華記潮州滷水車仔麵

营业中

休息中

大家有冇覺得近年車仔麵越來越少🥹好多地方都冇晒🤷🏼‍♀️要搵檔車仔麵真係唔容易🙆‍♀️西營盤正街有間車仔麵唔錯，今日同老公去咗食😋牛雜麵 🍜 $48一碗有齊牛腸，牛肺，牛肚、牛潤配油麵咖哩汁，刺激味蕾三餸車仔麵 🍜 $52車仔麵餸我揀左春卷、牛筋、五香牛腩米粉，湯底腩汁，湯底清甜，入味!新鮮魷魚鬚🦑 $50如果說每間車仔麵總有一款「靈魂配菜」，個個來都必嗌，咁「華記潮州滷水麵」既靈魂配菜非招牌魷魚鬚莫屬！太陽餅(蝦餅)🥠 $43Q彈又鮮味的蝦餅煎到兩面金黃脆口，再搭配甜辣醬一起吃，讓人完全無法抗拒！只要我吃得夠快💃體重就追不上我🏃🏼‍♀️華記潮州鹵水車仔麵📍西環正街40號地下📱6563 3939#西環美食 #香港美食 #車仔麵 #滷水 #香港好去處 #華記 #foodie #hkfood #yummy #hkig

未食過｛華記🍲｝，但見Openrice好評指數幾高，所以就try try~店舖內7成嘅客人都係講普通話，睇嚟好受遊客/ HKU 內地生歡迎🤔✴️月亮蝦餅✴️依個小食唔錯，脆皮下包住飽滿嘅蝦膠，仲幾夠熱，值得試試👍🏻✴️四餸車仔麵✴️一上枱有俾佢嘅份量震懾到😮啲餸多到就快爆出嚟咁濟，每款餸都至少有3-5嚿，而且全部都係大大件，真係食餸都飽！佢哋嘅牛內臟選擇非常齊全，連牛腩都可以揀正常/瘦肉～當日雖然揀咗瘦牛腩，但仍然有好多肥膏跟住，麻麻地🫣女仔應該唔會食得哂，食完好滯好膩，下次都係唔好叫咁多個餸😓

華記潮州滷水車仔麵 • 西環西環呢間車仔麵除左一般車仔麵，另外仲有比較有香港特色嘅牛雜麵同豬雜麵，另外有各款小色，今次一於點左牛雜麵同車仔麵試下。用餐個時都見鋪頭好多街坊幫襯。😋😋..✅ 牛雜麵 🐮 $45車仔麵館入面賣牛雜麵比較少見，因為牛雜本身要另外處理，而且功序繁複。呢碗麵嘅份量驚豔到我，每樣部位都有2-3件。牛肺無異味，厚件咬落口感好好；金錢肚夠爽；牛膀厚實；草肚好滑；牛大腸油脂滿佈夠香，整體非常出色，處理得好好，賣相亦吸引😙..✅ 三餸車仔麵 🍜 $49餸菜選擇左牛丸、牛筋、春卷。牛丸貨色幾好，爽彈帶汁；牛筋淋滑，滷汁入味；春卷帶少少煙軔，麵嘅湯汁揀左腩汁，整體餸菜質素高，味道同份量都好好😙..✅ 新鮮魷魚鬚 🦑 $45份量足有一碟晚市小炒咁多，魷魚鬚非常彈牙爽口，加上些微酸甜嘅辣醬爆炒，非常惹味👍🏼..✅ 太陽餅(蝦餅) 🦐 $40蝦餅唔些用蝦肉剁製而成，入面仲有原粒蝦仁，口感彈牙，外面炸得好香，大大件，外貌酷似太陽，份量亦多，推薦😍

