影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
本人不是第一次帮衬，每次都会点萝卜。但今次实在令我有点失望，同时店员的反应同样令我失望。可能有一半出名后的店舖也会忽略咗。从前做食的人，间中也会说：「呢期啲货唔靓，靓𠮶啲又贵，所以咪唔卖住啰，费事做坏个名」今天我向店员反映啲萝卜有渣，第二嚿又有啲苦咁我同店员反映，店员就同我讲，「换过俾你啊，同埋今期啲萝卜唔系当造，所以系咁㗎啦冇计。全世界都系咁」（我怕继续再讲会好似食神咁样。。。🤣🤣）于是乎我就等佢换俾我谁不知道我差唔多食完啦走啦佢都未换俾我，我就同佢讲多一次佢又话换俾我。咁有诚意🙄。我答我走啦唔食。唉，今时今日食碗车仔面唔平㗎。可以买到两餐双𩠌饭㗎啦。其他食物，就保持到。可能真系食材关系。若果系从前嘅那渣面就真系冇乜要求。
继续阅读
🐑牛杂面HK$45一碗，白萝卜另加HK$10，份量方面，唔计白萝卜，HK$45一碗牛杂面嚟讲，真系大件夹抵食。牛肠、牛肚、牛肺、牛膀各从其类，每样3-5件不等，牛杂当中最矜贵嘅牛膀，就有厚厚嘅三件，一啲都唔孤寒，而白萝卜都有3大嚿，占咗碗面3分之1嘅面积，好夸张，啲𩠌好似越食越有咁，面食晒啲𩠌都未食完，绝对系𩠌多过面。味道方面，牛杂全部都清洗干净，冇异味，用卤水卤，整体都够入味，又爽口。萝卜好够甜，冇筋，冇苦涩味。叫咗重口味辣汁，系有咖喱成份嘅辣汁，中辣，都真系够辣，而且惹味。面方面，叫咗爽口啲，但都系好淋，系来货嘅问题。其他𩠌菜，红肠柴咗啲；鲜鱿鱼须几爽口；牛肉饼系压扁咗嘅牛丸，正正常常啦。
继续阅读
数九龙区最出名的车仔面，华记一定榜上有名。平时路过实在太多人排队，一见到条长长人龙就立即调头走，今期有幸见到条队好似短左少少，于是就决定入去食番个Lunch先。三𩠌车仔面 – 萝卜好似唔洗钱咁，有3件，仲要系超大旧，大到会想笑，因为真系好巨型，但非常非常入味，最后系一啖都无剩。牛肺，完全没有内脏那一阵臭味，爽口弹牙。春卷，烟靭入味，也很不错。最值得一赞当然系个招牌汤底，重口味小辣，唔会劲口渴，系真材实料既。猪杂面 – 如果唔想拣，可以选择猪杂面又或者牛杂面。猪杂面入面有猪脷、猪润、猪肚…总之你讲得出既猪内脏都有。但好想讲既系，d内脏真系洗得好干净，因为真系完全冇平时食内脏都应该会有个浸内脏异味，好劲。猪杂配上咖喱汤底，十分美味。太阳饼 – 虾饼，炸到非常香脆，食落啖啖虾肉，十分惹味。下次要份外卖，返屋企配番杯啤酒。新鲜鱿鱼须 – 又爽口又弹牙，配上秘制酱汁，正！
继续阅读
车仔面𩠌份量很多，抵食晚上九点半后比较少人。🍜牛腩、鸡翼、萝卜，油麦菜底，卤水加腩汁。牛腩🌟🌟🌟🌟🌟大大嚿，又腍又入味。鸡翼🌟🌟🌟不算很入味，但胜在肉质不会焖得太腍。萝卜🌟🌟🌟🌟超大嚿，用卤水煮过，不是糖心那种。🍜鲜鱿鱼须、牛肉饼、巨型鱼蛋，出前一丁，卤水加腩汁。鲜鱿鱼须🌟🌟🌟🌟🌟口感弹牙，完全不韧。牛肉饼🌟🌟🌟🌟🌟口感弹牙，有惊喜。巨型鱼蛋🌟🌟🌟🌟很少地方做车仔面有大鱼蛋吃，几特别。
继续阅读
🌸牛杂河🌟🌟🌟🌟🌟大大杯，份量十足，每一款牛杂均有三件，全部都好入味而且好新鲜，河粉也好滑捋捋，软硬适中，饮埋清甜清汤，非常满足。🌸猪杂米加腩汁🌟🌟🌟🌟🌟新鲜猪杂，每款均有三件，全部都好入味，猪脷非常嫩滑，猪心大大片，米粉选了爽粉，配埋腩汁加汤非常好味。🌸凉拌生肠🌟🌟🌟🌟🌟大大碟，生肠脆口的，非常易咬，有少少辣，拌埋芫荽、葱、及脆卜卜花生，口感非常丰富。🌸新鲜鱿鱼须🌟🌟🌟🌟🌟大大碟新鲜大大条鱿鱼须，用辣椒酱拌埋芫荽、葱、脆卜卜花生，味蕾非常丰富。🌸王老吉（罐）🌸津路乌龙茶（樽）
继续阅读