華星冰室 (克街)

营业中

休息中

尋晚同女朋友去試下呢間新開嘅冰室，開頭諗住只係得一般茶餐食物(e.g.通粉、炒蛋、三文治)，連飯都冇，可能會食唔飽，但最後結果竟然相反。一入到去，見到都算多人，侍應已經招呼我地坐卡位，坐低後諗咗一陣，我地諗住食常餐、營餐、再加多件奶油豬仔包，就叫侍應過嚟落單，佢好好笑容咁問想食啲咩，又問煎底定炒蛋、叉燒意轉唔轉通粉、多士烘唔烘底.....見佢態度咁好，佢落完單梗係要講返句「唔該晒」啦，估唔到佢好好笑咁答返句「唔洗晒」！呢間啲食物都算幾好味，尤其鍾意佢嘅炒蛋，有好多蛋汁。多士都烘唔錯，成件都好趣。雖然奶油豬漏咗單，但同佢講返之後，佢都好快整好俾我地。仲有啲侍應同食客有傾有講，我地仲偷聽到佢好似講咗某啲整嘢食心得俾人知添，哈哈！

明星效應，和媽媽上班前到華星食早餐新潮懷舊LOOK炒飯多士$15Taste good! 厚多士微脆，炒蛋又熱又厚，咬下去有蛋汁，不過食完好像有點未夠喉的感覺，偷了點媽媽的24早餐..媽媽點了多士跟煎蛋，火腿通，熱華田。`點前已經說了炒蛋應該會好食點，但媽媽堅持不食炒蛋，結果我偷食煎蛋時果然不出所料，普通到不能普通，淡，油油的煎蛋味，本身不愛煎蛋，所以對媽媽個煎蛋不愛好。火腿通湯底好，味濃，好依。熱華田，媽媽說很好很滑，未知有否加入3.6牛乳呢？總括︰餐單選擇比較少，價格一般，環境不錯，服務很好，炒蛋好食=]

上世紀八十年代,其中一間全港大型唱片公司 - 華星,自從在世紀初"忍著淚說一聲Goodbye"之後,於日前重拾"當年情",不過並非再在樂壇大展拳腳,而是開......茶餐廳.餐廳Logo也是用回昔日華星的圖案,店內黑白配的裝修,牆上貼上昔日華星盛世時代的唱片,如張國榮的"風繼續吹","為你鍾情",梅姐"烈焰紅唇",羅文"幾許風雨",甚至乎呂方,杜德偉的首張個人大碟,全部展現在食客眼前.對一些八,九十後,飲"英皇"奶大的人來講,或許覺得陌生.但對我來講,這些聲音全是我成長中的一部份.反而牆上的Eason,千華,當他/她在華星的時候,我已開始離棄Canto-pop了.有說華星是沿用澳州牛奶之班底來應戰,餐牌上選擇不多,飲品多過食品,食品以三文治為主.大多人也點常餐,炒/煎蛋多士,叉燒意/通粉,加飲品.完全是澳牛之成功方程式.澳牛其中一樣絕技,是上菜速度快如閃電,在這方面,華星完全不像.速度慢得多.如果用足球術語來形容,澳牛踢的是十上十落全能足球,而華星就踢得有點"拉布".先來一杯熱奶茶,味道比澳牛的甜.茶味不顯彰,或許是用北海道3.6沖出來?炒蛋多士的賣相,同澳牛一模一樣.水準也是一樣,炒

29-1-2010從覓食王的食評及相片得知灣仔開了間「疑似澳洲牛奶公司」, 無獨有偶朋友亦留意到「華康對面開咗間新冰室喎」, 是日 dinner 就嚟試試. 叫了兩份「營養餐」, 有火腿 + 炒蛋 + 多士, 跟一杯飲品 ($24), 同澳牛的「快餐」一模一樣 我飲熱奶茶, 面頭勁多泡 (!?), 飲落好滑, 茶味香, 奶味亦香, 無澀味, 正! 好耐無喺灣仔飲過咁好飲的奶茶, 值得試試.朋友飲凍奶... 店方講明用「北海道 3.6」牌, 飲落夠晒清香滑口, 不過俾我叫的話, 我會飲熱的. 多士烘得微燶, 食落內夠軟熟, 不過外唔夠鬆脆, 牛油份量剛好但又唔夠「鹹」, 佐敦嗰邊好食好多喎!炒蛋賣相滑溜, 食落亦然, 蛋汁夠, 無佐敦嗰邊的咁油, 不過亦唔及佐敦嗰邊的香, 輸一個馬鼻咁多.火腿就唔評了, 味道「金妹」成咁, 唔係要寫幾百字呀嘛? 食物不錯, 配套就比佐敦嗰邊好得多, 環境就光鮮企理又十分乾淨; 伙計哥哥們又友善有禮, 食完仲可以繼續坐多陣, 同佐敦嗰邊的「打仗」場面完全兩個世界. 埋單每人 $24, 又多個「快食」開飯點, 值得試試. 下次食奶油豬

