薔紅

营业中

休息中

係會展行完旅遊展,出到灣仔,朋友話去呢間,服務/服務好街坊式,咁又OK(因為係茶餐廳)食物叫咗四個小菜連白飯梅菜扣肉煲~扣肉好"稔"正瑤柱蒸三黃蛋~皮蛋老咗啲,OK啦XO醬翠玉瓜炒腩肉~味濃(鹹),油多,送飯OK炒牛柳粒~又係味濃(即係比較鹹),又係油多,送飯OK白飯任添,連四柸凍飲,食到飽都係每人$50-.重唔滿意,OK啦,(雖然又肥又鹹唔多健康)

哩排「估」市浮浮沉沉 同女朋友都係決定食得清淡少少今次寫既食肆都可稱得上灣仔TOP 5 便宜 (套餐) 又大間既鋪頭叫左個健康營養餐 有salad 同蕃茄火腿通粉哩個真係唔bad 唔得! $3x 比d $10幾蚊既貨式我salad 味道好一般 最抵打係碗通粉少得可憐 有點不知所謂反而佢d 炒粉麵都叫唔錯個星洲少米 調味適中 唔會好油 食落幾惹味材料及份量都尚算豐富哩個真係經典 $30 唔洗就有鐵板餐食同野飲 抵玩過連鎖快餐店係塊雞扒係肥左d 不過肉質仲算實淨

以前係灣仔做野就成日幫襯係灣仔油站入面街間得成既,因為果時返通宵,而得成又有電視睇,所以成日黎。而家無係灣仔做野都周不時會過黎灣仔食飯。有次如常想去得成食野,見到得成老闆娘企左係鋪門口隔壁惠康個位,原來而家佢地而家上左上面間薔紅做。傾多幾傾先知,原來舊底既得成上左樓上到去見到個環境,比起樓下街鋪果間好好多,d位闊d又舒服d,d卡位又唔係硬班班既~於是叫左我哥一齊上黎食。揀左個斜對住電視既卡位坐低左,侍應好快就拎左茶同餐牌黎,有晚餐亦有小菜飯餐,我同我哥都係飯桶之人,緊係食小菜啦~都係三十零四十蚊,係灣仔區都算ok,起碼咁多年都無話大幅加過價。餐牌上有個清蒸海上鮮,問問係乜野,原來日日都唔同既,今日係豉汁蒸蒼魚,都好丫~再叫左個雞,雞又係有得揀,有鹽焗雞同吊燒雞,今日依個雞我唔係好記得係咩雞lu~應該係鹽焗雞。我地鍾意黎依度食野原因係d侍應好攪笑,唔係串但係幾親民咁,同埋岩晒我哥ed【大飯桶】,因為依度你唔夠飯食可以添飯咖只係唔可以晒野囉~唔會比你一次過叫定幾碗之後可能食唔晒咁囉~每次每人只限添一碗,食曬再添豉汁蒸蒼魚﹏d豉汁唔會太鹹,可以撈飯食d魚好滑都好多用,唔會細細條,正鹽焗雞﹏味

新開張的時候，價錢、食物份量及質素都值十分幾個月後...........加價之餘仲要縮水，態度差，好似唔憂做咁有時叫得多飯盒(10 - 15 個)會提早一小時落order，有一次漏咗一個，打電話去，由12:45 打到2:00 先通(有3條線)，結果同事冇飯食，2:00打通同佢講，佢仲話要check 吓先，語氣好似我想呃飯盒咁，check 完之後「唔好意思」都冇聲，仲話聽日補番，咁我聽日咪一定要幫襯你。其實一間餐廳食物質素固然重要，但切忌心高氣敖，態度差，幾好食都冇用，Keep 唔到客。以後唔會再叫，外賣紙都掉埋。

