華記潮州滷水車仔麵

营业中

休息中

近來報咗個電腦課程，逢星期六早上要去太子上堂，到中午時間放學就喺附近食午餐，今日同學話想食麵，知道界限街有間華記潮州滷水車仔麵啱晒，未到一點已有人排隊，我地一邊傾一邊排，話咁快入得，店員姐姐好好禮貌，話比客人知椅下有個紙箱可放物品。三送車仔麵牛腩、牛丸、咖哩魚蛋，加腩汁、走芫荽，預設係有芫荽的，同學唔食就走芫荽。湯底係滷水湯底味濃，好香滷水味但唔會咸，牛腩好入味，牛丸好彈牙，魚蛋係好大粒，好香咖哩味，裏面雪白有魚味，同樣彈牙爽口。豬雜麵，其他地方係少見我就揀佢，豬雜有多個內臟部位，每一樣都好入味，而且豬雜處理得好，味道甘香，湯底我揀咗加入全部汁少辣，再加秘製潮州辣椒油，真正又香又辣好好味道。太陽餅，兩邊脆皮夾住中間蝦肉油炸，外皮脆卜卜，裏面蝦肉鮮味彈牙，點泰式甜辣醬更好味。新鮮魷魚鬚，好滑好鮮，好有彈性亦好易咬開，用秘製醬汁拌勻加入芫荽蔥花及炸花生粒，味道很好的。

每次嚟親華記都會忍唔住叫佢個重口味湯底小辣鍾意食重口味嘅人一定Like真係會食過返尋味😋為咗唔駛排隊，我盡量會避開lunch hour！餸方面不過不失！牛筋好腍，唔錯！蘿蔔好腍，好入味唔起渣，同個湯底幾夾！另外我鍾意叫佢個牛肉餅同魷魚！

華記每晚都要排長龍，但好快就入得啦。基本上不斷有客人。華記招牌：牛雜麵一碗麵又曬多個牛嘅部位，湯頭呈深啡色，味道偏濃，配上彈牙嘅面質口感一流，個人最愛吃牛肺同牛肚，呢兩樣都好軟身。豬什唔係間間車仔麵店都有售賣，華記個豬雜麵整得好好食😋，滷得入味又係有多款豬嘅部位。建議可以加咖喱汁或辣汁，令碗麵更惹味。招牌小食：小食有驚喜有兩款，我特別推薦就係太陽餅及魷魚鬚。太陽餅（蝦🦐餅）內面嘅蝦膠超彈牙，外面香脆。而魷魚鬚係使用新鮮嘅食材同埋係乾撈，比較特別。外面通常都會椒鹽或酥炸。而且偏甜嘅醬汁好好食。

睇咗TVB美食新聞報導介紹，昨日去買外賣回家，食咗兩三啖，嘩！有隻曱甴喺我碗麵道， 𦧲都𦧲唔切 ，一家三碗麵掉晒，買外賣有曱甴真係冇仇報，返屋企開出嚟食緊先會發現，唔係堂食當面發現，冇辦法証明隻曱甴係由食店廚房走入去，就算打電話去反映，食店亦未必認數。雖然話食店唔衛生唔係咩新鮮嘢， 曱甴可能已經係好小事，有老鼠嘅食店都成日比人影到添，但都唔好有曱甴喺我碗麵咁離譜吖，有陰影㗎，阿Bob可能已經食咗好多隻，大家小心！

經過界限街見到這家店門口排長龍，看下價錢真是值得一嘗，於是打算在這裡吃午餐。牛雜麵 有米線、米粉、河粉等多種選擇，就連麵的硬度都有得選擇，分別是軟或者爽，真是好貼心！口味也是多款，我選了重口味中辣，辣味挺重，讓人食慾大開！牛肚口感脆嫩，牛腸牛肝沒有任何腥味，柔軟中帶著嚼勁，帶點香辣！三餸車仔麵可以選擇三樣餸，我選了五香牛腩，雞中翼和春卷，湯底是滷水汁加腩汁非常醇厚濃郁，五香牛腩的肉質非常軟嫩，入口即化，肉汁四溢，濃郁的滷水腩汁味道深入牛腩和雞翼中，非常惹味！太陽餅好似太陽的蝦餅，外皮的脆感與內餡的柔軟形成了鮮明的對比，蝦肉的鮮香口中綻放，沾上甜辣醬後，更加好味！新鮮魷魚鬚口感柔嫩，咬下去毫不費力，彈性十足，香辣味道在口中迸發，令人倍感開胃！隨餐加點錢就可以飲豆漿或者飲品

