華姐清湯腩

营业中

休息中

今日放假, 諗住去天后搵食, 已經想去呢間試好耐, 今日終於有機會.一坐低, 佢間野個setting 無九記咁好, 坐得好辛苦, 路口位俾人係咁踢凳腳. 叫左腩米, 腩河, 油菜同菜肉雲吞.D 腩好碎好少囉, 好似肉絲炒麵 D 肉絲咁, 仲要痴住好多D 邊位垃圾肉. 第一啖食落去, 都已經相當味精. D 腩無牛味, 完全唔覺碗野好食. 菜肉雲吞絕對可以不試.食完成碗之後, 要買一支綠茶飲埋都仲口渴.我同友人都話一定無下次, 九記雖然油D, 但係真係靚D.

放左 exam 要去中央圖書館溫書但係未食 lunch~ 所以同朋友仔去左食華姐清湯腩 ....等左一陣先有人應我地~~ 幫我地落單叫左 2 碗清湯腩 ...好快就有得食~~飲一啖湯~~ 真係好好味而且一 d 都唔油 .....d 牛腩又"淋"又香 ..24 蚊係物有所值 !!!

Lunch時間同同事去食 (差不多兩點)人都幾多 個鋪唔大 不過幾乾淨下 伙計又幾nice仲見到「華姐」行黎行去我叫左魚蛋米(我唔好牛) 同事都食清湯牛腩份量唔多 魚蛋魚片都夠 牛腩就少左d不過個湯好好味 魚蛋彈牙 個牛腩好夠入味 連我lee d唔鍾意食牛既人都鍾意若果有下次 我一定叫清湯腩

唔知係咪因為我太夜去, 大約十點幾, 佢d野賣得七七八八, 淨番d野唔太好叫左個牛腩河d牛腩好實, 痴住d牙, 同埋個湯都幾油, 食完個嘴好shiny但整體個味道係唔錯o既, 希望下次早d去會食到大家都讚好o既牛腩河

我今日和某君终於來到天后試華姐清湯腩, 在Open Rice的食評看到好多人說牛腩如何好味, 湯如何可口.......... 叫了坑腩粗麵和坑腩河各一碗。 跟住再馬上去九記食了一碗牛腩河來比併一下。 至於群記不用馬上去了試味, 因為是常客。 論湯底和牛腩, 華姐的是較其他兩間遜色, 唯河粉夠滑, 可以作一個優勝的地方。 至於九記的牛腩確實牛味濃, 但湯很油膩, 食到一半已覺飽, 不想食下去。 群記的湯底真的夠味, 牛腩有爽腩, 有普通牛腩之分, 真的較美味而且較少油。某君常食完一碗又一碗都無問題 , 但是河粉是3間中最差, 所以去食時都是叫粗麵比為穩陣。其實華姐清湯腩那麼多人讚原因都是位置旺和容易找, 所以多人去點。 試想想怎會有那麼多人專誠走到大埔吃碗清湯腩呀?! 不過, 群記你都是換下個河粉商會好點!!

「牛腩」是我至愛的食物之一，無論是用那類烹調方法，我也有興趣一試。數星期前品嚐過「九記牛腩」後，今天再到「華姐清湯腩」比較一下。「華姐清湯腩」的開店時間是11:00am，我們大約在11:05am左右到達，但店內已經坐滿客人，只有「大檯」仍有空位。坐下來後，雖然心中早已有了心水食物，但仍然閱讀一下餐牌，發現除了牛腩外，還有其他食物供應。服務員正忙著，所以「華姐」走過來幫我們落單，我們點了「淨爽腩」($40.00)、「淨坑腩」($40.00」及「齋河」($12.00)。先來「齋河」，當然又是先呷一口湯，味道簡簡單單，沒有「九記」的複雜感覺，但濃淡適中，合格！！跟著便是兩位主角「爽腩」及「坑腩」。上次到「九記」沒有吃過「爽腩」，因為知道要下午四至五時才供應，還得要加上幸運元素才有機品嚐。今次來到「爽腩」全日供應的「華姐」，終於可一償心願。「爽腩」確實是爽口無比，每件基本上都有一層薄薄的脂肪，入口後感覺香味十足，好味！！「坑腩」方面，可能因為偏瘦，所以香味不及前者，但仍然十分嫩滑，算是合格。「華姐之腩」雖未算驚喜，但仍然是水準之作，與「九記」的不相伯仲。如以湯底比拼，仍是「九記」的「複雜感」略

成日聽到華姐清湯腩好出名，特登嚟試下!叫了碗牛腩河，牛腩都幾腍；個湯同平時粉麵舖不同，沒有色的，是清清的，但都幾有味；河粉就好一般，唔滑!!!整體都ok，但冇想像中咁好。

放工唔知食乜好，行咗嚟天后呀～　食咗碗酸辣菜肉雲吞面＄35元 ( 個師傅仲話係上海面,唔係就唔好食喎~)結果: 係一"pat pat" 係擔擔面, 個湯 "潔逹逹"超難食呀 菜肉雲吞好味,多菜阿b就叫咗清湯腩河 : 味道都ok既~ 但不是真的很好味~豆槳: 一般 者我另願去南記或江仔記呀...

