藍象泰國餐廳 (已結業)

辛苦左一週既螞蟻上班生活，又黎到萬眾期待既週末，係朋友強烈推介下，黎到呢間靚景餐廳撐枱腳。美味、舒服、服務好、又夠飽肚，這些才是我所追求的。上一次食泰國菜都差不多成兩個多月，尖沙咀每樣菜式基乎都可以食到...今日去呢間靚景餐廳就係【藍象泰國餐廳】我知道這區泰國菜是多不勝數的，但在朋友強烈推介下就係呢個週末試試啦...【藍象泰國餐廳】位於海港城3樓，門面都話到你知係一間格調高雅既高級餐廳見到有牌寫住連香港在內，全球有十二間分店！相信亦係泰國極具代表性既高級宮廷料理餐館。全間餐廳由藍色黑色為主，藍色射燈使整間餐更浪漫，更有氣氛，藍色牆上勾畫泰國地度感覺既畫風，有風味之餘而又不失貴氣。入面都分左唔同既區域，有BAR枱居，有靠窗口的，有隱幣小小的位置亦有一個高私穩度的空間。靠窗口一排座位更可以望到維港一部份，美食配上靚境，又係另一種享受。但我與這個靠窗口無緣只可坐在入面的一張普通二人枱　但都不會不開心的！打開Menu睇一睇，呢到基本上涵蓋大部份傳統泰菜，更增添左一點點fusion式既菜式，當然甜品就唔少得，足足一頁選擇，真係心大心細，絕對要花一點時間先決定到食咩先好。圖片配文字永遠最吸引的！從

今日同屋企人黎到好出名既藍象食泰國野餐廳環境唔錯，早入座既我地仲可以坐窗邊位，望到海景呀！價錢比預期既平，所以都叫左好多野食，以下係比較推薦既冬蔭功湯（一人份）$88話就話係一人份，其實我覺得兩個人share都OK個湯都幾足料，有一隻大蝦同埋好多草菇等，酸度同蝦既鮮味係足夠嘅，辣度適中，我對呢度嘅冬蔭功湯都幾滿意菠蘿雞肉炒飯，超級大碟，叫咗呢個飯真係唔使再叫另一碟粉麵飯，成個飯無論係雞肉、肉鬆定菠蘿都好足料，飯粒亦炒得夠乾身，唔錯小食拼盤，我自己試咗佢嘅沙嗲串燒同埋炸蝦餅。先講蝦餅，口感幾彈牙，食到一粒粒蝦肉係入邊串燒方面，雞肉唔算嫩滑亦唔會好嚡，沙嗲汁嘅表現我覺得只係中規中矩，但係屋企人就好鍾意。最後屋企人叫咗一個榴槤甜品，叫做暖心榴槤撻，上面有一球雲呢拿雪糕，而個撻裏面雖然食唔到榴槤果肉，但係榴槤味相當濃（無論係味道定氣味都好濃），屋企人超級滿意呀！

去曼谷旅行時已想一試blue elephant, 奈何行程夾唔到, 所以得知佢開到黎香港就好想試, 適逢朋友即興約我去藍象晚飯, 我當然即刻應承啦。訂左檯7點到達, 餐廳門口有幅藍象既壁畫 好靚, 雖然餐廳地方大都full左8成 (如果想坐窗邊記得book檯個陣要求埋丫), 而燈光經店家刻意調暗後配合埋海景幾有情調。餐牌上有好多款式都想試, 最後揀左以下食物:法國鵝肝配金色羅望子- 鵝肝煎得岩岩好唔會過熟, 而且廚師好細心挑左啲筋, 放入口充滿油香, 好好味 泰色紅咖喱配雞- 食咖喱一定要配油鬆餅, 所以另外嗌左一份油鬆餅, 咖喱好香而雞肉嫩滑亦都入哂味燒大蝦炒金邊粉- 賣相出色, 大蝦好大隻且燒得出色唔會乾身, 而金邊粉加埋啲配料食都好正

