華嫂冰室 (杜智臺)

营业中

休息中

同朋友睇戲前食d野，見時間尚早就去左華嫂，去時場內半滿，唔駛等就有位，食到一半出面已經要排隊，而且都唔少遊客幫襯，朋友唔太舒服，叫左雞翼清湯通粉（$36），湯底被佢形容為淡味出丁湯，雞翼入味又滑，唔錯~自己就叫左個墨丸，肉眼筋，雞翼冬蔭公米粉（$59），墨丸普通，肉眼筋都幾淋，雞翼固然好食，湯底就唔辣偏酸，都幾開胃，另外莞茜都落得幾重手，唔鐘意既朋友記住叫佢走莞茜，飲品可半價order,推介凍話梅金桔，值得一試。

一心諗住lunch時間可以食個靚飯，抖下氣，點知呢間華嫂個帶位阿姐面口仲西過我老細，勁無禮貌，講野反晒白眼想點姐😡d野幾好食都假，只可以講無下次!!!!!!!

呢排轉左去灣仔返工。而華嫂冰室就喺公司樓下。其實好耐之前已經聽過呢個名，知道佢係菠蘿包而出名。但係要我排隊去食我就真係唔會喇。但因為公司附近實在是無咩茶餐廳好食，所以朝早如果見無人排隊都會入去買早餐。之前食過佢個招牌菠蘿包。講真，其實自己屋企都整到。只係一個菠蘿包夾住蕃茄，蛋，芝士，牛油。佢唯一嘅賣點係，個包焗出黎熱辣辣，菠蘿皮夠鬆脆咁囉。今日公司無咩做，落左去食下午茶，今次就試下佢個咸牛肉豬仔包，味道唔係話特別突出，但都係果句，食完個人會好滿足，comfort food嘅感覺囉。反而其實佢地嘅茶啡係值得一讚！

e間 華嫂冰室聽聞好多人食㗎， 如果午飯時間呢都要等好耐位，好似話要等1個鐘不過我今日就收工先黎，所以見唔到傳聞個條長龍，但都等左一陣位架，10分鐘啦大概。但應該係因為我地多人食者，如果2個人黎應該即刻有位。華嫂有d食物係限量架，本來想食喇沙，喇沙係限量的，咁岩今次黎到就賣哂了但我都中意食華嫂個蕃茄湯，所以今次叫左豬扒蕃茄通粉再加個牛餐肉。個蕃茄湯係有啖啖蕃茄蓉架，湯底唔會過酸。塊豬扒大到食唔哂，牛餐肉煎到兩邊都脆哂

平日八點二十五分來到門口，嘩！咁早已經要等位。等左十分鐘有位，即刻落單。兩個人點左一個米粉，一個包，一杯飲品。分來食，都好飽肚。招牌蕃茄豬扒米粉華嫂有名的豬扒真係食極唔厭十分喜歡💕豬扒香口，彈牙，份量接近兩隻女手掌🖐️招牌芝士鹹牛肉蛋包另一招牌........包呀每一口都是濃濃芝士滿滿鹹牛肉，再加上流心蛋太滿足！每一口也感到幸福每人食半個剛好，一個人食會過飽熱話梅柑桔檸檬天氣乾燥飲啱晒超足料！凡叫面食，可以半價叫飲品。化算

(檳城喇沙肥牛湯米線$52， 芝士鹹牛肉蛋豬仔包$23，招牌菠蘿包($21) ，雞翼肉眼筋煎蛋冬陰公米粉$59)平時在華嫂必點芫荽皮蛋湯。今次試試喇沙肥牛米線，湯底很濃郁，椰奶味香濃，配合份量充足的肥牛、豆卜和芽菜！叫人驚喜又滿足。其他招牌食物如菠蘿包、鹹牛肉豬仔包和冬陰公湯米都是一貫既高水準，尤其喜歡入味既滷水雞翼。

一直都是去屯門天水圍店的, 經過見到灣仔分店, 進去試一試。星期六, 雖然是過了午飯時間, 還是很多人排隊等位, 等了差不多1小時。當然是必食的招牌豬扒包啦~上邊一層脆脆的皮, 裡邊有厚厚的牛油, 剛剛半熟的煎蛋, 蛋黃會流出來的那種加上厚切蕃茄, 正!炸雞球($34) 加豆卜(+$7) 蕃茄湯底(+$8) 出前一丁(+$3)~續樣計錢。炸雞球脆脆的, 偏油膩, 豆卜正常, 蕃茄湯底很結遢遢。香煎豬扒($34)加豬潤(+$8) 冬蔭功湯底(+$8) 出前一丁(+$3) ~豬扒夠淋, 豬潤爽口, 湯底濃味偏辣。話梅柑桔, 跟餐加$8, 酸酸甜甜地的, 還可以。灣仔分店食物比屯門分店較多元化, 但味道好似屯門分店的較好, 不過人流方面, 屯門分店還要多, 星期六下午想吃就休想了!

