華記潮州滷水車仔麵 (民興大廈)

营业中

休息中

呢間位於太子嘅華記潮州滷水車仔麵真係唔錯！我叫左四餸車仔面，包括牛根、五花腩、大腸同牛脷，全部都滷得好入味。滷水湯底色澤深，味道濃郁，真係重口味嘅人一定會鍾意！我最鍾意佢哋嘅牛根，滷得好腍，入口即化。五花腩亦都好正，肥瘦適中。大腸同牛脷都處理得好乾淨，冇異味，食落去好有口感。不過要留意，呢度經常需要排隊等好耐，特別係食飯時間。座位數量有限，可能需要同其他食客搭枱！如果你鍾意重口味同辣嘅滷水湯底，我建議你一定要試下！

服务态度好 店内亮堂 重口味少辣很适合我这种喜欢吃辣但不能吃太辣的人 好不好吃真的端上来就能感觉到！ 分量很足 是粗面二送面 性价比很高 牛肉很新鲜大块 值得一试试 卤水很甜 总体来说很满意

自己本身好鍾意食車仔麵，次次泥都會叫四餸，今次叫咗牛筋、牛肺、春卷、仲有冬菇，面底要咗米線，湯底就當然揀咗重口味汁啦，食開小辣，唔會辣到食唔到，非常惹味！鍾意嚟呢度食車仔麵，係因為可以揀唔同部位嘅牛雜，鍾意食咩部位就可以淨係叫嗰個部位，之後都會繼續幫襯。

我到这里已晚上9:30，可以向相片見到還很多人排隊⋯⋯ 坐低就點了3餸麵🍜雞翼、春卷及豆包油面配重口味湯底😅加多份芫荽🌿本人認為豆包沒特別，雞翼煮過耐，春卷沒”男”記得好食，好彩湯底的確不錯☺️

#MC帶你去太子.人氣車仔麵「華記」，唔止「車仔麵關注組」推薦，連藝人林盛斌（Bob）都係熟客。一到放工時間就大排長龍，所以今日一收工就趕落去試一試。➖➖➖➖➖➖➖➖➖➖➖➖➖🔸🔹 華記潮州滷水車仔麵 🔹🔸.🍜 一餸車仔麵｜$34🍜 二餸車仔麵｜$44🍜 三餸車仔麵｜$52🍜 四餸車仔麵｜$60.➖➖➖➖➖➖小食➖➖➖➖➖➖🥢 涼拌生腸｜$30（⭐推薦） .雖然主打潮州滷水，但依道「涼拌生腸」就比較特別，無經過滷製，僅僅經過清洗處理，保留了生腸嘅原有風味，再搭配自家辣汁醃成。口感非常特別，有嚼勁又不失嫩滑，入口無腥味，風味十足。.➖➖➖➖➖➖配餸➖➖➖➖➖➖🥢 豬腩肉豬腩肉啫喱狀油脂，入口即化；瘦肉部份爽口軟嫩，肉香濃郁。.🥢 豬肚豬肚肉質軟嫩，入口彈牙爽口。.🥢 大腸（⭐推薦）大腸炆滷入味，每件大腸質地厚身，保留腸身脂肪，食落味道濃郁。.🥢 豬紅比較挺身而且無腥味，爽滑口感，正常發揮。.🥢 豆腐串（⭐推薦） 比較罕見嘅豆腐串吸收了湯汁，搭配重口味湯汁係絕配！.🥢 蘿蔔（⭐推薦） 份量超足料，而且厚切大件，清甜入味又無渣，必食推介！.🥢 雞腎厚薄適中，正常發揮。.➖➖➖➖➖➖粉

最近好出名華記車仔麵，一定要嚟試吓，八點嚟到已經排長龍，大概等咗35分鐘可以入座!🍜四餸車仔麵 $60Menu上有好多牛豬內臟選擇，我哋就揀咗豬大腸/雞中翼/五香牛腩/蘿蔔米粉，成碗份量好多又足料，麵底仲有可以自選淋啲/爽啲，湯汁仲可以選擇”全部汁”，加哂咖哩汁/滷水汁/腩汁，啱哂鍾意濃味湯底既人👏🍜兩餸車仔麵 $45兩餸啱哂胃口細既女仔，自選咗雞中翼&腸仔河粉，湯汁自選滷水汁，河粉份量好足又入味，加$1多葱，成碗都係葱，睇到好吸引😘整體好抵食，推薦推薦！

太子呢間華記相當出名，次次嚟親都大排長龍😊因為佢哋嘅牛雜豬雜出晒名，滷水湯底嘅車仔麵相當出色🥰每次食都飲晒成碗湯咁滯🤩嚟到一定要食佢哋嘅牛雜麵😈所有內臟都得好腍好出，一啲內臟嘅臭味都冇🤩重點係大大份，乜都齊！牛腸、牛蒡、牛肚，而家望住啲相都仲想食多碗🫡再嚟就係佢嘅蘿蔔，勁入味又淋又甜！豬紅豬皮都係必點之選✌🏻太陽餅個名改得好正，其實係蝦餅，超香脆蝦肉勁彈牙❤️再嚟叫多份魷魚鬚，真係勁新鮮😎食唔停口！完全明白點解每次呢度大排長龍😳

