華記潮州滷水車仔麵

营业中

休息中

週未中午想吃碗車仔麵 一到埗餐廳門口已看到大排長龍 員工忙過不停 外賣單及堂食 顧客一入一出 隊伍仍然有增無減 美食需要等待是常識吧 幸好等候時間不算很久 餐廳食物份量十足 物超所值 定能讓你捧腹而回🍜牛雜麵 $48滷水汁入口甘醇舒服 味道剛好 牛雜有牛腸 牛肺牛膀 牛肚 滿足你對吃內臟的需要當中牛腸滿滿甘香的油脂 牛膀綿密而且索透湯汁 牛肚又軟糯 份量多又灑上海量的蔥及芫茜 非常大滿足🤤🍜三餸車仔麵 $52點了滷水汁湯底 扣底麵量對我來說也覺得相當多 份量十足 非常飽肚餸方面叫了豬紅 蘿蔔 春卷豬紅有醃底味 而且易夾不易散 蘿蔔相當入味 很大舊之外又甜且沒有渣春卷有兩整條 吃到有墨魚粒在內 🤤🐙新鮮魷魚鬚 $50魷魚爽口彈牙 涼拌且帶微辣 醬汁非常惹味 每一條魷魚鬚都掛上醬汁 拌得相當均勻表面灑上不少花生 增添脆口口感🤤🍘太陽餅 $43太陽餅即是蝦餅 共有5塊餃子皮包蝦膠表面炸至美麗金黃色 雖然比一般的薄身 但同時相當酥脆香口 又不油膩內裡蝦膠彈牙 更可見整隻蝦肉在內 配上甜酸醬 非常匹配

今天中午，我们去到太子民兴大厦，华记潮州卤水车仔面餐厅午膳。去到餐厅门口 ，已経大排长龙 。我们进到餐厅，餐厅已经坐满客人。幸而店员为我们安排了15号桌。这里是手机电子点餐。我们叫了牛杂面、三餸车仔面、太陽饼（即蝦饼五件）、新鲜鱿鱼须及两杯饮品，王老吉和乌龙茶。牛杂面用料丰富，配上幼面、腩汁，十分好味道。三送车仔面包括牛腩、猪紅、萝卜，配上乌冬，吃过返寻味。太陽餅（蝦餅）所用的虾十分爽脆，鱿鱼须亦十分新鲜。我们十分欣赏这次午膳。最后需要一提，店主很有爱心，鼓励善长仁翁，購买爱心面券，然后将爱心面券派给区內有需要的长者。憑着面劵，長者可以领取腩肉面一碗。

真係特燈開個AC 黎留下呢間野言間野一係多人排隊既, 其實係香港食野等下真係冇所謂. 果個四眼男仔真係當D客係到呼呼喝喝 知道你地生意多架啦咁都算啦 橫掂都排緊隊就算入去嗌 出名既太陽餅 脆口 但係D函太小 食落去好薄既一層野, 加埋落去 口感一般, 唔太食到有幾特別牛肚一般般 完整既就溝埋碎上牛腩就有大有細 有小小煮耐 好難咬菜就係菜 冇特別個朋友就叫埋牛丸紅腸咁都係D叫貸野 唔明有咩咁出色位重口味全部汁 其實就係辣汁底, 又係玩字眼特別 GIMMICK野最尾要特登再叫枝豆漿先頂得順, 勁口喝.如果呢間野係太子位 咁多野食 我真係唔會再食 真係比錢你黎受氣食飯

呢間人龍車仔面真係名不虛傳呀都未開門就已經有一堆人排隊喇好彩我地都早到咗所以唔係排好耐隊就到我地喇去到人龍店我地當然要試下必食推介的豬雜麵同埋D小食啦豬雜麵裡面有齊豬頭肉、豬脷、豬橫脷、生腸、豬粉腸、大腸、豬膶、豬心等，出面的車仔面好少有架，配埋個重口味湯底 (即係乜都有) 真係十分夾呀，另外我地仲叫左碗三餸麵，配咗魚肉春卷、片頭、紅腸、重口味湯，仲筆多2匙辣椒油，喂呀正到爆呀另外佢2款小食都唔錯，現場有好多人叫，我地分別叫咗太陽蝦餅同埋新鮮魷魚鬚，蝦餅有驚喜蝦肉唔梅非常彈牙，相信廚房都下過下苦功先整到咁彈牙的蝦滑，而新鮮魷魚鬚大大碟食到我地捧腹走人，配上香脆花生同埋少少辣椒油，十分惹味，唔怪得咁多人排隊啦