係男朋友發現呢間店嫁 .. 6點到就去到 , 入到去都唔算多人 .. 叫左一個牛筋牛腩河 .. 油菜同蘿蔔黎左啦 .. 個牛筋牛腩河好好味呀 .. 牛腩好淋 .. 個湯好濃好好味 .. 不過我覺得d蘿蔔好一般 .. 唔算好味 d伙計都幾好 ..

琴晚去左天后搵男友食飯，之前上左openrice睇左，見呢間好多好評！食左：1. 坑腩麵：湯底清和好飲，坑腩爽，男友食完話太細碗，唔飽。2. 牛肚麵：湯底清和好飲，牛肚比出面既爽。3. 腩汁蘿蔔：腍和入味。不過好油，我地懷疑麵既湯底那麼清，是將湯底既油和脂肪都放去炆蘿蔔。4. 腩汁菜心：6棵菜心，普通，純粹想食d菜。5. 豆漿：甜，無豆味。2個人食左$70。有2個外國人來幫襯，有中英對照既menu，仲有個40-50歲既侍應識講英文！

朋友v係附近讀左2年書，雖然早就想黎呢度朝拜，可惜一直苦無機會。剛好我又心血來潮想黎食，於是搵埋朋友c，3個人黎開餐。由於食晏時間，人太多，即使我地只係3個人，都要分開2張檯坐。不過阿叔好好人，講到明坐住先，有人走就會俾我地一齊返。最後，有2檯人走，本來阿叔想俾個靚位我地，但剛好又有3個大男人黎到，阿叔就叫我地坐去另一個比較逼既角落。雖然位置唔太好，但佢猛咁講唔好意思。服務咁周到，我地都無所謂。橫掂都係食一陣，有好野食就得啦。既然一心係想黎食好野，最後我地叫左淨坑腩、淨爽腩、腩汁蘿蔔，同埋淨麵/粉/河各一。淨坑腩d肥膏真係無得敵，好濃郁既咸香味。即使on diet既我都忍唔住一啖一啖咁將白茫茫既肥膏放入口。淨爽腩相對於坑腩，個人覺得呢個較失色。若以口感黎講，當然是爽腩嬴。但就無左濃濃既牛腩味。腩汁蘿蔔雖然仲未當造，但食落無渣，相信冬天既時候會好味得多。河粉索曬d味，而且煮既時間剛剛好，最怕食煮得太淋既河粉。上次就咁叫一碗其實都覺得幾好味，但如果真係想食好野既，最好都係叫淨腩+淨麵。呢一餐，真係回味無窮。

入到門口,已經聞到一股蘇香味,我同朋友各人一碗腩河+一碗淨蘿白。其實論味道同d牛腩都不錯的,但唯一係一d都唔清湯,都幾油下...有d似食雲南米線。

不想安在家中, 便冒著雨, 出去走走, 指定了食一食華姐的牛腩.下車, 未肚餓, 自然會在電器道, 渣華道走走, 看看有沒有新發現, 適逢午飯時段, 人多多, 始終都係慢慢再尋, 反正已有目標, miss左好野都可以記錄為下次之選.行完北角街市, 都係時候返去天后. 行...不.....$2電車, 為何不跳上. 看看另一間鎖定Target, 都係人多, 那個環境最好都是Tea time 黎. 再起步, 回頭食清湯腩.上星期試了大利, 今次來馳名的華姐, 有了比較所以食感會不同. 湯比較多牛肉味, 牛腩爽口, 而且比較大塊. 好正統的一碗清湯腩麵. 是有了比較, 所以不好意思地, 只覺得是OK, 其他賣清湯腩的小店都做得出呢個味道. 或, 大利既湯底實在太靚了.

清湯腩麵. 牛腩軟腍且非常入味, 不必特意提醒已是半肥瘦坑位. 湯稍清和口味輕, 麵不彈但軟身無鹼水味. 另點了淨蘿白一份, 蘿白無渣腍身微甜小甘入味, 無可挑揚, 湯頭比清湯腩還要清一點, 不過滲了蘿白汁更甜, 值得一試. 加上華姐親切的笑容和服務, 吃一碗平靚正清湯腩, 人生一樂也.

去完太古, 祖安就提議去食<華姐清湯腩>, 加上佢又未食過, 好啦, 我地出發啦!!! 去到都幾多人0架, 不過都有位的!!! 當我等緊0野食0黎0既時候, 聽到隔離有人落完單就講：「唔該你呀, 華姐」!!! 原來那位婆婆就是我第一次食, 而且一入去就不斷講歡迎光臨 -- 她就係華姐呀!!! 當時0既感覺好似見到自己0既偶像一樣, 哈哈!!! 1. 爽腩河 ($22) ~ 爽腩繼續爽落去, 而且都好"淋", 正!!! 清甜0既湯配上唔易散的河粉, 真的食完想再食, 呵呵!!! 2. 牛肚河 ($22) ~ 雖然牛肚冇牛腩咁正, 不過都可以的. 牛肚都幾"淋"0架, 可能有時食下牛肚都幾好. 因為我同祖安都會交換0黎食的!!!P.s. 下次想試下坑腩!!!整體評價：服務+質素都好, 下次再去!!!