從來冇見過車仔麵咁多人排隊🤣 平日收工嚟食dinner，見到咁受歡迎真係好驚訝，好在唔洗排太耐，大概20分鐘就到我哋喇！叫咗2個小食，分別係新鮮魷魚酥同埋涼拌生腸，2碟嘅份量都好多，個醬汁非常好味，好建議大家試！車仔麵嘅餸有好多選擇，我叫咗個3餸，有好多牛、豬內臟可以揀，湯底係咖喱，唔會太重味精，幼麵爽口彈牙，成碗嘅份量都好多，食唔晒！朋友叫咗個牛雜麵，最特別嘅係有得揀「全部汁」呢個湯底，啱晒重口味人士！

一於收工去試吓「車仔麵關注組」推介嘅車仔麵! 果然夜晚係大排長龍嘅🤣🤣🤣繁忙時間要搭枱,所以等候嘅時間都唔算好長! 要用QR code落單：🍜招牌啊BOB麵🍜牛雜麵🍤炸太陽餅🦑涼拌魷魚鬚🦴泰式鳳爪主持界紅人阿Bob經常嚟舖頭幫襯！必叫蘿蔔,豬腩肉,豬粉腸,豬大腸,春卷&紅腸!湯底揀重口味小辣! （記得加芫荽啊🌿🌿）超級大大大碗！芫荽成座山咁高📸📸蘿蔔真係必叫! 大大嚿蘿蔔依然超入味!揀咗瘦嘅豬大腸！罪惡減半但依然有大腸油脂感!成碗麵真係好好味! 但下次唔敢再咁要咁大碗啦!😂牛雜麵鋪滿滿嘅牛雜！包括有牛肚,牛腸.牛膀,牛肺! 內臟都處理得好乾淨，而且滷得好入味!!記得加埋佢哋嘅秘製辣椒油啊!! 原來加左印度魔鬼椒🌶️ ! 辣度層次豐富好多!!唔怪得知我加完又加😂😂😂😂我冇諗過係咁大碗! 仲嗌咗好多小食!炸蝦餅梗係我嘅最愛啦! 炸得香脆可口!涼拌魷魚鬚爽口彈牙! 麻辣醬汁仲好惹味!泰式無骨鳳爪入晒味！酸辣開胃🤤🤤埋單時發覺有愛心餐買喎！行動上支持!!🗽大家黎到望吓牆仲有冇個Ann小編個名係度啦！

🍽️華記潮州滷水車仔麵之前行去太子買嘢嘅時候成日都見到呢間舖頭未開門之前就已經長期大排長龍 講緊最少排2 30人 就好好奇係食啲咩 原來係食車仔麵 最近早咗經過就試吓排隊入去舖仔細細原來裏面都有擺咗10幾差唔多20枱三餸車仔麵($63/碗)1. 牛筋豬皮豬大腸河粉 🍜呢款係朋友叫嘅 嚟到真係好大碗 有啲嚇親 湯底就梗係揀返佢哋招牌嘅滷水湯底 牛筋同埋豬皮都醃得好入味 而且送嘅份量都比一般多 以呢個價錢嚟講 非常抵食 2. 牛腩春卷滷水豆腐蘿蔔底🐮小編就因為要戒澱粉 原本諗住揀菜底 點知佢哋特別有蘿蔔底 呢個真係非常加分 可以直接當一樣餸 蘿蔔完全冇喳 而且色水見到滷到入哂味 另外牛腩亦都可以揀肥瘦 每一樣餸都可以根據個人喜好你去揀 幾加分🤩太陽餅 ($43)其實即係蝦餅🦐 不過同我哋一般認知嘅有啲唔同 佢唔係越南泰式嗰種 個樣有啲似放大版嘅錦鹵雲吞 食落裏面會見到有一大粒蝦 蝦係爽口嘅 呢款小食都值得推介👍🏻新鮮魷魚鬚🦑 ($50)呢個魷魚鬚原來係涼拌嚟嘅 有啲驚喜係佢會有賣墨魚嘴 份量都幾多 如果有幾個朋友一齊share食就會好啲

