蓮香樓 (已易手) 新餐厅

兩星期前約好的飯局，因大夥兒未試過在蓮香吃晚飯，同時順道預賀中秋及預祝/補祝友人(包括阿K的生日)。負責預留座位的M對蓮香的招牌菜所知甚少，只預留需要預先訂的菜式。約了七點半在蓮香，我最先到達，在賬檯已擠滿了人，蓮香果然係老舖，叫座力十足，唔預訂都好難搵到位。等了一會兒便入座。友人亦陸續到達。除了預先訂的「蓮香霸王鴨」、「冬瓜盅」、「蓮蓉布丁」外，還點了「醬燒骨」、「鴻圖窩伊麵」、「南乳燴三菇」、「西檸雞」及「豉油王蒸釀豆腐」。這裡的「霸王鴨」其實是「八寶鴨」，內裡用料豐富，食得出的包括蓮子、花生、冬菇、白果、蛋黃等。鴨殼包裹著配料，經高溫處理後，成功地將鴨味與內裡配料的味道融為一體，鴨身炆得糜爛，十分容易入口，不愧為招牌菜。眾人你一口我一口，不久已經剩下鴨頭而已；再來的也是炆得頗腍的「醬燒骨」，這道菜望上去好像很肥膩，但食落味道不是想像般濃烈，我夾的一舊瘦肉比較多，如果肥肉和軟骨的比例再多一些口感相信會更好，這道菜亦是不能錯過的；接著便是清清地的冬瓜盅了，老伙計教話我們大夥兒宜家才吃冬瓜盅有點不合時。果然冬瓜食落有根，所謂「不時不食」，這次真是棋差一著。不過這沒有影響整體質素，這裡的

上次第一次同屋企人一齊去呢間老式酒樓，覺得好正呀！我點左個煲仔排骨飯，熱辣辣咁上枱，ｄ料好足而且ｄ鳳爪好大隻，同其他ｏ個ｄ真係冇得比，食左半個煲就已經飽哂！之後嗑左其地點心好似豬潤燒賣咁，真係第一次食呀！另外屋企人仲嗑左個八珍炒面，味道唔錯，ｄ料都好靚，ｄ蝦又夠大隻，正～同埋ｄ老伙計服務都幾好，冇擺架子，又成日幫我地加水，同埋我地整濕左張食單，佢仲幫我地烘乾埋．不過缺點就係好多人係隔離等位囉，搞到你食都食得唔舒服咁，同埋我地未食完隔離個人就同佢ｄ屋企人講：「佢地好快食完架啦！係度等下啦！」搞到我地都急急腳走乜滯！

一間舊式茶樓, 第一次去~ 幾特別!八寶鴨好好味~ 其他菜式都唔錯~等位等好耐, 但係上菜就好快, 好神奇~個職員伯伯好好人, 我地話想早D黎糖水, 佢即刻"不"俾我地~ 綠豆沙夠甜, 好味!

蓮香出名的蓮蓉, 早已吸引了我, 是次主動去買盒雙黃白蓮蓉,$145還加送普洱一罐!!月餅一cut開便已有蛋黃油附在刀上, 這一個情景是令人最興奮及期待的, 來吧!! 蓮蓉甜味充足, 蓮子蓉的香味四溢, 蛋黃油充份滋潤了蓮蓉, 令蓮蓉很油潤, 更加香滑,蛋黃還起了點沙, 食落口感更佳, 一盒已開了3個, 全都蛋黃油潤,令我喜出望外, 味道真的十分傳統!!

岩岩過左既星期五同同事一行五人lunch去左試我地想試好耐既蓮香樓飲茶...中午12:45分係公司sharp閃..去搵位..都好多人...由於要自己搵位無「飛仔」排..所以要企係人地隔離等...等左一陣就有位..超好彩!!!個度既環境比我想像中好喎...我地坐低叫左一盅盅既茶..個侍應就教我地先用滾水洗茶葉...之後佢再同我地沖水...由於要將d茶係個盅倒落個杯度..所以..我地班「初哥」就倒到將枱濕晒...我地勁佩服人地唔望住個杯黎倒都唔漏一滴水...不過..後來經過幾次訓練之後..好左好多lu...今餐我地食左：蓮蓉包、叉燒包、千層糕、奶黃包、腸卷、燒賣、蝦腸、山竹牛肉、雞扎.....(勁多包..最後見到有麻蓉包出..都無能為力了..)整體黎講呢餐都ok...幾有特色..幾好玩...不過如果選d無咁繁忙既時候..應該會好d...另..由於中秋節臨近...最近蓮香樓門口總有一條人龍排隊買月餅..不過..個日豬仔餅居然賣晒!!

