蘭芳園

营业中

休息中

到半山搞埋 d 手尾, 3:30pm 仍未食 lunch, 餓得發慌, 加上勁耐無飲奶茶的朋友 K 想飲奶茶, 自然又0黎了呢度. 唔想又食麵, 今次叫個「金牌」豬扒包試試, 加杯熱奶茶 (tea 價 $24).每次飲熱奶茶都好滿意, 今日的依然又滑又香茶味, 感覺不錯.豬扒包賣相就十足時新的漢堡包, 芝麻包烘得熱辣, 幾鬆脆; 切條豬扒炸得好脆, 有肉汁, 不過都幾0鞋0下, 可惜; 好彩有少少沙律醬及蕃茄粒濕潤0下, 都幾好食.朋友則叫了佢的例牌 -- 奶油多 + 凍奶茶, 試了一啖屬厚身的奶油多, 外脆內軟熟的, 唔錯, 不過再多少少煉奶, 會更好食.一向覺得呢度食物價位甚高, 今日呢個 tea $24, 呢度 standard 0黎講已算平了. 而抵唔抵, 就視乎你對佢杯奶茶印象如何 -- 我就幾欣賞喇!

Tried their ice tea with milk, but hardly found an ice which is made by tea, almost all ice are just ordinary ones!!Wonder if the same ice tea with milk as shown on TV is only for celebrities?Food are only average, while toasts are just abit above. Not a single dish that is really outstanding.Service quality are depends on the number of customers and the crowd waiting outside. Poor service is provided if a bunch of people waiting.In conclusion, this place is famous but not worth it.

無可否認，呢度的食物有一定水準。無可否認，呢度的奶茶夠味道。無可否認，呢度的價錢唔平宜。不過，講開奶茶，真係要發火！奶茶冰冰（凍奶茶）係佢地招牌菜，無論在電視或者報章雜誌的宣傳訪問，佢地均強調用奶茶冰來保持味道不會被冰水沖淡，照片或電視畫面上見到的都係整杯的奶茶冰。但事實呢？哼！早幾天去光顧，我朋友那杯整杯只有普通的冰，而我那杯只有「雞屎」咁大的一小塊奶茶冰，見到旁邊的客人那杯跟我的一樣，一小塊象徵式奶茶冰，其餘都是普通冰，完全係貨不對辦。幫襯得佢地的人都唔會要求好的招呼，因為大家只重視食物的質素。奶茶冰冰的賣點是整杯的奶茶冰，以求奶茶味道不會被冰水沖淡，就算用一半奶茶冰一半普通冰都失了意義，何況只供應一塊甚至一塊都冇！如果因為成本問題，請調整價錢，如果唔夠奶茶冰，請停止售賣，但絕不能偷工減料，千祈唔好名人來幫襯就品質十足十，普通客就當羊牯。做生意應該要老實D！

原本係想去試下勝香園多d , 不過得知休息到22號先再開鋪 , 所以就轉黎呢度食返個早餐啦 , 真係好有傳統香港大排檔風貌 , 仲有好多遊客都識路專登一早黎呢度。 絲襪奶茶 ~ 熱既比較好飲 , 都真係好香滑 , 而且奶同茶既份量岩岩好。 奶醬多 ~ 厚麵包烘得夠脆口而且又唔乾身 , 好好食 , 我相信咖央西多士應該會更加正。 五香肉丁出前一丁 ~ 友人食哂就証明唔會差得去邊 , 而且d五香肉丁好大舊。其實都係食個氣氛ja , 始終唔係周圍有呢d大排檔 , 加上d侍應叔叔都幾風趣 , 只可惜試唔到蔥油雞扒撈丁。

本人係因睇電視見''蔡瀾''介紹如此好味吸引所以我就老遠都要去試試。第一次同男友點左凍奶茶咖央多、熱奶茶同豬扒撈丁...先講凍奶茶,電視講明連''冰''都係用奶茶做,但實質咪又係用水做ge冰...個咖央多略甜,豬扒撈丁過咸,係杯熱奶茶還可~於是今天又比多次機會佢,點知杯凍奶茶都係一樣.好失望啊!!!

名過於實? 不如說自己期望太高很多時好吃與否都被個人心態左右這天慕名而來 一切就因此"名"之過吃了撈丁 凍奶茶 咖央多士奶茶實在沒有特別之處 沒有想像中又滑又香不知道是否凍的關係 因為天氣實在不容許我喝熱的撈丁是沒吃過 但也真的普通到想不到可以說什麼多士那個我都不太知個名意思但味道不錯 一塊牛油在上面感覺很特別味道也是最好的我只能說..好有茶餐廳風味囉

29-07-2008今天試o既係明店- 蘭芳園十二點三左右，已經爆多人，但都好彩即刻有位，有張4 人枱走都俾我o地轉。當然有催我o地食咩，但都同我o地吹o下水，ok o既要了雞扒撈丁+ 凍奶茶 = $38拌撈丁o既薑蔥係幾鹹，所以最好唔好撈埋。雞扒起碼唔係"娜"到滑o個o的，但欠雞味麵就無乜o野，整體加埋值4分，份量少，其實麵好平o者原先諗住熱奶茶先"原汁原味"，但因為真係熱……所以飲完，係多奶，欠茶味，與想像有出入，亦都唔係奶茶冰走時，出面有兩個女人坐o係幅圖o的桶o既位度食……食完，感覺好平淡