冇錢買車，但都仲有閒錢買車⋯仔麵，唔使考牌㗎，識揸筷子就得㗎喇上次食太子呢間車仔麵太正喇，今次介紹俾過海嘅胃民知，西環都有一間㗎上次食豬雜麵，今次食牛雜麵，一碗有齊牛肚、牛肺、牛腸、牛膶等等，內臟洗得好乾淨，同時保留鮮香嫩口，入晒腩汁精華連河粉都好足料，夾起嚟唔會散颼颼加$1就可以加大量芫荽，啖啖都有香味，完全滿足到芫荽控嘅素求另一碗三餸麵，試吓腩汁加滷水汁嘅湯底米粉，mix埋好香甜但唔會鹹三樣餸分別係滷水豆腐、雞中翼同五香牛腩全部材料都好大份，入晒味好好食上次喺太子食過佢地嘅小食，食過返鬆尋味，介紹畀胃民再食。太陽餅即係蝦餅，勁脆又香口，有成五大塊，點醬食大滿足另一份就係魷魚鬚，一碟好多條，條條沾滿咗辣醬，微辣又惹味，兩個人食咗好耐先食得晒夜晚最好飲豆漿，呢度都有得嗌一支胃民就飲王老吉，怕熱氣想下火

西環華記車仔麵是水準保証。還可以加2蚊有個蔥/芫茜山出現...勁正。豬腩肉軟嫩又有肥，真系食完先減肥吧！湯底叫中辣我已經用了3張紙巾，想食中辣的你要小心。其實第一次食, 是在太子店的，除配料同小食選擇多外, 湯底真是無...得...輸。每人消費約$50-70. 不想排隊，選擇下午2時後，或晚上6時後。後記: 靓仔哥哥會提你, 小心咖啡汁會彈上衫架XDXDXD....特然覺得D羅白系米加左糖, 太Sweet 掛. 更值得點讚是有免費飯派給有需要的人。謝謝

#mkeats_saiyingpun #mkeats_chacaanteng 環境舒適 佢哋出名嘅有牛雜豬什 （不過好可惜我唔食🤧） 除咗車仔麵仲有好多唔同嘅小食 論食物選擇 食物質素 性價比都幾高😙另外都欣賞呢度用qr code 落單 方便同快好多～______________________________☆ 三餸車仔麵 $49油麵，五香牛腩，豬腩肉，通菜，滷水汁整體份量頗大 比較推介豬腩肉 肥瘦比例平均 湯底都算濃郁 好入味 🤍☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 8/10☆ 新鮮魷魚鬚 $45魷魚鮮甜有咬口 蘸上滿滿嘅甜酸醬同芫荽 惹味十足✨☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 8/10☆ 太陽餅（蝦餅）$40果然是招牌呢 外皮用左春卷嗰隻 又薄又脆 啲蝦都好足料 配上甜酸醬 幾有層次感～ 🫶☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 9/10______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ❌𝘀𝗲𝗿𝘃𝗶𝗰𝗲: 8/10𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8/10🖇西環西營盤正街40號地舖

尼間店根本就唔係香港人做嘅車仔麵，味道完全係佢覺得佢個鹵水好好味攪到成碗嘢係鹵水味！唔啱年輕人食，攪到碗麵不文不類，不是我杯茶！個太陽餅完全我都買到返屋企煮，真心一次夠曬！平？又唔覺佢平囉！門口有個男人仲好冇禮貌，話個老人家比錢慢！食一次不用回頭了！其實留返我阿爸佢哋食就或者啱嘅！見到門口排隊班人就知道個個過咗四五十歲，好可能同年輕人嘅口味已經有代溝！佢個鹵水汁係濃到濁囉！真係好唔啱我嘅口味！貪平嘅可能啱囉！

之前喺社交平台成日見到啊Bob推薦呢間車仔麵，一直都好想試下，前排去開附近次終於有機會食啦！牛雜麵 $45牛雜麵大大碗，配料比到足，超抵食！特別鍾意牛肚，煙煙韌韌口感不錯。麵底仲可以揀爽麵定淋麵，大家可以根據自己嘅喜好去揀。湯底我地揀咗滷水汁加腩汁，係一個唔錯嘅配搭，好入味～三餸車仔麵 $49車仔麵嘅餸我地揀咗豆腐串、雞中翼同墨魚春捲，啲餸同牛雜麵一樣，鋪滿曬喺完麵嘅面頭！湯底揀咗重口味（全部汁）小辣，油麵同豆腐串會索湯汁，香香辣辣好過癮，非常推薦大家試下重口味汁！太陽餅（蝦餅）$40呢個蝦餅好好味！佢係用春捲皮包住蝦滑再炸，所以食落非常香脆，而中間嘅餡料都好扎實～