和女兒去行花市，順道先去出了名的華記吃車仔麵。我們第一次來，想不到晚上七時多，店舖外卻已排了長長的人龍，我們排了大概30分鐘才可以入內。甫坐下，看到餐牌有很多選擇。我這個患有嚴重「選擇困難症」的人需要費煞思量才可以揀到自己的心水車仔麵。最後，我們選了：牛雜麵：有牛肚、牛腸、牛蒡。滷得十分入味，又大碗。湯底有很多口味，女兒選了中辣重口味推薦醬汁（即滷水汁、腩汁、清湯和咖喱汁）湯底，麵底則揀了油麵，麵非常彈牙爽口，入口掛滿湯底醬汁，十分好味。三餸車仔麵：牛腩、春卷、牛肉餅配滷水腩汁湯底，湯底真係好出色，牛肉餅和春卷很好吃，很特別，爽口彈牙，又夠入味。華記招牌小食：招牌太陽餅：蝦滑包餃子皮，炸得香脆可口！配上甜酸醬，真的十分出色。新鮮魷魚鬚：份量十足，非常入味，魷魚鬚很大條，咬落非常爽口彈牙。每一條都掛上醬汁。還有花生都是很好味。我們跟餐配了豆漿。果真是份量十足的一餐。

行完花市，肚餓想快d醫肚！見到華記車仔麵，即刻想試！入面都全院滿座，但員工都好禮貌！除左好似平時d車仔麵咁多菜式外，仲有特別的豬雜麵！即刻試！🌟三餸車仔麵（$49）幼麵+牛肚+牛大腸+咖喱魚蛋配重口味汁！非常惹味！尤其魚蛋超級大粒！好似長洲大魚檔！牛肚都好多！🌟豬雜麵（$55）豬腸+豬耳仔+豬潤+豬肝+豬腩肉可惜冇豬紅！內臟都洗得好乾淨！推薦！🌟太陽餅（蝦餅）$40有5塊！仲要每塊有完整蝦係入面！非常脆口！🌟新鮮魷魚鬚（$45）好大份，有豉油同好多芫荽！仲有花生！🌟大和豆漿（跟餐+10）🌟罐裝清涼爽（跟餐+7）經過太子想食車仔麵，又唔想中伏，可以一戰！華記潮州滷水車仔麵 (民興大廈) (太子)太子界限街34號民興大廈地舖

朋友話食車仔麵都要排隊？！果然名不虛虛傳～排咗20分鐘都抵！！牛雜米：牛肚、牛腸、牛蒡～全部鹵水入味～牛蒡仲要厚切！！喜歡嘅就一定會經為天人！牛肚全部都係金錢肚，好味道！三餸車仔麵：魚蛋、牛筋、豬皮～竟然係大大粒長洲魚蛋！！彈牙就一定啦！牛筋豬皮都好入味！湯底仲可以任揀：腩汁、鹵水汁、辣唔辣、大辣、小辣、多蔥、少蔥、走蔥……選擇多到你唔信！悉隨專便！！小食：招牌太陽餅：蝦滑包餃子皮～香脆可口！！新鮮魷魚鬚：嘩！上枱一大碟，調味好好，但都爭啲食唔曬！飲品：豆漿、有氣雀巢檸檬茶～其實仲有好多選擇，隔離枱個煎釀三寶同豬紅蘿蔔好吸引～下次一定要試埋！！愛心店舖：每星期有兩日會送愛心麵畀有需要人士，$30/碗，臨走放低咗幾舊水～做下善事幫下人！！

