華記潮州滷水車仔麵 (民興大廈)

营业中

休息中

人氣車仔麵果然好有人氣，凍冰冰既天氣仍然有吾少人排隊等入座😝三餸麵揀左五香牛肚、豬大腸、蘿蔔😋d蘿蔔好甜又多汁，一碗有成4大塊，好好味😋牛肚煮得爽口又入味😙豬大腸有得分肥腸或瘦腸，揀左瘦腸，食落一d都吾會硬，吾錯呀👌🏻朋友就叫左一碗豬雜麵，有齊豬腸、豬肺、生腸、豬粉腸、豬潤，好大碗🤓湯底係重口味推介，即係有齊滷水汁、咖哩汁、腩汁，顏色好深色，但一d都吾會覺得咸😋太陽餅係餐廳既招牌菜，包住大蝦炸得好香口，點埋泰式酸辣醬超惹味🫶🏻新鮮魷魚鬚爽口彈牙，份量又足，抵食之選🦑

屋企附近有間車仔麵食咗好多年，由細鋪開始食到宜家有三間鋪，足以證明佢食物有水準！鐘意去這家食車仔面其中一個原因系佢地嘅辣椒油，系老闆自家制，真系又香又夠哂辣！辣度好驚人下，建議未食過嘅，逐少逐少加，食到先落🤭食得辣嘅話會令人上癮架😂另外車仔面有幾個餸次次都要點！鹵水豆腐、巨型魚蛋、墨魚春捲同牛筋！麵就鍾意油麵或者粗麵，最鐘意加芫荽，見到成碗芫荽山咁樣真系好興𡚒😍加左芫荽之後，每啖麵都食到芫荽好香呀！再加埋小食新鮮魷魚須好惹味彈牙，太陽餅即系炸蝦餅好香口！

豬雜麵 $55平時比較少遇到有豬雜麵，見到當然要即刻試吓。高水準嘅豬雜麵，超多料，勁抵食，有豬脷、大腸、生腸、粉腸、豬膶、豬肚等，誠意十足，喜歡內臟嘅朋友，絕對值得一試。三餸車仔麵 $49本來諗住叫埋個牛雜麵試吓，可惜朋友唔食內臟，結果就叫咗個三餸，試咗五香牛腩、牛筋同牛肉餅，牛腩夠腍夠入味，牛筋軟滑彈牙，牛肉餅食落有少少似牛丸，味道都唔錯。太陽餅（蝦餅） $40即叫即炸，外層炸至金黃色，入面嘅蝦肉夠爽夠嫩，食落香脆可口。新鮮魷魚鬚 $45無諗過小食份量都咁多，食極都仲有，加上秘製嘅醬汁同配搭大量芫茜和花生，雖然唔算好辣，但確實非常惹味，絕對係必食推介。王老吉 $10清涼爽 $7

放工約了老婆在旺角太子一帶逛，睇完金魚街的小寵物，就走去太子果邊，沿途有不少食店，中西日韓各式其式。肚餓了，我們在界限街附近選了間本地食店~華記鹵水車仔麵。選中這食店的原因很簡單，就是以人氣做標準，凡是店內人氣足，甚至門外有排隊等取外賣的就是好味道的信心保証。眼觀細客的食物選擇，再細閱牆壁上和餐牌上的介紹，我就知道豬雜麵餐($65）和牛雜麵餐($55）是必然之選，我見有幾枱客也有叫小食，我們再選了太陽餅(即炸蝦餅~$40)和新鮮魷魚鬚($45)，飲品配烏龍茶和豆漿。評語：不論是豬雜麵或牛雜麵均料足餸厚，鹵水味足，整碗麵真的是愈食愈有。特別加讚的就是新鮮魷魚鬚，魷魚鬚真的是肉質鮮美爽脆。