今天2點去到蓮香樓飲茶，第一次跟太太去。兩个人當然要搭枱啦！好彩不用等位，一張枱3pair夫婦；雖然各不相識，但話匣子很快便由焗盅開始。左邊的1pair教我們盅蓋不要太大，亦不需就住就住！果然有效。食物方面有：鴨腿湯飯、豉汁排骨、鳳爪、豬膶燒賣、臘腸卷、山竹牛肉、魚肚鮫。湯飯名不虛傳，味精不重，芫荽好味兼上枱快；order後唔夠3分鐘就有得食！豬膶燒賣相信10枱有7枱都會叫，但我覺豬膶蒸得老咗D！鳳爪相信無化學處理過，所以不會霉霉的。魚肚鮫咬落似棉花鷄，之後D豬肉幾爽口。其他的水平一般。3PAIR人有傾有講、互相幫忙，好親切。下次一定去試試晚飯的炆班翅及八宝鴨！(都是看OPENRICE才得知這兩味的)

蓮香樓是老字號，在中環真是難得的老牌酒家，星期六及日更是客似雲來，今天下午已經致電訂位，電話對面的阿姐說:「7點，好多人，來到要等的。」當然啦，今天是星期六，例牌是多人的了。幸好今天到達時，還不是等太久。平日的10元及20元特價菜，今天欠奉，郤多了7款不同的新款特價菜式，有：豉油皇或茄汁大中蝦，怪味牛肉、七味牛柳、窩貼小唐菜、南瓜排骨(我們要點菜時，已經賣完了)等，都是38圓至88圓不等，也算抵食。今回點了：茄汁大中蝦、海蜇貴妃雞、花膠時菜、瓜粒湯飯。茄汁大中蝦，蝦夠大，茄汁付在蝦殼很滋味，蝦肉夠新鮮又厚肉，好味。海蜇貴妃雞，如常般滑滑、只是菜細碟了點，不夠吃。瓜粒湯飯是第一次嘗試，還不錯，湯很鮮味，料也很多。吃得飽飽後，再來一碟蓮香馳名的「小點」- 蓮蓉飽，好好味，又夠熱。服務就不要講了，因是街坊格局，個個待應也是「阿伯」，到這裏吃的，一定不求服務，只求風味。吃飽後，還在樓下為友人買月餅，蓮香的月餅是可以散買的，一盒裏可以4個不同款式，今晚就為友人買了五仁咸肉月及金華火腿月，自己便買了蓮蓉月及雙黃蓮蓉月，才137圓，抵！若從未到過蓮香樓吃飯的話，一定要試「八寶鴨」，是自己一定做不來的

(5/7)蓮香晚宴，菜式早已有食家悉心安排，當齊人後先上冬瓜盅，從來也愛吃也愛喝這道菜色，除了是原汁原味外，冬瓜盅的內裡冬瓜，與滾湯的切件冬瓜不同，冬瓜盅內裡的瓜肉是特別嫩滑，不會令瓜肉過熟，配以各式肉類配料、上湯一起燉，瓜湯沒有過咸或過淡，恰到好處。八寶鴨，還是喜歡鴨肉炆得腍口，沒有牙的長者也能吃此道菜，而內裡的配料十足，特別欣賞那蓮子及白果香味，為這道菜畫龍點睛，而濃濃的醬汁，無疑是令食客飽了幾分，但過後你會對此菜式的味道念念不忘。金錢雞，叉燒、冰燒肉、肝片一併來吃，每一片有份量，每款一件剛剛好，味道是濃郁，還要清清喉嚨，為了那宮廷醬燒骨作熱身。何謂宮廷醬，實在無從稽考，但醬汁是第二主角，主角是那豬骨肉及那軟骨，碰巧我吃了那軟骨，美味。炆斑翅，超出預期中的大份量，一道菜式需要兩隻大碟上桌，但最後竟然剩下不多，經過一輪攻勢下，實在是味道有其優勝之處，魚皮煎過後香脆，再會汁，魚肉本身也有魚味，盡量發揮魚的美味，一道菜式$300，也算是合理。焗魚腸，還是被金黃的外表吸引，再嚐後發現魚腸的甘香，蛋的豐富質感，配合一起，腥味的感覺沒有，可以值得一試，最終也是清理得很妥當。荷葉飯，反而是有些失

