華嫂冰室 (杜智臺)

营业中

休息中

第二次去食華嫂，都一樣等左３０分鐘，人多到不得了！雖然多人，但質素一樣冇問題！上次就食左個　招牌菠蘿油，入面有蕃茄蛋，不過個人個得，驚喜不大今次就叫左　招牌芝士咸牛肉，真係正～！個蛋黃漿完全食畫龍點睛！個油奶多，上次同今次都有食，個包脆得黎軟熟！果種暖暖包同凍凍地既牛油係非常好既配搭！１４蚊ｏｋ啦！到個主菜，蕃茄牛米線，牛肉都唔少，４２蚊的確算高質！不過個人覺得蕃茄味重Ｄ會再正Ｄ，　因為個人好鐘意食蕃茄系列野。個元茜豬扒，對鐘意元茜的係一個好好選擇，元茜多到不得了！　我就麻麻元茜，就食塊豬扒，正的！夠林！又香！杯奶茶，上次飲樽裝，因為冇冰，奶茶味ｋｅｅｐ住，今次杯裝，少冰，都唔錯！　睇到廚房師傅用奶茶拉奶茶～！而家好少見，認真唔錯！

平日都會去華嫂食lunch, 午市時段通常都要等位，試過等接近30分鐘。午餐多會選擇莞茜湯底的米線，但就成日見到其他食客加個菠蘿油，好似好滋味咁，決定搵日要為左個包去搵華嫂。今日就揀2點左右去食，可能午餐時段剛過，稍為等左一陣就入得。由於唔太餓，終於可以一試華嫂菠蘿油，菠蘿油都有幾款，我就選擇左菠蘿油腿。菠蘿包酥脆鬆化，暖暖的面包，包著清涼的牛油，開始溶化的牛油香浸入菠蘿包同大配角厚厚火腿之中，味道一流! 塊火腿juicy 又唔太咸，唔似外面一般又咸又乾，配埋牛油剛剛好。

今日等咗半個鐘食咗半個鐘左右但係都覺得係值得嘅 因為要堂食先可以食到最新鮮熱辣整出嚟嘅包嗌咗冬陰功雞翼米粉 冬陰功湯超香超惹味又夠辣 個雞翼都好入味好淋同行嘅朋友嗌咗蕃茄湯話覺得蕃茄湯冇乜特別反而個豬潤牛肉芫茜皮蛋米線就好有特色 同埋塊豬潤好好味仲嗌咗個芝士咸牛肉蛋豬仔包 個包超級好味都好足料 啖啖都係芝士牛肉同埋蛋汁 因為個蛋唔係熟哂 所以食落去都唔會好乾中午食嘅話除非公司喺附近如果唔係一個鐘係唔夠㗎 可以嘅話都係避免呢個時間去可以慢慢歎呀

此店門口經常排滿人群，所以一直都未有機會嚐試，今天同事提議叫外買試吓，所以我點了 豬扒喇沙湯米線和招牌菠蘿包，我哋為了能夠縮短時間保持食物質素，所以決定攞咗外賣之後坐的士回公司，幸好此店的外買包裝湯和粉是分開盛載，可保持粉質不會太淋，而湯底香濃惹味不辣，豬排外皮金香肉質淋滑😊招牌菠蘿包， 外皮香脆內裏軟綿綿，可惜凍了，熱食更好味

早前出席完香港國際美酒展後，見未夠鐘食晩飯，又見到華嫂冰室無乜人，得五、六枱客，於是入去食返碗新鮮牛肉出前一丁番茄湯底($34，改出前一丁加$3，番茄湯底加$8，共$45)、凍檸茶(跟餐半價，即加$9)加鮮油奶多($14)。新鮮牛肉夠嫩同好咬口，番茄湯味夠濃，出前一丁就不過不失，但唔算特別好食。凍檸茶，較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，係因為半價而用細杯裝定？我都無去考究，檸茶雖夠凍但唔夠茶味，不合格。鮮油奶多係烘過熱辣辣厚多士，配上煉奶及半溶鮮牛油，非常邪惡。本身因為件鮮油奶多想俾笑臉，店員話冷氣已開，我已經慢慢食，但係全程食到成身汗，完全感覺唔到有少少風，抹哂汗同去洗手間洗臉，一出門口，外面仲涼過裏面，下次只會為件鮮奶油多....去買外賣。