西營盤潮州粉麵店林立，能在此區立足的也很定是具實力的食肆。華記潮州滷水車仔麵有兩間分店，其中一間就是在西營盤，這次特意一試他們的牛雜麵，果然沒有失望！先說一下他們能提供的選擇，一碗牛雜麵可以先選擇麵條的種類，這次我點的是幼麵。然後是湯汁，我的個人推薦是滷水汁加腩汁,濃濃的香味完全被麵條吸收，真的啖啖滋味😌牛雜有牛肚、牛肺、牛膀和牛腸，可以按個人喜好加減，每一道也非常新鮮乾淨，腍度適中又入味，大推！同場朋友點了三餸車仔麵，餸菜的款式實在太多 😂選擇困難中終於點了豬大腸、牛筋和蘿蔔,同樣以滷水汁加腩汁當湯底，配油麵⋯這個組合真的有經典又完美！牛筋完全是入口即溶，蘿蔔吸盡湯頭的精華之餘完全沒有渣👍🏻老闆還推介了他們秘製的潮州辣椒油，嚐辣的一定喜歡。隨麵食外還吃了魷魚鬚和涼拌生腸兩道小吃，都是開胃爽口，份量也很大，整體而言CP值真的很高！

天氣凍就好想食熱辣辣嘅湯麵，好出名食鹵水車仔麵嘅華記原來喺西環都有分店✨車仔麵鍾意食牛所以揀咗牛腩、牛筋、豬皮、牛肉餅同牛丸牛腩、牛筋同豬皮炆得入味，件件牛腩都有筋膜位爽口彈牙餸菜同麵底份量都好多，平日食車仔麵起碼嗌五個餸先夠飽，呢度三餸都夠食湯底有得揀鹵水、腩汁、咖喱，揀咗「重口味推薦」有晒全部😂米粉吸晒湯底超惹味👍🏻濃味得嚟唔係得個鹹字仲可以加$1多芫茜/蔥，真係好多！芫茜控表示滿足😌✨新鮮魷魚鬚魷魚彈牙唔韌，秘製醬汁甜甜辣辣好開胃✨太陽餅係餃子皮夾住蝦滑，好足料有蝦肉粒粒即叫即炸，炸得酥脆唔太油膩總括嚟講食物質素高，份量多好抵食。餐廳環境企理乾淨，比一般食車仔麵嘅地方坐得舒服。

有朋友喺外國返嚟記憶中每一次同佢食車仔麵佢都淨係叫淨餸所以趁佢返嚟同佢食番回憶嘅味道好少嚟呢頭 印象中周圍都係斜路難得放假諗住去西營盤朝聖飲杯阿正咖啡就決定先食飽飽再散吓步然後坐低傾吓偈今次嚟到華記潮州滷水車仔麵要搵到一個會食而且鍾意食內臟既朋友唔係咁易今次簡直係all試晒豬同牛嘅所有内臟嘅大好機會豬脷豬腸生腸豬肚豬橫脷豬潤豬粉腸豬頭肉豬手豬耳…牛腸牛蒡牛肚牛肺牛舌牛腩…如果嚟到想輕食，可以將面底轉菜底，一會係一個好好嘅選擇我哋分別一個叫咗油麥菜，一個叫咗生菜底啲菜吸晒重口味微辣秘製湯底，正😋湯底食落去有少少藥膳味，喺出邊店舖食唔到嘅味道我哋額外做，每人叫咗個小食朋友一埋位就話要食涼拌生腸個賣相幾吸引隔籬枱個姨姨專登問吓我哋係咩嚟表示想食😝食落去涼拌汁少少酸辣，惹味開胃份量亦非常足夠，$28好抵食另一個必食推介係佢哋嘅太陽餅，用咗兩塊唔知雲吞皮定餃子皮做面，入邊包住蝦滑加墨魚滑，仲食到有咬口嘅粒粒墨魚同蝦，新鮮即做，$40有5塊，好味！聽講除咗呢度仲有另外兩間分店大家可以去試一試！😋😋😋😋重口味人士認證表示飲完湯都唔會口渴😜#香港車仔麵 #車仔麵 #車仔麵菜底 #西營盤美食