15-2-2011是日忽然好想食羅宋湯或蕃茄湯底的粉麵, search 了 Openrice 的灣仔食評發現呢度有供應, lunch 又過嚟試試. 叫了「有營常餐」($32), 有湯粉一碗, 沙律一碟及飲品一杯.先來熱奶茶, 色水「茶」得很, 飲落茶味幾香, 奶味 vs 茶味約 3:7, 落糖後唔澀 (唔落糖試了一啖, 不過就發覺唔落糖唔得了...), 不過飲完個口超嚡, 真係 意式湯螺絲粉:「意式湯」係港式 minestrone, 茄膏味強烈, 但酸得離譜, 似「醋」的酸嗆多過「蕃茄」喎, 都幾難頂的 螺絲粉煮得幾有咬口; 配料以雜菜為主, 有紅蘿蔔, 西芹, 椰菜及洋蔥, 幾入味 (又名「酸到爆」...), 不過完全唔腍, 咬落「確確」聲的, 感覺麻麻; 而火腿就嚡烚烚味道又怪怪哋; 整體味道認真麻麻. 什果薯仔沙律: 混了大量疑似「卡夫」沙律醬, 食了一粒唔知蘋果定薯仔只覺 sok sok 聲及沙律醬味, 加上碟嘢幾「出水」吓, 最後幾乎無掂過一樣. 放低 $32, 唔滿意, 唔知會否再來, 不過即使再來都唔會再食呢個常餐了.

辦好香港的事, 下午便要回大陸. 香港既野食, 始終啱食D, 而且我要等, 等會計師樓釘裝好D report. 近中午了, 就要來食一番. 呢一間上樓既茶餐廳, 本來個plan係上黎食早餐的. 誰知佢原來只做午市及晚市. 惟有等食lunch先來試一試. 應該是我遲食早餐, 胃子飽飽的不想吃飯. 翻看午餐Menu布乜食. 居然有日式拉麵餐. 說香港既茶餐廳多選擇, 的確是. 他們做得出的, 他們識做的, 一定做到出來.先來一個湯, 一個中湯, 是什麼老火湯不記得了, 只記得佢地俾了一大條骨我. 純骨, 沒肉. 人類是不喜歡的. 涉冒味道, 只有咸, 有肉味, 有鹽味. 想嘗點鮮味?! Sorry, 例湯嘛, 好唔好味, 鮮唔鮮味, 都要你飲. 拉麵, 我的是日式叉燒湯麵. 因為不是特登黎食拉麵, 所以口味上既要求盡量降低. 麵, 賣相係十足的日本拉麵, 用的也是日式叉燒. 淋上少少日式叉燒醬, 看就好似好正宗. 不知食落去又會係點呢.湯底, 是日式的濃豬骨湯底, 不過這肯定是用湯粉包或是什麼濃湯寶, 味道是豬骨濃湯味, 但欠了一樣野, 就是鮮味. 用既配料同一般日本料理的一樣, 叉燒,

I went late, and total damage was $98, for two san miguel (bottles, 33cl), fried chicken fillet with french fries and vegetables, and a chocolate tower cake thing, with cream.When the food arrived, I was amazed at the size; the thing was 2-3 times bigger than it looked on the menu.Unfortunately, it wasn't great; the chicken was way too greasy, and I opted to pull the skin off. Underneath the skin it was okay. The fries were too dry, and the vegetables were just bad. The garlic sauce it came with

7月17日, 之前睇食評見到唔少人推介有營常餐已經覺得好吸引~ 所以今日特意嚟一試! 上到嚟發現呢度環境比一般茶餐廳有格調, 周圍都係玫瑰花裝飾… d座位都幾闊落, 仲有電視睇添!::: 意式湯螺絲粉配雜果薯仔沙律 + 凍檸茶 ::: $26 + $2沙律係無得揀嘅, 是日沙律係雜果薯仔沙律~ 味道都ok而且十分凍! 不過沙律醬就多左d… 不過都唔緊要~ 因為個主角意式湯螺絲粉實在太出色啦!!! 大大兜雜菜湯, 飲落係好濃郁嘅番茄味~ 配菜有蘿蔔、洋蔥、西芹同火腿, 都煮得好夠淋而且非常入味! d螺絲粉又夠淋wor, 成碗野連湯加粉真係可以一滴不漏咁食晒!! 正~凍檸茶亦不錯~ 茶味頗濃~ 檸味清新~ 感覺真係好健康呀!!::: 咖哩牛腩飯 + 凍奶茶 ::: $33 + $2竟然都不失健康, 有加青瓜同蕃茄粒, 老實說印象中未食過咖哩青瓜蕃茄… 味道有點格格不入… 而面頭亦淋上類似奶嘅物體, 個感覺唔太好… 不過整體咖哩味道就真係幾好wor, 係馬來咖哩嗰隻~ 牛腩又入味, 都幾淋下, 薯仔亦都好粉~ 此咖哩已經比好多茶餐廳好~凍奶茶奶味茶味適中, 亦夠凍~總括食物同環境都很不錯~

