唔係平過人．叫了一個雞扒撈丁，但原來是平價的大光麵，咁就要成三十幾蚊，就真係得蔥油味.叫了一個咖央西多 ，因為熱所以好味，但啲牛油就真係少得可憐了，當人水魚一樣,但希望知道你收的價格不平,但比人食的就相差太遠,這樣只會流失客人,不要當人傻仔,傻女的搶錢,你好味比足料,我相信一定會有好多人食的, 不過我都會過多一段時間再去試食, 比多次機會這店.叫了金牌豬扒包 ，這個包就真係好好味了，直得去食，但太貴了.叫了奶茶，但就真係有好多地方的奶茶比這裡好，加上坐位，服務等待客人，好容易慢慢會失去好多客人的，希望改善下．因為比人太急速及好似要人快啲走了，所以跟著也沒心機再叫其他食品就走了其實蔡瀾介紹的我都會打個折，因感覺他只是幫人賣廣告多點，這次又一正實了．

今次來，又是去完 ABC 餅店。其實我本打算吃旁邊的新景記的，只見店內空無一人，都係唔敢入去，改為拜訪蘭芳園老店一圓我吃撈丁的心願。午飯前時間竟然無咩人（我想人潮未到啫），即來蔥油雞扒撈丁餐要奶茶 ($37)。撈丁應是繼口架央西多之後此時最多人吃的一味，不一會即上桌。撈丁據說是用原包出前一丁麵（只要麵餅）預先灼熟大半然後冷藏, 到有人order 之後就拿出來用特製鴨湯灼熱，再撈以特製鹵水汁而成的。麵條尚算彈牙，但還有少少部份纏結成塊，鬆番少少就好了。雞扒炸的有點過火，故有些太乾，但跟蔥油和鹵水汁撈埋一樣都是幾惹味的。可是碟麵和雞肉的份量是比較細小了，其實就只那麼一個麵餅囉，賺死佢。R&D cost 都應該沒有那麼多吧 ?! 奶茶也是奶味佔重，所以茶質香滑, 不過個人較喜歡茶味重的版本。不少人也吃口架央西多，我就不敢吃了。結論：名大於實，又是吃老店的環境氣氛，喜歡那個老式鐵皮屋奶茶檔。

叫左雞扒撈丁、凍奶茶雞扒撈丁：丁：只係普遍大光麵雞扒：還算可以，同其他茶餐廳一樣撈：只係用蔥油，唔覺咩特別，唔覺好食凍奶茶：凍：普通冰囉，佢貼左張紙出o黎話新店先有茶冰，咁你想我點奶茶：唔差囉又係，同其他茶餐廳一樣$37 + $2 凍飲 不如去搶雖然係中環，但服務仲差過茶餐廳，環境又唔好，野又唔好食，除左食個名氣之外都唔知有乜好，如果廿幾蚊的話我會再食，四十蚊就咪搞

又是月前的事了.當勝香園休息時, 近近地又試下好久未試的蘭芳園.晨早流流, 都有八九成滿的.同普通茶記一樣, 有早餐 set, 不過又是那些煎蛋火腿通, 我寧願散叫好了.奶茶雖熱但冇茶味, 感覺如水, 咖央西多 ok, 但牛油少得可憐.有冷氣又如何? 食物方面真的比以前差了, 現在我覺得是靠名氣.吃開有感情, 下次勝香園休息我寧願去鈞樂...當然每次去勝香園吃多士都有上上水準.差唔多三十元, ok 面都係格外開恩.

因為蔡瀾介紹先去試下,又話奶茶冰,原來新鋪先有,其實係舊鋪過2個鋪位!!試左個下午茶餐,西多士&凍奶茶,杯奶茶無奶茶冰,我唔覺得同其他茶餐廳有咩分別,西多士無糖漿,好彩佢入面既漿都算係咁,如果唔係淡戊戊,問佢拎糖漿又話夠甜唔比我!!d職員態度一般,基本上試完一次可以唔洗再去....

到半山搞埋 d 手尾, 3:30pm 仍未食 lunch, 餓得發慌, 加上勁耐無飲奶茶的朋友 K 想飲奶茶, 自然又0黎了呢度. 唔想又食麵, 今次叫個「金牌」豬扒包試試, 加杯熱奶茶 (tea 價 $24).每次飲熱奶茶都好滿意, 今日的依然又滑又香茶味, 感覺不錯.豬扒包賣相就十足時新的漢堡包, 芝麻包烘得熱辣, 幾鬆脆; 切條豬扒炸得好脆, 有肉汁, 不過都幾0鞋0下, 可惜; 好彩有少少沙律醬及蕃茄粒濕潤0下, 都幾好食.朋友則叫了佢的例牌 -- 奶油多 + 凍奶茶, 試了一啖屬厚身的奶油多, 外脆內軟熟的, 唔錯, 不過再多少少煉奶, 會更好食.一向覺得呢度食物價位甚高, 今日呢個 tea $24, 呢度 standard 0黎講已算平了. 而抵唔抵, 就視乎你對佢杯奶茶印象如何 -- 我就幾欣賞喇!

Tried their ice tea with milk, but hardly found an ice which is made by tea, almost all ice are just ordinary ones!!Wonder if the same ice tea with milk as shown on TV is only for celebrities?Food are only average, while toasts are just abit above. Not a single dish that is really outstanding.Service quality are depends on the number of customers and the crowd waiting outside. Poor service is provided if a bunch of people waiting.In conclusion, this place is famous but not worth it.

無可否認，呢度的食物有一定水準。無可否認，呢度的奶茶夠味道。無可否認，呢度的價錢唔平宜。不過，講開奶茶，真係要發火！奶茶冰冰（凍奶茶）係佢地招牌菜，無論在電視或者報章雜誌的宣傳訪問，佢地均強調用奶茶冰來保持味道不會被冰水沖淡，照片或電視畫面上見到的都係整杯的奶茶冰。但事實呢？哼！早幾天去光顧，我朋友那杯整杯只有普通的冰，而我那杯只有「雞屎」咁大的一小塊奶茶冰，見到旁邊的客人那杯跟我的一樣，一小塊象徵式奶茶冰，其餘都是普通冰，完全係貨不對辦。幫襯得佢地的人都唔會要求好的招呼，因為大家只重視食物的質素。奶茶冰冰的賣點是整杯的奶茶冰，以求奶茶味道不會被冰水沖淡，就算用一半奶茶冰一半普通冰都失了意義，何況只供應一塊甚至一塊都冇！如果因為成本問題，請調整價錢，如果唔夠奶茶冰，請停止售賣，但絕不能偷工減料，千祈唔好名人來幫襯就品質十足十，普通客就當羊牯。做生意應該要老實D！