華記潮州滷水車仔麵

营业中

休息中

果日又去西環整D 嘢, 同朋友搞掂時已經有D 夜, 於是立即睇吓附近有D咩食，見到附近有間車仔麵店，仲要寫住係潮洲滷水，好似幾特別咁，又好耐無食車仔麵，所以就立即決定試吓呢間～～ 入去到舖頭，裝修簡約整潔，坐位都舒服，一邊係架位，另一邊就係4人枱，落單就係用QR code落單，好方便，可以一次過睇晒有咩餸先慢慢揀，唔怕叫錯或叫漏，同埋一定可以揀走蔥走荽等等，因為平時我成日都會唔記得走蔥，同朋友研究咗一輪之後，好困難地揀咗4個餸，因為款式好多之餘，樣樣都想食，同朋友每人叫唔同既餸，咁就有8樣餸啦 車仔麵我一定要叫油麵，因為覺得油麵係最夾車仔麵既，餸就叫咗牛肉餅、豬大腸(瘦)、春卷及滷水豆腐，湯底揀咗重口味小辣；另外一碗就係豬手、巨型魚蛋、豬紅及鮮魷魚鬚，配滷水汁湯底。 我食車仔麵就最歡叫傳統既餸，豬紅同魚蛋係每次食車仔麵都必叫的，呢度既豬紅好入味，而巨型魚蛋係長洲魚蛋，彈牙有魚味，不錯，至於個滷水汁湯底就幾特別，因為平時都係食開腩汁既，滷水真係第一次試，一上枱就好香花椒八角既滷水香味，湯頭清甜又唔會太鹹，配麵剛剛好 🫶🏻 試咗朋友既豬大腸（瘦）及滷水豆腐，不得不讚店舖係細微之處好窩心

入到去，坐定定后，強迫客人用手機下單，牆壁上有一張張照片，問有沒有實際餐單可提供，四眼阿姐只是不斷叫客人用手機落單，無視客人的查問，又聽到她細細聲說我們很難招呼，其實成間舖頭得一台客，佢連招呼我哋都不想，只想我哋手機落單他就不用理我們，佢又給了我們一張落單紙，我寫好後，她又拒絕落單又要我們再用手機下單，為何她要給我點餐紙呢？她又說你應該用手機下單，我說找不到雞翼尖，如何下單，她說找不到即是沒有。最後我都放棄了下單，因為他們餐廳的程式真是莫名其妙。

3點個陣去買外賣，諗住入去叫既時候，個員工叫我用佢地個app叫外賣，講真如果你專叫人用app落單既話唔該就整好啲啦，頁面多餘又複雜，落完單之後無耐個員工同我講，話我落單落左去太子，我心諗，下？咁點啊？員工: 你再落過單啦我地整唔到架 (已經唔好態度)我: 我比左錢啦喎員工: 無啊咁一係你自己去返太子拎，一係再比過錢係到落單我真係呆左，咁嘅建議佢都可以比到，我喺附近過嚟買個外賣佢叫我去太子度拎，好野👏🏽 咁既情況我相信會有更好既解決方法，但佢無做到，唔緊要，就以後唔會去食，會叫埋身邊人唔好幫襯啲咁既舖頭👍🏽

