華記潮州滷水車仔麵

营业中

休息中

以前去過太子食好多次，果邊啲人都好好，尚算客氣！諗住西環可以叫外賣，正啦！點知我只係揀個全部汁走辣啫！竟然比個態度奇差嘅女人專登打電話上嚟串，揀咖哩魚蛋又要走辣，真係令佢諗唔明，唔知點整喎！調反轉我到收線一刻都唔明，咁都要打比個客鬧，你講一句無得走咪得囉！個亞姐唔洗咁燥底嘅！

呢間車仔麵已經唔係第一次食 早在太子分店已經試過 佢既湯底令人一試難忘 我個人覺得係車仔麵既天花板！除左傳統既叫餸食，呢到仲有招牌牛雜同豬雜麵，我都係非常推介！牛雜係好足料，出去街邊小食店叫碗牛雜都幾十蚊。呢到一碗大大碗都係$45，我覺得性價比極高。三餸麵就揀左蘿蔔、牛筋同豬紅！蘿蔔無根，豬紅超滑流。因為餸份量好足 我就叫左菜底，感覺食咁四餸！另外，新鮮魷魚鬚如果個胃仲有空間 記得試下 新鮮白灼再加上袐制醬汁，不用去潮洲檔就食到

講到幾好吃都冇用，企門口位置收錢帶眼鏡的肥女人，態度極之不友善，自己唔睇清楚客人落單還要話番你轉頭，語氣極差.，唔明D老闆點請人，難怪人人北上消費，以後亦唔會再幫襯。

今日黎到呢間車仔麵店試下豬肚、豬大腸、粉腸米粉這道菜是港式車仔麵的經典組合，給人留下深刻的印象。豬肚、豬大腸和粉腸都經過精心處理，口感彈牙，搭配上細膩的米粉，味道豐富。每一口都能感受到豬肚和豬大腸的鮮嫩和粉腸的彈性，令人愛不釋手牛什麵這碗牛什麵展現了港式車仔麵的風味和豐富口感。麵條彈牙有嚼勁，配上濃郁的湯汁，味道鮮美。每一口都能品嚐到牛什的鮮甜和麵條的彈性，令人舒服愉悅。這道菜的烹飪方式使牛什保持了其鮮嫩和湯汁的濃郁，讓人能夠真正品味到食材的新鮮和高超的廚藝蝦餅蝦餅外酥內軟，蝦肉鮮嫩，味道鮮美。每一口都能感受到蝦肉的鮮甜和酥脆的外皮，令人回味無窮涼拌生腸生腸鮮脆，配上清爽的調味料，味道清新。每一口都能感受到生腸的脆嫩口感和涼爽的調味，令人愉悅。這道菜的烹飪方式使生腸保持了其新鮮

西營盤夜晚比較靜，但正街有間好熱鬧、要排隊嘅小店🔥原來係人氣頗高嘅華記潮州鹵水車仔麵，憑住重口味湯底加上唔同部位牛內臟打響名堂。今次就叫咗車仔麵同小食，另外仲有得揀牛雜、豬雜麵，麵底亦可以加$1有座芫茜山🌿晚市比較旺場，地方淺窄要搭枱。🍲三餸車仔麵、重口味全部汁少辣、胡椒豬肚丸、牛肉餅、蘿蔔湯底可以選腩汁、咖喱、辣汁，若然想重口味又唔想諗，可以揀三拼重口味版本😛😛湯底果然亦夠晒濃郁，除咗香辣之餘仲有腩汁嘅鹹香，係比較有層次嘅車仔麵湯底😋配料亦有好多坊間少見選擇，好似牛膀、黑柏葉，或者牛肉餅，有啲似牛丸，口感彈牙。另外嘅胡椒豬肚丸夠獨特，同樣彈牙，好香胡椒味😻蘿蔔好大舊，非常甜，完全冇渣👏🏻👏🏻🦑新鮮魷魚鬚大大碟，涼拌魷魚鬚好爽脆，醬汁唔辣，鹹鹹甜甜好惹味，加埋脆花生，可以不停食😋😋🧃清涼爽人均消費：$80推介指數（10分為滿分）：7分

