華記潮州滷水車仔麵

营业中

休息中

好耐無食過車仔麵🍜某日經過太子醒起曾經mark底過呢間餐廳!估唔到唔係食飯時間都要排長龍!😳不過大約等十分鐘左右就可以入座啦~🔸豬雜麵 HKD58牛雜就食得多 豬雜就反而少喺香港食到大大碗有齊豬脷 豬腸 豬膶 豬心 豬頭肉等好似一次過食咗成隻豬咁🐖處理得乾淨 唔會有奇怪味🔹三餸車仔麵 HKD52揀咗冬菇 牛筋 同牛脷食材炆得夠哂入味 牛筋做到入口即化冬菇係平時要浸嗰種 菇味特別重🍄湯底揀選滷水+腩汁 比普通車仔麵湯底香濃另外仲有個重口味之選 就係全部汁都有😎🔸涼拌生腸 HKD30生腸偏爽口 煙韌 用咗少辣作調味 配上大量香脆花生🥜🔹新鮮魷魚鬚 HKD50魷魚鬚爽脆彈牙 配上麻辣醬汁特別惹味份量好大碟 2個人都完全食唔晒🐙🚩華記潮州滷水車仔麵 太子界限街34號民興大廈地舖

睇完youtube有人介紹跟住黎食😼平日中午都要排一陣隊，等左10分鐘左右就有得入座，用qr code落完單3分鐘左右已經有得食👍🏻仲有比較少見既豬牛內臟可以揀添！.✨五香牛腩、豬紅、牛筋 油麵(重口味汁少辣)✨重口味汁真係一入口令人眼前一亮，食車仔麵就係要食濃味😆個辣味仲好夾個湯底添；牛腩本身驚會柴，好彩咁岩全部都有少少肥位連住，唔柴之餘仲炆到好入味；豬紅質地幾好唔會散，又唔會太q；牛筋都ok，只係個人口味比較中意食炆到超淋超有膠質果隻✨蘿蔔、牛肚、豬脷 米線(滷水汁+腩汁)✨湯底滷水味香得黎唔會咸，㗳真d仲有d腩汁甜味；蘿蔔超級入味同大舊，好抵食；牛肚唔痴牙，仲好多條添；豬脷就一般，本身以為會有d底味，但食落似係白烚多d，共中一舊仲有碎骨；另外仲想讚吓枱上既辣椒油好香，都幾辣吓😍無叫多蔥其實都好多蔥，唔似坊間果d幾果幾粒！.✨煎釀三寶✨一共有七舊，尖椒x2, 茄子x3, 紅腸、綠椒x1，熱辣辣炸起，外皮好香脆，魚肉比例都好高，係略油左少少

是日留意到網上評論到此店排隊，約半小時，點了二餸牛腩+ 牛筋，豆漿加了$11。份量足、湯底濃、幼麵爽，餸得多，吃完麵後還有麱。是日見到有大台來拍攝，也有內地人截門來排，值得再來的一間小店。

路經見店面平平無奇的，没想到食物却有意外驚喜。我揀咗滷水汁牛雜車仔麵，這肥腸很肥美，滷水很香。牛膀牛肺都好入味，而且大大碗。50幾蚊連飲品咁大碗性價比真係好高。另外叫了個魚蛋牛腩車仔麵，估唔到係大大粒嘅長州魚蛋，牛腩夠淰，真係好足料。開頭以為唔夠食叫多兩個小食。没想到這個蝦餅咁多，外脆裡面彈牙。這個魷魚鬚都唔少，mix左啲辣醬，好野味。我覺得連小食都好大份。呢間隠蔽車仔麵真係超高性價，難怪咁多人來食。

真的好大碗車仔麵😳😳最喜歡吃車仔麵選自己喜歡的餸今天點了一碗車仔麵友人點了牛雜麵勁大碗😳😳😳😳🫢🫢🫢🫢🧡新鮮魷魚鬚🦑秘製醬汁好夠味配合魷魚鬚好夾加上花生🥜和芫茜🌿令味道更多層次🧡牛雜麵好大碗😳好抵食😳😳友人再加上牛肉餅果然是愛吃牛之人🧡太陽餅（蝦餅）炸得好脆又香口咬下去也十分爽口而且有鮮甜味😊味道不錯👍🏻推薦🧡車仔麵🧡新鮮魷魚鬚🦑🧡太陽餅👍🏻

終於等到復活節假期前夕，放工後和太太約好去拍拖。大家相約於太子行街睇戲，行得累了，肚子也餓起來，第一時間想去太子華記潮州滷水車仔麵醫肚。我和太太都點了三餸車仔麵，車仔麵餸選擇多，我們都點了油麵要爽的，湯底是重口味推薦（全部汁）少辣，多湯，小葱，小芫荽，加秘製潮州辣椒油。餸有牛膀、豬大腸要瘦、牛筋、黑柏葉、五香牛腩。老老實實這裏的車仔麵真是食過翻尋味，先講湯底，味道濃郁，加上秘製潮州辣椒油更是一絕。牛膀口感豐富，牛筋淋滑，豬大腸夠入味。來到華記不能不叫的還有太陽餅（蝦餅五件）和新鮮魷魚鬚。蝦餅夠彈牙，魷魚鬚有口感夠入味。我和太太決定明天再來幫襯。