真是不知道去過的人有多少被黑臉的？一家網紅餐廳，如果以為自己大得不行了，估計也差不多了吧？說說他們是怎麼黑臉的吧：1、無論座位有多閑，都會讓你搭台擠著坐；2、你覺得太擠，想坐松一點，不行！服務員會不斷讓你坐進去；3、點東西稍微慢一點，就會不耐煩的走開，等你看好後，就會遲遲不理你了；4、明明是可以選2個菜，因為你沒注意，只說了一樣，然後就直接給你下單一樣的兩份，也不提醒一下；5、如果是遇上人多，在外面等的時候，你的心情就會更down了。態度到底有多黑，自己體驗一下吧，說多都是淚，只有選擇不會再去。

華嫂食物質素一向不錯，只不過成日要去門口等半個鐘以上先入到去食就有點辛苦，尤其返工日子食晏冇乜時間，所以會叫外賣攞返公司反而仲化算。今天就叫了個喇沙湯米線以及一個招牌菠蘿油外賣帶走，拿回公司後打開一睇，見到米線和喇沙湯底分開裝，十分企理，免除了我一早過分擔心啲麵浸太耐而變得「林」，這個時候先將米線放回湯吸收了湯底精華，而又保持了米線的爽口，質素保持得到。另外招牌菠蘿包的溫度仍然保持到，見到芝士慢慢溶化的樣子真是十分誘惑，一啖咬落去味道不錯，保持華嫂味道。

三次黎都人龍太長，今次專登提早落樓排隊，終於食到啦回頭率：3.5/5環境：3/5服務：3/5味道：3.5/5等候時間：10min價錢：40-50/pal番茄湯頗濃厚，唔會過酸過甜。自從係四季常餐食完茄膏味嘅番茄通粉，都心有餘悸。好彩華嫂冇令我失望。各種配菜(雞翼豬扒鮮牛肉煎蛋等等)都發揮正常，可以一試。不過講到尾，始終最中意鹹牛肉蛋包，如果要回頭要排隊，我諗都只會因為佢。

其實想幫襯華嫂冰室好耐，但每次午飯時間門口都好多人等位，所以由佢開張到而家都未試過。今晚放工後要去聽個講座，我和老公決定碰吓運氣，一於去試吓，六點幾去到竟然唔駛等位，超正。即刻入去揾位，攞餐牌睇，選擇唔算多，無套餐，單點粉麵均可以半價配飲品，我倆便叫了1.檳城喇沙豬扒湯米線$50 喇沙湯底好好味，兩大塊豬扒，大大碗份量夠。2.秘制撈米線$52 配豬扒.餐肉.紅腸.青瓜和芫茜，味道偏咸。3.兩杯半價飲品(凍檸蜜和柚子蜜)下次會再嚟試埋其他嘢食

今日上完運動堂便與同學們去座落於灣仔的華嫂冰室享用晚餐。我們在餐廳門口按票，等了大約10分鐘就有位了，我們安排坐在一張大圓枱需與其他人搭枱。我們分別點了秘製雞翼米線$34皮蛋芫茜湯底$8、香煎豬扒米線$34冬蔭公湯底$8、砂糖鮮油豬$14、香煎豬扒米線$34、新鮮牛肉米線$34冬蔭公湯底$8、飲品叫了凍檸茶2杯、凍奶茶及熱檸檬利賓納。皮蛋芫茜秘製雞翼米線，湯底正，雞翼好味。冬蔭公香煎豬扒米線，湯底濃郁、豬扒大件及好味。香煎豬扒米線，湯底清、豬扒大件及好味。冬蔭公新鮮牛肉米線，湯底濃郁、牛肉唔錯。砂糖鮮油豬，有點似雞尾飽。飲品正常。