由一開始聽到華星呢個名，我已經即刻諗起以前個間唱片公司，Eason以前個個年代，仲諗緊關唔關事，今日黎到真係見到好多華星年代嗜唱片封面圖片，真係搞笑!! 仲見到Eason黎緊個Concert既Poster添呀，唔知會唔會有一日見到佢呢，哈哈。今日去灣仔稅務大樓做D野，之後又要返HKU，中間梗係要搵個地方食飯啦，因為前兩日食得太多啦，所以都係食D清D既野好D，就醒起呢間冰室就黎啦。我大概 1:30 黎到，嘩，全場爆哂，好多人呀! 不過我一個人即刻有位坐，但就同人搭檯啦。發現佢呢度清一色男既服務員，唔知係咪因為手腳快D呢？佢地個個都幾好幾有禮貌，無咩服務既問題出現。入到去其實都無咩揀架啦，叫左個常餐，眼見身邊既人都係識呢個或者豬仔包，我得一個人，所以下次先再試佢既豬仔包啦。首先係火腿炒蛋配多士，我好鍾意佢個多士呀! 厚得黎非常軟熟，烘左硬硬地但又唔會係勁脆咁。表面有好香既牛油味，連火腿蛋一齊食變左腿蛋多士，正! 火腿薄薄兩片無特別，不過炒蛋就真係好食啦。佢又唔係話勁滑，好多蛋漿咁，但就好香蛋味，而且唔會炒得好老，總之就好好食，蛋真係永遠最好食既食物!叉燒通粉OK，湯底夠味，D叉燒俾我想像中

起初入到去, 真有點愕咗然.. 點解每位穿住靚靚新制服啲哥哥仔, 個個都咁好招呼的? 慢慢睇完餐牌再叫嘢食時, 也有人充滿禮貌同笑容地走過來 Serve 我. 真係搆到我有點感動, 有點身不在然呀...! (因唔慣茶記這樣的 ), 話時話, 我稔住周圍望吓八吓時, 唔覺意感到對面嘅女人為何好像老是想同我互啤嘅...吓 ?'拗'頭之際, 啲嘢食到了.....*********************炒蛋多士 -This is basically the same as what you get at Australian Dairy in Jordan, and its cheaper than making the same thing at home if you think about it! I think the toasted bread quality here is better than there easily, as it spends more time in the toaster so it won't come out too soft,

冰室於上星期在灣仔克街開業我趕快去tea一tea內裡裝潢有點懷舊地上及牆上用黑白色紙皮石感覺舒舒服服。。。牆上掛有藝人簽名的黑膠唱片尤其哥哥張國榮的4張 LP很是突出。。。另外冰室選用北海道3.6牛乳令奶茶比較香滑不像一般茶餐廳的帶點苦瀝我一連3天去光顧侍應生都非常有禮食物味道亦不錯

在灣仔shopping，無意間發現這間新開張的茶餐廳，門口有Kelly、側田等送來的花牌。於是入內試試，餐廳牆上有一塊大白板，上有很多歌星的簽名。四周亦放有張國榮、梅艷芳、呂方和杜德偉等的舊唱片封面。我們2人都要營養餐，凍奶茶用不銹鋼杯盛載，入口香滑，炒蛋、火腿和多士都和澳洲牛奶一樣。以後可多一間好地方飲奶茶了。吃下午茶時，還見有位記者正在訪問一位小姐（聽說她是老板娘），另一位就四周影相。

我每次去到佐敦、如果又肚餓！多數都會去澳洲食茶餐！只因又健康又好味！不過去到其他地方就冇哩支歌唱！有日去到灣仔克街見到有冰室兩個字！個吐又有D餓餓哋咪入去坐吓囉！裝修都OK有D懷舊feel咁啦！下午茶時間咪叫個茶餐食吓囉！呀哥哥仔問要抄蛋定煎蛋？多士烘唔烘？個茶餐到咗！吓澳洲搬咗過嚟開分店咩？講多無喟大家睇吓就知、味道一樣㗎！𠰠D奶用北海道3．6好有奶味！佢哋D抄蛋好有蛋味又滑可能加咗北海道牛奶！奶茶茶味好正！最好唔要糖、可飲到真正茶味！紅豆冰D奶都係用北海道牛奶做！我就要多奶！價錢、環境、食物都Ok！

