華記潮州滷水車仔麵

营业中

休息中

今日好想食豬什麵，朋友係西營盤返工，就帶左我黎華記潮州滷水車仔麵食lunch啦。呢到附左有豬什食，仲有生腸，實在太知我口味了。今日我就食左豬什菜底（係丫，有菜底真係好開心，我減緊肥唔食得澱粉質，菜底就啱晒生酮人仕啦！我仲試左重口味湯底，個湯好濃，好正，d什冇腥臭味，洗得好乾淨。朋友叫左牛什麵，件件大大件，好滿足，都好夠林，好好食。另外我仲叫左2個小食，太陽餅（蝦餅）呢個蝦餅好特別，外型又靚，好好食！涼拌生腸，d汁同生腸好夾，好好食，必點！

豬紅大魚蛋蘿蔔油面配咖喱汁(49hkd)呢間我已經食過好多次，大魚蛋好少見，大大粒又彈牙，豬紅畀得好大方，都有成6-7粒，無咩怪味，蘿蔔係超！級！甘！甜！同埋無渣！😆豬什米粉配少辣重口味汁(55hkd)有豬大腸、豬耳、豬肺、豬肝、豬腸、豬肚、豬心等等🐷其實都幾齊，份量幾多，基本上都幾有豬味，但無咩豬腥味，個人黎講最鍾意豬肚，好爽口～涼拌生腸 (28hkd)好爽脆彈牙，酸甜微辣，應該係甜酸醬加少少辣椒油🌶️太陽餅 (40hkd)係脆炸蝦餅，入面食到原隻蝦🦐加上即叫即炸，好有誠意#foodiblum港式

三餸車仔麵係一道香港經典嘅小食，佢嘅味道真係令人回味無窮！我去食嘅時候試咗五香牛腩、五香牛肚同蘿蔔，再加上滷水汁同腩汁，味道真係超級濃郁！牛腩同牛肚都煮到好軟好入味，入口即化。蘿蔔都吸收咗滷水汁嘅味道，口感鮮嫩多汁。麵條方面，三餸車仔麵通常用河粉，佢嘅口感好彈牙，同汁料完美配合。滷水汁同腩汁係麵上，令麵條更加香滑，每一口都係滿滿嘅滋味。配合埋餐廳特製嘅辣椒醬，真係加添咗一份辣味同鮮味。不過，嚟到餐廳環境就更加驚艷！餐廳裝潢得好精緻，燈光柔和，氣氛舒適。坐喺度食三餸車仔麵，真係感受到香港傳統小食嘅文化氛圍。總括嚟講，三餸車仔麵係一道香港經典小食，味道濃郁，口感豐富。加埋餐廳嘅靚環境，真係一個完美嘅享受。如果你係麵食愛好者，又鐘意搵個有特色嘅餐廳，三餸車仔麵絕對係一個值得一試嘅選擇！

行行下見到間車仔麵，入去食野，叫左個4餸車仔麵。估唔到黎到咁大碗，真係有啲嚇親餸的份量十足，對於細食的人黎講一定要扣底服務員態度幾好，有求必應真心推介:豬紅(有少少辣)、雞翼、鮮魷魚鬚，聽到其他客人話豬皮都好食，下次要試下先

12/3 睇完牙醫睇食下野，點知呢間分店真係唔及太子店！舖內裝修、員工態度服務、食物都不及太子！是否同一老闆？食物質素有冇統一要求？好彩第一次係試太子果間，如果第一次黎試呢間，一定no more again!

店名：西環華記潮州滷水車仔麵地址：西營盤正街40號地舖相信係香港人都一定會認識依間華記潮州滷水車仔麵，車仔麵黎講絕對稱得上係佼佼者，無論係份量，味道，定食物質素都係高質👍👍同朋友附近做野做完咁攰，又唔知食咩好既時候，過黎食碗車仔麵搭配返1，2個小食就絕對唔會錯😊😋😋今次同朋友就每一叫咗碗3餸麵，再加2款小食。我自己本身鍾意食魷魚，所以就嗌咗個魷魚鬚試試😋三餸車仔麵（五香牛腩、五香牛肚、蘿蔔，滷水汁加腩汁 河粉）華記既牛腩可以話係必點食物之一，牛腩軟熟，一口咬落去有種感覺好似置身係軟綿綿既草地一樣😊牛腩脂肪同肉既比例非常完美😋😋牛肚口感一流，加埋吸晒湯汁既蘿蔔，真係好快就食完一碗麵呀！因為好味呀嘛！😁三餸車仔麵 （豬皮、豬肚、雞翼尖、全部汁 米線）多芫荽加$1多咁多芫荽，真係好抵呀！簡直係芫荽山！芫荽迷必加！！！而豬皮、豬肚，雞翼尖都好入味，米線都係我心目中既淋度😄絕對可以再encore！新鮮魷魚鬚、涼拌生腸兩款小食都係涼拌，都係用咗同一種醬汁😋，甜甜地，唔會太辣，配埋脆卜卜既花生都幾開胃👍而且每款小食份量都好多，好抵食！如果細食既，可能只需點一款就夠啦，個人黎講鍾意魷魚鬚多啲，大大條，

因為食咗下午茶，所以揀菜底，菜底份量很足夠，辣椒油好香口；重口味之選真係好好味，食完重要唔會太口渴，驚豔到我涼拌豬耳嘅醬汁比較甜身，個人更喜歡醋底嘅涼拌汁，呢個不過不失，下次可以試下其他涼拌蔬菜間唔時食啲重口味食物人都開心啲

