薔紅

营业中

休息中

This is my first time registering as a member and writing a comment after reading OpenRice for more than a year. Rose Kitchen is the motivator for me to do this!Today is the second time that I visited Rose Kitchen within four days!!The quality is equally good as the first time I came. I love the Tiramisu cake and Chocolate with Mint at the dessert counter!The Caesar Salad and Duck Breast/Onion salad is lovely too! I am surprised again by the value I get! $58 per person during my first visit and

聖誕日同男友去完山頂,落番灣仔食自助餐,8點半,$188一位。預先訂了位,竟然有窗邊卡位坐,望到電車路,開心。一坐低,枱面有兩份聖誕禮物包,開心。有兩個開心~~好啦~~開餐~~先來頭盤,都幾多款。有沙律,可自調凱撒沙律。凍盘有凍蝦,青口,長蟹腳,龍蝦仔,三文魚刺身,鯛魚刺身,煙三文魚,火腿。長蟹腳同龍蝦仔都幾好味,最意外係有龍蝦仔,我地食到最後都仲有得食,供應充足。還有湯,意大利菜湯和西蘭花忌廉湯。不錯,還有多士爐供食客烘熱麵包,今日既麵包係提子包,好味。然後主菜,約有十多款,肉比較多。羊肋骨仔(有點膻,不過汁唔錯),雞,魚柳,焗薯仔片,忌廉焗椰菜花,火雞(好大塊火雞,不過無咩味),火腿(呢個正野~),牛肉串,長通粉,炒飯,肉醬闊麵,扁意粉,火腿鵝肝卷(睇樣唔知係咩,食到粉粉地,應該係肝臟),而且不停refill,不過款就唔會成日轉,都係轉過一兩樣。最後甜品,有約十款,大多是小型甜品。有tiramisu,米糠布甸,芒果布甸,玫瑰啫喱,麵包布甸,芝士蛋糕,藍梅芝士蛋糕,忌廉蛋糕,雪糕,糖水,糯米糍。麵包布甸幾好味,其他就麻麻地。唔明點解要有芝士蛋糕,因為藍梅芝士蛋糕係係芝士蛋糕上面搽藍梅

由坪洲返到中環後，既然難得出城，就搭多幾個站去灣仔，上去薔紅吃個豐富的晚餐。上次坐內廳，今次坐卡位，窗外對著繁華的莊士敦道，邊吃邊細看街上的行人﹑電車，感覺相當不錯。對上那次來已經是九月份的事，原來餐目上也有微少的變化，主要是A餐$88，過往只包自助海鮮沙律吧﹑甜品吧，現在更多加了幾款熱小食，還有任食的自選材料+即叫即煮的意粉，我將其明為…”意大利式車仔麵”﹗XD加入新元素後我覺得非常好喔，既適合細食者，又方便晚餐不宜進食太多的人士，如自己(=減肥人士 XD)因為在坪洲吃了下午茶，六點多還未太肚餓的，由於這裡的主菜實在夠哂份量，我們問問服務員，原來現在每位客人都可以單點A餐，沒有話二人必須至少吃一個主菜，彈性大左。所以，今天我和老友都各自選A餐，下次留肚來才擦餐勁啦。^^兩款西湯中，我當然選紅的，色水依舊是豐富蕃茄紅，菜蔬仍有很多，不過味道上則淡了少許，連我最愛的蕃味也不夠豐厚。蔬菜方面，主打新鮮爽甜的羅馬菜，另有西生菜，粟米粒，車里茄等等的基本角色也有的，而且好幾款沙律醬等待大家’攪’它 XD而撈好的幾款沙律類之中，我最愛的是椰菜花三色椒沙律，上次沒有的，愛它的主因是沒有我最怕的沙律

