華嫂冰室 (杜智臺)

营业中

休息中

華嫂冰室宜家開左幾間分店，確實係方便左好多🥰難得琴日收早，就同同事去左食華嫂，因為都未到食飯時間，完全唔使等位，一到就入得✌️我根本上每次去都係食同一樣野！！！菠蘿油建議食左包先食，佢外皮超脆，內裡極軟，中間夾住戈兩塊牛油，正到不得了，仲有我地將個菠蘿油一分為二嘅時候，佢個皮都唔會爛嫁😍我仲叫左呢個秘製雞翼配米線，蕃茄湯底，湯底超濃，米線彈牙！我地最後食到超飽，我連d湯都飲哂落肚，真係飽到上心口

元朗、灣仔同觀塘都有華嫂冰室，元朗嗰間人氣一定唔使講，日日都超多人排隊觀塘嗰間都唔輸蝕，午飯時間都好多人等位，反觀灣仔呢間就比較冇咁受歡迎，夜晚等咗大概15分鐘就有位喇！灣仔呢間裝修得好新潮，綠色嘅招牌配襯白色嘅瓷磚，開放式天花顯得特別醒神。👍🏼入面嘅座位唔算多，都避免唔到要同人搭枱。⭕️餐牌好清楚，有啲重點推介仲有埋相，配晒餸，啱晒成日諗唔到食咩嘅朋友。⭕️背面面就有啲自選嘅粉面套餐，選擇多！⭕️P.S 三款湯底之前試過都覺得好正！⭕️黎到華嫂就一定要食佢啲麵包！睇相都想全部叫晒啊！🤩✨豬扒雞翼蕃茄湯米線🍅‼️番茄湯超濃郁，好似茄蓉咁‼️豬扒有兩塊，好林，煎得好香‼️瑞士雞翼好入味好好食✨皮蛋莞茜湯+午餐肉+仿包片通粉‼️湯底超足料，皮蛋有雪花，超多莞茜，最後飲晒成個湯‼️午餐肉係靚肉，唔係好霉個種，煎得好香‼️配通粉好正呀，掛晒啲湯係通粉入面✨鹹牛肉芝士蛋豬仔包！！重頭戲！！同女朋友爭住食！！‼️豬仔包烤得好脆，當初以為佢唔會烤，點知熱辣辣超好食‼️鹹牛肉同芝士各佔包嘅一半，一打開以為得好少，點知食下食下份量又啱啱好‼️芝士溶溶地勁正‼️鹹牛肉熱辣辣，味道非常好茶水都做得好出色！味道夠，唔會偷工減料！✨凍奶茶

第一次去華嫂冰室食，試左個豬扒菠蘿包，果然有驚喜，菠蘿包本身甜甜地，又夠香脆，就咁食已經好好味，入面塊豬扒好juicy，而且夠曬熱，配合埋個少少辣既醬，多重口感，味道好豐富，一個周圍都食到既豬扒包可以整到咁好味，難怪華嫂可以咁出名，唯一問題係要排好耐先有得食，唔岩心急既我😅😅

華嫂冰室長期都有好多捧場客，都有好多遊客、本地人專程過嚟，而家灣仔開咗新嘅分店，唔使出去入元朗朗屏咁遠，真係方便好多。所以週末排隊嘅人都好多，其實平日收工過去，都唔需要等太耐，大約5分鐘就入得，所以都變咗我嘅飯堂。去到門口有綠色嘅霓虹燈，寫住華嫂冰室，充滿香港嘅特色同情懷，枱以二四人或六人枱為主，兩個人食就需要搭枱。我認為包類別，最出色就係佢嘅招牌芝士鹹牛肉蛋豬仔包。不得不說，豬仔包拱得非常之好，外脆內軟，口感一流。加上芝士同蛋加上熱力造成流心，更加豐富左整個豬仔包既層次，非常具有芝士嘅香味同蛋香味，加上牛肉鹹鹹地，食落真係十分惹味。相比起佢嘅蕃茄湯底，我更加鍾意佢既喇沙湯底，檳城喇沙湯底配雞翼轉出前一丁，檳城喇沙湯底非常香濃具有奶香，濃厚嘅質地非常惹味，可惜佢嘅麵嘅選擇唔多，只有公仔麵米線烏冬通粉，呢啲麵都唔能夠做到掛湯嘅效果，如果有金邊粉檬粉一定更加好食。總括來講我認為華嫂冰室係十分值得一試，價錢唔貴，質素一流。都難怪佢有咁多捧場客嘅，而且依家地理位置咁方便，大家不妨一試。