ate dinner there with a friend, ordered 魚香茄子and 雜錦冬瓜粒湯飯the former one with a good smell of salty fish, very good to eat with rice; while the latter one with a good smell of crispy duckbut the waiter was uncommunicatable, and served very slowlyand... there was a piece of vegetable stuck on my friend's chopstick

I arrived there about 2:30pm. I can't imagine that it was so busy in the tea time. The quality of dim sum was fine and using special made tea cup was funny.However, no staff was available to serve you unless you asked many times. Tea time was not suitable to go as many types of dim sum were sold out.

蓮香經歷了百年風雨，前後亦搬了三次，仍然矗立不倒，時至今時今日，無論是早茶、午市、晚市，什麼時候都是那麼多人，賣的不是服務，亦不是環境，單靠食物質素本身，可見其功力確是不簡單!來這兒飲茶，沒有叫號碼的"紙仔"，要自己"揾位"，而且亦是全"搭枱"有種亂、嘈，亦是舊式茶樓的味道。欣賞這兒還有盅茶，(即是係武俠片見到果隻)，加上很熱的滾水，沖出來的茶特別好飲，就是水滾茶靚的道理。今日叫了很多點心，叉燒飯、蒸魚雲、雞扎、棉花雞、馬拉糕、糯米雞，還有來到這兒必食的蓮蓉包，不用多說，皆是熱騰騰的水準之作，果然是點心至尊。

今日媽媽生日，於是走去蓮香食飯，一來佢地鍾意食中菜,二來真係想試下呢間舊式酒家。去到有成堆人等位，心想幸好一早訂好位，如果唔係就有排等!點o左西檸雞，貴妃雞，咕嚕斑球，蝦醬炒通菜，蝦子柚皮，醬唔知乜肉(忘記了菜名)貴妃雞味道不錯，西檸雞直頭係小孩子時候所吃過o既味道，只有一句"正"!咕嚕斑球有驚喜，令到好怕食魚o既我都忍唔住，食o左幾多!蝦醬炒通菜好香!蝦子柚皮比元朗o個間"大x華"好食但那個醬乜肉就真係好唔得，舊肉o既味道好似......試想像一下o岩o岩用來煲完湯舊肉係乜o野味道?!無味也!!反而甜品好有驚喜，雖然都只係一碗綠豆沙，但比起出面o個o的"水還水，豆還豆"o既綠豆沙，已經算交足功課!但服務就......典型老牌酒家o既style!踩你都傻，話知你死!!