喺"開飯"搜尋灣仔區美食, 發現咗呢間餐廳, 評語幾好, 決定一試.餐廳開喺商業大廈二樓, 環境整齊舒適, 感覺唔錯. 半自助餐$88(未計主菜), 包餐湯兩款, 海鮮自助吧, 沙律吧, 即叫即做pasta及甜品吧. 餐湯有意大利菜湯同椰菜花忌廉湯, 我揀咗前者, 味道比羅宋湯清一啲, 都幾好味. 海鮮自助吧有青口, 凍蝦, 翡翠螺同凍蟹, 唔見龍蝦仔. 四款海鮮都有唔錯水準, 幾新鮮, 拍得住好多酒店. 凍蝦同翡翠螺冇乜沙(八隻中只有一隻有), 青口亦算鮮嫩, 比起我上次去海景嘉福或海景萬麗都要好. 凍蟹雖然比較細隻, 但係有羔, 肉質結實鮮甜, 唔錯, 不過近八點冇再refill, 第一round唔食就會錯過.沙律吧有幾款現成沙律, 亦有配料及器具可自製凱撒沙律, 我揀咗後者. 三角豆, 粟米, 車厘茄, 生菜, 乾肉粒, 芝士粉......按自己口味撈勻, 正!由於睇咗幾個食家都話主菜分量足, 所以我同朋友兩個人只係叫咗一客鵝肝拼羊架. 鵝肝算大片, 不過煎得唔夠香, 欠缺外脆內軟嘅口感; 羊架有兩大件, 肉質軟硬適中, 廚師以簡單手法烹調, 冇落太多調味, 反而能食到肉

報紙見到Rose Kitchen的廣告，見價錢合理，而且望落又ok，所以同朋友決意去試一試！先講講環境。我地坐卡位，好搞笑，我個朋友仔身形比較大件，剛剛好坐到！再大件d應該坐o吾到！餐廳裏面d牆全部都係玫瑰花，好貼題！先講講自助餐。冷盤有crayfish，蝦，螺，燒牛肉片同其他沙律。都ok呀，起碼無沙或者“梅”，而且幾乾淨。d蝦都幾甜添！主菜我order了一個大蝦牛柳薯蓉，朋友仔就食法式香煎鵝肝伴烤蘋果拚燒羊架配蜜糖黑醋汁。o吾知係咪餐廳想比我地足夠時間食自助餐，order左之後45分鐘先上。大蝦同牛柳都好味呀，而且好大碟！唯一可以講o既只係個薯蓉，因爲我本身比較喜歡有調味o既薯蓉（例如芝士或mustard），而這個比較簡單的薯蓉就plain左d，不過或者都應該係o甘，因爲要黎配牛肉都應該要簡單d。朋友仔o既羊架鵝肝就食得津津有味，應該幾得！食左兩個course其實已經好飽，但仍然繼續作戰！甜品o既bread and butter pudding幾好味呀！cheese cake 都 ok，生果都好新鮮呀！埋單都係大概$160一位！以這價錢真係超值！服務態度又好，值得一試！

久仰relaxing tea house大名,但原來葵芳店結業了還未有時間過去吃,得知整隊人馬過了灣仔,正合我們2位港島人的心意.一百多元的半自助餐,價錢隨main course而變化.我點了黑松露扒鮮飯,身邊人要了大蝦牛柳薯蓉.自助方面熱盤沒有甚麼選擇,味道一般,不是特別好吃或難吃.泠盤沒有鮮味,某部份還有沙,自助食物唯一優點應該只有fill菜快,也不至於沒有東西吃.反之,小巧的甜品秉承了cafe出身的特質,tiramisu非常出色,其他cake也造得相當好吃(但對我來說有點甜).飲品方面也有數目不少的選擇,比熱盤還要多,自己撞的奶茶沒有甚麼特別.等了45分鐘還未上main course,找waiter催催時才被告之廚房落單系統故障,要再等.呆坐了一會兒.才有主菜奉上.黑松露扒鮮飯:非常creamy,蝦比起自助的泠盤相對新鮮得多,也有不錯的松露香.大蝦牛柳薯蓉:大蝦好吃,牛柳比要求略熟,醬汁也不錯只是2個main course的份量都很大,如果先吃了主菜也吃不了多少自助食品,所以我們都吃不完main couse,有一點浪費.後來才知道原來可以$88不要主菜,但可任叫意式車仔麵,下次學