檳城喇沙湯米線($50)黎左咁多次華嫂冰室 啲嘢好味就梗 今次一於試下新口味叫左期間限定嘅喇沙試試佢呢款每日供應有上限 賣完就要等下一日先有得叫 晏啲過黎都未必有 湯底唔似出面店鋪咁好油膩 清清地又食到喇沙味 連怕肥嘅我都引到我叫碗就知 材料新鮮有豆卜雞蛋韭菜等等 一上黎啲配菜仲係爽口嘅 連配菜都好有誠意 而雞翼最後先擺上米線面到 唔會令湯浸林左跟餐叫左杯凍奶茶雖然唔係招牌凍鎮奶茶 但茶味香濃淡奶又滑 茶奶比例非常好👍🏻

實在令人氣憤，成世人第一次食早餐有如此慘痛的經驗。今朝早上早了出門，見時間尚早，八點鐘，見到裡面人不多，所以坐低看餐牌，點了一個豬排米線＋熱奶茶，侍應給我收據，寫了8:09 ，於是玩玩手機等食，但打了15分鐘後，仍未見有食物，再看看其他人也沒有，所以沒有追單，惡夢走這是來到，再過多5分鐘，也忍不住追問一下，女侍應也有追廚房，但明顯沒有跟進，再過多10分鐘，我也忍不住再追問，因為已經過了30分鐘，他終於再叫廚房加快，但給人的感覺是，做又36，不做又36，一點都沒有着急的意思，之後再過了10分鐘，終於來了，味道沒有什麼特別，熱奶茶變了凍奶茶， 5分鐘內吃完埋單，一份早餐等了40分鐘，遲來先上岸，我或者一世人，免費也不會再過來吃！完!

之前聽人講食華嫂成日都要排長龍呢日(星期五黎)我地就6點左右黎到直接就有位入 唔洗點等不過可能客人實在太多 而員工太少所以要點餐同拎嘢都要等D時間我地3個人SHARE2碗麵、2個包同一支嘢飲!當然最快上既就係支裝奶茶啦茶味好濃 同埋幾香滑 不過價錢相對上係有D貴冇跟餐價要單買 都要$2X一枝不過勝在佢係成枝雪凍既 就算飲都後來都唔會因為有冰而變淡!跟住就上左招牌芝士咸牛肉蛋豬仔包咸牛肉既調味岩岩好唔會太咸而成個包夾埋一齊都好香口 個包好脆口跟住就上埋招牌菠蘿包入面有蛋 牛油 同埋番茄菠蘿包幾鬆脆同香甜夾埋入面既配料食係唔錯既不過又未去到好驚為天人咁呢個番茄牛通粉都係好出名既番茄湯幾杰身 不過味道唔會濃到好似茄膏咁 都易入口既牛肉片煮得幾軟林 唔會太UN而最後上既係呢個喇沙米線呢個好似唔係間間華嫂都有呢個係有驚喜豬扒幾大塊同香口 而最重點係個湯底既椰汁味好香濃豆卜索晒D味 好出色米線掛湯能力充足 同埋煮得仲係煙韌既唔會煮到林晒冇口感呢個就值得一試!不過華嫂價錢其實唔算平同埋都多遊客食試下都唔錯既

這次是K小姐第二次吃華嫂，每次也要等好久這點真的有點扣分( ・᷄ ᵌ・᷅ )這次我點的是魚片頭+肉眼筋 X皮蛋芫茜湯底米粉。一上枱時被海量的芫茜嚇倒了（我超愛芫茜）皮蛋量也很多，不過湯底略咸，米粉也有點硬。值得推介的是肉眼筋（豬來的）肉質鬆軟又帶有咬口，真的很不錯吃，不過越吃便越覺湯底咸，所以最後還是沒吃完一整碗呢(๑•́ ₃ •̀๑)承惠$55（不包飲品）

早排喺朋友個Instagram睇到佢係post喺尖沙咀華嫂冰室食嘅嘅番茄通粉一直都心郁郁好想試想試嘅誠意去到元朗天水圍果間點知原來華嫂冰室全線星期日係唔開架所以摸左門釘之後打算去尖沙咀新開嗰間係K11附近打算冇乜人點知都唔係太多人放棄左最後同男朋友終於挑戰灣仔冰室成功等左唔使半個鐘就有位食客主要係遊客黎到華嫂冰室梗係要是招牌菠蘿包啦真係名不虛傳不枉此行菠蘿包外脆內軟本身菠蘿油塊牛油又已經好吸引配合埋中間煎蛋簡直冇得輸特別鍾意加左蕃茄本來想要熱奶茶你男朋友帶咗冰花奶茶我又跟風一啲都冇後悔一定比奶茶加冰更好飲我自己另外在買咗個蕃茄雞翼通粉蕃茄湯底冇想像中咁好都唔使排太耐隊都值得一試

