華嫂冰室 (杜智臺)

营业中

休息中

我久唔久會食下華嫂，其實講真呢度啲嘢食唔係話好好食但同事下午茶我都會跟埋去咁囉同事叫咗個咸牛肉芝士蛋菠蘿包我今天吾想食包我就食蕃茄雞翼麵...雞翼很滋味雞肉夠嫩味道夠濃但不會咸。麵的份量不多，好正常一個公仔麵女人來吃一碗的話應該飽吧。最愛的蕃茄底，濃郁得很！好像較濃茄醬的味道。雖然我同事食咸牛肉蛋菠蘿包我都食過兩次佢係烤好的脆皮菠蘿包內裡夾上厚切牛油，七成熟煎蛋。外脆內軟口感層次豐富，尤其是不知是剛烤好的菠蘿包，很香脆溫熱。飲品點了這裡的奶茶，喝得到茶味而且挺滑身的。

當知道港島開華嫂本來滿懷期待，個平日經過10次有11次都大排長龍，真係好多大陸人拖埋個喼嚟難得見到平日放lunch時間唔算好多人，先入去試試，入到去嘈到拆天我就齋點左個秘製雞翼配烏冬，冇lunch set加個熱飲都要$8，真係貴雞翼係幾惹味，可惜咁普通到係人到識煮嘅麵都要差不多40蚊，份量又細仲要冇野飲加上店員d態度認真差唔知係咪serve大陸人serve太多變到好燥底咁？只此一次，呢啲貴價茶記都係留俾大陸人嚟食野打卡算

今日嚟到，發覺門口多咗個撳飛等位機😱。當店員安排入座，時間都係11點左右，眼見服務員明顯不足啦😓，即係服務差梗😤❗️叫咗侍應，都等咗5分鐘先攞嚟😤，點完食物就等。我都係叫個蕃茄濃湯豬朳米線，湯頭暖嘅😓，並唔係我之前飲到嘅熱湯😓。豬朳凍嘅😱，要浸番落湯先有溫度😓❗️而且豬扒都唔離骨添😓❗️到埋單，企喺櫃枱，等極都冇人埋嚟收錢😤😤😤❗️唔同時候，食唔同質素嘅食物，華嫂妳係得嘅👎👎。

我和老公第一次試，等了大約10min 有檯，眼看門口叫位加收銀姐姐的咀臉一開始已有不安。被安排坐在路口位置，其實已盡量坐入一D，希望沒有擋住通道，但那位男中年侍應還是不滿意，用不禮貌的語氣說要我再坐入一D。不安加不滿又再增加。還有落完單嗰個男侍應仲要”警告”我地 “不可以加單”. 咩事呀，唔加咪唔加囉，我地有俾錢㗎，你仲記得我地係消費者？唔該你俾D禮貌！我們點了蕃茄豬扒出前一丁和招牌芝士咸牛蛋豬仔包，熱奶茶！先講番茄湯底，不是太喜歡，有色但無茄味，芡汁太多。加了$3要出錢一丁，面過軟（應該煮定太耐）, 沒有另俾麻油自己落！完全不值！！豬扒大塊，但醃得不夠時間！都軟身！唯一較好就係個咸牛芝蛋包。包烘脆，但略覺得咸牛太多，有D咸。三款料配搭很好，一讚！本人對奶茶是有要求，茶太濃，奶不夠，不滑！比例不對！不用試！九成客人都是自由行旅客，身為港人的我們以這個價錢，希望weekend 食好D，慢慢享受，請三思！

On this rainy Thursday afternoon, I have visited 華嫂冰室.   It is a bit earlier than lunch hours, so the line up is basically zero.It is not my first time trying out the restaurant.  So far I have never tried any other food from the menu than their 米線 with their 蕃茄 soup base because their tomato soup base has always been so tasty and fresh.    The soup base is so rich with the taste of tomato but not to the point where the soup is thick and gluey.  Although the tomato soup costs eight dollars more

