影片
以上资料只供参考，请与餐厅确认详情
相关文章
今日（31-5-2025 Sat）端午节，同老公实践由西环行到北角，但由于晏咗，就取消，改喺湾仔呢喥食咗晏至出发，我哋嚟到时，都算多人，老板俾我哋坐四人枱，睇完menu，就一定要佢哋嘅招牌$88.00嘅金牌脆皮烧鸡配薯条，$8.00嘅罗宋汤，$8.00嘅热奶茶，$90.00嘅酥炸脆皮牛腩配意粉。落完单，即到嘅就系金牌脆皮烧鸡配薯条，然后系两个饮品，我即饮啖奶茶，涩，要落糖，落咗一茶匙至叫做搅得掂。1分然后食薯条喇，热腾腾嘅粗薯条正常冇问题，金牌脆皮烧鸡热到老公戴手套都撕唔到，宁愿用叉，个皮真系好脆，我食鸡上脾，佢嘅鸡油好够，肉质又滑又juicy，枱上有好多调味料俾客人自己落，我就落淮盐食，之后食鸡胸位，嚡啲系正常嘅。5分然后我饮罗宋汤，料都多嘅，味道唔错。5分酥炸脆皮牛腩配意粉到嚟，睇见意粉另上，同有一兜咖哩汁，意粉用茄汁捞过，唔太酸，口感系香港人口味，唔系中间硬𠮶只，啱我；酥炸脆皮牛腩个皮真系脆，牛腩够腍，味道亦浓，咖哩汁浓唔太辣，几好味。5分服务：落完单，即刻俾胶手套，湿纸巾同碗。等客人食完晒嘢至一次过收嘢，唔会太骚扰或有赶客嘅感觉。环境：呢喥设有两间私人房俾客人。3.5分其他：枱上已放咗好多唔同嘅调味料，重有纸巾同水，好体贴。
继续阅读
听人讲呢间烧鸡好好食，去动漫之前就决定嚟试吓一上到去劲多人啰，见到每一台都系食紧烧鸡我哋就叫咗烧鸡同埋肉酱意粉share食肉酱意粉就真系麻麻哋啦，所以我都冇影相但系烧鸡就真系唔错嘅，热辣辣个皮好脆好香不过都唔平呀
继续阅读
中伏指数爆灯⚠ 真心奉劝：宁愿食麦当劳脆香鸡翼 伏到想即时Call食环署👮【烧春鸡🍗】鸡肉监狱🚫：外皮烤到㶶边算系唯一亮点 但一刀切落... 肉质嫩滑得嚟完全冇味！ 好似白灼鸡胸蘸盐水 腌制时间恐怕唔够5分钟⏱鸡皮油弹💣：最致命系鸡腩肥膏位 成啖油吱出嚟💦仲要撒满死咸椒盐 食两啖就想拎吸油纸....🧻【风干薯条🍟】纸皮咁嘅口感📦似摆足3日嘅隔夜货，脆皮？薯香？对唔住 只有㶶㶶油膉味😵 【冻奶茶🧊】茶＋水＋炼奶嘅沟稀版 茶味接近零 简直就好似糖水沟冰🙅💢不如捐俾慈善机构！！💢
继续阅读
每次嚟湾仔，蔷红系我嘅必到之选！🤩 餐厅环境热闹，侍应服务超效率，等位时间短，入座快，下午茶时段都唔使等太耐🍗 金牌脆皮烧鸡配薯条呢款烧鸡真系无得顶！🐔 外皮香脆到一搣就「啪啪声」，肉汁爆棚，Juicy到不得了！💦 新鲜即炸，上枱时热辣辣，仲贴心附送胶手套，直接用手撕开食😋 可拣薯条、意粉或沙律做配菜，鸡肉嫩滑入味，完全唔会老，份量十足，食完超满足！🍞 一口西多士呢个西多士系惊喜之作！厚切面包炸成一粒粒，口感松脆又香甜，每啖都系享受！🥰 外层金黄酥脆，内里软绵，绝对系下午茶嘅必点之选，强烈推荐试试！🐷 澳门猪扒包拼肉酱意粉份量好大！😲 猪扒包外脆内嫩，猪扒厚实多汁，完全唔干，咬落超有满足感！肉酱意粉浓郁惹味，肉酱份量多，味道浓而不腻🥳📍蔷红 (湾仔)湾仔庄士敦道194-204号湾仔商业中心1楼仲有副线品牌📍蔷红宅急便 开系唔同地区，咩都系咪一样就唔知啦，顺路经过都可以试吓～1. 红磡：崇志街28号地下2. 大坑：新村街4号A地下3. 元朗：凤攸北街11-15号益发大厦地下19-20号舖4. 佐敦：弥敦道380号逸东酒店Food Court
继续阅读
好耐无行书展行完饿到想食多啲野去左食鸡一去到蔷红已经要排队好彩我哋算早唔使排好耐就可以入到去谂都唔使谂就叫咗烧鸡😆随餐附送食鸡必备手套同湿纸巾我真系耐冇嚟而家啲嘢包装咁靓饭/意粉/薯菜/沙律我拣咗意粉酸酸甜甜好开胃配烧鸡唔会咁腻一嚟到见到𠮶只髀咁大已经开始流口水支柠檬茶系隔篱枱友情客串🤣我会自己捞呢三只酱用配点鸡食咁啱行完马莎咁啱买咗香草一樽既然买咗啲香草就即刻开配嚟点鸡食超正🥰我哋两个人食咗半个钟都算快真系好好食，鸡肉又Juicy唔会嚡十十好多人食烧鸡会配可乐但我真系觉得配冻柠茶先系最正啲叔叔服务态度又好好就算好多客人佢哋都冇怠慢我哋点餐送餐再加点嘢饮全部都好快手❤️🫶🏻👍🏻
继续阅读
您可能会有兴趣的...