趁住老細放假成班同事決定行遠少少去搵食知道華嫂好多人 所以都早早就去拎飛等位不過客人真係好多 特別係遊客唔明點解要lunch hour同打工仔爭位食飯等左差不多9個字先等到位餓到肚都扁 拿拿林叫野食扒落肚仲要仆番公司豬扒菠蘿包份量超大 一淡都咬唔哂食既時候都比較麻煩 唔建議同唔熟既人去食豬扒雞翼蕃茄湯通粉塊豬扒就好大塊 不過肉質較淋身雞翼係瑞士雞翼 偏細隻同埋唔夠滑 有點煮過頭湯底茄膏味重 唔係太出色芝士咸牛肉蛋豬仔包呢個包都唔錯 蛋係流心蛋切開有蛋汁流出來 食個陣要小心弄污衣物唯一係個包溫度不太熱 只係暖暖地 有D扣分總括黎講食物不差 但不是非常好食要排咁耐我就覺得唔值得喇～

事源, 星期一叫外賣自取! 好開心叫左豬扒米線+ 皮蛋湯底 $44! 再加多份肉眼筋 $8試下! 點知執漏左個加餸! 今日再撩同事陪我食! 唉~ 我落單叫雞亦+ 冬陰公湯. 好心既姐姐記得我漏左份餸既事~ 仲即時叫廚房要補返系.... 但點知我拎到返公司都系冇左份肉! 我打電話再去問~ 姐姐和員工們都好堅持放左系湯入面. 系呀~ 放左系湯入面, 不過系我同事果碗蕃茄湯底呢~ 叫我點問同事系進食中既麵入面拎返我份"肉眼筋" 呀! 希望佢地班廚房員工可以好好顧及客人既感受. 同時建議大家系繁忙時段不要加餸, 避免複雜既加餸步驟! 

Sogo一年一度thankful week又黎喇，約左蜜友去逛逛，佢提議去食傳說中o既「華嫂餐廳」o係灣仔開o既分店。一去到已經見到好多人，要按機拎飛。我地係17號，當時係叫緊6x號。。。無錯。。。係過左100Ｄ數字有頭再黎過。。。我都朋友都預左等，所以都無咩所謂，最近亦係我地預期內半小時入到去，尚可以吧。第一次黎我決定試試佢個招牌蕃茄湯配豬扒同雞翼，朋友就點個冬蔭功湯底配魚肉同肉眼筋。唔知係唔係我期望過高，覺得個蕃茄湯並無想像中濃郁，而且我份雞翼表面仲有ｄ凍。。。通粉分量足，因為我地仲叫左個包，所以最後無食曬個粉。試左一啖朋友個冬蔭功湯底，都唔錯。佢仲有個芫莤湯嫁，下次試埋佢先。我地仲叫個招牌菠蘿包，入面塊蕃茄中和左舊牛油o既肥膩感，本身都鐘意食菠蘿包，加埋蛋，牛油同蕃茄真係有別一番風味，下次再來食多次先。

同事話好耐冇食過華嫂，咁就擇日不如撞日，今日便去了華嫂食午餐。我們分別點了豬潤魚片頭芫茜皮蛋湯底及墨魚丸肉眼筋芫茜皮蛋湯底。豬潤魚片頭芫茜皮蛋湯底：魚片頭正常，皮蛋好味，豬潤有咬口。墨魚丸肉眼筋芫茜皮蛋湯底：墨魚丸彈牙，皮蛋好味。由於肚皮位置有限，唯有下次再試下其他食品。

我觉得华嫂最好食嘅一定系喇沙肥牛米粉！！！信我一定要点喇沙肥牛我同我好姊妹都一致认为好好食呀汤汁真系食到东南亚菜嘅精髓冻奶茶同菠萝油都系食到唔得！我真系超级无敌中意冻奶茶

華嫂冰室非常受內地同胞歡迎！排隊大概20-30分鐘期間，周圍嘅人都係操流利普通話，直到入座搭枱，身邊嘅情侶都係來自祖國講返食物啦...雞翼豬扒蕃茄湯出前一丁蕃茄湯好濃，唔知係鮮蕃茄製定加過料，如果係鮮製嘅就非常有心機非常出色喇！不過雞翼同豬扒就真係好一般凍奶茶+菠蘿油+招牌蛋沙律多士無試樽仔奶茶，但普通凍奶茶好飲，樽仔一定唔會差啦。 菠蘿油唔夠熱，個人喜歡熱到牛油半溶，但呢度嘅菠蘿油食到最尾牛油都係一片片嘅，唔太特別。招牌蛋沙律份量夠，多料好味，最後係食唔哂要打包一兩件！