位於太子既港式車仔麵店「華記潮洲滷水車仔麵」🇭🇰長期都勁多人排隊黎食😌 從來都無食過既我都聽講過佢地既滷水好出名😍 終於一試了!!佢地主打豬什麵同牛什麵 但我地當晚去到反而想自選 所以兩個都嗌左車仔麵🥢🍜 三餸車仔麵 $52呢碗揀左牛膀 豬腩肉(瘦) 魚片頭 配出前一丁 重口味湯底🍜 牛膀柔軟有勁 ; 瘦既豬腩肉肉質柔軟多汁口感爽口 ; 魚片頭魚味鮮甜口感酥脆可口😋 三餸車仔麵 $52叧一碗則揀左 大魚蛋 豬大腸(瘦) 雞中翼 配米粉 重口味湯底 但加配埋秘製潮洲辣椒油🍜 大魚蛋彈牙有嚼頭 魚味十足 ; 瘦既豬大腸吾油膩口感有勁道 ; 雞中翼既滷得冧又夠入味😋新鮮魷魚鬚 $50魷魚鬚又鮮又脆無腥味🦑 配上花生同秘製醬汁 好惹味太陽餅 $43其實系蝦餅🦐 用雲呑皮夾住滿滿既蝦膠 經過油炸後 酥脆可口😗

Lunch time 時間食，我排左大約5-8分鐘就入得～環境乾淨～價錢平民大眾化～而且好大碗～一碗份量好多！餐廳自助下單數碼點菜，好方便！車仔麵我揀咗蘿蔔、油麥菜、冬菇和雞翼清湯底可以唔要粉麵轉菜底，好多款式選擇同配搭組合～雞翼一碗有 3隻,炆到好淋～蘿蔔好大舊，食到勁飽～牛雜麵唔算話好入味，清清地帶少少鮮美叫左2款小食～太陽餅（炸蝦餅）一碟有6件，份量都算多，真心好好食👍🏻現場即叫即炸，食落好脆卜卜！入面係鮮蝦+蝦膠，真材實料～好味！下次黎會再叫！鮮魷魚鬚一碟份量多，好新鮮，好爽口～個人覺得如果加辣🌶️會惹味啲🤤

連發哥都去食嘅車仔麵 等我哋今日都去潮吓聖先👦成日收遲工都會自己去食華記 今次終於帶埋我喇三點幾去到都排緊長龍採用QR Code 落單 🔹️牛什河粉 （重口味小辣）👦個湯底係重口味 即係滷水 腩汁 咖哩汁撈埋牛什麵乜都有啲 唔使揀小腸 大腸 牛膀 牛肚 牛肺牛小腸特別好食🔹️三餸車仔麵 （滷水加腩汁）揀咗腩肉 豬腸 滷水豆腐粗麵由於腩肉同豬腸我都揀要瘦嘅 所以唔係太多肥膏煮得夠腍唔驚會痴牙滷水煮到非常入味豆腐嗦晒啲汁 🤤🔹️涼拌生腸微辣 好爽口有大量花生作伴菜🔹️太陽餅（蝦餅）外脆內軟 調味亦引人入勝炸皮夠薄有咬口

由對面外賣小店就開始食華記，食到依家要排長龍但都仲係覺得好好食🙈私心推介一定要食 “全部汁重口味”根本就係食華記既靈魂基本上我每次都係食依2碗野🔸牛雜麵$45大大碗好足料，牛腸、牛肺、牛膀你諗得到既牛雜都有齊，炆得夠入味又夠腍🔸三餸車仔麵今次叫左鮮魷魚鬚、蘿蔔、豬腩肉 + 油麥菜底+全部汁重口味少辣，蘿蔔大大件吸左滷水汁變哂色，冇渣好甜好入味，豬腩肉滷得夠腍入口即溶又有油香，鮮魷魚鬚爽口彈牙夠新鮮，配埋重口味湯唔算咸但夠惹味🔸太陽餅見隔籬枱叫左好吸引，所以今次仲叫多個太陽餅果然幾乃，外層香脆包住蝦膠餡咬落非常彈牙，點埋甜辣醬幾好味