華記都幾出名，無論咩時間都要排長龍，尤其最近有好多遊客👯👯麵店出名以秘製潮洲滷水汁浸車仔麵配料超過12小時，所以配料都非常入味<牛雜麵> $48<三餸車仔麵> 52<新鮮魷魚鬚> $50<太陽餅> $43<牛雜麵><三餸車仔麵>兩個湯底都係少辣嘅重口味推薦，混合所有醬汁，包括滷水汁、腩汁、咖哩汁的確，非常非常濃味，又唔會過咸👍牛雜有牛腸、牛膀、牛肚、牛肺三餸車仔麵就揀左五香牛腩、豬腩肉、蘿蔔所有餸都非常入味，同煮得夠腍，尤其五香牛腩同埋分量好多，每樣餸都有起碼4-5舊，非常足夠另一個細心位🥰係可以自選腩肉要正常或瘦，麵要爽或腍，跟個人喜好調較👍<涼拌新鮮魷魚鬚>份量同樣非常多，魷魚爽脆彈牙，自製嘅涼拌醬汁幾開胃😋<太陽餅(5件)>太陽餅🌞即炸蝦餅🍤，用雲吞包著原隻鮮蝦，混合墨魚肉、鯪魚肉炸成嘅蝦餅，配甜辣醬食，外層香脆，鮮甜惹味👍如果你鍾意濃味車仔麵，你會鍾意華記；同埋兩個小食都好食，推介👍👍👍

餐廳位於太子，12點先開門。但我地準備12點去到已經坐滿哂人，除左食物好食之外，仲樣樣都大大碟，好抵食🐮牛雜麵有牛肚、牛肺、牛膀同牛腸等等都。全處理得好乾淨，完全冇臭味，而且口感爽口彈牙之餘仲滷得好入味，而且份量比起其他潮州粉麵舖多一倍有多，好抵食🍜三餸車仔麵朋友個三餸麵就揀左牛腩、牛筋同牛肚。三樣都好夠淋同入味，特別係牛腩，入麵有d筋位已經炆到啫喱狀，非常出色🦑新鮮魷魚鬚份量都係好多，用左新鮮魷魚而唔係水魷，涼拌既醬汁帶少少甜味，自己再加d舖頭秘制既潮州辣椒油就更加惹味🦐太陽餅（蝦餅）太陽餅即叫即炸，上台時仲熱焫焫，外層香脆，裡面既蝦肉爽口彈牙仲充滿肉汁～

好耐無食過車仔麵🍜某日經過太子醒起曾經mark底過呢間餐廳!估唔到唔係食飯時間都要排長龍!😳不過大約等十分鐘左右就可以入座啦~🔸豬雜麵 HKD58牛雜就食得多 豬雜就反而少喺香港食到大大碗有齊豬脷 豬腸 豬膶 豬心 豬頭肉等好似一次過食咗成隻豬咁🐖處理得乾淨 唔會有奇怪味🔹三餸車仔麵 HKD52揀咗冬菇 牛筋 同牛脷食材炆得夠哂入味 牛筋做到入口即化冬菇係平時要浸嗰種 菇味特別重🍄湯底揀選滷水+腩汁 比普通車仔麵湯底香濃另外仲有個重口味之選 就係全部汁都有😎🔸涼拌生腸 HKD30生腸偏爽口 煙韌 用咗少辣作調味 配上大量香脆花生🥜🔹新鮮魷魚鬚 HKD50魷魚鬚爽脆彈牙 配上麻辣醬汁特別惹味份量好大碟 2個人都完全食唔晒🐙🚩華記潮州滷水車仔麵 太子界限街34號民興大廈地舖

睇完youtube有人介紹跟住黎食😼平日中午都要排一陣隊，等左10分鐘左右就有得入座，用qr code落完單3分鐘左右已經有得食👍🏻仲有比較少見既豬牛內臟可以揀添！.✨五香牛腩、豬紅、牛筋 油麵(重口味汁少辣)✨重口味汁真係一入口令人眼前一亮，食車仔麵就係要食濃味😆個辣味仲好夾個湯底添；牛腩本身驚會柴，好彩咁岩全部都有少少肥位連住，唔柴之餘仲炆到好入味；豬紅質地幾好唔會散，又唔會太q；牛筋都ok，只係個人口味比較中意食炆到超淋超有膠質果隻✨蘿蔔、牛肚、豬脷 米線(滷水汁+腩汁)✨湯底滷水味香得黎唔會咸，㗳真d仲有d腩汁甜味；蘿蔔超級入味同大舊，好抵食；牛肚唔痴牙，仲好多條添；豬脷就一般，本身以為會有d底味，但食落似係白烚多d，共中一舊仲有碎骨；另外仲想讚吓枱上既辣椒油好香，都幾辣吓😍無叫多蔥其實都好多蔥，唔似坊間果d幾果幾粒！.✨煎釀三寶✨一共有七舊，尖椒x2, 茄子x3, 紅腸、綠椒x1，熱辣辣炸起，外皮好香脆，魚肉比例都好高，係略油左少少

是日留意到網上評論到此店排隊，約半小時，點了二餸牛腩+ 牛筋，豆漿加了$11。份量足、湯底濃、幼麵爽，餸得多，吃完麵後還有麱。是日見到有大台來拍攝，也有內地人截門來排，值得再來的一間小店。