華姐清湯腩

营业中

休息中

第二次去食啦,因為想試埋個擔擔麵先出食評-清湯牛腩米($25)平時唔太鐘意食牛腩 因為覺得煙韌又痴牙不過呢度既牛腩真係唔錯牛腩好軟身,唔痴牙 正!-牛腩擔擔麵($30)牛腩同以上所講既都係一樣啦.針對擔擔麵 湯底唔太濃 但好香花生味微辣 但對唔太食辣既我都可以接受不過都係鐘意詠藜園既擔擔麵多d.但呢度都不過唔失雖然逼左d 但服務好親切次次食完都無口渴唔錯,一定有下次!

公展會到最後一日,仲有幾張飛無人去,反正有時間,就去睇睇.不過中午飯都未食,華姐都有好幾年無食,見門口都係得三個人等位,算少啦,自己又想食,等都係十五分鐘左右的事,無所謂啦.爽腩粗($25) : 都唔明,次次食完上環九記都好口乾,服務又衰,華姐好好多,笑容可掬,店舖細細,都有差不多十個人幫手.爽腩炆得夠淋,筋膜位柔韌有彈性,牛骨湯清甜冶味,粗麵食咁多年,都未試過重鹼水味,keep得好好.腩汁蘿蔔($10) : 除左面幾舊吸收得腩汁唔夠多,味道無乜之外,沉底幾舊吸取了腩汁精華,加上本身清甜,收十蚊,比不少車仔麵檔更平.雖然好逼,大家都唔介意,充好電,入公展,有排行............

某日坐錯車,行行下見到呢度...雖然地方好窄,我行左個圈返黎先有位叫左個清湯腩河同油菜做中午,希望有砂腩,哥仔話有就盡俾您~大埔有2間d清湯腩都算唔錯,呢間抱住一試既感覺去食個河拎到埋黎,哥仔話"盡左力2舊,下次早d黎俾多d你"雖然我係稀客,都唔會黎得多,但係佢咁講,就有種親和力6件腩4件係坑腩,2件砂邊腩坑腩...我寧願食肥都唔食瘦腩.....好怕痴牙....砂腩真係唔錯bor~~雖然係邊,但係都食到係好野~河就無大埔個間滑雖然4個坑腩un, 清湯都感覺重味精...但係勝在店雖少,但員工間有種團結感,同對客人既親和力員工對熟客,係好似舊式茶餐廳員工對老顧客咁"陳生,今日又例牌xxxxxxxx走蔥要花生,油菜要豉油唔要黑油""今日食羅白唔食菜,其他照舊"

打算去工展會前醫肚,就搵左呢間有人排隊的麵檔平時食柱侯牛腩就食得多,因為我對它係情有獨鐘。清湯腩真係冇乜興趣,就即管一試放入口中,唔痴牙,冇渣, 容易咬,真係了不起x10可以做得咁出色,真係第一次試。湯底又夠清, 飲完都唔會好口渴。好食指數爆燈

對食物的第一印象很重要,初嚐清湯腩是在一普通小店,原來清湯腩給我的感覺是等於滚水加湯渣!從此之後開始有點抗拒,但未致於到厭惡程度.即是只得自己一個的話不會專程去吃,但和其它人去就會叫雙拼減低損失.在早前一個飯局之上,食友們談起哪裡的清湯腩出色,眾人也推崇備至華姐!心裡其實聽了就算(唓!咪又係去食鞋底!)直到昨天看到食友的一篇文章後,終於下定決心再試一次.牛腩伊麵----沒有特別要求要指定的部位任由師傅發辮,出來的效果卻不錯!牛腩咬落有點爽,而且不黐牙沒有渣!帶肥膏的位置咬落甘香豐腴,伊麵吸水力强的特質,把所有湯的精華吸進去,令到每一啖麵也有湯的味道!不懂怎去形容一碗"濃味的清湯"!喝完不口乾,不喝其它飲品冲淡的話,半小時後喉頭還有點湯的味道.腩汁蘿蔔----蘿蔔清甜無渣,有點腩汁的味道!在我心中車品品依然是皇者.雖然沒有一試立即瘋狂愛上,但也令到我從這碗麵開始對清湯腩改觀!先要多謝食友的推介!可以計劃下次進軍九記.

這間鋪知道一直有很多食客推崇,每次經過門口都想試一試,但次次都是客滿要等很久所以都沒法品嘗,昨日再一次到訪終於可以一嘗心願但......我們兩口子點了一碗"咖喱牛腩面"一碟"清湯腩撈面"一碗"籮白"&兩杯飲料首先"清湯腩撈面-牛腩很淋十分入味湯十分清飲了一碗都不覺口渴果然名不虛傳之後"咖喱牛腩面-牛腩十分入味咖喱都很香,但牛腩十分硬沒有清湯腩咁好食有點失望...再來"籮白-賣相可以但入口有些苦,有些硬,有些又沒有味,碗湯又十分肥這個完全不合格總括來說都可以說合格但是不是真的那麽好會再去一次呢.......................