雖然家住天水圍，行都行到去屏山分店，但一直少去，因為食得華嫂就預得要等位，但屏山分店外環境實在太好，夏天曬冬天凍。。。喺果度等位好辛苦嘅一回事。。幸好喺灣仔番工。。可以外賣拎番公司食而且仲有灣仔限定美食每次必叫嘅黑松露蘑菇芝士湯通粉再加煎蛋餐肉。。。簡直係人世間最邪惡嘅食物平時唔會食餐肉。。但華嫂嘅餐肉真係抗拒唔到。。一大堆嘅黑松露配埋蛋同餐肉都煎得好靚再加多個招牌菠蘿包同奶茶先完滿每一次食水準都仲保持到真係好難得ga美食一百分。。但服務就唔好有任何期望呀。。對服務有期望一定會失望。。仲會失望好徹底ga

記得第一次食華嫂喺係元朗，今次終於係市區食到啦！(好激動)排隊嘅嘢係基本，不過等左大約15分鐘都可以接受。 今次就叫咗豬扒雞翼番茄湯米線，兩塊豬扒兩隻雞翼加飲埋個湯，都夠飽啦。對於鍾情係番茄湯嘅我，麵要蕃茄湯底係必須的。另外，我哋仲叫咗個所向無敵餐蛋丁。有幾無敵？erm...咪係餐肉加蛋嘅出前一丁。放心，我會好快再尼食嫁啦～

尋晚在灣仔，班朋友問今晚食咩好，我想了一想華嫂在灣仔開了分店，不如就去華嫂啦。之前在觀塘吃過幾次，最掛念它的菠蘿包及熱奶茶。天呀～現在8點05分了，華嫂收9點，要快D去華嫂怕咩都食唔到。幸好由會展行去華嫂只需8分鐘左右，但是菠蘿包，方包同蕃茄湯底已sold out。 今次要試吓新意思，咸牛肉煎蛋豬仔包，果然塞翁失馬，焉知非福，very juicy，豬仔包很軟綿綿，下次我又多一個選擇了。這晚我哋order兩個豬仔包一碗豬扒喇沙同鹵水雞翼芫茜皮蛋湯底 ，又點少得飲奶茶呢。究竟點做到華嫂間間分店的食物水準可以keep得咁好架，今餐新意思非常美味，我們感到好幸福啊～

朋友約去灣仔食，脆脆就提議去冰室揾食。我最愛食常餐當早午餐。一直想去食華嫂冰室，真係門口永遠都咁多人，脆脆等了30-40分才入到餐廳。有心食的朋友，可能要有耐性等了。餐廳冷氣足夠，什有香港冰室风格，人人每台都有碟菠蘿包，我見到都要食番個招牌菠蘿包勁大個，表面的菠蘿表好香脆，又有鮮牛油，蕃茄片，煎旦，份量十足，配搭完美。好想打包多件走。不過真係要快手食，要小心小心地食，因菠蘿包好容因為牛油溶了，蛋汁爆開，女仔食就會好狼狽啦。蕃茄豬扒通+雞翼豬扒大大件，又好食又軟，雞翼又大隻。落足料，食到您飽沒投訴。蕃茄湯食得出係新鮮蕃茄造成，晤係一片死咸的蕃茄味罐頭湯。除了通粉，可選擇米線或公仔面，湯底還有皮蛋芫茜湯，冬蔭功，多種特別選擇，總有一種啱您。要等了值得，食得飽飽的，下次還想再嚟食

同事話肚餓，咁就陪佢去食下華嫂，佢就叫左成個面食，而我去親華嫂都一定會食佢既包，因為佢個邊既包真係幾好食之前未開分店我都要突登入到朗屏食，而家就好方便啦招牌芝士鹹牛肉蛋朱仔包（新鮮熱辣辣岩岩整出黎個包皮係超脆鹹牛肉同芝士加蛋都好夾超好食👍🏻）

華嫂冰室聽得多，今次同一大班同事終於可以試試，好彩我地去呢度早點過去排隊，否則又冇得食到。佢個波羅包真係要值得一食，d料好多勁脆，仲有個咸牛肉豬仔包，食完個包都己好飽，我聽個同事講個麵都好正.可以下次再去食