趁今日得閒相約個好姊妹出黎尖沙咀食飯行街，黎到藍象出面門口，見到入面成個環境暗暗地，好似幾有feel咁，好奇心驅使下就同個朋友走左入去品嚐品嚐一番入到黎確實係幾有氣氛的，我地坐既位置仲可以望到出面海景 超正睇睇menu好多野都好想食 好有特色，經服務員推介一番後，我地决定點個小食併盤黎試下透過餐廳個窗望出去，整個海景盡收眼簾，對住個海晚餐十分寫意🤗🤗首先上枱的是燒大蝦炒金邊粉$152金邊粉上頭真係擺放左一隻大大隻蝦係到蝦肉鮮甜美味，咬落去仲十分彈牙金邊粉食落去就甜甜地，略帶一點辣味如果覺得仲唔夠味的話，可以自己再加點檸檬🍋糖&花生🥜等調味料落去！！泰國🇹🇭皇家蒸餃子🥟（半份）$38外型非常精美，食落去口感亦一流入面係d雞肉再加上冬陰公既味道🤭🤭辣椒蒜蓉炒蝦仁🍤蘆筍$108蘆筍同蝦食落都好爽口，蝦仁份量十足一碟都有好多隻終於到我地期待已久既主角出場了小食併盤內含多款食品：沙爹雞串x2、沙爹豬串x2、藍象炸蝦餅x2、脆皮青咖哩黃金包x2、馬可x2⃣️樣樣野都岩岩好兩件，可以同朋友一人一件，開心share,唔洗爭所有小食都好好食，蝦餅炸得好脆，蝦肉結實又彈牙、各種串燒烤得岩岩好，肉質鬆軟多汁、最

慶祝媽咪生日， 因為媽咪太喜歡泰國菜， 呢到地方又靚。內面比較暗， 座位及地方都大， 舒服。青芒果大蝦沙律（$148）酸酸地， 唔會太辣泰式黃咖哩炒肉蟹（$528）職員話係4人份量，咖哩汁比較厚蒜蓉炒雜菜（$98）椰子雞湯（$188）雖然餐牌話2-3人份量其實份量夠有4碗， 椰子湯都濃味燒大蝦炒金邊粉（$152）加埋青檸汁， 酸酸甜甜， 好開胃， 炒得好乾身👍🏻菠蘿雞粒炒飯（$138）用新鮮菠蘿🍍， 好鮮甜斑蘭雞（$88）雞肉好入味👍🏻

市面上既afternoon tea又貴 又甜並唔係個個都中意食但尼間性價比極高 又可以睇海景有興趣可以睇下.Afternoon tea set $168 +10% 尼個價錢係for two people 無聽錯都無睇錯.香脆蝦餅炸得唔油 而且蝦仲係好彈牙.泰式春卷入面有粉絲 蘿蔔 木耳等等咬落爽口 糊椒味濃 可以去除油膩感.柚子蟹肉沙律卷份量小巧 入面無沙律醬 唔洗怕肥 出面既葉有點酸 咬耐左會有點澀味.提拉米蘇杯忌廉打到好滑 有空氣感 好重牛奶味唔會太甜 唔怕膩.泰式辣朱古力餅其實朱古力餅係慕絲 有點辣 但果種辣係喉嚨度出黎條脷反而無咩反應好刺激.班蘭撻外面撻皮好香牛油 班蘭味淡淡.馬可係菠蘿上面加上咸咸甜甜既野雖然有點油膩 加上菠蘿就岩岩好可以中和到.泰式比利時炸蝦蝦仍然一樣彈牙 蝦腸一早被清理好炸粉有香芽味 而且仍然留有蝦膏.皇家宮殿蒸餃子皮本身無味 入面係肉碎.水仙芒果糯米飯沙冰 +$25芒果糯米飯食得多 當沙冰食又係另一回事芒果沙冰唔會酸 亦唔會太甜有紫糯米係底 .青檸梳打 +$25味道清清地

慶祝一位小學摯友的生日，來到已久仰大名的blue elephant 餐廳吃個泰式high tea!除因慕名而來，也知道這裡佔環境優勢，面對大海景，實令人心曠神怡!這裡有一人的下午茶，也有港女的二人下午茶 ($168)，只是這裡提供的是泰式食品! 價錢也不貴呢!點餐不久後店員便奉上鳥籠的下午茶set，店員也細心地為我們講解食物和食用次序，要從底層的鹹點吃到最上層的甜點呢!但其實...我們也知道呢! 哈哈 但也欣賞他們的貼心。底層鹹點有蝦餅，春卷，炸蝦，味道較普通，有點油膩，亦不夠熱。中間是柚子蟹肉沙律卷，馬可和蒸餃子；柚子蟹肉沙律卷味道頗清新；馬可是較為少見，以肉碎，花生加庶糖搓至像糯米的煙韌口感，加上菠蘿甜生酸酸，頗特別；最精緻是鴿子造型的餃子，餡料酸酸辣辣，但外皮太厚身了!頂層是提拉米蘇杯，辣朱古力和班蘭撻。甜點中較好吃的是班蘭撻，班蘭香突出，撻皮鬆脆；朱古力會慢慢滲出辣味；提拉米蘇杯就是全部也是cream。友人點來了Cappuccino，而我剛來了一杯普通咖啡作結。雖然食物質素普通，以藍象餐廳來說真的有點失望，但幸而面對大海景，與好友聊聊天，也渡過了悠閒的一個下午呢!