今日只係經過買外賣，一向環保自備食物盒，同上次一樣，唔肯扣返外賣盒錢。😡之前堂食，間嘢未有咁紅，啲態度都冇咁衰，而家紅咗，對D客態度其差。等外賣期間，聽見收銀個哥哥態度衰衰咁同等緊啲客講到好似「等就等，唔等咪唔好食囉」無奈俾咗錢買外賣都要等，等左20分鐘，返到屋企見到仲發現比錯餸，嬲爆！貼錢買難受，下次不了！紅左唔係大晒，幾好食都冇用，如果老闆睇到唔該改改佢⋯⋯完

講開食車仔麵就會諗起，香港經典嘅周星馳電影食神裏面嘅火雞姐！車仔麵以前又名“那渣麵”，總之就係立立雜雜，咩都有。以前食車仔麵係一件好平好抵食嘅事，而家落深水埗食碗車仔麵叫幾個餸分鐘都要100蚊呀！今日嚟到呢一間門口大排長龍嘅華記潮州鹵水，就嚟試一試佢咁出名嘅鹵水咖哩汁辣椒油同埋那渣麵啦！值得一齊嘅就係佢呢度有一款成日都畀人叫做阿bob面嘅😆因為有明星阿bob加持過😆作為最鍾意食肥腸嘅人梗係要食一食佢個豬雜麵啦！🐖豬雜麵重口味中辣汁真係唔講得笑，真係辣到飛起呀！不過就係鍾意呢種咁爽嘅感覺而佢嘅豬雜裏面有豬心、豬脷、豬橫脷、豬潤、豬大腸、豬粉腸！可能係我食過嘅豬雜裏面最齊嘅一間，好彩佢冇豬腰因為我本身都係唔食豬腰嘅😆佢個湯底加咗咖哩汁再加埋辣椒油再加埋腩汁再加埋鹵水汁真係不得了，真係好辣呀😆🍜三餸車仔麵都係幾十蚊一個唔會好貴可能平過出去食個lunch，叫咗雞翼大魚蛋同埋雞腎，鹵水雞翼都幾入味唔會好濃口！大魚蛋幾好食畀爽口，雞腎就覺得略嫌佢硬咗少少！原來唔食辣嘅湯底都幾好食㗎喎！湯頭好甜呀！🦑新鮮魷魚鬚呢個超讚啦咁平嘅價錢有咁大碟！裏面有啲炸香嘅花生，撈上秘製嘅辣汁，非常惹味！🦐酥炸太陽餅太

見到好多好評，走入嚟。店內較迫，但張枱乾淨。点知對正冷氣出口位，冷氣係咁吹背脊落，女仕應該頂唔順。点了碗豬雜面少辣，加了10元韮菜。上枱算快，面份量少，男人吃肯定不夠飽。無豬潤無豬大腸，但有豬心，驚喜。可惜勁多细到無論嘅小腸! 加了10元只有一点点菜，成碗面較咸。算好差。收錢位哥哥比較大聲，但唔代表佢無禮貌，只係我感覺不爽! 店內不少說普通話遊客，可能看小红書來吧，這是一大客源。食完再睇openrice, 掃落去不少差評。唉，無留意

整體評價四分晏晝去到見到有隊，擔心排太耐。點知只過兩三分鐘時間就安排到座位，非常有效率。食物評價五分豬皮 - 淋,非常入味豬大腸 - 淋，入味冇壓味大魚蛋 - 非常大粒，咬感非常好牛筋都 - 非常之淋，冧但又唔會散麵 - 正常鹵水汁味非常好味，食完唔會覺得太口渴

上次喺行過見到入咗去食佢個重口味湯底掛到而家😝原來太子都有間分店係附近打開波 入去回味下先唔係講笑，未見門口已經有條隊但安排得好快職員態度亦唔錯唔會有食完就過主嘅感覺🙊🙊華記潮州滷水車仔麵 今次地址係喺太子地鐵站附近位置更方便D出口出嚟行2分鐘就到兩間舖頭菜單一樣我哋一行二人每人叫左個麵同小食🐵🤪1️⃣豬什麵咖喱汁粗麵-餸既份量好多，特別要讚一讚佢嘅豬腸豬肚，入邊嘅肥膏清潔得好乾淨，食落唔會有啲怪味，而且厚身口感好好，面底亦好足，普通size冇加底都一定唔止一個麵餅，可以揀爽面定淋面，最鍾意佢哋就係乜都有得揀，你唔鍾意食麵嘅揀菜底又得，仲要又唔同菜俾你哋揀！2️⃣三餸車仔麵-重口味中辣湯底 牛筋牛膀春卷米粉加辣椒油要特別推介佢哋嘅重口味湯底，係滷水咖喱腩汁湯底合體，中辣嘅口味啱晒我，又刺激又唔會辣得太辛苦，配埋米粉索湯一流！牛筋同牛膀嘅份量多到嚇親你，牛筋大概有四五大嚿，牛膀就直頭有成六七舊，仲要舊舊嘅厚度係人哋出面一分為三嘅size，多到你嚇一嚇🤣🤣牛筋嘅口感好好，有嚼頭唔會太腍，而且又係好大嚿好扺食，小編平時去凍肉舖買牛筋就知牛筋貴，喺呢度食仲抵過自己整😅小食特別要一提嘅係佢哋嘅太陽餅，即

