蓮香樓 (已易手) 新餐厅

上年來這裡搞了兩圍飯聚，一直對霸王鴨也念念不忘，早前便約了一班朋友再來食過。菜式和上年相差不遠，而自已最喜歡就是其中的霸王鴨和炆斑翅這兩個菜。霸王鴨- 記得等一次食時，完全唔知係寶，只是覺得幾好食，之後在其它食店也試過，才知這裡是怎樣出色，今次再來，這味菜又點可以少呢！真材實料，蓮子炆得好腍，蛋黃流油，糯米煙韌又好味，實在食完還心思思想再食。炆斑翅- 份量十足，魚肉新鮮嫩滑，魚片脆口又好味，豆腐味道剛好，雖然芡汁偏濃，但完全沒有影響大家的食欲，真係一絕。人多但份量又和上年差不多，所以今次沒有太飽的感覺，可以說剛剛好。最可惜是晚上沒有麻蓉包叫，所以只好叫蓮蓉包食。

幾年前食過一次晚飯...記憶中係好食同抵食的. 不過當時同埋阿姨地食, 急急食完就走, 印象唔深.昨晚與同事一行12人黎食晚飯...無乜人知有咩招牌菜. 於是, 除了早前訂了八寶鴨後, 就全問伙計有咩出名野.結果, 我地食左:昆布湯: 好香好夠火喉~八寶鴨: 好好食架. 一d都唔肥, 仲要成隻鴨都淋哂, 連骨都食得埋呀.蚊斑尾: 伙計落order時話300蚊...嚇左一嚇. 不過一場黎到, 都要啦. 上檯時, 大碟得好緊要. 大過平時一條魚. d魚好滑好好食呀~焗魚腸: 正! 一向都唔怕魚腥的. 不過呢個真係一d腥味都無.醬燒骨: 一入口, 感覺係...個醬味道好好呀~煎藕餅: 比較平凡的一個. 因為其他野太好食了!腐皮卷: 好香好脆, 好新鮮.蒜茸介菜膽: 唔會太苦, 又唔會太硬.蓮蓉包: 好大個架....最好係, 唔會太甜呀~食完, 個個都好飽...各人都好滿足呀.唔介意無太靚的裝修, 無太殷勤的服務, 無太靚的伴碟排場的, 一定要試試.

已是數個月前的食評了。去的原因已忘記了, 只知是一家人一起去, 共10 人。地方很舊, 但笠乾淨, 也很光猛, 但有點太吵了。當晚的菜單「大概」如下:招牌菜「八寶鴨」: 個人覺得一般, 味道有點亂七八糟, 也好像不太健康(好多咸蛋黃)。焗魚腸: 不錯, 表面金黃色帶點微焦, 內裡很香, 也不腥。豆腐炆斑尾: 也不錯, 魚肉煎過, 香口得來不失鮮味, 獻汁的味道也很好。冬瓜盅: 材料不算多, 味道不錯。生炒排骨: 即炒的, 夠獲氣, 味道也很好。還有數道小菜的, 記憶中全都是不錯。沒加一, 結賬八百多元, 可以接受。ps 還以為老一輩的伙計會比較沒禮貌, 但卻是意料之外的良好服務態度。

其實想去試佢個d蓮蓉包好耐ga喇, 但平時又費事專登出中環~今日要去西營盤,所以順便去中環行一轉先~!由於得我自己一個, 所以淨係外賣拎走無坐低飲茶。我第一次黎, 原來下面係賣餅,上面先係飲茶既地方~我原本都想買個蓮蓉酥ga,不過見佢好似放左係個個唔太乾淨既櫃入面好耐咁,所以都係免喇~我問樓下個呀姐上面點心有冇得外賣,佢笑笑口咁話有(可能覺得我問得低能...咁我見其他人話d飽要「搶」ga ma~!)於是我上去叫左蓮蓉麻蓉各一籠拎走~之後我上左叮叮後即刻拎個蓮蓉飽黎試下..一咬落去..咦?冇餡既???原來係層皮太厚...再咬...有蓮蓉喇!!但有咩特別ja wor...好失望呀!!!因為我覺得我食開個d茶樓整得仲好味...蓮香樓d飽個層皮太多粉,唔鬆...不過個麻蓉飽d餡就好好味!!!呢種味細細個飲荼時先會有~hehe~好懷念啊~唔...雖然今次有d失望,不過下次再試其他...哈哈~好想試佢d鴨!!p.s.我而家仲有幾個飽未食!哈哈~

舊作風，流番三張大台比伙記食飯。我等左八個字先有位坐。在香港好像絕種的(推點心)重現眼前，零舍有飲茶氣分。我地一行八個人，食左十一樣點心加三大碟野，每人四十大元找兩蚊。味道好，款式多，水滾茶香，價錢合理，唔似時下洒樓將d點心整到狗屁不通。不過難搵位，d 樓面啊叔唔會幫你搵位。