在尖沙咀海港城，有不少餐廳可以觀望到海景，價錢有平有貴。而藍象位置在商場內有點偏僻，平日好少經過，要在openrice才發現到藍象。原來內裡裝潢好精緻漂亮，看上去好高級，至於價錢中等，至於味道方面你就繼續望下文吧。軟殼蟹米紙卷 $118因為拍照時間長了，加上是對著冷氣位，軟殼蟹很快就涼了不脆，影響味道，而醬汁有夠辣幾惹味味的綠色辣蝦汁、甜酸醬。燒大蝦金邊粉 $152燒大蝦相當新鮮，每人半隻都夠大隻，肉質爽口彈牙好正，至於金邊粉用料十足，有蛋、豆乾絲等等，味道甜酸幾開胃，如果金邊粉炒得再乾身一點就更好。小食併盤 $168有彈牙的蝦餅，正沙嗲串燒，沙嗲醬也是靈魂，不可缺少，充滿花生香味，雞肉及豬肉串點著食，有肉汁一點不乾，不錯至於脆皮青咖哩金黃包及馬可相比上較為普通。芒果黑白糯米飯 $88賣相一流！糯米飯質感煙韌可口，飯上面分別有椰汁及芒果汁，不會太甜，更有一塊薄香芒在飯底，好有心思，一起品嚐不會單調。至於芒果我估是用上泰國的類似水仙芒，甜中帶花香味。最後的雪糕是朱古力味，感覺上不太夾，可以用椰子雪糕就好完美。

食過藍象幾次，野食每次都有驚喜，今晚同朋友黎晚餐，點左馬沙文咖哩羊，蠔仔蛋同小食拼盤。小食拼盤好豐富，賣相吸引，有沙爹雞+豬，炸蝦餅，咖哩黃金包同馬可。咖哩黃金包好似炸雲吞咁，入面有蝦肉同咖哩果，幾得意。而馬可係花生軟糖加菠蘿，比較少見。馬沙文咖哩羊味道唔錯，唔太辣好濃味但椰汁太少，羊肉分量幾多。咖哩用黎點薄餅就最岩。蠔仔蛋最有驚喜，勁大份勁多蠔仔，仲要粒粒都大大粒好厚肉，蛋炒得夠滑，呢個抵食又好味。整體野食質素唔錯，但價錢略貴，而且服務一般，叫左幾次先有人加水。而環境黎講係幾有情調既。

今日同媽媽黎到尖沙咀食呢間藍象平日唔算多人，餐廳内装修得好靚，藍色系俾人一種好舒服既感覺。我地叫左兩個lunch set一齊share，一個軟殼蟹炒飯芒果炒飯，同埋泰式虎蝦配涼麵。軟殼蟹好大塊！份量非常足。炒飯亦都好濃味，啱晒我呢啲鐘意食泰式既重口味人士涼麵既賣相好特別，撈埋一齊再加酱汁，味道好清新又爽口。係夏天的好選擇！蝦亦非常新鲜，點下泰式辣汁，超正另外，我地仲加多左碗椰汁雞湯。味道濃郁Lunch set 包埋餐飲，我同媽媽一人一杯奶茶，食到超飽！

前幾晚同男友講好耐都冇出街睇夜景，今晚就係尖沙咀海旁附近book左間泰國餐廳！進入餐廳裡映入眼簾的是藍色通道，繼而旁邊是見到海，感覺浪漫！泰式香辣肉碎沙律$92其實呢個沙律一d也不辣，豬肉肥瘦均勻，配上生菜食感覺好fresh.炭烤豬頸肉配泰式香草辣汁$168烤到豬頸肉外脆內軟的口感，配上香辣汁惹味十足雞肉蝦醬芒果炒飯$128平時食開菠蘿炒飯，今次第一次食用青芒炒飯，估唔到青芒一d也不酸，仲好咬口，飯裡面包住幾隻彈牙大蝦，雞肉，延伸旁邊的肉鬆，蛋絲，蝦乾，足料炒飯，蝦醬味道少許咸咸地，食完不覺得囗渴！藍象特式青咖哩配雞肉$188張張枱必叫之選，雞肉嫩滑到不得了，個青咖哩汁十分香濃幼滑，據侍應旁述個咖哩汁係用人手打造個汁，難怪我男友連汁也食到見底配上薄餅食飽飽可以去睇夜景我地自己埋單六百蚊左右！

