華記潮州滷水車仔麵

营业中

休息中

老婆叫左好多次食依間野，話某明星介紹過，必試車仔麵。去西環附近買野，本身諗住九龍先有，點知老婆話開左間分店係西環，所以去左食。去到舖頭3點，張張枱都有客，生意幾好。環境 3/10 張枱同椅勁窄，肥佬應該會坐得好辛苦，個3分係比清潔 最少舖面見唔到小強叫左碗3餸牛大腸，牛小腸，豬大腸 油面 滷水汁牛大腸一般5/10 牛小腸好食 7/10豬大腸 OK 6/10老婆叫左碗2餸 豬紅 牛腩 滷架腩汁豬紅7/10 入味牛腩 2/10 差 口感差 冇牛味 勁老 好似食煲湯瘦肉咁 定真係比左瘦肉我？3餸 492餸42唔包野飲性價比低

位於西營盤正街嘅華記車仔麵，其實係太子都有間分店，鋪頭位置唔算好多，但係坐落都舒適企理。太陽餅 $40唔好以為係台灣嘅太陽餅甜品，呢一款係蝦餅，香脆可口，咬入去蝦味好出同埋好彈牙。新鮮魷魚鬚 $45彈牙香口，滷水汁包裹住，唔算太重口味。滷水蘿蔔牛雜 $68話就話係一人份，但我哋兩個人都差啲食唔晒。牛腸唔係好肥，而且咬落爽口，處理乾淨之餘仲好有滷水味。牛肺牛膀都大大舊，滷水汁撈埋口感好豐富。四餸車仔麵 $58牛腩、牛筋、牛丸、豬腩肉加埋個烏冬底，不得了。牛腩好嫩滑，有好濃郁嘅牛味。牛筋肉質結實，有咬口之外仲感覺到充滿膠原蛋白。而豬腩肉我揀左半肥瘦，好嫩滑而且好香。總括嚟講，雖然價錢比起其他車仔麵餐廳都稍為貴少少，但係以食材來講， CP值好高。

🔮猪雜麵    這碗猪雜麵實在太豐富了!有猪脷,猪腰,猪心,猪粉腸,猪肚,猪面脥,猪肺！先飲啖湯 ,湯頭睇落清澈,飲落味道,香濃而帶清甜,鹵水味和肉味互相平衡,一點也沒有猪雜內臟我氈味!我點咗生菜做底,生菜吸引了湯頭的味道,格外惹味！而一系列的主角,猪雜們都鹵得入味,脷,腰,心；軟腍入味！腸,肚,肺;爽滑有嚼口,面脥肉更有骨膠原滿滿之感！食完之後真的明白為何網上評價一直甚高,個人覺得回頭率真係會有5⭐呀！ 🔮煎釀三寶  用料十足,鯪魚肉釀得滿滿的,厚實之餘又彈牙,用上手打鯪魚肉,絕對唔粉,所以魚味十足,外面煎得薄脆香口,thumb up!🔮涼拌猪耳  個涼拌汁真係食過會番尋味的,店家秘製配方,先甜後辣又帶麻,滿滿麻油香,十分惹味香口,猪耳仔爽脆Q彈又入味！做前菜真係一流呀！ 

而家普遍大家都食得健康咗，車仔麵依家進化到可以要菜底，超級健康，好推介依間🤍🤍唔怕去唔到廁所啦😂😂😂 $58仲有四個餸添！好抵👍🤩韮菜底，韮菜有超級多！唔老，冇渣，食得哂！😋牛肺都ok，豬大腸淨返少少肥🤣🤣，等我罪惡感冇咁大🥳🥳，食落唔會好油膩，鮮魷魚鬚口感柔軟唔痴牙，冬菇好入味☺️☺️☺️🤩油麥菜底，清爽，唔老，雞中翼有三隻，份量唔錯，肉質ok，都入味😝😝魚片頭有嚼勁😗五香牛腩經過調味後，都幾入味👍👍食車仔麵都唔使怕驚肥了🥹🥹

華記潮州滷水車仔麵⭐️呢間係我食過最鍾意既車仔麵😍店員好有禮貌☺️五餸車仔麵🍜河粉剛剛好，豬紅又好夠味，豬大腸仲好淋好易咬開👍🏻五香牛腩大大舊得黎好滑好淋😊雞翼尖滷水汁煮得好入味😚最正係春卷口食到停唔到口😚一碗麵既湯底好重要👍🏻腩汁加滷水湯底甜甜地好惹味🤤呢間最好係芫荽同蔥可以點勁量🤪可以叫到成碗都係🤭嘩😍四餸車仔麵🍜朋友叫都係河粉，佢叫左豬粉腸估唔到咁好味🤤唔係間間都有得食😍我忍唔住夾多左叫兩舊黎食🤭豆腐串都好夠味😆鮮魷魚鬚唔洗講爽口正呀😚五香牛肚炆得夠淋☺️佢既咖喱汁湯底帶微辣麵好好味👍🏻