呢間舖頭，每次去食都要排隊，但係好彩啲人食得幾快，通常排一陣就入到去坐啦。不過當然生意咁往，就要搭枱啦，不過都唔緊要，食車仔麵就預咗係咁樣。-佢啲車仔麵每個餸嘅份量都好大，我最鍾意叫牛脷，牛筋，蘿蔔。每次啲餸都堆到滿滿嘅。牛脷同牛筋，有好多件，浸得好腍，一啲都唔韌，好有牛味。蘿蔔浸咗啲汁非常入味，又係好好食嘅。我個人覺得要三個餸份量就啱啱好，同埋價錢係最抵嘅🙌🏻，每次去太子都忍唔住要去食呢間舖頭。-

用餐日期：2024/03/12用餐時段：午餐 用餐費用(每人）：$81餐廳環境：環境整潔乾淨 冷氣足 室內不多座位 人多時可能要搭檯 服務：在門外等服務員安排座位 入座後自己QR code 落單 落完單沒多久服務員便送上單據+送上所點的菜色 整個流程服務快速有效 味道：點了2碗4餸車仔麵+生菜+油麥菜 1-4餸車仔麵(清湯)$60: 份量足 選了油麵+五香牛腩+牛筋+豬紅+羅蔔+清湯 湯清甜不咸 油麵份量很足煮得剛好不過稔 配料也份量足 每款有約4-5塊 牛腩有牛味夠香夠稔 牛筋夠稔夠入味 豬紅也有醃過不會散開味道不錯 羅蔔切得很大塊夠稔完全沒渣口感清甜超好味 因是清湯關係可食出每種食材的味道 如好辣的檯上也有辣椒油可加 整體味道非常好 推薦 2-4餸車仔麵(重口味小辣)$60: 份量足 選了油麵+五香牛腩+牛筋+豬紅+蘿蔔+重口味推薦(全部汁)少辣 這個湯雖是所有汁(清湯/腩汁/滷水汁/咖喱汁) 但主要是港色咖喱味蓋過其他汁的味道 油麵份量很足煮得剛好不過稔 配料也份量足 每款有約4-5塊 牛腩有牛味夠香夠稔 牛筋夠稔夠入味 豬紅也有醃過不會散開味道不錯 羅蔔切得很大塊夠稔完全沒渣

人气车仔面，才六点而已，门外已有不少食客排队等候入座，餐厅的食物多以潮州卤水汁入馔，比起一般车仔面更为重口味。跟朋友分别试了牛杂车仔面和猪杂车仔面，每一款食材都很入味，而且份量超足，每一款食材都很美味 ，水准出色！汤底：选了餐厅的重口味推荐包含了卤水汁、腩汁及咖哩汁，深色的汤底看着都感觉到它的浓郁。酱汁:另加还加了餐厅的秘制潮州辣椒油，选了小辣，有轻微的辣度，超级惹味！太阳饼炸得香脆 ，中间有着整只的大虾涼拌魷魚鬚非常新鮮爽脆，醬汁搭配得很不錯，甜辣鮮香，吃到停不住，有一說一，這是我吃過最新鮮的魷魚鬚小吃呀！

有得揀先係老闆😎！呢一間車仔麵又好多選擇，地理位置超方便，地鐵站出口行3分鐘就到，😋上菜速度超快，唔使2分鐘就到晒，呢個效率真係啱晒打工仔放飯！🍜三餸車仔麵$52揀咗雞翼、豬腩肉同埋五香牛腩，配上油面，車仔麵嘅份量都唔少，滷水汁加腩汁，兩個汁溝埋好惹味，啱晒重口味嘅我！🐮牛雜麵 $48平時唔係好敢食牛雜麵，食完之後令到我對牛雜有啲改觀，尤其覺得牛肺幾好食，而且餐廳對處理內臟都清潔得好乾淨！🦐太陽蝦餅$43最令我印象深刻嘅就係呢一個蝦餅啦！蝦餅非常新鮮，即叫即炸，而且蝦肉好彈牙，食咗一份都唔夠，想食多一份！🐡新鮮魷魚鬚$50魷魚鬚係冷盤嚟嘅，調咗少少辣落去，食物份量好大，好惹味！

平時經過親都見到條人龍~今日早經過呢頭，食完已經大排長龍~都明點解咁多人嘅~因為而家好食嘅車仔麵真係唔多~仲要超足料，食完好滿足~🔹三餸麵🔹 食肉獸嘅我地揀左牛腩、豬手、雞翼~滷水湯底濃郁得黎唔會鹹~米粉索哂啲湯好好味~餸嘅分量比米粉多~要揾落底先揾到米粉~有種物超所值，好滿足嘅感覺~🔹牛雜河🔹邪惡之選~入面有牛潤、牛肺、牛肚、牛大腸、牛小腸~全部都唔酥，口感又彈牙~腩汁湯底濃郁~同滑嫩嘅河粉完美結合~🔹新鮮魷魚鬚🔹好大碟！啲魷魚鬚好爽~同有好多香脆花生~加左老闆推介嘅辣椒油~好野味~食唔停~🔹太陽餅🔹港式月亮蝦餅~有5塊~塊塊都有原隻蝦~好脆，好有咬口~