餐廳特色係將潮式滷水融入係車仔麵到，價錢定位主打親民，食物選擇巨多，所有野都可以tailor-made咁！但食完發覺係唔貴既，係可以醫飽肚，但稱唔上好味，重量不重質，食完夜晚肚仔仲要唔舒服🤢🥢三餸車仔麵揀左巨型魚蛋，牛丸同五香牛腩🐮魚蛋大大粒又好彈牙，好似係長洲街邊賣個啲，牛丸有牛味，平時食開個種滑牛丸，不過份量慷慨，牛腩就難食到飛起，要左瘦肉真係零脂肪，仲嚡口到好似湯渣😢至於麵底揀左爽既油麵，鹼水味偏重，又索唔到腩汁。料多但質素真係好一般，點解大家會吹捧？😫🥢四餸車仔麵車仔麵最緊要係湯底，揀左滷水汁加腩汁，淡茂茂，得色水無味道，偏滑身既米線都掛唔到湯。另外叫左牛筋，豬大腸，五香牛肚同魚片頭，牛筋尚算炆得夠淋重滷水味，膠質豐富，豬大筋正正常常，肥膏較多，但唔入味，牛肚同魚片頭就一般麵檔貨色。經過可以一試，但特登過黎排隊就不了😮‍💨📍華記潮州滷水車仔麵西環西營盤正街40號地舖

在上環番左一個月工，第一次食華記真係覺得好好味特別係d蘿蔔，但成日都好多人排隊都唔係成日食到，對上一次約前一個星期，已經冇咁好食可以話不過不失，今日去食直頭失望！首先去到我地5個人佢要我第四位一坐，另一個自己住坐，問佢3個2個得唔得個呀姐話唔得要留位比其他客， 跟住餐廳內冷氣口漏水同佢講佢話係咁架啦， 我地話吓係咁就算？ 佢叫左個呀姐攞之野黎抹，仲要唔服氣咁話自己未講完，佢想講係咁啦叫人抹，講慢左。食物先最過份，D蘿蔔咸到咸過咸蛋白，我朋友叫蘿蔔底根本上成碗嘢唔食得，我地好大聲講D野咸，呀姐就時運高聽唔到，呢間野真係冇下次

第一次食。Qr code 應該分開2間分店code。非常唔清晰。比多份錢無所謂。但唔好食 搞唔掂。食材唔新鮮 用滷水包想冚嗰啲味無下次 希望租約完見唔到你地。得幾個明星仔食過 唔識食既都

尋晚去咗呢間好多人話好食嘅車仔麵試下，叫咗個三餸車仔麵：牛筋、牛腩、牛肚河粉，重味小辣湯。牛肚，牛筋夠林好好食對我來講小辣原來都幾辣食到滴晒汗，有一個斯文嘅姐姐好好人，主動問我使唔使加清湯，好有人情味推薦俾大家

可能是我那次体验刚好踩雷💣早听闻这家华记潮州卤水的车仔面在西营盘附近生意火爆，特地前来一探究竟！可以提前扫码落单，选好自己钟意的食材和面，就安静的等待。⌛️高峰期时间大概在15分钟左右，建议提前下单估算好时间到店自取。刚打开的时候，确实潮州的卤水香味扑鼻，口水忍不住往下流的那种。但我这次可能运气太差，点了牛腩牛丸面，那个牛腩可以说又肥又腥，还带有一股臭味，因为点的外卖又不好再回去换，就索性吃了几口就打住了。😤

早幾日見YouTube介紹，又喺網上面見到唔同食評，講到好正咁，決定過嚟試一試，果然名不虛傳！我叫咗四送，豬膶牛腩，牛肚牛筋，多芫荽，加一份菜之前已經見到話係巨人份量，真係好大份爭啲食唔晒，尤其係麵底，份量對我嚟講係好重要，各樣嘢都好好食，牛腩有得俾你揀要瘦肉，不過其實都好肥，價錢亦都好親民，都好多人，環境都好乾淨，樓面態度都好好同積極不過就唔好諗住慢慢食，係會俾人催嘅以食物質素同整體體驗來講一定會再返嚟！

🍜華記潮州滷水車仔麵4餸·牛膀+豬粉腸+春卷+生菜+粗麵牛膀口感有咬口👍切落有大有細都幾多～粉腸洗得算乾淨又係量多🤪春卷中規中矩好味唔特別～粗麵麵質爽口唔會煮得好淋岩哂小編😛麻麻地淋麵🤭🤭盛惠💰$5x好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:第一次食西環店～唔錯唔錯～座位方面小編覺得太子店較舒服～價錢亦唔貴～4餸架😋🤪

今日去西環探朋友，順便食lunch，我帶左佢來☻︎華記潮州滷水車仔麵☻︎上次食完，我實在太懷念佢嘅豬粉腸啦😋難得來西環一定要去搵返個種味道，我朋友食完都話覺得抵食好味💁🏻‍♀️終於明白呀Bob點解成日幫襯。我同朋友一人一碗四餸車仔麵每碗都係$58咋，我食個碗係冬菇，油麥菜，豬粉腸，雞翼尖清湯米線🍜份量真係超大碗，多茜多蔥最岩我口味，呢到啲豬粉腸超級推薦唔苦夠淋勁粉甜🤤雞翼尖醃製得相當入味👍🏻我朋友叫五香牛腩，牛筋，五香牛肚，牛丸油麵重味少辣，碗野一來到連我朋友都話好大碗，勁足料份量亦較大件🤤全部都滷得好出色👍🏻牛筋同牛腩都滷得夠淋新鮮魷魚鬚 勁多芫荽同花生🤤超大碟，用佢地自家製辣汁醃成，微微辣食唔停口👍🏻涼伴泰式無骨鳳爪 食車仔麵嘅地方好小有呢款小食，但佢地個味道都教得好出色👍🏻而家天氣開始熱，佢雪到凍凍地，酸酸甜甜涼浸浸好開胃😋飲品係散叫