好耐未食過車仔麵，但係滷水車仔麵都係第一次食，呢一間華記潮州滷水車仔麵睇個名都知道佢哋呢度出名嘅係滷水，所以今日就試吓呢一間，我哋嗌咗兩碗車仔麵同一個小食🍜三餸車仔麵$49: 第一碗車仔麵係五香牛腩，蘿蔔同埋春卷既滷水汁米粉，佢哋嘅春卷係魚肉春卷，裏面嘅餡料豐富，魚肉非常爽彈，而蘿蔔因為吸左滷水汁嘅湯底，咬落去嘅蘿蔔非常入味，煮得又夠淋，而五香牛腩小辣，佢嘅脂肪唔多，肉質都係炆到好淋，好重牛肉味😍😍🍜三餸車仔麵$49: 而另外一碗湯麵就係大腸，鮮魷魚鬚同埋滷水豆腐既滷水汁油麵，本身自己都鍾意食大腸，但唔係間間都會食，呢一間嘅大腸比較乾淨，唔會有浸味，咬落都幾爽，另外一款係魷魚鬚，佢會分開小件，食得出新鮮同埋爽口，另外滷水豆腐比滷水汁長期浸住，豆腐皮都染咗深深嘅顏色，食落有香濃嘅滷水味，湯底都好香濃，而麵嘅份量適中👍🏻👍🏻🌞太陽餅$40:另外呢一款係店主推介嘅太陽餅，其實佢係蝦餅，將兩塊炸到鬆脆嘅皮，包住裏面餡料，之後係用新鮮嘅蝦，再沾上甜酸醬汁，口感層次更加豐富，而佢哋炸到外皮啱啱好唔會過窿，咬落都唔會好多油，所以呢份太陽餅好相當吸引

華記開到黎過海，今晚特登朝聖下。特別試下個重口味推薦湯底（就係混合曬滷水汁，咖喱汁，腩汁) 加小辣，味道濃郁又唔會過鹹。配料方面叫咗：🔸春卷：夠脆身，足料🔸豬大腸：有得揀肥瘦，我揀咗瘦，肥膏係少啲同埋都幾入味🔸蘿白：份量好大舊，夠清甜🔸牛筋：好淋同入味朋友健康啲就叫咗個菜底，牛肉餅、牛脷？豬橫脷加滷豆腐，滷豆腐好扎實入味，其次朋友大讚個牛脷軟焾出色！牛肉餅我偷食咗啖，好香牛味！本人鐘意食芫茜，所以專登叫咗多芫茜，果然真係俾好多，份量十足同埋係好新鮮嘅！其次仲有個牛三寶，牛腩、牛筯同牛肚，超大碟，可以一次過試晒，個汁幾出色！環境好寬敞，有卡位，台同台中間有足夠活動空間。大家唔會坐得好逼。

西營盤新開潮州滷水車仔麵💓✨🦥滷水與車仔麵的結合，喜歡吃滷水的朋友，又喜歡吃車仔的朋友，一定要到這餐廳呢！✨👍🏻有超級多款的滷水食材，不論是豬雜、牛雜，都多種多樣，任君選擇，總有一款是心水！此外，餐廳的小食亦很吸引，價錢亦很相宜，性價比極高！《四餸車仔麵》$58第一碗先以河粉為底，可選扣底或加底，食材方面選了牛肉餅、生腸、咖喱魚蛋、牛丸，湯底選了腩汁，另可選多芫荽（不用加錢），咖喱魚蛋是長洲大粒魚蛋呢！牛肉餅很獨特，像一般蒸牛肉餅那種，小塊形式，牛味香。《四餸車仔麵》$58第二碗選了米線，同樣是扣底，可選淋麵，滷水汁加腩汁，湯汁完完全全滲透米線，很惹味！食材方面選了滷水豆腐、豬耳、油麥菜、豬手，多蔥多芫荽。豬耳很爽口彈牙，豆漿滷水味濃，豬手大大舊啖啖肉。《菲菜豬紅》$40超級大碗的菲菜豬紅，辣辣的，不吃辣的朋友要留意呀！總結：超抵吃的滷水車仔麵！

西營盤魚蛋粉、牛腩麵有幾間，車仔麵則較少見，直到最近才在正街開了一間。第一時間去嚐新，車仔餸和小食的選擇好多，樣樣都想試，份量非常足，差點食唔曬。小食類：🔶蘿蔔豬紅（$40）🔶太陽餅（$40）🔶煎釀三寶（$28）🔶腩汁通菜（$20）特別推薦蘿蔔豬紅，大大碗份量十足，下層有五大件燘得非常入味的白蘿蔔，面層鋪滿豬紅，少辣，好正。難怪見不少街坊來外買加餸。太陽餅是雲吞皮夾着爽口香甜的蝦肉，外脆口內彈牙。煎釀三寶有七件之多，又係好抵食。🔶四餸車仔麵（$58）牛腩、牛筋、豬肚、豬手冬菇、豬脷、牛肉餅、豬大腸車仔麵除了有好多餸可揀外，最驚喜是可以選多蔥多茜。湯底選擇也有幾種，由清湯至濃湯重口味（滷水加咖哩汁）已分幾級，全部QR自選，總有一款啱你。