我地D年青人去KFC多過去茶樓. 唔係局著(呀爸、呀媽叫到)都真係唔想去酒樓食飯呀!家下飲茶用晒點心紙,即叫即(返)蒸,電話訂(過半數先可以入席)---煩, 套餐ABC.方便就方便了, 不過冇晒D中式茶樓feel.最致命係......超難食.好想搵返細個o既時候,同去飲茶的感覺...... 熱熱鬧鬧、人山人海、點心車仔同美味點心.難得今日男友仔早放學,去o左蓮香樓搵定位,陪我一齊試下懷舊茶樓.一去到茶樓,嘩...正呀!未上樓梯就聽到茶樓o既叫賣聲了,well仲見到好多男人(都唔後生了),大家一齊圍著張大圓、一人一個茶盅沖茶,仲有車仔推著d傳統點心.在茫茫人海中尋回男友後就,就開始叫點心了.先o黍一個(都唔知咩名,見到就叫)鴨腳+柚皮,乜原來柚皮係禁味.總知吸晒d汁(得意)唔硬,唔苦,仲有小小香味,d鴨腳好入味；再來一個豬肚豬肉,大大塊,又厚又爽；綿花雞,滑嘟嘟；跟著見到燒賣熱騰騰,食落超彈牙；再來一隻鬼老size珍珠雞,大隻到你唔信,d糯米香噴噴,軟綿綿；試埋個蓮蓉包,個皮好鬆化,d蓮蓉又香又滑仲有d咸旦黃、已經飽到頂唔著了；見到新鮮推出o既拉糕,顏色、大細、同個籠...細時同去飲茶的

為左父親節我已經籌算左好耐去邊度食，因為知道老豆就算間野裝修得幾靚總之唔好食都會彈到人地一棟都無-_-"，所以都做左好耐功課。見到蓮香咁好評，就決定試下。﹝可能有人會覺得我連蓮香都唔知就太孤陋寡聞啦，但係無計啦唔係食家無咁pro嘛。=P﹞去到，裡面多人不在講，外面成條樓梯都企滿人等位。結果我訂左八點鐘都要等，等到三四個字先有位。等o個時阿爸話個環境非常熟悉，因為細個o個時成日黎呢類茶樓食飯，話好懷念喎。佢仲話諗起《大鬧廣昌隆》d場景，我諗返都覺得好似好似呀，突然好掛住小芙蓉添，嘻嘻。坐低，菜牌都唔使要就叫野食。因為呢度每個食評我都有掃過一次嘛，所以知道咩餸多d人讚囉，又知道霸王鴨要訂。但係就唔知道原來炆斑翅都要訂，所以點呢味餸時佢話你有無訂我就嚇左一跳：「下？乜炆斑翅都要訂架？」之後佢走左去check 返黎好彩話有o者！再點左醬燒骨同東江豆腐煲。因為有五個人，我打算叫多樣，佢就話：「應該夠啦，鴨同魚好大碟。不過兩個都可打包，都ok。」黎餸o個時見到咁大碟都知道我地返屋企要有排食lu。=P霸王鴨，真係名不虛傳，十個正！我一向以為咁多料一齊一定唔好食啦，但原來都唔一定架。成隻鴨外型好完整，

2004年11月某個周日.周日早上六時零五分,剛與友人通宵達旦,好不盡慶,拖著疲倦的身軀,滿身宿醉氣味,衣衫汗水,與香水混合味道,上去蓮香樓附庸風雅一番.晨羲霧散,像我般披星戴月的蒲友,一個一個同樣沒精打采,在酒家碰個正著,打個招呼早晨.乜咁岩呀?昨夜最後去左邊個場?)之後便要尋找自己應有的地盤,大家不相往還.好不容易找到兩個空位,與兩名正在研究馬經之大叔同桌.甫坐下店小二立即放下茶杯和茶壺.我與友人覺得唔對路,異口同聲來到當然要茶盅!),立刻要小二換回茶盅.但小二的眼神,非常不悅.似乎心裏暗罵0靚仔,你識個屁麼?)好,先放滾水落放滿普餌茶葉的崩口茶盅,稍焗一會之後,便倒落同樣崩口的茶杯內,只見同檯大叔手勢純熟,滴水不漏般倒落茶杯.反觀小弟雞手鴨腳,漏到成檯都係.大叔見狀問我第一次黎呀?)我係呀!)大叔拿,我示範一次,跟住做.做多幾次,一定成功.)果然,幾次過後,開始上手.經過昨夜酒精洗禮,加上激情之後,肚子喪鐘已經響起,大姐捧住鵪春蛋燒賣,鮮竹卷.個人好像著了魔,衝向亞姐面前唔該我要呢個,呢個.),鮮竹卷邊度吃都係差不多味道,反而鵪春蛋燒賣已經近乎絕跡.很多酒家已吃不到,反觀點心皇大

