蓮香樓 (已易手) 新餐厅

今朝早做乖乖女陪阿媽黎呢度飲茶..入到去d冷氣勁凍lor...好多伯伯...叫左...柚皮鴨腳..幾特別不過唔係特別好食..仲有大鱔..呢個不錯...豬肚燒賣...都ok..第一次食..同埋蓮蓉包..不過好甜好大個lor...環境認真麻麻...

(5/4)「有乜野係清明講！」或「有咩野拜山傾！」等等......於我左耳不斷出現，事關那天正值清明正日，假期日去飲茶，不錯。坐下來先嚐普洱，水滾茶靚，『一杯為品，二杯即是解渴的蠢物，三杯便是飲牛飲騾了』是真的嗎？雞扎、豬潤燒賣、蓮蓉包、香茜魚翅餃及馬拉糕，傳統中式茶樓貨色，特別是那豬潤燒賣，一大片鮮豬潤在上，肉丸在下，若一個人吃真的太飽，醬汁厚厚於上。蓮蓉包，包鬆軟，蓮蓉真的不太甜，有蛋黃，月餅餡料，但當然沒有月餅那種甜。香茜魚翅餃，當然只有肉類在入面，但有香茜味在餡料中。馬拉糕，很多人爭著吃，試試，蓮蓉包比它出色，與小時上茶樓吃的差不多，但它有種香的濃厚黃糖味；一坐便是一兩句鐘了。紅樓，外形感覺是紅色的，內裡有種霞霧的感覺，少許白茫茫的，餐具是昔日的茶蛊、痰罐等等，侍應盡是長者，仿如隔世，頓時進入時光隧道，進入了那個賈王史薜年代，品嚐那「紅樓宴」。

自己都未去過,幸運同男友一齊去飲茶,真係十分好榮幸啦............啦星期日時間上午,一上到去,嘩.....人頭湧湧,好多好多多".....搭枱止重要係坐到迫一迫呢!我們叫左一個平日飲的水仙茶,睇下係咪好正,見個個都有個茶鐘,好懷舊呢!點心叫左,豬肚燒賣,重緊係叫懷舊點心和蓮蓉飽呀!豬肚燒賣係我第一次食,好新奇,豬肚好大片,個汁好香下面個舊肉餅都好味道,不愧為招牌+蓮蓉飽蒸到開口笑, 一客2個好大個,正呀打開個飽,蓮蓉香夾滑,好味好味+ 唔太甜,唔會漏,真係好正,夠滑,其實點心款式唔多,可能我太遲去啦,食品似乎係招牌貨十分好味,見到好多老伯伯穿著唐衫去飲茶,令這古典的茶居更添古舊氣味,但如此特別的環境十分真實.時至今日太快速,珍惜懷舊+古舊氣味.

因為就黎離開中環區,所以特登黎試.食物又真係唔係特別好食d 叉燒一大舊咁上,冇切到...聽人講d呢d 係舊式酒樓既特色~ 冇叫切就唔切開ga環境真係好懷舊,我覺得我去左我爸爸個年代..ha~都值得一試ga

想食蓮香好耐, 今晚終於可以一試, 非常有懷舊味道, 好似去左父母的年代, 見大家都食早點多, 今次就試下個晚市叫左招牌醬骨, 菜遠蝦球窩面, 魚腸招牌醬骨:賣相很討好, 個骨好香濃的汁料味道, d汁可以淨食兩碗飯~菜遠蝦球窩面: d湯係雞湯, 冇味精味道, 很清, d蝦非常新鮮, 真係爽口彈牙ga~又大隻又多, 抵食魚腸: 未食過, 好有口感, 好新奇, 唔難入口, 重有淡淡果皮香味~重有last個紅豆沙, 好香滑, 不過略甜~最驚喜係d阿伯級waiter的服務非常好, 超欣賞