見到正街最近有新開的餐廳，門口亦不乏人龍，難得今天有空，🌶📝便決定一試。坐下後，上網搜尋才知道這間算是有人氣的車仔麵，總店在太子。-__________🏖餐廳環境🏖___________ 餐廳細細，店內只得大約十張枱，當日中午十二點多，已經有數人在排隊，但餐廳做法是，不論多少人數都會自己坐一張枱😅這做法有好有壞，撞正午餐時段，店內一半四人座位全部都只坐了一個客人，不少客人都因此而放棄了。最後🌶📝等了大約等了二十分鐘，安排坐在廁所旁的枱。- _____________🍽食物🍽_____________🐮潮州滷水牛雜粗麵配(多蔥多芫荽)$ 45推介指數 ■■■■■上枱非常壯觀，被份量嚇到😳共有四款內臟：牛胃、牛肺、牛腸、牛肚，每款有大約五到六大塊，基本上餸的份量可以把麵完全吃完，甚至會餘下數件，而且牛雜已有滷過，本身味道足夠而且香口，湯底選擇了重味少辣，超級惹味但不會咸，叫了多蔥多芫荽的我，真的很滿意他的份量，圖片解釋一切。唯一可以挑剔的就是粗麵比較厚身，口感不好。-🐮 牛肺+牛脷油麵配咖哩湯 $ 42推介指數 ■■■□□咖哩湯比較淡口，不會很辣，所以重口味的🌶📝比較推薦湯底選擇重味。牛肺

好耐冇食過一個咁地道滿足嘅車仔麵這一間新開的車仔麵店鋪首先一定要大贊特贊嘅係個河粉下一爽滑好味夾落去一條一條非常清晰依度嘅所有粉麵底都係一絕再配上唔同嘅湯底，滷水 清湯 腩汁辣同埋不辣 芫荽多少這些都係本地香港人靈活變通嘅一貫做法隨你鍾意不同選擇豬腸爽滑清潔，分量十足配上唔同嘅汁更加好味牛肉餅啖啖肉夠晒彈牙 肉味香濃咖喱魚蛋大大粒長洲size兼且外面炸得金黃色非常香脆牛丸 同樣地，夠晒口感另外一個米線，滷水豆腐 非常入味，唔係一夾就散又有口感，又有咬口豬耳 卜卜脆一條一條食得好過癮，油麥菜 完全將湯底嘅精華素到入去食落去美味濃郁豬手 真係非常巧豐富，完全入嚟一咬即溶，唔需要晒任何牙力冇得頂辣味韭菜豬紅這個必要叫因為豬紅夠晒味道有晒口感 大量韭菜，將醬汁朔到入去 一咬落去全部中心流出來，一啲都唔誇張呢個一定要叫所有餸菜嘅份量非常非常多包你食過大滿足先至離開店舖我大膽講句係附近最好味嘅車仔麵

好耐都冇食過優質嘅車仔麵，估唔到西營盤新開的車仔麵會咁高質，價錢仲要好街坊價四餸車仔麵$58同友人每人叫咗一個四送車仔麵大食妹個碗有雞中翼，魷魚酥、蘿蔔同巨型魚蛋，雞翼有成三大隻，滷水味好正，啲雞肉，一咬就甩出嚟，好好咬又抵食蘿蔔又系超淋超入味，長洲嘅巨型魚蛋彈牙有魚肉味朋友叫左五香牛腩、豬大腸、豬紅同冬菇豬大腸洗得好乾淨，爽身唔會腥一定要叫腩汁湯底，濃身清甜唔會有味精味太陽餅即系炸蝦餅，可以食到蝦膠粒粒，有少少肥膩，不過係好食嘅

