華姐清湯腩

营业中

休息中

十月二十五日因要在附近辦點事情,時間尚早得知此店的名氣,不如吃一碗牛腩麵如何.很簡單叫了一碗清湯牛腩麵,索價二十五元,是可以接受的價錢,看到她努力地招呼客人.雖然出了名,但沒有該有的架子.一碗麵的分量不多,數件牛腩配上幼麵.對於自己來說,不足夠.食落牛腩煮得軟身,肉質來得鬆化,雖然湯底腩味來得較弱,但論牛腩來說這處得出色.不稍數分鐘,一口氣把整碗清光,再叫一客蘿白,結帳三十五元,不算貴,從這處可以看到人情味.....http://cky20080.blogspot.com/2009/10/blog-post_3015.html

很多人盛讚華姐清湯腩是清湯腩中之表表者，更有不少人將華姐與中環九記的牛腩來作比較，活像武俠小說中作家繪形繪聲地描寫少林與武當高手誓要一決雌雄，拼過你死我活，定必要分出高下，方才罷休...兩家店鋪我皆是常客，二者各有所長亦有其短，大家均非真正的 "清湯掛麵" 派式的清湯腩，何必硬要只二擇其一。其實來過「左右逢源」，豈不更為快哉...清代才子袁枚在 《隨園食單》內有提及 : "味要濃厚，不可油膩 ; 味要清鮮，不可淡薄....濃厚者，取精多而糟粕去之謂也。清鮮者，真味出而俗塵無之謂也"。當然，袁才子之言論非金科玉律，閣下亦大可一笑置之，但看無論是華姐也好，九記也好，甚至大埔的群記亦好，其高湯乃店主每天花上數十斤牛腩、牛骨及其它配料長時間燉製，取精髓棄糟粕而成。雖不屬過份油膩，但皆是濃厚味重之物，與「清」一字卻相距甚遠....華姐牛腩之美一言以蔽之曰：「真味」。牛骨、牛肉濃郁精華味道全滲進了牛腩內。正如某廣告說 : "無添加，無污染" 之作。九記的優點卻是 : 「鮮」。這「鮮」大慨是從燉時所放之中藥和香料引起的化學作用，用膻香甘腴四字形容，絕不為過。一個有如清純少女，不加修飾，另一個則略帶脂

淨牛腩--湯底好重牛味,不過太鹹呢!想飲多淡都頂唔順,牛腩我無特別要求食邊個部位,碗牛腩大部份都係鞋口野,得果幾嚿係好野牛肚河--湯底牛味淡好多,但係都一樣太鹹,牛肚入口算淋,味道就好普通腩汁蘿蔔--蘿蔔未夠火路,未入到味

其實華姐清湯腩已食過很多次了, 只是真係有每況愈下的感覺, 記得多年前首次去天后食的時侯, 其時華姐仲未同大利清湯腩分家, 當時覺得直情好食過九記, 此後每想起要食清湯腩總會去天后食, 其後大利同華姐分家, 當時我兩家都試過, 認為華姐比較好食, 就每次都選呢間食, 但可惜, 隔左一段時間後, 可能已没有了分家的壓力吧, 水準下降, 已不復當年滋味, 變成一碗平凡的清湯腩了, 早前朋友話想食清湯腩, 問我除了九記外, 可有其 他介紹, 想來想去, 就帶朋友去天后,朋友叫了牛腩伊, 我就叫了碟牛腩撈面食, 味道尚可, 但牛腩粗鞋多渣, 肉都痴哂係啲牙度, 口感不好, 再加上碟撈面的梘水味太重, 十分難食, 我食剩大半碟都食唔落就埋單了, 至於會唔會再有返轉頭的機會呢? 我自己都覺得好難講, 因為今時的華姐清湯腩已成為一碗平平無奇的牛腩了, 經過或者會是旦食下, 但就不會專程過去食了。後記: 因為係華姐度都食唔飽, 於是走左過對面馬路一間似係士多改裝成的串燒小店, 無位坐, 要立食的, 當時買左串燒牛脷, 一串燒腎, 一邊行, 一邊食, 竟然十分好味, 但我連佢地的舖名都無留意, 下次去