年近歲晚，我哋今日去花墟買花，之後去咗華記潮州滷水車仔麵食午餐，好耐冇食過車仔麵，聽聞呢間家車仔麵好好味，所以一定要試下，叫咗三餸麵，滷水豆腐、豬大腸同五香牛腩，份量頗大，每樣都有3至4件，豬大腸洗得好乾淨，唔會有異味，豬大腸同五香牛腩，炆到好淋，牛腩好重牛肉味，豆腐索左滷水汁，非常入味。豬雜麵，用料很豐富，有豬脷、豬腰、豬心、豬肚、豬腸及粉腸等等，湯底香濃而清甜，肉類口感鮮嫩，值得一試。太陽餅即係蝦餅，新鮮炸起咬落口脆卜卜，彈牙又香口，必食之選。煎釀三寶，茄子、青椒、紅腸，即叫即整好香口，魚肉釀到脹卜卜，好好味。員工服務態度好好，有禮貌。QRcode落單夠方便，價錢唔貴，下次有機會一定會再嚟！

內地親友訪港，指明要我帶她來這間華記潮州滷水車仔麵朝聖，作為香港人一盡地主之誼，來到才知道原來這裏人氣高企，平日下午時段來到，門外已有一條人龍在排隊等候入座。*華記招牌滷水車仔麵：豬雜麵：牛雜麵食得多，豬雜真係第一次，而且滷得好入味，又大碗。湯底款式揀咗重口味推薦湯底（小辣），麵底揀左幼麵好爽口掛汁。三餸麵：魚片頭、春卷、牛肉餅配滷水腩汁湯底，湯底真係好出色，牛肉餅好特別，爽口彈牙。*華記招牌小食：太陽餅（蝦餅）：炸得香脆可口，但又唔算得太油膩。新鮮魷魚鬚：芫荽加香脆花生🥜再用上大量新鮮魷魚鬚，美味一流又惹味！跟餐可加配飲品，除了罐裝汽水，還有豆漿、津路烏龍茶、王老吉等選擇。

之前見佘詩曼social media 介紹過華記車仔麵，趁今日有空，專誠和朋友來朝聖。一到埗已見一條人龍，幸好不用排很久便有位。我們二人合共點了兩碗麵，兩款小食及飲品。🍜三餸車仔麵～我們選了胡椒豬肚丸、油麥菜及牛筋清湯米線。胡椒豬肚丸爽口彈牙，胡椒味恰到好處。油麥菜色澤翠綠，口感爽脆。牛筋軟腍有嚼勁，味道濃郁。🍲牛雜腩汁米線～牛肺，牛肚及牛膀夠新鮮，無任何異味，腩汁味道亦剛剛好。🥠🦑魷魚鬚及太陽餅～魷魚鬚彈牙，配搭花生吃，夠惹味。太陽餅外形真的像太陽一樣，鮮味蝦肉作餡料，十分美味。跟餐加$10便有豆漿、王老吉及檸檬茶等飲品，抵食。

平時都經常食呢間華記潮洲滷水車仔麵👍🏻食過之後日後去到見到排隊，都唔使驚訝🤛因為真係好好食😭食得出每一碗每一個餸都系用心製作。去到手機落單☺️每個員工都好nice☺️我每一次都要嗌重口味汁，因為實在太難揀啦，個底主要係滷水味做主，同其他車麵唔同喔！佢少有啲！所以有選擇困難症既我全部汁都要😎😎😎佢有重慶汁，咖哩汁，麻辣汁推介 牛肉餅，墨魚頭，豆腐（係充滿滷水味嘅），大魚蛋，內臟都處理得乾淨好味👍🏻可放心湯底夠唒濃郁之如，嗌多蔥完全無留手，有要求都盡量滿足客人既佢地🥹雖然地方唔大，但食物好味加埋人情味，呢間你地一定要試🫶🏼