有一天看電視, 看到蔡蘭先生介紹蘭芳園他說它的奶茶和已經沒有機會再食的煎三文治好好味~連阿詩都特登黎飲杯~我同BB見到都好想試下... 因為佢話杯奶茶gei冰都係用奶茶整ka ma~~ 好似好特別^^於是昨天下班後便一起去試一試~~看到menu上下午茶時間到7pm... 好surprise由於我們都不是太餓便order了兩個tea set~一是芝麻牛脷包，一是金牌豬扒包飲品是出名的凍奶茶x2抱著很期待的心情，奶茶到了...但是=.=" 怎麼不是用奶茶做的冰來的呢？而且味道很淡... 雖然還算滑... 但是我們都覺得某冰鎮奶茶似乎更好喝~~失望後來的兩個包說真的... 有點兒size很小的感覺不過我們只是想試試也ok囉~~ 一致認為豬扒的比牛脷的好味 但仍然不是太特別...所以... 我們都覺得不用再光顧了!

其實呢間野都食過幾次，基本上佢ｄ撈丁都試過晒，ｄ餸除左豬肋骨唔得之外其他都尚可，但係ｄ麵就好多時都係"淋ｐａｔｐａｔ"既，好明顯係因為太多ｏｒｄｅｒ而集體式粗製濫造，同好多食店一樣出左名之後ｄ野食水準就急劇下降佢杯奶茶都算係唔錯，不過做到呢個水準既餐廳都唔難搵，唔使為左杯奶茶特登黎

我心中一直掛念著絲襪奶茶，好不容易讓我找到這間店雖然裡面空間小，要和人併桌吃，但喝到奶茶的那一瞬間天阿~~超好喝的啦!!!難怪生意好成這樣我喝了某家的絲襪奶茶還不及這間好喝這間的絲襪奶茶一定要喝拉!!這時看到菜單上的撈丁麵不錯，我們也點了一盤來吃超好吃的他的醬底搭配上本人最愛的麵條，整個就無敵了!!

D公仔麵及通粉全部都是浸熟,巳經放咗好耐.一D味都冇,茶冇茶味,麵冇麵味,食物水準同價錢完全唔MATCH 我室企樓下$20個朱扒麵好食個佢千萬倍

第一次寫食評!!好緊張呀~~今日黎開中環所以就同左家姐去左蘭香園到食.....知道佢最出名係撈丁!!黎到無理由唔叫家姐!!!!叫左雞扒撈丁同埋豬扒包:雞扒撈丁: 我覺得撈丁唔夠乾身但係件雞扒就幾入味....我家姐就覺得咸得滯唔知係咪因為我食左面個陣!!最底個D就"索"曬D汁呢!!豬扒包: 個包幾好食...汁唔會太多岩岩好豬扒又夠味!!....下次都會再食!!

朋友介紹午餐好去處----大排檔!問我介唔介意?我話至緊要係好食!我要左沙嗲牛肉公仔麵加凍奶茶,沙嗲牛肉幾好味,個沙嗲幾香,甜味啱啱好,有花生味添,good!加左d什菜粒,ok架,等碗麵唔會咁單調!牛肉都唔會少凍奶茶有茶味,都幾滑幾好飲,質素唔錯!所以我都同朋友講,最緊要係好食,話之佢係咩環境啦,係唔係?

禮拜六同friend去ifc行完街,突然之間諗起蘭芳園係附近,所以就專登去試下.行成四個字先到,原本諗住去新嗰間舖度飲下午茶,點知無開,所以唯有侷住去舊嗰間度食.未入去已經好不舒服,又跼又迫,嘈喧巴閉.等左一陣先有位.坐低之後,我叫左豬扒撈丁同凍奶茶,我個fd就叫左沙爹牛肉米,兩樣都好快黎到.嗰碗豬扒撈丁,啲麵乾掙掙,豬扒又多骨又少.個杯奶茶仲衰,淡到爆,睇'一粒鐘真人蘇'又話用奶茶冰,但係我完全感覺唔到囉,擺明喺度'握'人.我個fd嗰碗沙爹牛肉米,完全無沙爹,啲麵得嗰少少,游水咁.其實佢用嗰啲料成本好低,一個出前一丁淨係要一兩蚊,豬扒十蚊唔洗,唔洗賣咁貴.如果好食都唔介意.但係俾成四十蚊食啲質素咁差既野,真係完全唔低.啲職員態度又差,大大聲聲咁講野.號'香港十大茶餐廳',真係名不乎實,浪得虛名.我勸大家唔好去食,因為真係'貴夾難食,大跌眼鏡'!

好耐之前食ga la..因為友人好中意飲依到d奶茶, 有時我都會陪佢黎依到食lunch..旦係...我真係唔想再去喇...因為連續兩次都好難食~上次我食0左個午餐, 有沙嗲牛肉麵, 厚多士同coffee.....友人的雞扒撈丁還好啦, 我個午餐就好唔典lor...沙嗲牛肉麵d牛肉鞋到嘔, 咬得勁辛苦, 個沙嗲有沙嗲既色, 無沙嗲既味! d麵超淋, 個湯又無味...唔知佢想典..可能一個撈丁都夠佢做生意, 所以其他野係完全唔好食的...個厚多士還好, 暖暖地...coffee, 叫0左佢少甜, 佢就勁甜...又係唔知想點...35蚊唔係貴, 但係佢d野咁難食...佢收我20蚊, 我都唔會再去～