兩個人經過天后見噤多人就去左睇一睇，原來係華姐清湯腩。呢間野睇過好多人都讚佢好好食，不過自己又未試過，所以就跟住排隊試下喇下午2點幾，入面都仲係坐滿人，係出面排隊都仲有成4-5人等緊，不過都唔係等左好耐，5-6分鐘左右就有位喇。坐低兩個人叫左清湯牛肚河，牛展擔擔麵同埋紅油抄手。先黎牛肚河個湯好清，冇咩肥油係面，呢個真係好重要，唔會食到成口都係油~~牛肚好淋同好入味，個河粉就冇咩特別喇.再黎就牛展擔擔麵用既金錢展，非常好食同埋係整得好入味加埋擔擔麵既少辣同埋花生既香味，同埋麵身既煙韌有嚼頭，成個麵都配搭得好好最後就係紅油抄手雲吞大大隻，味道不俗，但係比較傳統既紅油抄手略為唔夠辣如果可以再辣一o的既應該會更加好食

本來想去清真惠記吃羊腩, 苦於不就路, 卒之決定去華姐吃牛腩, 因為試了幾處的牛腩也不滿意, 十分不快, 要找些好東西來慰勞自己.下午一點, 十分爆棚, 好在剛有一位近門口的女士埋單, 於是二話不說便坐下.叫了最喜愛的爽腩撈麵, 十分鐘有得吃.麵上鋪滿了帶著筋膜的牛腩, 碎碎的, 老實說並不好看, 是以前未吃過的部位.挾起一試, 筋的部位爽脆可喜, 肉部位有肉味, 不痴牙, 落了辣椒油吃簡直一流.麵和湯的部份也不用多談, 是一向的水準, 不過有少少要投訴的是湯不夠熱, 可能要應付客人太多的關係, 湯是用一個小桶盛起, 只隨便"畢"給客人, 只有半碗, 可能是怕太多容易倒瀉吧.不過吃到了滿意的爽腩, 也不和他計較.

今日同老公豬出去由4點左右開始一路食 , 食到9點幾 , 華姐係我地出發第一間試的 , 因為睇左阿蘇嘅關係 , 原本想試佢講個間, 之後上黎OPENRICE 睇一睇 , 大家都話呢間好好食 , 結果 , 我地就轉左黎食華姐一坐低就叫左牛腩麵同腩汁蘿蔔 , 但係唔知點解2樣野都唔係好入味咁囉 , 蘿蔔直頭係冇味道 食完都係決定下次試返阿蘇介紹個間好LA~

中午時段下課後便到天后會合朋友去沒想過會打颱風 我更是連雨傘也沒帶 (笑)來天后的主要目標是mimosa不過心知電氣道也有很多出名的食肆反正午飯也要先吃 前一天便預先跟朋友說想到華姐一試人氣高當然人流多吃碗牛腩麵也不敢奢求會坐得舒適服務倒是令人亮眼笑面盈盈不趕客自己點了一碗咖哩牛腩麵朋友們則各叫了墨魚丸河和酸辣湯雲吞我的牛腩麵最先上桌驟眼看跟普通牛腩麵分別不大先吃麵 麵身爽 沒有梘水的味道 有水準的咖哩牛腩的牛腩偏肥 肉質軟腍伴著不辣反甜的咖哩是不錯的不過薯仔只有一塊..嚐了一口朋友的酸辣湯雲吞味道是微辣偏酸的碗仔翅 不太合我的口味另一位朋友說河粉湯底太淡看她加了好幾次醋又好幾次醬油..點腩汁湯底應該比較保險吧總觀食物味道算討好不過沒有驚喜還是陪我長大的通記牛筋河最能打動我價錢也比華姐更為實惠有機會再來會試試腩汁蘿蔔的