朋友話帶我食車仔麵，我當然歡迎啦因為我好鐘意，但佢話呢間比較特別，係以潮州滷水為主，除左基本車仔麵餸最特別有豬什，牛什都比平常多款，聽到都流口水🤤手機下單好方便，由麵類、湯底、配料每樣都可以要求好仔細，麵既軟硬度，湯底可以加汁好平常，但可以揀多汁或小汁，甚至兩溝都得👍 辣度分三級，分唔分湯，多或小蔥芫荽，每一項都可以任君撰擇👍👍對我來講梗係食最特別既豬什麵啦，好大碗好彩揀左菜底，因為真係有好多餸，粗略數都有七至八款😯當中豬耳粉腸較深印象，無諗過車仔面會食呢D！而且仲可以滷水加腩汁，初時有担心味道過濃，但又唔會湯吾油夾埋大家都無影响到大家，仲幾好味添👍朋友牛豬都想食，所以叫左三餸車仔麵另外仲叫左涼拌生腸、新鮮魷魚鬚，因為無諗過份量十足，所以仲可以拎走😅繁忙時間要等位，香港已好小見了💪🏻

環境: 店內乾淨企理.服務:店員做野都好快手！呢度係用手機落單，最窩心嘅係，可以好似拉麵店甘，麵質可以揀淋麵/硬面，又可以走蔥，走芫荽、雙拼汁等等，好多選擇，一定有一碗啱你食👍🏻
.
🍜三餸車仔麵 $52
今次要左雞中翼、豬紅、雞腎，配油麵！湯底要左腩汁加滷水汁，唔會死鹹，再加埋潮州辣椒油，好滿足！
.🍜牛雜米粉 $48
一上枱完全俾佢個份量嚇親，多到就黎滿瀉！呢碗湯底要左腩汁加滷水汁，配米粉！每樣餸都有三舊以上大大舊！有齊哂牛肚、牛肺、牛腸、牛膀！（我唔食牛腸就走咗）.
🍤太陽餅 $43 
用雲吞皮包住原隻鮮蝦同蝦膠，炸到勁熱、勁香口，超級酥脆！有5大塊，食落好彈牙鮮味，配埋泰式辣醬，好食🤤
.
🦑新鮮魷魚鬚 $50 一碟有好多條，食落完全唔會韌，條條都沾滿咗微甜既辣醬！好惹味！.🥤雀巢檸檬茶 $8玉泉忌廉 $8 
.
Overall，香港已經少左好多車仔麵檔，呢間價錢實惠，份量大！男人食都一定夠哂！食完之後出返餐廳見到已經大排長龍，可見真係引起爆棚！.=========================.食物：8/10環境：6/10服務：7/10抵食度：7.5/10回頭度：7/10.

過開黎西環，朋友話不如去華記，華記個名之前上網睇短視頻時，有阿bob同明星推介過，但西環呢間都係第１次食。店內坐滿人，我響門外企左一陣，店員好快安排我地入座。店內乾淨企理，店員食客響條長形走廊來來往往，好熱鬧。經過手機落單後，車仔麵好快就送到，真的好大一碗呀。三餸車仔麵 HKD 52牛筋同豬手夠腍又入味，入口即化，好似食緊骨膠原咁。豬潤灼得剛剛好，好爽，老火蘿蔔大大件咬落口都好多汁，好有口感。太陽餅（HKD$43）係華記必食推介，見到好多檯都有點，佢用新鮮蝦膠，即叫即整，上到檯熱辣辣，外表金黃酥脆，咬入有墨魚粒，同睇到原隻蝦仁，配埋佢泰式辣醬，好惹味。另一款小食推介，就係佢地既新鮮魷魚鬚(HKD$50)喇，平時已經好鍾意食魷魚鬚，不過食炸居多，今次呢個滷水汁整嘅，加少少辣汁，另有一番風味。華記嘅份量好足，性價比高，抵食。華記潮州滷水車仔麵📍西環西營盤正街40號地舖