今日放工好掛住華嫂嘅米線所以又來再食！七點左右開始拎飛兩位，大約等左10分鐘內就有位啦～秘製雞翼米線（$34 ）轉冬陰公湯底（加$8）今次order時問佢米線可唔可以要硬d,原來係得㗎，結果真係硬啲好食好多😋瑞士雞翼水準一如既往咁好，非常入味啖啖肉，又唔會過淋。冬陰公湯底都一樣咁好味！留意到同枱隔離點左豬潤份量勁多，好後悔冇加豬膶啊！我覺得佢呢間餐廳係非常足料！勁抵食樽仔奶茶（$22）本來點左一個米線可以用半價加嘢飲，除咗樽仔奶茶要用原價買，咁我相信佢一定係最受歡迎所以只有呢一樣先至要比原價，咁一定要試吓啦，飲落都真係幾香滑唔錯唔錯～可以一試～

依家華嫂冰室出名就唔使講啦，皆因佢嘅性價比一流，味道冇得彈！好在放工時間去等位都唔算好耐，5至10分鐘就有位了，所以我有時放工都會喺度食埋野先至返屋企。•秘製雞翼米線（$34 ）轉冬陰公湯底（加$8）佢嘅秘製雞翼係瑞士雞翼，非常之入味，雖然放咗係湯到但肉質仲好嫩，有成三隻咁多仲好大隻，非常之推介！以佢嘅冬陰公湯底亦都好好味，有小小辣，有好多芫荽好正！不過米線就一時會過淋一時比較硬，係撞彩，個人就鍾意比較硬身。•招牌菠蘿包（$20）大大個菠蘿包入面GAP住煎蛋，蕃茄同埋大塊牛油，好足料，個菠蘿包焗到係脆皮嘅，咬落所有野仲係熱辣辣好正，簡直人間極品❣️

話說這日下著滂沱大雨，經過一番艱巨，總算來到這裡，但已身子有點濕加上在門外等了一會位置，折騰了好一會兒才終於有得食好唔好食？其實簡單一餐黎講係OK架，不過咁搞法先有得食，如果食物只係水準平平甚至以下，難免有點氣我同兩位美女總共叫左以下:香煎豬扒米粉 $34檳城喇沙湯豬扒米線 $50炸雞球米線 $34香煎豬扒米粉 $34豬扒夠大塊，不過肉質都幾鞋米粉一舊舊，似草草碌完就出爐菜的處理都比較馬虎另外兩個朋友叫的檳城喇沙湯豬扒米線及炸雞球米線，只有炸雞球米線合格，看來豬扒是此店的弱項?也不排除因天雨及客人眾多影響，廚房被催趕而表現求其左見佢服務都無乜，侍應好趕急咁但無論如何，呢餐實在難收貨，不過樣樣因素考慮下勉強比個中評啦

係灣仔返工既我，每次見到華嫂門口既人龍都會好猶豫，由其中午食飯時間，所有人企晒係門口等，一等就半個鐘或以上，目測多數係游客慕名而來。建議想黎試既話最好避開中午放飯時間，3點後容易入座。依間華嫂我食過幾次，每次都叫皮蛋芫茜湯底既米線(需加8元) 配魚肉同肉眼筋。皮蛋既份量算多，只係被海量芫茜蓋住左，喜歡芫茜既我覺得好滿足，個人認為湯底夠味，不過同行既朋友覺得偏鹹左小小。我十分推介肉眼筋，肉質比一般豬肉爽脆有咬口，值得一試。不過魚肉就普普通通，冇咩特別。總括，十分推介皮蛋芫茜湯底同埋肉眼筋，不過以茶記黎講的確偏貴左d，而且等候時間都比較耐，大家就需要衡量一下了。

今日星期二下午4點路經聞名已久的華嫂冰室，雖然門口排著人龍但都想入去一試，好彩等了十分鐘左右就有位了。見每檯都有人點「秘製雞翼米線+番茄湯底+凍奶茶 $34+$8$9=$51」下午茶來說有點貴，雞翼夠淋、番茄湯底夠濃，好食但無特別。整間冰室充滿奶茶香，但飲唔出茶香，可能樽裝奶茶會好點🤔。豬扒菠蘿包$26，菠蘿皮唔夠香，豬扒加埋醬汁尚算可口。招牌芝士醎牛肉蛋豬仔包$22: 豬仔包熱又脆口，咸牛肉加芝士好夾，是全餐最好吃的。會再來，不過試其他嘢😉

又起灣仔，灣仔係本人喜歡出沒地方之一，今次係華嫂冰室，自己一個人食個下午茶菠蘿包賣相很吸引，漲漲既包上面有一層厚厚既菠蘿蘇皮，中間夾住牛油、煎蛋同一片蕃茄，大大口咬落去，感受到麵包很鬆軟，混合埋其他材料一齊食落肚，令人感到既滿足，又邪惡豬扒雞翼蕃茄湯通粉湯底做得幾好味，蕃茄味很濃而酸味也岩岩好，豬扒同雞翼都醃得入味和煎得香口。

灣仔覓食，午餐要食平啲，又要好味，就諗到去華嫂冰室12點左右去到，唔算好多人，等位大概等咗15分鐘就到我哋喇餐廳遊客比較多，所以時常都掀起排隊熱潮。入到去餐牌選擇唔算多，主要都係食包類同埋粉麵類，我哋每人叫咗一碗粉，我就叫咗瑞士雞翼米線。雞翼出奇地入味同好味，簡單配個米線只係34蚊，超級抵。另外當然唔少得嗌個招牌菠蘿包黎到新鮮熱辣辣，菠蘿包面超級脆，入面夾住牛油、蛋同埋 蕃茄。牛油大大塊，適合鍾意食菠蘿油嘅人。呢度嘅菠蘿包味道真係好香好脆難怪咁多人慕名而來

華嫂冰室宜家開左幾間分店，確實係方便左好多🥰難得琴日收早，就同同事去左食華嫂，因為都未到食飯時間，完全唔使等位，一到就入得✌️我根本上每次去都係食同一樣野！！！菠蘿油建議食左包先食，佢外皮超脆，內裡極軟，中間夾住戈兩塊牛油，正到不得了，仲有我地將個菠蘿油一分為二嘅時候，佢個皮都唔會爛嫁😍我仲叫左呢個秘製雞翼配米線，蕃茄湯底，湯底超濃，米線彈牙！我地最後食到超飽，我連d湯都飲哂落肚，真係飽到上心口