這是每次去食都可以有一樣水準的咖喱牛腩, 咖喱味道不是呢種很 重味的而且也不辣~ 只能說很港式吧。

中學時期經常向午飯時向附近搵野食, 印象最深刻之一都係華姐。華姐同個伙記嗰種親切既服務態度，真係我食過咁多間食肆最好最舒服既。大酒店西餐d 侍應係十分謙卑，但總感覺得冷冷冰冰的，交流不多。見著華姐由細鋪變大鋪，不變的不單是食物，還有是個親切善談的伙記。即使一個人到來，也不會令你感到孤寂。這便是華姐呢間鋪的魅力所在說回食物，每次都會叫: 爽腩菜飯($35) : 雖然比麵類貴$10，但物有所值，因為佢d腩係分開用個碗上，份量特多，牛腩既份量足足比得上3碗腩麵既牛腩。爽腩爽得黎有少少煙un, 食爽腩就係食呢種口感! 而且我鐘意佢有d 肥，d 牛油香加上d 清湯，飲落去又清又香。我次次都會清底。不過普通坑腩有d un，所以我次次都係爽腩，真係一流。

住在天后,華姐清湯腩都肯定算係我開餐熱點。今次又是叫咗一向食開嘅牛腩麵,不過就多加了一個紅油抄手。牛腩麵就如一貫嘅水準,非常軟滑嘅清湯牛腩,湯底亦令我一嘀不留,百吃不厭。今次就多試了一個紅油抄手,也是第一次試,紅油抄手裏嘅雲吞都算幾好食,唯一我覺得就係唔夠辡,再辡多一點會比較好。暫時嚟講,都仲未找到另外一間嘅清湯牛腩做得比華姐好。

Went there several times for my family LOVE to go there every now and then! But I still not yet found the "excellent" beef noodles taste that I had from long time ago, still searching for the long lost beef noodles. I like 華姐 for she's really friendly!

又來到華姐清湯腩吃牛腩了，是次是和2個朋友一起來的，我們叫了一碗咖哩牛腩米，一碗清湯牛腩河，一碗牛腩擔擔面和腩汁蘿蔔。牛腩還是保持水準，值得一贊的是擔擔面的面，好煙韌有嚼頭，不過擔擔面的味道不夠正。服務也不錯，侍應哥哥夠風趣﹗

第一次和他去食清湯腩我叫了清湯腩河他叫了牛肚面另加了可樂一罐同蘿蔔~蘿蔔有根,味很淡等位既時候見到廚房哥仔係清湯加左水同加左疑似味精既野呆左比較起,好似大埔既群記好食d不過,最重要係和他食~!!

8月2日（星期日）中午，女友學完琴來找我，我便約她在天后，順道帶她去吃想試已久的「華姐」。這個時候來吃，人客固然多，但幸好不用等位，而且來這裡吃，不要在意環境如何，祇轉注在食物上就可以了！看過餐牌後，我要腩肚伊，女友就要咖哩牛腩河，再要一碗腩汁蘿蔔。腩汁蘿蔔：份量頗多，而且每件蘿蔔都很大件，蘿蔔爽滑無渣，味道清甜，可惜我卻吃不到有腩汁的存在；腩肚伊：坑腩依舊嫩滑不韌，肉味濃郁，金錢肚亦軟腍爽口，且很入味；湯底很清淡，但嚐不到牛味和甜味，伊麵煮得軟硬度適中，有嚼勁；咖哩牛腩河：咖哩汁祇得“香辣”，味道卻一點也不辣，牛腩同樣嫩滑軟腍，河粉入口爽滑，不錯。我倆同樣叫了杯凍豆漿，夠凍且帶淡淡的豆香，消暑解渴。吃過「華姐」很多次，水準依然穩定，在我心目中其位置早已取代了「九記」！