真係好耐都無寫食評，點知重出江湖就“中招”！之前的食評實在太detail啦！居士都有點擔心，點知馬上有朋友叫到話有間新自助餐在灣仔！88蚊好抵！咁咪去試下囉！原來係半自助餐，88蚊只包部份食物，另加錢食主菜，點解宣傳單張和侍應完全唔講，有點被騙入局咁！既然朋友一番誠意想食，算數，食物ok的話都原諒佢，點知！講返食物！居士選了至貴的羊架拼鵝肝作主菜，羊架夠大件，絕對夠飽，生熟控制得幾好，不過就勁油同埋無味道，連雪味或者鮮味都食唔出……完全講唔出好食定唔好食！而鵝肝更嚇人，雖然居士不是鵝肝專家，但係佢真係整得好難食，碰一碰塊鵝肝就散晒，點解鵝肝會散開呢，可能居士太暴力？又或者其實食緊免治鵝肝掛！加上一浸油，以及跟羊架一樣的毫無味道！這道以往食評者食出的味道完全感受唔到！另外去返自助部份，份量的ok的，不停的補給，但味道就真係麻麻，首先兩款湯，意大利菜湯淡而無味，磨菇忌廉湯好似麥皮咁？莫名奇妙！特色飲品有三款，就係奶昔、奶昔同埋奶昔！三款不同味的奶昔，惜居士唔好昔，又怕佢飽肚，咁即係有等如無！甜品又係咪，除了啫喱迷你菓撻外，蛋糕就係有芝士蛋糕、芝士蛋糕同埋芝士蛋糕！芝士蛋糕上一個放crea

朋友介紹，才知道灣仔有這樣的一家餐廳！更巧合的是，原來我以前幫襯過，不過係他們仍在葵芳新都會個時!!由大廚Raymond Siu到經理、侍應，Menu上的主菜及外面的沙律甜品，怪不得好像都似曾相識的。原來廚師、甜品師以至經理都是在葵芳新都會Relaxing半自助餐工作過的。先講沙律，款不多，但好企理，夠凍，又夠味，個撈沙律幾好玩，但好似唔多客人鐘意，成晚得我一個玩哂!!哈哈。海鮮真係讚，聽朋友講佢上次黎有蟹、有螺。今次就有龍蝦仔、青口、蝦、帶子。D帶子仲要好大隻。依家個餐牌簡潔左，位位基數$80蚊，加主菜每個+10蚊至+88蚊。朋友仲話意粉仲定大大碟，羊架應該會好少，因為貴。點知見到隔離檯岩岩"落貨"，六條骨既羊架！係咪傻左，即刻要左兩個，一個6成一個8成。其實外層差唔多，不過唔同成數就有少少分別，6成裡面會再"林"少少，但就肉味好香。8成就D肉彈牙，就唔駛點切都OK。兩隻都好夠羊味，但就唔鮮。睇返呢度先知原來真係個個都提個個都讚。搞掂左個主菜，先發覺原來出面有三款凍款自助，奶昔、咖啡，仲有一樣唔記得係菠囉汁定芒果汁。甜品款式都幾多，都係芝士蛋糕、慕司、雪糕、生菓、泡芙，每樣試左一D。