呢間滷水專門店有幾出名，我諗大家都知，門口經常排滿咗好長嘅人龍，難得今日早收工，就一早過嚟霸定位餐廳係小店格局，店入面坐滿咗人，個個都耷低頭享受美食😆食物選擇方面，你可以自己好似叫車仔麵咁叫餸，另外佢仲有佢招牌嘅豬仔麵牛雜麵俾你揀，仲有幾款特色小食😋我就揀咗個豬雜麵：入面嘅豬雜種類真係好多，連平時少見嘅生腸、豬粉腸都有，佢嘅滷水汁超入味，再沾埋佢嘅潮式辣椒油，真係好😍朋友叫咗個車仔麵，揀咗蘿蔔底，叫咗豬腸、咖喱魚蛋同豬紅，仲揀咗多蔥多芫荽添，蘿蔔真係超級清甜，一啲渣都冇，另外咖喱魚蛋勁大粒🥰最後仲叫咗兩個小食，分別係太陽餅同新鮮魷魚鬚：太陽餅佢炸到外皮好脆；魷魚鬚份量多之餘又爽口彈牙，真係好高質❤️

今日係太子食左間車仔麵，我揀左個三餸河粉，分別點左牛腩、牛肉餅&胡椒豬肚丸🤤朋友就叫左碗豬雜麵～另外再叫左兩款小食：魷魚鬚同埋蝦餅😋😋我碗麵嘅牛腩每一件都啖啖肉，而且湯底充滿腩汁～牛肉餅就有少少似牛丸咁、好彈牙！而且好重牛肉嘅鮮味～最令我欣賞嘅係胡椒豬肚丸！一咬落去係會爆汁～而且辣辣地好惹味😋🤤朋友碗豬雜麵上枱時，第一眼就被佢嘅份量嚇親！而且佢每款內臟都洗得好乾淨，完全食唔到臭腥既味道😍小食方面，蝦餅有5塊（$40），每塊都脆卜卜～仲有碟泰式辣醬🤤真係好好食！魷魚鬚亦都好大碟（$45），同埋辣辣地😋咬落亦都好彈牙～撈埋麵一齊食都好夾～總括嚟講，車仔麵同小食都幾高質，而且價錢唔貴，叫左咁多野食都係每人$100左右😆

趕住上堂要快閃晚餐，車仔麵絕對係不二之選，嚟太子有間抵食車仔麵份量滿瀉同時愛心亦滿瀉，有得買麵券去留畀有需要街坊醫肚係人都唔知，大胃不嬲都怕煩，所以一定揀精選系列，見有豬雜麵咁得意，坊間少見，就整碗嚟試吓裡面有齊豬頭肉、豬脷、豬橫脷、生腸、豬粉腸、大腸、豬膶、豬心等等，大卡士到呢，逐件加都唔只$55，而且爽口好食雖然係豬雜，但處理得好乾淨如果係芫荽控，加$1可以多芫荽，加到成座小山丘咁多，興奮興奮胃民比較有主見嘅，就揀返自選三餸麵，蘿蔔勁大嚿，煲得勁腍勁入味，牛筋大大嚿但又煲得彈牙，保持到佢應有嘅質感牛肉餅其實係餅型嘅牛丸，爽彈具牛香，好食到瀨尿就連米粉唔使加底都有好多，滷水湯底唔會好鹹，味道溫醇跟餐可以加錢要支裝飲品，飲茶就鮮膩飲豆漿可以中和濃郁嘅味感太陽餅即係炸蝦餅，同坊間個樣有啲唔同，咬落外皮激脆，裡面啲蝦肉起晒膠，口感同香味都係一流涼拌魷魚鬚有少少辣，份量越食越覺得佢多，冇諗過份量咁多，辣辣地嘅醬汁幾惹味開胃，肉質鮮滑

車仔麵都係港人至愛，呢間店每一次行過都見到有人龍今次就試一試佢試咗佢嘅招牌牛雜麵同埋三餸車仔麵。牛雜麵（$45）湯頭好清甜而又不油膩，我同朋友都覺得味道驚為天人！一上枱已經好大碗好多餸，終於明白點解咁多人排隊食啦，性價比極高！另外車仔麵（$49）我哋見到因為份量太驚人，所以轉咗做菜底，湯底有一般嘅咖喱同腩汁，咁我哋就揀咗全部汁，即係所有汁混和一體。餸揀左豬紅生腸同埋魚肉春卷，三個餸都好好味。另外再叫咗兩款小食太陽餅 呢個太陽餅好似蝦餅，但係佢係用咗一個好薄嘅腐皮包住，所以外面係好薄脆新鮮魷魚鬚呢個魷魚鬚好有驚喜佢哋舖頭嘅辣椒油混埋一齊食，非常鮮味