好耐冇寫食評..見華星冰室又真係不錯..就決定寫下..!!雖然只係開左幾日..但我已經食左2次..冇計..鬼叫我係灣仔返工..日日都係灣仔..題外話唔講..講返正題..2次去都係下午茶時間去食..人唔多..仲有卡位TIM..環境幾好..有懷舊feel..d野好新淨..話晒係新開張嘛..野食方面..首推奶茶..之前我最鍾意飲既奶茶係豪華..而家就變左呢間喇..因為真係好滑..正..!!! =)第2樣要講既係炒蛋..本身我自己就好鍾意食雞蛋..呢度個炒蛋好厚身..咬落去仲有d蛋汁tim..又正!!! cha燒同火腿就冇乜特別..正正常常喇~~個牛我都有食..但就覺得有d似豬肉..但男朋友就話好味..好奇怪..多士都烘得好好..再加1層簿簿地既牛油..好味.. =)P.S. 第1日開張去食就見到狄易達著住WAITER衫..幾特別!!! XD

今日特登去試新野. 見到食評話好食過澳記, 梗係要去試啦. lunch 就同左幾個同事去食. 叫左常餐. 牛肉通D牛肉都幾好, 有牛肉味, 通粉就正常啦.炒蛋都炒得幾好幾滑~~多士就凍左少少, 同埋好快焾, 如果脆D就好喇~奶茶都幾好飲~~但太飽冇試奶油豬, 下次要試下~~在灣仔廿幾蚊食個常餐實在係抵, 所以會幫趁多D. 唔駛行去金鳳咁遠~~

星期日從朋友Facebook得知灣仔開了家華星冰室，旁邊括住澳洲舊生會，好奇心驅使下之下前往看看是怎麼一回事。來到門口，餐牌熟口熟面，入到去見到"阿煩達"聲哥，知道原來是澳記原班人馬過了海。餐牌，價錢，水準依然一樣保持水準。不同的是沒有滿佈藍色原子筆痕的制服，沒有催趕，沒有卡位腳頂腳，沒有任何時刻都有食客在旁催命符啤住你的等位；亦沒有放到一都係的狼狽。一切來得舒服。華星，感謝你來了灣仔。金鳳，再見了。

\我係澳記忠實fans......成日都想港島區都可以食到好味炒蛋!今日終於願望達成!!雖然嗰伙記同個厨房都熟口熟面,好似澳記啲人...唔理啦...最緊要好食真係無想過你港島區都可以食到好似澳記咁正嘅炒蛋!意外驚喜........Lunch hour 時間食個快餐,通粉炒蛋對OL來說真係剛剛好,又唔會太油膩,好過食味精飯!個奶油豬唔記得影相,我同freind share 食,味道OK!我覺得好食過翠華嗰奶油豬,無噤硬,唔會咬到口軟!.........伙記快手快脚,快得嚟又唔會好似澳記咁有壓迫感,有時間睇吓餐牌咗落ORDER!$28一個餐係灣仔區喎......無欲無求....[b]要試!食完絕對唔會覺得浪費了胃部的空間

在灣仔區也有好一段時間，看到那一家可以做得長久，那一家三個月也捱不過，第一次試就一清二楚。這兒本是一家開業不久的茶餐廳"美的"，如何也不能吸引我一試。反之，取代它新開業的冰室，在試業其間就吸引到我坐下。玩懷舊，玩復古，華星不是第一家，看似所有的東西也是舊款式，用下去卻是整潔非常，清潔分是滿分。另外，這兒的伙計也是醒目快手，我想在繁忙時間，也不會有混亂的情況。一入來，不知點什麼，又看不到abcde餐，見肚子餓，就想要吃飯，男子常吃飯也是正常不過吧。問了一句，今日有什麼飯? 回應是這兒無飯賣，入來也吃常餐的。如果一家餐廳要用一款常餐留著客人，一定要有其過人之處，就看看你有多厲害。先來是一杯奶茶，茶不算熱，奶是用上被多家食店宣傳為好奶的日本3.6牛乳(第一家應該是小甜谷)，試下去，這一杯做得相當香滑幼細，奶味很香但好像把茶味蓋過了。我最喜歡就是用上這款奶茶杯，飲下去特別有感覺。炒蛋，炒的火喉和時間剛剛好，所以夠滑，有蛋香，感覺很滿足。多士厚身一點點，烘底令溶了的牛油滲入多士上，外脆內軟，已經不錯，加上蛋和厚身火腿一同吃，當然是好味道。牛肉意粉，很少吃有湯的意粉，感覺不算差。湯底幾好，少少杰身