在尖沙咀的Thai Brassiere 藍象餐廳被選為曼谷50間最頂級餐廳之一 ，在泰國國外設有12間分店，其中一間位於尖沙咀海港城 ，能在港品嘗地道泰國宮廷菜式 ，實屬難得的機會。餐廳環境寧靜優雅，糅合泰國宮廷的古典，及現代的簡潔美學。泰式海鮮二人餐 $688泰國皇家宮殿蒸餃子，馬可慢煮花生軟糖配新鮮菠蘿，主廚 NorNor 著名創作泰式比利時炸蝦。藍象特式冬陰功配大蝦，冬陰功湯較為嗆辣，但入口刺激味蕾。湯頭充滿蝦膏，鮮蝦香富足，不像常見的香茅味偏濃重，湯味辣而鮮香，相信這才是正宗泰式味道。藍象特式青咖哩雞，蠟燭在器皿內點燃着，此舉既能保持咖喱熱度，也能突出青咖喱的 aroma。紅咖哩燒珍寶大河蝦，大河蝦分量固然巨大，肉嫩也爽甜，珍寶級，可遇不可求。泰式黃咖哩炒肉蟹，整隻肉蟹份量相當多，蟹膏帶似黃油蟹膏的酥香，咖喱汁不辛而甜，惹味非常。店員也提供手套配合食蟹，免得過於狼狽，及強烈建議用其剩除咖喱汁佐飯。魚露蝦乾炒椰菜苗，採用高級上等魚露，當然香氣迫人，亦突出蝦乾的咸蝦鮮香 。 隨餐附送甜品，薑味法式燉蛋，外層是法式焦糖薄脆餅滿滿薑香，裏面是蛋滑的Cream Brulee。 Blue

近來愛上左去尖沙咀海港城，因為商場夠大，啱晒愛購物的我，而且食肆選擇又夠多，今晚掃完一大堆戰利品，晚餐選擇多近太子酒店那邊港威商場的藍象餐牌選擇很多泰式蒜蓉炒通菜第一味送上，份量很多，通菜用蒜蓉及蝦乾炒，蝦乾超大隻，又夠咸香，用黎炒菜最適合小食拼盤泰式沙嗲雞串 X 2雞肉燒得甘香，肉質仍保持嫰滑泰式沙嗲豬串 X 2豬肉燒得焦香，肉質夠腍，配埋秘製沙嗲汁真係超惹味藍象炸蝦餅蝦膠夠晒彈牙，炸得夠金香脆皮青咖哩黃金包雲吞皮炸脆，入邊包裹著青咖喱醬汁饀料，帶有些少香茅味道，這道菜式很特別馬可 這款小食名稱咁特別，原來鮮甜菠蘿上邊是慢煮花生軟糖，質感軟綿綿，很好吃燒大蝦炒金邊粉長臂大頭蝦相當大隻，很有震撼感覺，蝦殼炸成鮮紅色，蝦肉亦絕對不少，而且夠晒彈牙鮮甜，金邊粉撈左花生碎及泰式酸甜汁，金邊粉少少彈牙感覺，幾好味蒜蓉包即叫即製，夠晒香脆，蒜蓉味亦夠晒濃是日甜品今日是泰式紅豆糕，紅豆味夠濃又很有香滑感，味道唔算太甜，啱晒我地

未到晚飯時間高峰期，六點半餐廳已經好多人了！menu圖文並茂，選擇非常多元化又吸引。先上檯既軟殼蟹紫米卷，一望就個餡料非常豐富了！長長既蟹腳，令人垂涎三尺！紙米卷皮晶瑩剔透，非常薄，但又唔會容易穿。能夠非常實淨包著內裡既餡料，good ar!預計這碟冬蔭公大蝦炒飯會很辣，但原來只有微微既辣勁。飯粒炒我得乾身，粒粒分明，炒得唔錯!!!再加上新鮮爽口既大蝦，非常正!!藍象特式青咖喱可自選配雞肉/牛肉/豬肉，而我地ORDER左既係雞肉。青咖喱汁很香滑，咖喱香味濃而不太辣，若配上白飯更佳啊!!脆皮青咖哩黃金包咬落口肉感滿滿，口感有點像春卷。

afternoon high tea set $168 for 2..由雀籠造型，由下至上咁食😋..下層: 香脆蝦餅🦐蝦肉彈牙丶泰式春卷同埋炸蝦🍤再蘸上泰式醬汁，酸甜好醒胃，香口又惹味! ✨最好味依層💕.中層: 馬可 丶柚子蟹肉沙律卷 丶皇家宮廷蒸餃子。蟹肉沙律卷，味道清新，幾特別！個餃子🐦造型可愛可惜皮太厚！.上層: 提拉米蘇 丶班蘭撻 丶泰式辣朱古力餅。提拉米蘇同班蘭撻 味道中規中矩，反而泰式辣朱古力餅有驚喜朱古力mouse入口香辣微甜👍🏻..整體來講，$168 一set high tea;即平均每人$100(連加一）真係幾抵，不過不過留意返依間餐廳嘅餐飲出得好慢同味道麻麻