成日見你地係度開餐, 自己都未去過, 今次有幸同男友一齊去食番次, 真係榮幸啦平日時間上午九時半, 一上到去, 嘩.....人頭湧湧, 好多"叔父"喎.....搭枱不特止重要係坐到迫一迫呢!!叫左一個平日唔會飲的普洱茶, 睇下係咪咁正, 見個個都有個茶鐘, 好懷舊呢!點心叫左蝦餃, 蝦腸, 豬肚燒賣, 重有緊係蓮蓉飽啦!蝦餃蝦腸的蝦好唔新鮮, 腍到死,腸粉皮ok, 無咩糯米粉feel,蝦餃皮好厚, 唔掂.... 豬肚燒賣係我第一次食, 好新奇, 豬肚好大片, 個汁好香,下面個舊肉餅都good, 不愧為招牌!! 蓮蓉飽蒸到開口笑, 一客2個好大個, 正!! 打開個飽, 蓮蓉香夾滑, 好好味, 唔太甜, 唔會漏,真係好正, 不個飽唔夠滑, anyway都算唔錯其實點心款式唔多, 可能我太遲去啦, 食品似乎係招牌貨個d好味, 其他的都令我失望, 最surprise的都係見到好多老伯伯穿著唐衫去飲茶, 令這古典的茶居更添古舊氣味, 雖食物味道不是太特出, 但如此特別的環境都應一去!

朝早的蓮香，依舊車水馬龍。呷一口自己用茶盅沏的香茶，來一客一盅兩件；在繁忙的中環命脈中，來個忙裡偷閒，有說不出的愜意- 連自己也突然變得文謅謅起來。晚來了的我，拿到近門的位子；若不是有公務在身，一定守候馬拉糕和千層糕推出為止。可是，千呼萬喚終不來，今天的蓮香也奇怪：沙翁、叉燒餐包倒出了兩、三轉，但馬拉糕、千層糕倒不見了蹤影- 同桌的比我早到，也看似跟我一樣在死守著。最後我屈服了，我向第二輪的蓮蓉包低頭了。今天蓮蓉包的賣相也不大討好：兩個拳頭般大的蓮蓉包，到我手上來的時候，也是由上而下的裂開了- 濃濃厚厚的蓮蓉餡太多了吧？還「附送」了上籠叉燒包的殘骸...也罷，蓮香總給我悠然自得的感覺- 我想它的環境不是人人吃得消。

今日十點半就去蓮香飲茶，點知一樣咁多人，好才等咗十分鐘就有位，一坐低梗係叫盅龍井飲下先啦!之後攞豬肚燒賣、棉花雞、雞絲粉卷、鮮竹卷Le Ｄ指定動作，因為勁好味，但係馬拉糕同叉燒包就有Ｄ失望喇!不過今日叫咗個爽肚........真係勁得！

星期日冇嘢做,就拱咗嚟蓮香.聽聞呢度有傳統點心食, 咪嚟試吓.感覺唔錯, 好似番咗去70年代. 環境:較為淺窄.由於午市關係,好迫.搵枱冇得輪籌,要自己等枱.偶一為之都幾過癮.味道:我地叫咗豬肚燒賣,蓮蓉飽,南乳豬手,牛肉球等.值得一提是豬肚好爽,好彈牙.南乳豬手好香.本來見到隔離叫咗荔芋香酥鴨,好香,好想食,但係太飽,食唔落,所以冇叫到.服務:由於等枱冇得輪籌,所以唔可以話好.抵食:我地食嘅份量大約等於三個人嘅份量,所以圍番都係四十蚊左近. OK抵食.乾淨:不敢恭維.

上個禮拜五10點黎到呢度飲早茶如果講野食呢度係幾好1:蓮蓉包(7分):蓮蓉好香,但係包皮搓得唔算太好,唔夠鬆軟,有0的痴牙,仲要蒸籠落晒個包度2:牛腸(8分):之前聽一位老師講(佢以前住上環),呢度0的腸粉幾得,果然無錯,點好食唔講喇,自己thinkthink喇重荷香4:唔記得左食乜,但係好似係叫左4碟野5:普洱,好夠茶味,仲有黑到令人有多少驚我覺得如果千里迢迢黎蓮香樓係為左食野,我覺得未咁既必要,因為食物唔算好top但係呢度個feel真係幾獨特,我地一入到佢等位,有個最老既waiter竟然同我地講:"如果你咁都搵到位,我請你飲茶"初頭都覺得佢有多少寸之不過後來佢沖茶時又幾快手落力,support仲有見佢咁老,仲要勁駝背,行路柺下柺下,仲要係無乜記性0個隻,越睇越有味道另外,呢度0的客人真係好鬼善談,我張台4個女人一group,一個阿叔,仲有我地兩個可以講係3唔識7但係竟然大家都可以搭到幾句嘴,唔錯