經過太子見到大人學生都排嘅車仔面檔，我地又 join入到去雖然地方唔大，叫完野食終於知道點解咁多人食😂😂😂會不會太足料😂😂😂👉🏻三餸車仔麵粗麵 I 爽麵 I 蘿蔔 |牛肉餅 |冬菇滷水汁加腩汁 I 多蔥 大和豆漿佢offer 好多options俾大家，customize 自己鐘意嘅面嘅硬度，配料嘅多少等。本身諗住食light 啲叫多啲蔬菜少啲肉，但端上枱面的大碗面真係太豪華，一啲都唔light😂個蘿蔔😂大到一個點，轉一轉俾大家睇😂😂😂仲好多菇，面汁唔會好咸，蔥都係毫不吝嗇👍🏻👍🏻👍🏻👉🏻牛雜麵烏冬 I 爽麵 I 腩汁 津路烏龍茶牛雜都大大件件超肥美，牛肚牛肺牛腸等等都係夾極都有，腩汁alone 都出色👍🏻👉🏻太陽餅(蝦餅)依個蝦餅剛炸出黎熱辣辣，皮薄香脆仲好juicyyy👍🏻👉🏻新鮮魷魚鬚依個小食有dd 辣，魷魚鬚彈牙滑嘟嘟，伴花生蔥花，口感好好👍🏻👍🏻👍🏻

為了感謝工作上常提點我的好同事兼老友，一於請他共晉午膳，以表心意。知道老友喜歡吃滷水食物及車仔麵，所以在Open Rice找資料，見到太子站附近有間名叫:華記潮州滷水車仔麵，完全附合以上兩個要求兼評價高企，行動隨即展開。到了門店外，真的嚇了一跳，店門左右兩旁已排了各一長隊，左邊是輪候堂食區，右邊就是外賣隊，可想本店的受歡迎程度。等了約10分鐘後進場，大家選了豬什麵、牛什麵、兩款小食：炸蝦餅&新鮮魷魚鬆 及兩枝飲品。兩碗麵份量驚人，尤以豬什麵為甚，不論豬什或牛什也滷水味道濃，豬潤豬耳爽口甘香，老友對盛滿一碟的新鮮魷魚更讚不絕口，我認為炸蝦餅更絕無欺場，啖啖蝦肉，回味無窮啊!

之前朋友介紹太子人氣車仔麵🍜一於去試試，差唔多中午12點去到，門口已經排哂隊，確實車仔麵餸嘅款式多，尤其是內臟嘅部位，而且湯底同醬汁好出色，果然名不虛傳😁🥢牛雜麵🐂 $45牛雜麵嘅餸有牛膀、牛肺、牛小腸、牛大腸、牛肚，款式同份量都多，而且每樣都好入味👍🥢豬雜麵🐖 $55牛雜麵遇得多但豬雜麵確實係少見，豬雜麵嘅餸有豬腸、豬肚、生腸、豬橫脷，豬粉腸、豬潤，啱晒鍾意食內臟嘅朋友🥢太陽餅🌞 $40除咗車仔麵出色外，小食都好正，太陽餅裡面其實係蝦膠🦐，外層炸到卜卜脆，裡面蝦膠又彈牙，非常美味😋🥢 新鮮魷魚鬚🦑 $45滿滿嘅一碟，魷魚鬚份量好多，而且好爽脆，仲有好多花生粒🥜，配上秘製辣醬汁，真係回味無窮🥰🥤可樂 $7🥤豆漿$10

人氣車仔麵中午12:00開始營業，門外已有不少食客排隊等候入座👯‍♀️👯 餐廳的食物多以潮州滷水汁入饌，比起一般車仔麵更為重口味🔥▫️❥$𝟰𝟵 三餸車仔麵🍜❥$𝟱𝟴 四餸車仔麵🍜跟朋友分別試了豬潤／豬肚／五香牛肚／鮮魷魚鬚／五香牛腩／豬紅／牛小腸每一款食材都很入味，而且份量超足🫶🏻每一款食材都很美味，水準出色🫶🏻▫️湯底：選了餐廳的重口味推薦包含了滷水汁、腩汁、咖哩汁深色的湯底看著都感覺到它的濃郁😎▫️醬汁：另外還加了餐廳的秘製潮州辣椒油選了小辣有輕微的辣度🌶️▫️❥$𝟰𝟬 太陽餅☀️炸得香脆，中間有著整隻的大蝦🍤