今天下午請了假, 往銅鑼灣取東西, 順路到這裡食個下午茶. 一個高檔西餐廳的店名, 卻是茶餐廳的格局, 都幾好吖, 起碼唔需要加一服務費. 樓面面積都頗大, 所以我不需要搭枱, 自己獨個兒坐了一張四方枱. 這裡生意都幾好, 不但店內有不少食客, 還有三位侍應專注地處理着一連串的外賣餐盒.我問侍應是否可以叫下午茶, 她有笑容地回答我, 餐牌上有的都可以叫. 另有一位侍應很有禮貎地告訴我隔鄰枱的客人, 由於沒有他所點的食物, 是否可以轉其他款式. 還有一位疑似是老板娘, 臉上總掛着笑容. 所以店內侍應是忙碌着, 但氣氛是使人舒服的. 下午茶都有唔少選擇, 不過我對豬扒包情有獨鍾, 所以最後點了豬扒包拼肉醬意粉. 豬扒包 - 可能製作需時, 所以約等了10分鐘. 食物送來時, 是大碟上放上豬扒包, 肉醬意粉, 少量蕃茄青瓜片及生菜伴碟. 包是中型size, 都頗脆和暖, 包中間放了一件與包一樣大的豬扒, 上面再放了二片蕃茄和沙律醬. 咬第一啖, 真不得了, 整個包很惹味, 慶幸自己沒有選擇錯誤. 美中不足是油多了一點, 我是用兩隻手拿着來吃, 但其中一邊手指竟沾滿了油. 肉醬意粉 -

05/06/2010 凌晨那天收工後我和了一個同事食個宵夜, 他建議去"薔紅"茶餐廳, 此地之前的經營模式是自助餐,即是客人叫一個主菜之後, 店內設有salad , dessert station 可以任食,現在的經營模式已經轉變了, 現今店名也是同步改造"薔紅茶餐廳", 不是西餐廳, 更再沒有自助餐享用雖然經營模式已經轉變, 裝修也是模樣, 店鋪都是以紅色為主, 用了玫瑰花做標誌,當我們走進入店鋪, 門口附近已經有一個酒吧, 可見在draught beer 售賣, 窗邊同天花都有一串串的閃燈或是塑膠造成的玫瑰花掛上, 卡位和椅子也是紅色而且又大又寬闊, 更設有電視機可以給客人觀賞電視今天客人都不少, 所以我們沒有坐在靠窗邊的卡位,一坐下來, 店員給我們兩杯清茶, 也是用12安士的highball glass 盛著, 可見店舖之前的經營是向高檔線行走,這裡的宵夜套餐的選擇都好多, 一般茶餐廳所供應的公仔麵, 三文治, 燒味, 小菜,炒粉麵, 鐵板套餐都有, 更設下不少都幾有特色的食品, 例如墨西哥雞肉卷, 日式麵豉叉燒拉麵.....而我同事叫了澳門豬扒包拚肉醬意粉, 熱辣辣的麵包的外層

之前見到既自助晚餐冇左 改左為半自助...自選一樣主菜之後 津律吧 甜品 熱盤可以任食7點到入到去 都ok多人啦.. 有6-7成 環境都算乾淨 格調都ok. 同埋d人都唔係好嘈選左豬手 同西冷 做逞菜去就去拿野食...沙津吧就同好多地方都差唔多熱盤都有8樣到野食選 春卷, 意粉 什菜 鴨胸等.. 野飲就可以 自己整檸茶 檸樂個d...一係就飲機個d@_@ 都有3重 味道算係咁啦..湯就有2隻 什菜同忌廉湯(唔記得咩味) 什菜唔得 -_-' 飲左一啖就唔想飲= =食到咁上下 侍應就問主菜上得未. 等個陣就出左去食第2轉之後主菜到左2樣賣相都ok.. 個西冷味就普通啦...而且都幾薄下...反而豬手有d睇頭..個汁整得幾好...而且豬手個邊都有少少脆口感覺可以助2個小時食都算係咁..服務幾好..侍應都好主動做野 同埋問佢地野都會肯答!有機會都會再來既^^ 呢個價錢俾番呢個價錢既野

