影片
营业时间
今日营业
08:00 - 21:00
星期一至日
08:00 - 21:00
以上资料只供参考，请与餐厅确认详情
相关文章
排队𠮶阵见到好多内地人食华嫂冰室，但我反而系第一次食😂 等咗差唔多20分钟，终于有位！我见Openrice推介猪扒槟城喇沙汤米线，就一于试吓！🍜 猪扒槟城喇沙汤通粉（$65）一上枱就见到大大碗，份量十足，鲜橙色嘅喇沙汤底感觉好似好浓！不过饮落就唔系太重喇沙味，亦都唔系好浓厚嘅感觉，无乜辣味，似返一般港式茶餐厅嘅水准😂猪扒煎得好香，肉质相当唔错，食落亦唔会好油！虽然有得拣鸡翼等其他𩠌，但我觉得无拣错👍🏻至于面底，我见有得转通粉咁特别，就即刻拣咗！唔知系咪因为用羹食，饮咗好多汤，反而个人食完觉得有啲太咸🫣😛价钱方面，以茶餐厅定位嚟讲算唔错，大大碗仲有半只蛋同5、6嚿豆卜。不过繁忙时间就真系等得有啲耐，多人嘅话可能会拣附近其他选择😌
继续阅读
「你竟然无食过华嫂冰室？！」今日谂紧去边度食饭，先发现原来朋友从来都无食过华嫂冰室。华嫂冰室之所以一直人气高企，系因为得到周润发、余文乐等香港明星嘅加持，加上食物口碑极佳，所以除咗本地人，亦有好多游客会专登排队，一睹风采。最后，我哋嚟到湾仔分店，等大乡里嘅朋友初尝华嫂冰室。菠萝包依旧系无菠萝嘅，但就加上咗牛油、太阳蛋同蕃茄。一啖饱落去嘅时候，菠萝包除咗够松脆，因为蕃茄同太阳蛋，令到佢超级Juicy，爆晒汁。由软熟嘅菠萝包、细滑嘅牛油、嫩滑嘅鸡蛋同清爽嘅蕃茄，口感非常丰富！呢到嘅汤底有五款：清汤、蕃茄汤、冬阴功、喇沙同芫荽皮蛋汤；至于面食就米线、米粉、通粉同出前一丁，再加上配料：牛肉、猪扒、鸡翼、午餐肉、芝士肠等等。我就拣咗我最爱嘅：煎蛋咸牛肉鸡翼芫荽皮蛋米线，其实我明明系叫咸牛肉炒蛋㗎！Anyway，佢最大嘅重点都系佢个芫荽皮蛋汤，钟意食芫荽嘅你绝对唔可以错过！芫荽分量超多，成个汤底都系丰富嘅芫荽味，而且皮蛋大大粒，仲好香添！咸牛肉同煎蛋就唔会有啲咩惊喜喇，但鸡翼就好入味。浓郁嘅蕃茄汤底，酸酸甜甜，好开胃呀！同蕃茄汤底最夹嘅，一定系通粉，通粉完全索晒蕃茄汤，朋友话好满足！至于香煎猪扒煎到微焦香，唔会太淋又唔会太硬，肉质嫩滑，必试推介！
继续阅读
长期都见到华嫂门口大排长龙，呢一日同朋友决定要试一试。其实我哋以前有食过外卖嘅，不过堂食真系未试过🤣我哋12:15左右去到，又唔算等咗好耐，12:30入座。lunch time系要搭枱嘅。我拣咗香煎猪扒、生菜，冬阴功汤底，再叫多咗个招牌菠萝包share 。食物方面，真系好有惊喜！猪扒小juicy，厚薄适中，又唔会太硬，仲有成两块真系啖啖肉🤩 菠萝包更加惊喜🥰 佢个菠萝系我从来都未食过咁松脆，简直有少少好似食𠮶啲合桃酥咁🤣 我哋用刀切开一人一半，佢又居然可以保持个Shape ，无烂到！好推荐大家试吓☺️饮品拣咗冻柠茶，冇咩茶味🤔 好多人叫奶茶，下次要试吓😆
继续阅读
华嫂冰室系我心目中一向出品稳定有质素，午市嗌依个槟城喇沙米线，闻到浓郁椰奶香气，味道好正宗，配有炸豆卜吸哂啲汤汁，好鬼好食！仲配搭烚蛋、同炸鸡球，份量十足！鸡球酥脆香口，鸡肉嫩滑多汁，整体表现水准之上！同事嗌左个芫茜皮蛋汤米线🍜！痴鬼线！芫茜份量好足，无欺场！米线吸收哂汤嘅精华，入哂味，个汤底真系好好饮！唔怪之得日日爆场！冻柠檬益力多好似几得意，其他餐厅无！同事就嗌左试一试！益力多同柠檬🍋非常夹！
继续阅读
因为明星效应，吸引咗好多游客慕名而嚟食～呢间系公司附近好方便，Lunch间唔中都会食吓（唔洗排队的话）呢日过咗食饭时间去，唔洗等直入🙌🏻店内目测好多内地游客‼️今次照旧叫咗「猪扒槟城喇沙汤米粉」🍜汤底浓郁带椰香，拣咗米粉都好挂汤✨猪扒好大块肉质松软好淋！豆卜吸满咗喇沙汤，好入味🤤食完好满足～厚切叉烧煎蛋饭🍳🍚太阳蛋卖相好疗愈🤩痴咗同事一旧叉烧食，叉烧厚切的，望落去好瘦咁，食落意外地唔干～份量都几足✨
继续阅读