前幾日同朋友行開太子去咗間都好出名嘅車仔麵鋪頭食晚飯朋友話之前食過呢間覺得唔錯所以帶咗我去試🥳由於係晚餐時間所以出面都幾多人排隊，我哋等咗大約10分鐘先入到去餐廳用QR code落單十分方便，可以根據自己需求選擇湯底同走蔥等等👍🏻我同朋友分別叫咗牛雜麵同豬雜麵朋友話喺度食麵一定要叫重口味湯底先好食，不過我啱啱病好所以就冇叫，下次再試返🤤叫咗個清啲嘅湯底反而食得出個湯底係好濃郁嘅，同時間都唔會過份油膩😝我個牛雜麵十分足料，每件唔同部位都有幾件👍🏻十分有嚼勁而且唔會話食落好腥，份量多到我差啲食唔曬🤣小食方面我哋叫咗個新鮮魷魚鬚同太陽餅😌太陽餅係蝦餅嚟嘅，啱啱炸起咬落去好脆，熱辣辣好好食🤩新鮮魷魚鬚係有小小微辣嘅，連埋麵一齊食非常夾🥰大家如果都鐘意食車仔麵一定要去試呀😋地址：太子界限街34號民興大廈地舖

華記潮州滷水車仔麵 📍太子界限街34號民興大廈地舖長期大排長龍😋足料車仔麵🍜價錢實惠真係值得推介大家嚟一試牛雜愛好者必食🌟牛雜麵 $45 款款都勁足料🤩份量好多一次過食到牛肺、牛蒡、肥美牛粉腸、爽彈牛肚🐮麵底我轉做生菜底配腩汁～超鮮甜💯好味😋好滿足🌟三併車仔麵 $49 車仔餸超多款式可以簡✅簡左油麵～併牛筋、咖喱魚蛋、豬皮叫左重口味推薦💯全部汁都落哂多重味道👅衝擊味蕾😁食落帶點微辣最正係麵底好貼心可以簡軟麵、定爽麵來到推介大家一定要叫佢地兩款小食🩷🌟太陽餅 $40/5塊真係有蝦肉既黃金蝦餅😋外層香脆、蝦肉彈牙🌟新鮮魷魚鬚 美味一流又惹味～用上大量新鮮魷魚酥鬚份量超足～令人難以置信只需$45 配埋芫茜同香脆花生🥜更添口感🩷同埋佢地有麵劵派比於各有需要階層人士🩷大家都可以支持一下🩷善心小店#hongkongfoodlover #foodlife #foodstagram #食好西 #香港美食#打卡美食#相機食先#香港食評 #香港美食指南 #foodstagram #香港好去處 #香港美食 #香港美食指南 #美食推薦 #香港探店 #香港必食 #hkkol #hkinstagram #hkfo

同阿女學完野，今日就去試吓平時好多人食果間滷水車仔麵。入到去已經唔同舊式，電子落單，仲可以揀多蔥/少蔥/加底/扣底，店主仲好就力親為，客人如果拎得多野又會比籃裝住🫶🏼好貼心新鮮魷魚鬚超新鮮彈牙軟滑，店主仲加左佢地既秘製醬汁，有小辣，惹味！加上啲炒花生芫荽蔥...真係食唔停口！涼拌生腸份量好多！3-4人食都無問題！店主仲用佢地既方法令到生腸非常爽脆！必吃之一牛雜麵佢仲可以比你揀爽麵/淋麵，務求另客人根據自己獨特口味食得開心！牛雜份量好足料！粉腸，豬大腸，磅，肺，牛肚，腩汁都超好味🤤腩汁鹵水汁都係店家用心之作！不加味精食完一啲都唔口渴！三餸車仔麵 （牛腩，鹵水豆腐，超大魚蛋）童叟無欺，足料大粒大份！女兒更食晒啲牛腩！牛腩憫得好淋好入味！好正！魚蛋成個拳頭咁大而且好鮮！豆腐也是出色之作！喜歡食豆腐既老友不妨一試..！