✏️鮮牛肉番茄湯米粉 ($42)呢個係我第1次黎完灣仔華嫂後一路好想食翻嘅嘢🤪🤪🤪今次係食到翻上次嗰種好味 開心🤑都係嗰句 見唔見到啲鮮牛係多到鋪滿晒成碗粉嘅面🤑仲要每片都超級嫩滑🐮超級嫩滑🐮超級嫩滑🐮(重要嘅嘢要講3次😂) 蕃茄湯底係屬於杰身啲嗰隻 唔會好水 每啖米粉都沾滿個湯🍅味道係會偏甜少少 唔係好酸嗰隻我而家又好想再食🤪-✏️招牌芝士鹹牛肉蛋豬仔包 ($22)其實上次黎灣仔呢間華嫂都已經食過呢個包 果次都覺得係好食 不過今次係真係非常有驚喜😍唔知係咪廚師心情特別好定係點樣🤣今次整出嚟嘅豬仔包係無敵霹靂好食🤤熱辣辣新鮮上枱 豬仔包烘到外脆內軟入面嘅鹹牛肉份量好多 而且好夠鹹香芝士係處於半溶狀態 配合着煎蛋 簡直係天衣無縫超級好食🤤🤤🤤❤️-✏️鮮油奶多 ($14)多士烘到超脆 一大片牛油夾喺中間 因為多士嘅熱力而溶化🤤 不過!!嗜甜人士覺得重點係搽埋一層練奶 正到😌😌

咁arm經過，又見無乜人所以入左去呢間華嫂。同朋友2個人一齊食，老老實實我都係第一次食華嫂，都幾期待。不過食既時候都幾大壓力，因為我同朋友入左去之後就超多人排隊等位。由於自己都有少少趕時間，所以野食黎到就即刻開波！相都吾記得影丫！只係影左餐牌。出野食即速度都算快既！但其實我食得仲快！環境都算干淨既！係位坐得得迫少少同要搭枱，咁我都預左既！staff都有3,4個，都尚算frindly既！如果想食得慢同舒服少少就難啲啦。而野食都係覺得一般般，無太大驚喜！

第一次來灣仔店，在平日中午前來到，有遊客等位，亦有等待外賣的客人，人流已比想像中多。幸好一個人搭枱立即就可以入座了。來到華嫂，必吃我最喜歡的招牌菠蘿包啊！菠蘿包面烤得香脆內軟，再加上蕃茄，煎蛋和牛油，平衡得好好少了平時吃菠蘿油的油膩感。然後，看見有限量供應餐牌，便試試「黑松露忌廉湯通粉配煎蛋及芝士腸」。上菜時立刻聞到黑松露香味濃郁，原來毫不吝嗇給了一大匙黑松露醬！搞拌後，整碗濃湯通粉都沾滿黑松露味，加上粟米粒，湯底的確好吃！但個人稍嫌通粉太過「淋身」了...口感麻麻

周六四個儍仔去會展見識一下，電視及其他媒體也大肆報道，我們也要來感受一下。先去探索娛樂新境界的電競比賽及體驗專區參觀一下，場館很大，我們看世界邀請賽2018，好刺激，好開心。之後又去電腦展，人山人海好不熱鬧。離開時看看OpenRice有什麼推介，我們想到附近吃下午茶。華嫂冰室就在不近不遠的地方，我們也慕名而去尋找一下。到達時至4:48 ，很好彩我們攞到入場票，因為今天東主有喜，五時就停止派籌了。免得阻礙人家收工，我們清一色點了招牌菠蘿包及凍奶茶。奶茶來到的時候，色水很淡，飲落去也是很淡，真是沒有想像到淡到這個程度！我未幫襯過所以不知平日的水準是如何，朋友說他上次飲是比較好些的！ ！ ！幸好招牌菠蘿包還是OK的，菠蘿包大大個、麵包質感也非常好，中間還有蕃茄片、煎雞蛋和一邊厚厚的鮮油，所有材料夾埋一齊吃，也非常美味。如果不是奶茶太失色，這頓下午茶是好的。另一不在坐朋友說他們的樽仔奶茶是比較好的，我下次都會試吓，希望符合我們的要求啦。

距离会展不是很远，假如从会展出发，走到新鸿基中心下天桥再走没多远就是谢斐道了。基本不难找。中午过来排队的人还是很多的，不过就唔算等好耐，假如多人来的话，需要齐人先可以入座。香港茶餐厅位置方面都系好细，所以要求坐得舒服。甘就唔好拣呢到了。出品☞点解肥牛叻沙米粉☞50hkd可以选猪扒，辣辣地几开胃，里面并非搭配香茅而系莞茜。番茄鸡翅猪扒通粉☞53非常多肉的一碗，两只鸡翅，两块大猪扒~多到完全唔想吃肉~53蚊真系好抵~午间常餐可以半价加一杯饮品，不过瓶装冻奶茶除外。奶油多☞就算饱都要吃