華記 - 潮州滷水車仔麵今日介紹一間位於西環區嘅車仔麵檔，有別於一般坊間嘅車仔麵，因為今日主題係潮州滷水，將傳統嘅潮州滷水特色菜式，融入喺車仔麵之中。四餸車仔麵 $58叫咗牛腩、牛筋、牛肚同埋牛丸，全部都係牛魔王必食嘅餸菜，用秘製嘅潮州滷水醬汁去烹調，牛腩啖啖肉、牛筋膠質夠，牛肚軟腍，牛丸彈牙，最重要係每款餸份量都超多，超滿足！太陽餅 $40傳統嘅小食之一，炸魚餅之中再釀入蝦肉，啖啖魚肉加上爽口大蝦，香脆嘅口感王老吉 $10

車仔麵店周圍都係，車仔麵嘅肉餸不外乎牛筋，腩肉，豬軟骨，豬大腸等等。有無諗過街頭小食：牛雜，豬雜，可以配車仔麵一齊上枱？真係聽到都lamlam脷👅佢地單係牛嘅部位都分10款，豬嘅部位更分14款🫢每個部位都有好幾件，仲要唔細件，真心超足料～其中牛肺真係大推，嫩滑到懷疑人生😳太陽餅$40🌞呢個蝦餅果然係「必食之選」🫢外邊好似炸雲吞咁脆，中間十分濃味，幾彈牙，點埋泰式辣醬超惹味😍

叫左個三餸車仔麵，粗麵配咖喱魚蛋，雞中翼，通菜，多芫荽，咖喱湯，仲有辣椒油。好味，，食左一半已經飽飽地，好彩無叫四餸。雞中翼好淋好入味，大咖喱魚蛋好爽口，餸都多，價錢唔算好貴，三餸都多，唔係份量少。。平時食開車仔麵味道差唔多，呢款咖喱汁加辣椒油幾香。下次都試下其他味同餸。叫外賣都唔洗等好耐，我行開去買野，轉頭都有得攞，如果鍾意食重味都幾啱，湯底都濃，唔係溝水，無乜味嗰種，餸選擇都多，下次再叫比較想試下太陽餅，好似幾特別。

華記潮州滷水車仔麵👻放工行過成日見到有滷水車仔麵今日有時間就去試下啦佢個四餸車仔都好巨型足料又抵食食車仔麵一定配油麵好多配料任你揀🤗.🔅四餸車仔麵 HKD 58✨五香牛腩鍾意佢比較似清湯腩既做法唔會太濃醬料味咁樣反而食到啲牛味啱哂我腩位整得夠腍又入味✨鮮魷魚鬚新鮮既魷魚鬚先唔會韌彈牙份量又唔少鮮味配麵都幾唔錯✨蘿蔔好入味好腍既蘿蔔佢地啲滷水蘿蔔整得好好大大件咬落口都好多汁好推薦去試✨油麥菜食車仔麵配油麥菜啱哂吸埋個湯啲滷口汁腩汁爽口又健康😉.整體黎講:滷水入味 大碗抵食😚.🎈華記潮州滷水車仔麵 (西環)西環西營盤正街40號地舖

太子界限街華記滷水開到西環🥳🥳新店係西營盤正街，一出地鐵站就係勁易搵~~-小店雖然唔係好大，但係光猛坐得舒服小店有各種車仔麵，咩餸都有而且價錢都唔係好貴不過最出名梗係食華記的牛雜麵（豬雜麵都好出名）-仲可以加到滿滿的蔥同芫荽，真係超！勁！多！每一啖麵都食食到芫荽蔥牛肺牛肺牛肚粉腸同大腸都比得多，唔會得細細一兩舊而且都滷得入味牛肺厚切勁好味，牛粉腸食落亦爽口大腸食起來脂肪感滿滿牛肚切得厚實，咀嚼幾下就化開每個部位皆各有特色。-另外仲叫左鎮店之寶太陽餅，魚餅入面包著大蝦外脆內爽彈有𡁻頭，誠意之選啊～