同亞仔整完回鄉證，來到太子人氣車仔麵的 《華記潮州滷水車仔麵》，每次在附近食完飯經過都會見超多人排隊，今曰好彩早左小小攪掂晒啲野過黎，居然唔洗排隊喎！😏原來藝人林盛斌是常客，還食到出左碗「亞Bob麵」，就連視后佘詩曼都係捧場客，衆多明星力棒，唔怪得咁多人排隊啦！🙈我就叫左個三餸油麵，不用到長洲都嘗到超大粒巨型魚蛋😉。豬手好淋，又夠晒入味。新鮮魷魚，鮮味十足。重口味湯底由鹵水汁+咖喱汁+清湯三合一而成，非常惹味😋亞仔就叫左個豬什麵，豬什光淨無嗅味，居然仲有豬脷添！兩份招牌小食，「新鮮魷魚鬚」及「涼拌生腸」，黎到成個碟面都鋪滿晒厚厚既莞茜🙈，OMG，岩晒一班莞茜控了😂，生腸仲好抵食，大大份，都只係30元咋！當然唔小得飲番支「大和豆漿」啦！😉

剛剛喺太子分店買完外賣做晚餐，照舊舖面有人龍排隊，睇落都係啲無名而嚟嘅小紅書客。排隊買外賣方面秩序分明，店員亦都好幫手，好有禮貌。今晚唔係好肚餓所以就選擇咗嗌三餸加菜底。送同湯都有按我要求去分開，外賣返到屋企嘅溫度亦都好好。最重要嘅味道方面，始終有陣死鹹嘅感覺，名過於實。嗌咗三餸，包括牛腩、牛肚、同豆腐，結果得豆腐ok。攞瘦肉當牛腩，啲牛肚好明顯係急凍啱啱解完凍，煮得唔夠耐， 堅韌。湯底偏鹹，啱重口味人士。之前試過其他餸，其實係ok嘅，例如啲腸呀魷魚呀等等，所以，下次大家揀餸嘅時候睇路呀。

6點幾去已經好長龍要排隊 不過好快有位員工都好有禮貌 估唔到係scan落單好快碗麵就到左 熱辣辣嘅 牛大腸好好好好味好彈牙好爽口雞翼尖都好味 春卷都好好食 又彈牙既一定再黎食！

在鄰住買買了優惠卷，以$41就能夠可以吃到原價$52的車仔面，可說是十分便宜！雖然有食用時間限制，但整體來說也是比較出色！想不到在下午茶時分（16:00）也有長長的人龍，但幸好只是等了約10分鐘就可以入場！花多眼亂的情況下，用了紙筆，其他顧客會用qr code下單，經過一輪挑選，我們選了1）河粉*五香牛楠*胡椒豬肚丸*咖哩魚蛋*滷水汁2）油面*牛筋*大腸*鮮魷魚鬚*咖哩汁整體感覺不錯，提提大家可以登記做會員，這樣的話可以享受到一些會員優惠！說回正題，滷水汁感覺可以，但感覺不太濃烈！5-6塊的牛楠切得很好，但就有部分比較「鞋口」，不是任何人也適合！反而「兩粒」胡椒豬肚丸的供應商不錯，咬下去便有一些胡椒味！另外咖喱魚蛋有驚喜，原先以為只有數小粒，但上碟的時間驚訝地很大粒，頗有長州魚蛋的口感，這裡有兩大粒，感覺實在不錯，想念長州的味道可以來這裡吃了！另外，媽咪點了1）牛筋，2）大腸，3）鮮魷魚鬚，各種配菜配合咖喱汁很是不錯！部分牛筋有少少硬，正常應該要軟淋淋才好吃，大腸反而洗得不錯，這個豬雜部件值得一試再試！另外有三條魷魚，全部都很彈牙，是出色的！筆者覺得這個價位的車仔面屬於中上，但每個餸的

見門口排長龍（十多人），改用QR code 點餐自取。去到攞餐時見冇人排，想問下能否轉外賣，我show 個QR code 問收銀處戴眼鏡身型稍胖之負責人，" 請問呢個no. 如果未整我想轉堂食" ，負責人二話不說就話："你想堂食就排隊唔好諗住打尖" …我根本冇呢個意思！！！跟住想問下另一阿姐呢個no. 整好未……佢竟然關埋度玻璃門！！！後來趁另一年輕女員工遞外賣比門口另一人，我先有機會問下我個no. 做好未。氣結，呢度員工真巴閉！