🍽️ 三餸車仔麵 (+$5 轉撈麵) $54 ❤️4.5/5叫咗重口味撈米線，重口味醬汁類似辣汁一樣，配合米線食落令人停唔到口。五香牛腩脂肪與肉比例十分配合，食落不太韌，冬菇味道濃郁，食落，亦都不會太煙靭，十分推介！瘦豬大腸食落脂肪真是不多，但是味道濃郁🍽️ 三餸車仔麵 $49 ❤️4.5/5湯底叫左腩汁加滷水汁，不會太鹹，配搭河粉，令人回味無窮。而餸方面，五香牛肚十分爽口，不痴牙，滷水味亦都重！牛筋不會太韌，食落亦都感受到豐富嘅骨膠原。胡椒豬肚丸食落不痴牙，豬肉味十分重。🍽️ 涼拌生腸 $28 ❤️5/5 涼拌生腸十分爽口，咬落亦都冇渣。配搭獨有的醬汁，十分好食。作為小食送面亦都係一流，份量超級多！🍽️ 新鮮魷魚鬚 (辣) $28 ❤️4/5 新鮮魷魚鬚份量亦都係超級多，而且亦都有獨有嘅醬汁，十分好食！面頭嘅花生配搭得亦十分好！

今日好想食豬什麵，朋友係西營盤返工，就帶左我黎華記潮州滷水車仔麵食lunch啦。呢到附左有豬什食，仲有生腸，實在太知我口味了。今日我就食左豬什菜底（係丫，有菜底真係好開心，我減緊肥唔食得澱粉質，菜底就啱晒生酮人仕啦！我仲試左重口味湯底，個湯好濃，好正，d什冇腥臭味，洗得好乾淨。朋友叫左牛什麵，件件大大件，好滿足，都好夠林，好好食。另外我仲叫左2個小食，太陽餅（蝦餅）呢個蝦餅好特別，外型又靚，好好食！涼拌生腸，d汁同生腸好夾，好好食，必點！

豬紅大魚蛋蘿蔔油面配咖喱汁(49hkd)呢間我已經食過好多次，大魚蛋好少見，大大粒又彈牙，豬紅畀得好大方，都有成6-7粒，無咩怪味，蘿蔔係超！級！甘！甜！同埋無渣！😆豬什米粉配少辣重口味汁(55hkd)有豬大腸、豬耳、豬肺、豬肝、豬腸、豬肚、豬心等等🐷其實都幾齊，份量幾多，基本上都幾有豬味，但無咩豬腥味，個人黎講最鍾意豬肚，好爽口～涼拌生腸 (28hkd)好爽脆彈牙，酸甜微辣，應該係甜酸醬加少少辣椒油🌶️太陽餅 (40hkd)係脆炸蝦餅，入面食到原隻蝦🦐加上即叫即炸，好有誠意#foodiblum港式

三餸車仔麵係一道香港經典嘅小食，佢嘅味道真係令人回味無窮！我去食嘅時候試咗五香牛腩、五香牛肚同蘿蔔，再加上滷水汁同腩汁，味道真係超級濃郁！牛腩同牛肚都煮到好軟好入味，入口即化。蘿蔔都吸收咗滷水汁嘅味道，口感鮮嫩多汁。麵條方面，三餸車仔麵通常用河粉，佢嘅口感好彈牙，同汁料完美配合。滷水汁同腩汁係麵上，令麵條更加香滑，每一口都係滿滿嘅滋味。配合埋餐廳特製嘅辣椒醬，真係加添咗一份辣味同鮮味。不過，嚟到餐廳環境就更加驚艷！餐廳裝潢得好精緻，燈光柔和，氣氛舒適。坐喺度食三餸車仔麵，真係感受到香港傳統小食嘅文化氛圍。總括嚟講，三餸車仔麵係一道香港經典小食，味道濃郁，口感豐富。加埋餐廳嘅靚環境，真係一個完美嘅享受。如果你係麵食愛好者，又鐘意搵個有特色嘅餐廳，三餸車仔麵絕對係一個值得一試嘅選擇！