如曾經幫襯過以前在葵芳的RELAXING TEA HOUSE的話，這裡的半自助晚餐形式以及各式各樣主打食物，很多都是似曾相識的。店內環境宗於店名，薔紅(玫瑰)和紅色為主，上至天花的裝飾，下至餐牌﹑檯布等，均是玫瑰﹑玫瑰的。穿梭在場內拍點照片後，六點半正式可以去用餐了。先進攻冷盤海鮮區，有藍青口﹑凍蝦﹑翡翠螺和小龍蝦。凍大蝦的肉很爽，但蝦味稍微；翡翠螺粒粒都極巨型，螺肉厚大﹑彈牙﹑味鮮，最緊要吃不到有沙粒，清洗得很乾淨；藍青口的肉比較起來就細隻多了，但都是很鮮甜。看老友在吃的小龍蝦，可說是中型的小龍蝦了，飄來陣陣的香草味，但我懶拆殼所以沒有吃到。凍盤則有凍火腿和凍牛肉，第一次吃凍牛肉片，口感爽爽，配上那少許甜味，而醃茄子﹑三色椒和翠玉瓜，都令人吃不停口的，兩者均是不錯的開胃菜。餐湯有兩款，分別是意大利菜湯和南瓜忌廉湯，我主攻紅湯，色水是誘人的鮮茄紅，未喝已經口水流了，茄味很濃厚，而甜酸度都剛好，掂!內裡有很多椰菜﹑紅蘿蔔等，還有意大利粉呢﹗沙律區方面，有著名的咖哩雞沙律﹑清新爽口的青豆沙律﹑三色椒螺絲粉吞拿魚沙律和雜菜沙律，另外備有新鮮的羅馬生菜﹑數款沙律生菜﹑車里茄﹑甜甜粟米粒和清甜青

新店開業不久。適逢手執傳單一張，內附$8現金卷，遂前往一試。餐廳以半自助餐形式運作，每位價錢以所選主菜來定，由$100至$170不等。沙律吧有六七款配料，賣相質素一般喇。冷盤有凍蝦、青口、翡翠螺、龍蝦仔及各式火腿，都OK新鮮。熱盤則欠奉，只有紅白兩款餐湯供應。至於主菜，試了帶子黑毛豬及鵝肝羊架兩款。黑毛豬肉質末致入口即溶，中規中矩吧！鵝肝外層香脆，不過味道不夠濃郁。羊架味道不羶，肉質比黑毛豬更腍。最後是甜品生果，約有十多款選擇吧，整體賣相味道都OK。因新張關係，全店免加一。另外，一張$8現金卷如六人用的話，可慳$48，店方倒是慷慨喎！

半自助餐實是有值得試既地方,也有其存在價值.與自助餐不同,你不會因為樣樣都想試樣樣都想食而令全頓飯失焦. 半自助餐主菜就像是鮮花, 款式由約八款,價錢稍稍不同(由$98-$168),我不會說這是豐儉由人,也不是份量問題,而是你喜歡極黑豬扒？還是傳統的鋸安格斯牛扒？還是那馳名的鵝肝拼羊架？說馳名，並不是亂說的。新店開張，但大廚卻並非新手，班底是昔日葵芳新都會廣場的Relaxing tea house的。羊架為怕血水，我選擇全熟，但來的並不是"羊沙紙"，而是充滿羊味而軟滑的肉。鵝肝仍是內脆外軟。另外兩個朋友都選了羊架，有八成熟，都大讚味道驚喜。另兩位朋友選安格斯牛扒和牛尾，肉質吃到不是閃縮貨色，你不會忘記自己在一家有格調吃著晚餐。半自助餐，如果沙律和甜品是綠葉，那麼，這綠葉也未免太大陣容了。蟹+青口+翡翠螺+龍蝦仔+蝦。餐湯:兩種餐包、兩種餐湯任君選擇。沙律除了那任你玩的凱撒沙律外，還有咖喱雞沙律和常見的沙律菜。甜品BAR有很多各式不同的甜品：芝士蛋糕、紫米糖水、撻仔糕仔任君選擇。佈置以玫瑰為主題，取名薔紅，而且坐位闊落都很令人覺得舒適。有卡位、有中圓檯、有二人檯及方形拼拼檯，人多人少、圓