其實一路都想打~不過就懶同我去呢間茶樓一樣知就知左好耐但就一路都好懶去終於幾個星期前的起心肝同男友同媽媽去左一坐低"哇~甘污漕既=.="可能我個人比較驚污漕喇甘既情況已經俾我扣左好多分而d侍應~其實我都知甘既年紀好多野都力不從心見到佢地坐係度食兩個叉包有一個侍應見到我地無茶都即刻放低個包~幫我地沖左水先都算係甘至於食方面叫左肉絲炒面~同少少點心不過不失喇~不過no next time囉~太污漕喇

食完陸羽茶室的「蟑螂叉燒包」好激氣，決定去蓮香樓飲茶。蓮香樓真的很舊，但食物好好味，豬膶又新鮮又香，魚雲鮮甜，蓮蓉包冇得頂！伙計們也十分好，同熟客好好傾，但對我們這些生客也好友善，照顧周到，推車嬸嬸都好好人，不過有一個好鬼有性格，有人問她要馬拉糕，她竟然答：「我叫馬蹄糕，你又要食馬拉糕！」難得個客又沒有不開心，笑笑口埋位，我覺得客人都很好啊！有時間去和成班伯伯迫下都幾開心，何況只是每人出了40元！

我試過連香的茶市和晚飯.飲茶,不算特別,不過蓮蓉飽不能不吃!!否則只是白去一趟相比茶市,晚飯卻出色得很!霸王鴨肉質鬆化,上桌時香氣四溢,想起也流口水~!另外,金錢雞那片豬肉又香又爽口,屬必試菜式,外面餐廳罕見.飯後,別忘到樓梯口玻璃櫃買個雞蛋糕,實在一試難忘,難怪人家經營多年仍屹立不倒

上星期早，因有事到中環，所以沒有和家人飲茶，我和辣椒女兩個自已就來了這裏飲。去到差不多九時，但已經很多人了，找了一陣才找到位子，坐下後已急不可待，立刻起身，四處奔波去找尋找食物了；最後找到鮮蝦腸粉、豉汁蒸鳳爪、千層榚、蝦餃、燒賣和潮洲粉粿。鮮蝦腸粉- 粉皮太厚，感覺有點韌，好在蝦肉很彈牙，補回一點分數。千層榚- 雖然好飽肚，但還是叫了；很有蛋味，一樣久遠的感覺，自已就好喜歡，而且已經很少地方還可以找到這食物了。蝦餃- 和蝦腸分別唔大，都係蝦肉比較好一點。燒賣- 味道比較一般，普普通通啦。潮洲粉粿- 外皮好厚，內裏的食料也好一般，下次可以不要。其實某些食物，只是好一般，但相信係那種懷舊感覺，令我們這樣喜歡它吧！可惜今次食唔到麻蓉包，遲有空，一定會再來食過。

新年前公司團年飯去了蓮香，這是我第一次光顧。那裡很有懷舊feel，坐得有點迫，地下有點髒，不過這才是舊式酒家的特色。大部分侍應都是上了年紀，相信真的是老牌侍應做了大半個世紀，他們散發著舊式酒家粗粗地的味道但又帶點親切。食物方面，我們食了幾道名菜，其中：霸王鴨（八寶鴨）已經很難在別的地方食得到，我都是第二次食到這一款菜。鴨裡有很濃郁的蓮子味，不過就沒有鴨味，食到最裡面，發現還有肥豬肉和咸旦黃，愈食愈似食近一隻糉。我之前食過那一次，不單有豐富的鴨味，而且確實有八樣材料食到在鴨內，可惜那間酒家已在幾年前結業。焗魚潤魚腸又是另一道不是容易食到的菜式，味道不錯（如果不怕魚內臟的那陣味）。隨後，幾道菜雖然有些特色，但味道就一般。最遜色的是炸子雞，好像橡皮膠，食唔到。評論：菜式懷舊有特色，可惜味道一般，感慨老牌的大師傅已經很難再找到。