華記潮洲滷水車仔麵都幾岀名，之前電視節目都有介紹，今日專程嚟試吓。🔸豬雜麵 $55 大大碗，配料好豐富，有豬腸豬膶豬肺等等，豬什冇異味，唔會煮得過淋，滷得入味，加上秘製潮州辣椒油，刺激得嚟又不會過分，正！🔸三餸車仔麵 $49 牛筋軟滑黏口，豬紅軟嫩，大腸黐住少少肥膏，入口甘香，湯底加啲腩汁更加惹味🔸涼拌生腸 $28 生腸口感韌而不柴，微辣醬汁好惹味，加上芫荽同脆卜卜嘅花生，唔錯。🔸太陽餅（蝦餅） $40 外層炸得金黃酥脆，每一啖都有鮮蝦味，沾少少甜酸醬更加好食🔸王老吉 $10，可口可樂 $7 冰涼飲品，清爽解渴，配熱辣辣車仔麵好正！

各位食友，今日要同大家講講華記潮州滷水車仔麵嘅食感。跟手一入去，鼻尖已經撲鼻而來嗰種潮洲特有嘅滷水香味，真係引人入勝。落單後等咗唔耐，一碗料豐富嘅車仔麵已經面前擺好。🍜 首先試咗個湯底，鮮甜中帶點微辣，勁開胃。米線滑溜溜嘅口感，吸滿咗滷水精華，入口即溶，大快朵頤。嗰啲牛舌真係淋漓盡致，腍滑得嚟，味道又夠。至於牛肺，啖啖肉嘅，入口即化，香口得滯，一啖一個滿足。🐄再嚟講講鹵水豆腐，外面略微帶脆，入面又鮮嫩又滑，真係令人忍唔住一啖又一啖。辣椒油加得啱啱好，辣勁夠升呢，令成碗麵添咗幾分魄力又唔失精髓。最後，絕不能唔提喺餐桌上任你加嘅蔥花和芫茜，一撒落去，美味即刻Up up！食完之後，真係滿足得好似剛剛完成咗一場美食之旅咁，心情都隨住美食好番晒。華記，你真係得我心啊！👍

華記位於太子界限街，無論地鐵站同巴士站都好方便同易搵。當晚全場爆滿，食客要係外面排隊輪侯，但好快就入得了~🍜華記招牌滷水車仔麵：牛雜麵：牛雜款式多，想食既都已經係個碗入面。滷水個湯頭色澤深色，味道也很濃味， 配上彈牙既麵味道一絕。豬雜麵: 通常車仔麵店都必定有牛雜， 但好少店有售賣豬雜麵仲要煮得好食，華記既豬雜係整得超好食：滷得入味，款式又多～重口味推薦湯底（可選辣），有滷水＋咖哩汁+辣汁， 但唔會好辣。 湯底濃味但唔重口味。 華記招牌小食:🥢太陽餅小食有驚喜。 太陽餅即係蝦餅，外脆內軟。蝦膠打得好彈牙， 而且入面真係小蝦仔，口感豐富。🥢新鮮魷魚鬚乾撈涼拌小食，魷魚鬚質感好軟身， 乾撈的醬汁偏甜而且掛汁黏著魷魚鬚，依個小食外面好少有，讚👍🏻

近年米線店大行其道，但香港地道風味嘅車仔麵舖就買少見少，無論材料/醬汁選擇性都好高，又抵食👍🏻三餸車仔麵 🍲👩🏻我自己就鍾意食雞中翼，豬紅呢間嘅滷水汁出名，所以我就加咗滷水汁mix 腩汁粗麵底同生菜🥬吸哂湯汁，好正！👨🏻爸爸就選擇米線底+ 咖喱汁五香牛腩，春卷最特別係，唔係一般魚蛋，係 巨型魚蛋😂飲品除咗有一般汽水🥤仲有健康嘅 ◎津路烏龍茶 ◎大和豆漿 ◎王老吉小食我哋叫咗兩款呢個 太陽餅☀️ 其實係炸蝦餅🍤外層脆卜卜，內裡大大隻蝦🦐另一個 新鮮魷魚鬚 配 惹味醬汁有咬口嘅魷魚鬚，少少辣好開胃🤤當日晚市時間都大排長龍，座無虛席。因為真係大眾化價錢，街坊抵食之選👍🏻👍🏻#香港美食 #太子餐廳 #車仔麵 #潮州滷水#太陽餅 #炸蝦餅 #魷魚鬚 #咖喱汁