25/2(四) 7pm匯豐優惠潮將近尾聲,抓緊良機,踏足了灣仔的"薔紅".店子的格局介乎茶記及扒房之間,以紅色為主調,天花掛滿裝飾的綠葉,坐於軟卡座,頗闊落!主打以半自助餐形式的晚餐,先點過主菜比目魚配菠菜汁焗蠔$98,安格斯牛扒$188及三文魚刺身$15,隨後到buffet區巡視一番.沙律--數款沙律菜如羅文生菜,紫生菜,甜豆,酸青瓜,西蘭花,椰菜花,蘿蔔絲沙律,薯仔沙律等味道平平.主菜--推介啤酒炸魚及上湯雲吞,其餘的茄汁意粉,三文魚碎炒螺絲粉,豚肉炒飯,炒什菜等菜式可省卻之!三文魚刺身--另點一客四片的刺身富光澤油潤;片片厚身鮮美!主菜:比目魚配菠菜汁焗蠔--菠菜汁焗蠔三隻,出奇地翠綠的菠菜汁稠度低且沒啥味道,被覆蓋著的蠔仔若不留神,便把其錯過!食味跟賣相大概出入不大.比目魚上灑上活潑木魚,味道挺搭調的,魚身煎至僅熱,魚皮被澆上帶甜意的燒汁仍保留微脆,墊底的薯蓉不至極滑順,倒含點點牛油香.安格斯牛扒--要了六成熟的安格斯牛扒,阿梁直言頂多值$50的貨色!肉不嫩,原味不強;伴碟的意大利青瓜,車厘茄,薯角更能進口!甜品及飲品--甜品角上的甜品有點苟且,芝士餅,什果撻及朱古力蛋糕質地濕

今次第二次去了,但形式已經不同了,現在已經沒有凍海鮮(如小龍蝦﹑藍青口﹑凍蝦﹑翡翠螺等)及各式各樣的凍肉了,而且亦沒有意式自選車仔意粉供應,.但$88半自助餐包一個主菜,其中四款不用加費,其他則要加錢.今次比較特別是八時左右已沒有西瓜,改為橙了.主菜我選擇了豬手,味道可以.服務方面我覺得全部員工都很好.而且不時清潔取食物的地方.不過如果訂位時能說明形式已改變了我想會客人的感覺是比較好一點.由於今次我一心打算去食凍海鮮,點,但結果一樣也沒有供應,所以才評為喊面.另外,現在已經沒有免加一優惠.但九時後入座有85折.

之前見到食評comment 不錯.....又見到hsbc 有coupon......於是放工去試試....點知...去到樓下, 個staff己經係咁sale 你上樓, 感覺已經有點怪怪的...但個staff 都ok polite...上到去, 冷冷清清的....得個三四枱人 (max. 應該可以入到三十枱左右.....)落order 時己問hsbc coupon 係咪惠顧滿三百就用得, 無特別的terms and conditions......於是點了牛扒同雞扒.........跟住出去拎野食......哈哈....的海鮮有small lobster, 凍蝦, 青口同螺, size 細 不在話下 (蝦乾都大隻個佢), 而且好似食剩咁......好心refill 下啦....熱食有的炒雜菜, 西炒飯, 雞塊雞串咁...不過雞串ok 的...因為係超市買到個種.....至於salad bar.....心想都應該穩陣的......點知連基本的粟米都無味......講返之前落咗order.....十分鐘後個waitress 先同我地講要加一前惠顧滿三百先用得coupon, 佢話平時無加一,

Given the price for a semi-buffet, you can't complain or expect hotel quality food. Having said that, the variety seems to have gone down compared to what is being shown here by other food lovers. What was available last night was:Salad bar: romaine lettuce, corn, tomatoes, cucumber, pineapple, potato salad etc.Seafood bar: tiny shrimps, tiny mussels, and 螺 (tastes the best), as well as sporadic rounds of salmon sashimi which didn't really have salmon taste and a round of smoked salmonHot food