二人同行去食，叫了一碗＄49三餸，另一碗 係四餸＄58蚊 ，只可以用五隻字嚟形容不值得一試， 只係重量不重質 ，如要飽肚還可以 但...食物質素真的不敢恭維， 和衛生都有問題 因我和朋友食完後也有肚痾 ，我們二人也痾了兩次以上， 首先講佢碗麵入面啲餸，豬大腸啲肥膏可能有些人會覺得有，才特別好味這個我也不敢否認，每個人口味不同 ，但感覺上這間店舖處理手法不衛生的， 另外佢所有材料包括豬紅呀豬大腸呀等材料， 都不入味的，所謂鹵水味為主？完全也吃不到鹵水味， 碗麵一端上來已經係微暖的，湯麵應該是熱騰騰的，所以正因為這樣，食了才有肚屙的問題存在吧！

本人於外賣平台預訂食物， 早於一晚預訂另一天的午餐外送，差不多到食飯的時間本人看看車手或餐室準備如何但看見仍未進行，便致電此店舖 給我的回覆是外賣平台未有新指示叫製作，非常荒謬的答案。本人已經叫外賣平台外賣已多達兩年，對此答案亦覺得很奇本人曾经於此店叫外賣送遞，此店工作人員堅持自己沒有錯叫本人聯絡外賣平台，外賣平台的回覆是此餐廳一路沒有接受我的order更於中途自行取消訂單根本此服務態度極差當顧客 不是顧客不應恃住自己的食物多人光顧有此服務態度所以更好食的店舖都不會再光顧亦希望其他人 知道。其實本人早已聽到對於此舖員工態度一向都是惡劣，但今次自己經驗卻深深領略到令到本人當天非常 氣憤若果你是做不到外賣送遞就應早些通知顧客而不應取消顧客訂單卻沒有通知顧客係非常卑劣的行為， 外賣平台亦做得不足不能解決顧客問題所以 希望大家不用光故此店亦不應該用外賣平台的服務.

位於西營盤正街的「華記潮州滷水車仔麵」，顧名思義，係主打坊間比較少見的潮州滷水車仔麵，另外仲有煎釀三寶、太陽餅、蘿蔔豬紅、新鮮魷魚鬚等等招牌推介小食煎釀三寶經典港式小食煎釀三寶分別有：青椒、茄子釀魚肉及紅腸。炸到金黃香脆，邪惡滋味，沾上甜豉油及餐廳秘製辣椒油一齊食就更加正四餸車仔麵車仔麵兩餸起，多款特色車仔餸，某啲配料仲可以揀肥或瘦；另外醬汁仲可以揀選份量，非常貼心❤️呢碗有油麵配豬紅、牛腩、五香牛肚、豬大腸及咖喱魚蛋。牛腩肥瘦適中；豬大腸去除咗肥膏，感覺比較清爽；五香牛肚好入味；咖喱魚蛋大大粒，爽口彈牙。醬汁揀咗重口味推薦(全部汁)中辣，香辣惹味，唔係講笑都幾辣🌶️四餸車仔麵配菜底車仔麵可以轉菜底，我揀咗油麥菜底配清湯，油麥菜新鮮翠綠。其他四款配料有：春卷、豆卜、滷水豆腐及冬菇。豆卜好吸湯；滷水豆腐厚切大件，充滿豆香；冬菇炆得好入味津路烏龍茶

🍜呢間車仔麵店出哂性價比極高，每款配料都係份量十足，大大碗🤩仲可以揀芫荽/蔥嘅份量 + 麵嘅質地 + 混汁咁開心，難怪連BOB 爺都介紹過😳😳😳(1)自選四餸車仔麵 $58 ︳牛筋、牛腩、牛肚、牛肉餅 ︳腩汁(2)自選四餸車仔麵 $58 ︳新鮮魷魚鬚、 生腸、牛肺、牛膀︳咖哩汁個人最鍾意牛肉餅: 好彈牙，咬開仲有牛肉肉汁牛筋、牛肚: 炆得夠淋夠入味魷魚鬚: 好爽口，唔會灼得太熟不過油麵鹼水味偏重，下次應該會叫返米粉(3) 太陽餅 $40用春卷皮包住鮮蝦同蝦膠，炸到好薄脆

最近好鍾意食呢間既車仔麵🤤🤤餐廳主打以秘製潮洲滷水汁熬煮車仔麵配料～食物選擇多，大份又抵食！！佢地既滷水汁同辣椒油都好出色，黎到一定要試試❤️❤️🍜牛雜麵 $45✨揀左要滷水汁同多芫茜，賣相吸引🤩🤩裡面有牛肚、牛腸、牛肺、牛膀等配料～份量好多，全部都好入味！！我就最鍾意牛肚🐂，口感爽口、有嚼勁！而且清洗得好乾淨，冇乜異味👍🏻👍🏻佢地既湯底都好濃郁，麵條Q彈掛汁！再加少少自家製辣椒油🌶️，好惹味呢🔥🔥🍘太陽餅 $40✨呢個係佢地既招牌小食，必試～～用雲吞皮包住鮮蝦同蝦膠🍤，炸得好酥脆！蘸泰式辣醬食更開胃😋😋