慶祝肥仔考完試，去蓮香樓試試。一來急不及待每人叫了一個蓮蓉包，味道不錯，最愛黃蓮蓉加旦黃。想叫醬燒骨，誰知售罄，於是叫了焗魚腸、芙蓉豆腐、煎耦餅。吃了一口魚腸大家都放棄了，真的吃不憤這種味道，鯹鯹的，頗難入口。芙蓉豆腐就太\\\"淋\\\"了，完全沒有口感，而且還很油膩。耦餅就悻然成了全檯之冠。為了伴飯吃，我們最後只好叫了家常小菜- 通菜牛肉罷了。總體而言，小菜味道偏鹹。只嘆一句︰「希望愈大，失望愈大。」

be honest ~ 我覺得樓上飲茶食物就真係好普通, 但環境就真係幾有feel ~樓下d中式餅就真係very good !!!我試過蛋黃甘露酥, 非常正, d白蓮蓉勁香"mo lo 酥"都正, 同蛋黃甘露酥有d似,係黃蓮蓉and個皮脆d棋子餅就一般lu ~光酥粒都做非常乾身, 好好味~合桃酥都好脆口~最勁係佢d酥入口時勁鬆脆但放入手袋係唔會爛ga

老字號唔係一定好，之前就來光顧過這間「蓮香」，沒有太深印象，而家再次幫襯，食佢地最出名既八寶鴨，雖然聽說功夫多多，要將隻鴨拆肉，再連同蓮子冬菇好多立雜東西塞進鴨內，再蒸熟上檯。不過可能麻煩就麻煩，不過味道真係麻麻地啦。再試的比較經典的小菜- 土尤蒸肉餅，又唔覺有乜特別。地方衛生真係幾差，如果唔係因為老店，真係唔會幫襯。不過的茶真係幾好，服務就一般啦。

第1次去蓮香飲荼，真係食舊老店風味好過d點心。因為晏左黎好多點心都試唔到；豬潤燒賣望到頸長都等唔到，下次要早d黎再試。蓮蓉包唔太甜幾香唔膩。拎走籠蓮蓉包，諗住會俾個膠袋啦，點知個老伙記拎個類似買臭豆腐果d橙色紙袋出黎，感覺真係唔同呀!

係中環區六點幾想飲早茶, 蓮香樓係不二之選.小弟因為預左飲完茶後要跑步, 所以今餐只係齋飲.叫左普洱, 色澤深濃, 但飲落澀而不苦, 掂!一開始開茶個時, 伙記俾左兩個茶壺我地. 大家唔老黎俾人睇小, 再叫番兩個茶盅. 但朋友們似乎真係唔識用,用起上黎雞手鴨腳, 真係俾人睇小都無話可說!

一直也很喜歡蓮香﹐喜歡它的懷舊﹐它的裝修﹐它的一切。昨夜﹐到了蓮香吃晚飯。一早預訂了一隻"八寶鴨"。嘩﹐原來真的很好味﹐是一道很難在其他地方吃到的菜呢。然後吃了另一道餐廳出名的菜-招牌醬燒骨。骨的肉很"林"﹐很香很入味。它的汁﹐真的弄得很好。然後再叫了瑤柱琵琶豆腐、百花釀魚肚、炒菜。。。一家四口吃晚飯﹐很飽飽﹐埋單只是三百多元﹐很抵吃。

朋友生日食飯，當中有人提議蓮香樓，一向少踏足香港區的小弟好不容易才找到蓮香樓的位置，甫一進入就發現內裡保留着大部份舊有裝修，紙皮石地、木櫈、吊扇和綠色光管的魚池，以上一切都是舊老店的特色，但在社會進步和科技發達的年代，是很難不與時並進的，老店引入一批先進的電腦器材來方便做生意，顯得有點兒格格不入。菜式方面我們點選了醬燒骨、家鄉煎耦餅、煎釀鲮魚、八寶鴨和粟米魚肚羹，朋友話想食蒸魚，於是又加多條東星。餸菜水準都尚可，煎耦餅和煎釀鲮魚都有不俗水準，而所謂醬燒骨其實即係鎮江炆排骨，八寶鴨水準甚高，不能不吃，粟米魚肚羹是用水來推的，並非用二湯。略差！蒸魚也不甚好。我建議不要在此店光顧海鮮。九個人食了千多元，尚算經濟。