午飯時份，華嫂冰室門外總是長長的人群，抱著人排我也排的心態去等，食物比我相像的要好，味道也很好，會再次加入入龍之中。雞翼煎蛋公仔麵：2隻瑞士雞翼十分入味，瑞士汁已充份滲入雞翼之中但肉質依然嫩滑，煎蛋是半生熟，蛋黃還是流心的，已經份量十足。芫荽豬潤米線：芫荽用多多多來形容絕不誇張，多得可以當菜來吃，豬潤嫩滑味濃，口感一流，湯底味道很好，吃完麵連湯都要喝完，哈哈。

今日 一家4口 即興去食華嫂，灣仔店 個冷氣 好大呀，可能今日落雨人唔多啦 ,所以 食物都好快凍晒。招牌菠蘿包 真係好好食 流心旦😍😍😍牛肉豬仔包 我就覺得 普通d 都要試下架,我自己好鐘意個豬扒喇沙湯底公仔面（公仔面加3蚊）好有椰香味 一啖面一啖湯咁食😌😌😌豬扒又大又厚... 個豬潤牛肉芫茜米線 勁大碗 老公話好香 好好食 好足料 皮旦有成個咁多呀 佢秒食呀 哈哈哈... 奶茶係一定要飲 好有茶味 仲有個炸雞球 炸醬好薄 又脆 點沙律醬都好好食丫

一直都覺得觀塘既華嫂好出色，知道灣仔開就就唸住試下，點知D服務態度奇差！！話說今晚8點幾係呢間灣仔華嫂到攞飛等位，等咗一陣之後就入咗去坐。之後就唸住叫人落單，點知叫咗幾十次，但都冇人肯過嚟落單，唸住佢哋好忙，都見慣不怪。最後終於有人係理我哋，咁我哋兩個人就叫咗一碗雞翼冬陰公米線，一碗喇沙豬扒米粉，之後再叫一杯咖啡，同兩杯水。點知後尾佢嚟咗兩杯咖啡，我就同佢講我哋淨係叫咗一杯咖啡咋，點知個侍應黑住面咁同我哋講：「我明明係聽到兩杯咖啡兩杯水喎，我落咗單啦喎，冇得取消架喎。」之後就走咗去。我哋當堂呆咗，咁即係局我哋比錢買一D我哋冇叫過嘅野？咁都得嘅？😡後尾佢再返嚟同我哋講雞翼冬陰公冇哂雞翼，我話咁要豬扒啦，之後佢又話唔得，咁我話兩碗都係豬扒喇沙啦，同埋多咗個杯咖啡哋唔會飲㗎，之後佢先又黑面地攞走杯咖啡。」到另一個侍應攞D野食嚟個陣，(呢個侍應態度比較好)，但就一次嚟咗3碗麵，一碗係雞翼冬陰公，兩碗係喇沙米粉，我哋當然澄清係只叫咗兩碗啦，最後我哋要咗兩碗喇沙，因為呢個係最後確認既落單。（但就心唸咁即係仲有雞翼冬陰公？咁點解頭先又同我哋講話冇哂？😡)心情已經被呢度嘅服務態度影響咗，已經冇乜心機，

在灣仔附近吃午飯常忘記要去華嫂冰室朝聖，自從周杰倫蒞臨後這家茶記就更火了起來。中午午膳時間去排隊等候時間不會太久，要搭臺。點了大家推薦的喇沙豬扒米線、鮮牛肉米粉、樽裝凍奶茶、菠蘿油、熱奶茶。雖然吃完滿滿都是罪惡感，但是值得嘗試。很多食客都是一人一杯奶茶和一手拿著馳名菠蘿油吃得津津有味的樣子，哈哈。氣氛很好^ ^餐廳位置算寬敞，坐的位置不會太擠，上菜速度很快。熱奶茶不加糖非常濃厚，比較澀。樽裝凍奶茶相比起來會稍微甜一點，適合大夏天。下次會考慮點鴛鴦或咖啡嚐嚐味道。