食物份量足，但係味道一般，無乜大驚喜，最差要用QR Code落單，程式指示唔清𥇦，搵員工唔識答，搵收錢阿姐問十問九唔應，直情唔so 你，最後要自己花時間研究，超趕客。

喺西環諗緊食咩嘅時候經過呢間車仔麵，見入面都幾滿座又多人買外賣，鍾意湊熱鬧嘅香港人就梗係要去試下😆.佢係一間超乾淨企理嘅車仔麵店，亦有多款特色小食提供！我入座咗五分鐘已經聽到幾次”真係好大份啊”呢個comment，搞到我真係好期待😹😹.車仔麵主食有8個麵底同5個菜底可供選擇，麵底亦可以揀爽麵定淋麵，而配料有成43款可以揀，真心大癲！.我地各自嗌咗個三餸車仔麵($49)，真係好大份啊😹😹 佢係每樣配料都超大份，我嗌咗冬菇、鮮魷魚鬚同牛筋撈粗(+$5)，牛筋超有有膠質好正！友人嘅咖喱豬皮、豬肚、瘦牛腩河粉入味索汁，牛腩又滑又腍，大推👍🏻小食我地嗌咗一人份嘅滷水蘿蔔牛雜($68)，份量我認為二至三人share都得😳 佢有牛膀、牛腸、牛肺同牛肚，牛肺超爽口好正，蘿蔔清甜無渣！涼拌生腸($28)甜甜地非常爽脆！

路過正街，時間有限，食車仔麵應該最快。用QR Code自助落單，清楚快捷，食材款式選擇多，主打牛豬內臟，上至豬橫脷、豬心🫀下至牛小腸、牛膀都有🫁點咗碗兩餸麵($42)，’’豬膶豬大腸油麵配滷水汁加腩汁多蔥多芫茜’’🌿🌿豬大腸有正常版同瘦版2個選擇，正常版夠晒油脂，厚身，冇尿押味😀豬膶爽甜，質地爽脆，幾得👍🏻湯底正常，都係車仔麵精粹味精湯啦！可惜油麵唔靚，質地過硬，變相完全唔索湯，口感爭啲🤨如果再嚟應該叫米粉⋯

🌟餐廳：華記潮州滷水車仔麵📍地址：西環西營盤正街40號地舖💰價位：～$50⏰營業時間：星期一至日 11:00 - 22:00📱電話：6564 3399西環一向都有好多中式及潮州粉麵店~難得今日去開呢頭附近，就等我中午揀返間特色既粉麵店醫下肚~今次去左呢一間「華記潮州滷水車仔麵」，主打潮式牛腩牛雜及車仔麵，價錢出哂名親民！———————————————————🔹牛三寶(牛筋，牛腩及牛肚)呢款牛三寶份量認真充足~牛三寶有齊牛筋、牛腩及牛肚，而且仲配埋幾件大大件既白蘿蔔，超正！幾款牛既部位都炆得夠淋又夠入味，我最鍾意牛筋，滷水味濃而不咸，膠質豐富，口感十足，食落好滋味！餐廳仲可以比我地選擇多蔥花及芫茜，搭配一齊食，更加惹味~———————————————————🔹新鮮魷魚鬚超惹味既小食~魷魚鬚大大碟，夠哂豐富，抵食！！入口新鮮爽彈，搭配餐廳秘制辣汁，微微辣食得好過癮，必試之選！———————————————————🔹自選車仔麵 (油麥菜底 配 牛肉餅，魚片頭，牛丸，豆腐串，春卷，雞翼)呢度既車仔麵性價比極高，我地忍唔住叫左超多餸~我地揀左油麥菜底及滷水汁湯底，冇咁飽可以試多幾款餸haha！每

話說有一晚我去買外賣，個四眼長髮收銀呀姐問我要唔要蔥？我就答：唔要呀之後俾佢大聲爆我話「張紙呢到有得tick，你又唔tick！！」我又唔係喺到做，點會熟讀你張紙呀大佬超嬲但又勁蠢繼續買跟住碗野等左勁耐，我問個呀姐有未，佢叫我企出面繼續等。眼見後面既單都拎左，我叫好人啲既後生肥仔check，佢話原來一直喺入面無人拎出嚟真係好激氣個收銀呀姐係老細既話，希望大家以後唔好課金俾佢！我睇食評發現唔止我一個可憐蟲受佢氣。如果你係真正老闆，又睇到篇野唔該教育下你啲員工or轉人，唔好有更多無辜既食客受佢氣！