有水準的傳統菜色，是瑰寶，時不時都會心思思想吃。上次來蓮香一開兩圍，時近一年，又想吃這裡的八寶鴨及炆斑翅，時值夏天，冬瓜盅也相當不錯，就搞了一局，約了一圍十七位食友，又來吃。雖然用上大檯板，但也有點迫，好在大家也將就，嘻嘻哈哈又一個晚上。在這裡點菜，隨口說也可以，分別是冬瓜盅、金錢雞、八寶鴨、炆斑翅、花膠扒芥膽、焗魚腸、醬燒骨、荷葉飯及蓮蓉包18隻，夠晒豐富。麵包兄不想吃蓮蓉，但晚市又不做麻蓉，要他屈就，真不好意思。人一坐齊，吩咐起菜，就大碟大盅的不住上檯。炎炎夏日，當然先來個大冬瓜盅。晚香花、蓮子、金華火腿等是必然配料。湯非主角，冬瓜才是寶，見大家沒有多大興趣，我拿著灼子，一碗又一碗，吃了又吃，夏天吃冬瓜，也是相當合胃口的；一早訂定八寶鴨，吃了不少地方的，還是這裡的水準最穩定及最出色。餡料落足，蛋黃、蓮子、糯米、銀杏等等，濃味又相當滋味。不過濃油膩醬，當然吃不得多，這次合十七人之力，一人吃一點，剛好清碟，是又滿足又不浪費。是來蓮香吃晚飯，不可錯過的一味；炆斑翅是個人而言最推荐的另一味菜，大大份斑翅，先過油再炆，斑夠大條好肉，肉厚嫩滑。最不可錯過的當然是斑皮，又豐腴又肥美，夾著燒豆腐，

小弟第六百個食評,用月前的蓮香樓來代表吧.﹝編按：呢個好似唔係六百喎！﹞年前曾安排過一場farewell局在蓮香樓,一眾年青部下對此懷舊菜式,吃罷個個交口稱譽.証明此等懷舊菜式,一樣有年青人識欣賞.月前再度蓮香,有某些菜式之前已吃過如霸王鴨,金錢雞等.基本上人多來到,呢兩味差不多係必然正選.仲穩陣過英格蘭前面果pair朗尼拍高治.霸王鴨要訂,做法點煩複之前食評已有人講.今次再吃,感覺味道有點怪怪地,係我當日個味覺系統出左問題,抑或味道已經改變?材料如一,糯米蓮子咸蛋,單係食餡都滯到食唔落其他野.金錢雞同得龍比,的確差少少,單係外型,已比後者單薄.當艾佛遜遇上奧尼爾,完全比下去.冰肉雞肝肥叉呢個配搭,無論點樣遜色,也值得一吃的.始終懷舊菜式,市面近乎絕跡.而家唔食等幾時?炆班翅份量大堆頭,十幾個人絕對夠分.翅身肉質嫩滑非常.魚皮膠質豐富.底下的豆腐索晒茨汁,又係不可錯過,食得唔好浪費.其後在權發同得龍再嘗此味,水準同蓮香樓無得比.深不見底的冬瓜盅,好像"畢"極都仲有,用料比泉章居認真.清甜又好喝.之前有食評批評服務水準差劣.此等老店,侍應大多做得你老豆.有點"晚娘",正常不過.正如第一次

受到網上的影響昨天終於一大棚人去了試食. 事前已訂了一個大冬瓜盅, 八寶鴨, 焗魚腸, 班翅和蓮蓉飽. 坐定後再叫了椒絲腐乳炒通菜,金銀覓菜,蒸釀豆腐,生炒肉排,咕嚕肉,醬爆骨,蝦子柚皮和煎腐皮卷, 全部是例牌.先講環境, 很嘈, 很逼. 初初連有背椅都不夠, 給了我們倆張圓凳,幾經爭取才換回. 可見客的磪很多, 超出了能力範圍. 伙計須雖然年紀大但已經很努力, 所以已經合格. 在這種舊式舖頭也沒有什麼要求了.到這裹最終都係想有D好食, 可惜事與願違. 可能真係沒有放味精, 不過連食物本身應有的味道都欠奉. 賣相也唔掂, 好似屋企開飯感.最唔得的是醬爆骨, 超甜加一大堆獻汁, 有半個碟敢多, 好似煲完湯的渣加返的獻, 一D肉味都冇. 居然是名菜, 離譜.隻鴨是一隻用鴨皮包住的裹蒸粽, 個look 固然唔掂, 不過可以當飯食, 一定夠飽. 不過當飯食百伍蚊就貴佐D.最后係連送的紅豆沙都缺乏誠意, 是正常的加兩倍水, 又淡又稀, 送得感冇誠意, 不如唔好送.全晚最好食的居然是個蓮蓉包, 夠熱, 甜味適中, 包皮唔算厚, 如果唔夠厚就會好甜.價錢就唔算貴, 12個人連貼士是千四蚊.現在潮流興