住喺附近，成日見到好多人排隊，今日終於都可以試到滷水車仔麵，又真係幾特別，仲有滷水牛雜麵同埋滷水豬雜麵，有辣有唔辣，好多選擇呀！滷水豬雜麵好特別啊，一上枱好大碗啊，上面鋪滿芫荽，好少見車仔麵有豬仔麵食，好多餸啊，有豬膶豬耳等等，我嗌咗小辣，夠晒嘢味，啲湯又幾好飲喎，，如果鍾意食豬嘅朋友一定唔好錯過！三餸車仔麵叫佐，冬菇豬皮鮮魷魚，豬皮入晒味又夠腍，最窩心嘅就係啲面可以揀淋麵或者硬面，又可以走蔥仲有辣汁腩汁等等好多選擇！煎釀三寶最鍾意街頭小食，可以坐低慢慢舒舒服服食！太陽餅煎太陽餅，個名咁特別原來係炸蝦餅，好食呀，炸到外面脆卜卜入面又有蝦肉😆

my吃貨梓幸👧🏻 去左學野就系麻Mi我安靜時間😂其實系被驅趕💨難得系西環梗係食最好味既潮州車仔麵啦😋芫茜控的我表示很高興🌟🌟成座山的芫茜3️⃣餸車仔麵🍲豬粉腸🐖蘿蔔🥕牛筋油麵底～再配上潮式辣椒油🌶🌶🌶香濃好味🌟新鮮魷魚🦑加上獨特香辣醬汁～魷魚即叫即灼～爽口彈牙👍🏻🌟招牌太陽餅☀️煎得勁金黃超香脆既蝦餅🦐咬開啖啖蝦肉～仲夾雜住原粒蝦蝦🦐🦐點埋泰式酸甜醬👍🏻夠野味

星期天與家人去了西環，走進華記潮州滷水車仔麵食晚餐，我覺得好好味，而且份量大，捧住個肚離開！無論您喜歡牛雜的濃郁滋味，還是喜歡多樣選擇的車仔麵，這裡絕對能滿足您。 這裡的牛雜麵淋上特製的鮮美滷水汁，配上我的至愛，嫩滑的牛肚和牛蒡，味道濃郁鮮美，讓人回味無窮。太太則選擇了三餸車仔麵，豬紅、蘿蔔和雞中翼搭配在一起。特別推薦他們的重口味推薦汁湯底，濃郁的湯汁讓整碗麵更加美味可口，讓您一口接一口停不下來。 此外，新鮮的魷魚鬚和太陽餅也是必吃之選，帶來獨特的口感和風味。 無論是一個人前來享用，還是和家人朋友一起來品嚐，華記潮州滷水車仔麵都能滿足您的胃口！ #華記潮州滷水車仔麵#西環西營盤正街40號地舖

西區車仔麵店越來越少，華記潮式車仔麵算近來比較好食的。店鋪乾淨，手機落單，咁想諗咁多要了兩碗最簡單的。✨🥢牛雜河粉：樣樣都有啲，而且大大件唔係斬到碎濕濕👍🏻，牛肺軟糯，係大腸比較肥，其他唔錯入味。✨🥢豬什粗麵：湯底我要滷水汁加腩汁咁有滷水味&腩汁味，正👍🏻！豬什洗得乾淨沒味道，乜都有一兩件，唔錯，唔使諗咁多，樣樣試齊😋

前幾日公司同事喺外賣平台見到先知原來之前「香港車仔麵關注組」都有力推過嘅太子長龍華記潮州滷水車仔麵依家係西環都開咗分店啦！即刻要去朝聖一下~我哋今次揀咗比較少見嘅豬雜麵，入面勁多料包括有豬大腸，豬粉腸，豬脷、豬橫脷，豬耳，豬肚，豬心，豬皮，豬腩肉，豬頭肉。各種嘅豬各有唔同滋味，真真正正嘅大堆頭！豬全部都係豬~🐖🐽🐷豬雜處理得夠乾淨無異味記得要加一蚊加埋佢座芫荽山~視覺效果十分震撼！😳😳😳 （好辛苦撥開曬先睇得到各款唔同嘅雜🤣）濃郁嘅滷水湯底甘香而唔會死鹹，滿滿嘅花椒八角、草果味啖啖鹹鮮同芫茜蔥嘅青味好夾，令整碗麵嘅香味更加突出。想更加濃嘅可以揀佢哋嘅重口味湯底，一款有齊滷水汁、腩汁及咖哩汁，十分惹味另外三餸車仔麪，佢哋啲餸都好特別，我哋就主要叫咗啲豬雜麵無嘅配料。好驚喜竟然有黑柏葉，爽脆彈牙！蘿蔔清甜無渣，雞翼尖夠入味係鍾意吮骨嘅首選~ 整體餸菜料都好豐富又有質素。個人覺得車仔麪配油麪係最正，但都特別要讚嘅係佢哋除咗一般嘅麵底之外仲可以轉菜底同蘿蔔底，滿足唔同人嘅需要，特別啱曬飯量細或者減carb 嘅時候嚟食~太陽餅唔係台灣個隻甜嘅酥餅🌞係用雲吞皮包住鮮蝦同蝦膠炸成嘅蝦餅，爽甜嘅蝦肉再

話說朝早同隻豬去咗文武廟還神🙌🏻🌟過去一年大家嘅生活都非常順利👍🏻❤️之後去咗附近一間車仔麵食午餐🤤🍜雖然環境細但吸引咗好多人嚟食😜👌🏻想講入面座無虛席同員工好熱鬧😂💧配料種類多可以配搭自己嘅最愛😚🫶🏻食物嘅份量比想像中多性價比高🤩✌🏻咁啱仲見到有藝員入嚟呢度食添🤫💡-❤️三餸車仔麵 ($49)首先揀麵底 再揀三款餸菜類 最後就揀個湯底✅單睇賣相已經呆晒 成個碗滿到一個點 超讚哇💯我就揀最愛嘅河粉 配牛腩 豆腐串同巨型魚蛋🐼我隻豬揀咗油麵 配五香牛腩 豆卜同咖喱魚蛋🐷河粉夾起唔會碎濕濕 牛腩炆得好腍身 易入口😳巨型魚蛋唔係浪得虛名 大粒到您 真係估唔到😱同樣地揀咗腩汁 湯底嘅味道濃郁 好多精華呀😚豆腐串索晒啲汁 食落零捨入味 真係好滿足唷🥰-🧡太陽餅($40)原來係魚肉蝦餅嚟 炸得好香口😝蝦肉好彈牙 而且食落好鮮味添🦐配埋甜辣醬一齊食 特別惹味呢😋真係食到停唔口啊 強烈推介啊🔥-💛煎釀三寶 ($28)有紅腸🌭 青椒🫑 茄子🍆 每款都各有兩個🤓起初仲驚唔夠食 點知每件都大大件到不得了🤣-💚津路烏龍茶 ($10)食炸物配茶解膩一流喔❣️💙大和豆漿 ($10)車仔麵配豆漿係最佳配搭啊❣️

咁啱喺西環做開嘢，喺附近搵食，突然見到大排長龍嘅車仔麵店😎餐廳主打潮洲滷水，好似幾有特色咁樣，即刻引起我注意🤪豬雜麵聞說係餐廳招牌菜之一，具有潮州風味嘅豬雜麵！配料俾得絕不手軟，食到豬潤、豬肚、豬頭肉、豬腸，各個豬嘅部位經過潮式滷水處理真係好入味😄湯底揀咗重口味推介(小辣)，食落口係非常惹味😋三餸車仔麵 (豬紅、牛腩、春卷)最愛豬紅，呢樣嘢真係配車仔麵特別好食🥳牛腩炆到好腍、好入味🤩魚肉春卷亦都係我至愛😜鋪喺面頭仲有啲芫荽，真係啱晒我喇😍太陽餅太陽餅其實就係魚肉蝦餅，每片魚肉中附帶鮮蝦，炸得非常香口🤤食呢個記得要配上甜辣醬食，份外惹味😁種類繁多，大部分常見配料都有提供~有幾種醬汁可以挑選👍滷水汁、咖哩汁、腩汁，仲有個重口味推薦😝餐廳仲有做學生優惠添~