六月廿日•晴 比較起柱侯牛腩，我只喜歡清湯腩，因為要做得好的清湯腩，要好材料，要長時間，也要真廚功，缺一不可。所以做得好的清湯腩不易，好的店子也難得。早前看到公仔箱食家又大力的推許大利，又去吃了一次，仍然覺得湯太淡，不夠火侯。吃了這麼多地方的清湯腩，如數牛湯，我仍會推薦九記，但若說清湯，就一定是華姐，是日又來吃了一次。 下午來到，不用說，人一定多，門外已經埋滿了十幾人，不過我一人進座，不一會也可以坐下來。這裡地方小，人客多，而伙記也一樣的多。廚房除了主理人華姐，還有三個廚工，而負責樓面的又有四人，可見店子小小，也有點陣容的。 照舊的要了淨坑腩，加碗蘿蔔，來個淨伊麵，很豐富的了。淨腩，四十元一客，份量十足，除了牛腩，墊底的牛骨湯也相當之討好。燉煮得火侯十足的，相當出色。 除了牛腩，華姐的其他小吃食物也有水準，蘿蔔味道清甜，只收10元，不容錯過。 不要看這裡只是街坊小店，服務態度是非常不錯的。伙記在快手之餘，還是多謝前多謝後的。收錢的主理人華姐更是親切，這裡受歡迎，真的有其過人之處。 未吃過華姐的，我建議你快來吃一次。當然沒吃過大利的，也要去吃一次，因為沒有比較，你怎會知道這裡有多好？想

十月華姐的清湯腩水準是本地數一數二，湯底不及九記濃郁沉厚，卻是清鮮甜美，而牛腩的質素卻是水準甚佳，每次叫爽腩，都會炆得鬆腍，既有脂肪甘腴，瘦肉部分亦軟熟可口，還有膜的部分軟韌質感，很好吃，是日的質素亦俱佳，好牛腩者，值得專程去試。

26/9/09(六)要趕時間，要吃得飽吃得好，第一時間想起華姐。還是喜歡牛腩河和清湯腩菜飯。由於要了坑腩，雖有些肥，但味道很好，河粉更滑更入味。華姐由早到晚都鎮守店內，敬業樂業，我們必會繼續支持。

想一試華姐一久，但總沒機會一次可能是給了有coupon的美式餐，一次可能是給了較近的快餐，跟本是沒什麼緣是要多大的‘勇氣’才能把人帶到天后食一次巴閉老子號坐下小小的店搭著臺叫碗咖喱牛腩伊僅隨其后的是一位先生食完一碗在叫一碗心知店中食物分量定有不足咖喱牛腩伊，5分鐘都不用送到，牌寫25元，單寫28元，可能是伊貴吧，算了。牛腩的確很不錯，軟熟得很，還是不應食咖喱，有名叫清湯腩，應該不是sell咖喱的。伊也不錯，軟左少少。就算不飽也不知可以再叫什么，叫多個面好像太可怕，叫炒手等食品也不是平宜，選擇不下，就完成了是次游覽。

講左好耐, 終於有機會去食華姐清湯腩. 對上一次黎天后, 只知道大利好出名, 原來大利未開之前, 都係打華姐工咋. 下午兩點鐘, 雖然坐得密密麻麻, 但唔洗等位就有得坐. 諗都冇諗, 就叫左碗清湯牛腩河. 牛腩一d 都唔肥, 可能係我忘記左要肥啦, 唔算得上"鞋"或者韌, 但對於我呢d 冇肥不歡既人, 係差左少少囉. 河粉好幼細好滑溜, 唔會痴住痴住, 最怕河粉會一條條疊埋, 呢到就一定唔會! 清湯真係好清甜, 好甘香, 同河粉夾到絕. 如果100分滿分, 唔計今次既牛腩, 我會比90分. 因為食野之前去左買野飲, 我自己就買左杯台式花茶, 一路都擺左o係華姐檯面飲. 其實我自己有少少驚會比人話帶其他野入去飲, 但男朋友堅持要咁做. 點知小二哥好搞笑, 問左我好多次杯野係咩黎, 又同我地講笑, 感覺好親切. 而且見到華姐本人, 都仲有落手落腳指揮住大家做野, 一d都唔會因為名氣大左而馬虎. 大利同華姐, 我都係會揀番華姐.

第一次去, 我兩點左右唔太多人, 一入去就有位, 平時見人山人海, 服務) ok既, 上野都幾快食) 個牛腩河都幾un下, 湯就普通啦冇咩特別, 其實平時你地去食都係唔係咁un架 !!價錢) 正常雖多好評, 但sorry 未懂欣賞, 太un了

幾年之前, 有段時期晚上常要來天后這邊辦點事. 日頭, 就每天係中環多. 所以當時中環大利, 天后大利總店, 天后華姐, 九記都食過好幾遍了. 那時華姐已再東山再起, 另起爐灶了. 華姐還在天后大利做時都食過, 但印象比較模糊!那時認為, 天后大利同天后華姐都唔算好味的, 反以中環大利水準最好 - 清湯或咖哩汁也好D, 牛腩也好Consistent. 想當年我老早就 Blacklist 咗天后大利同天后華姐 - 但必需要我選, 我會揀後者, 因天后大利啲牛腩無咁'ern'!******************崩沙腩麵 - I don't normally order 爽腩 as I don't like 'membranes' in higher proportions, but I ordered its cousin 崩沙腩 because it had a balance of everything in 筋.肉.伊,膜, etc! This was quite crunchy overall with a bit of fat and tendons attached

十年前，要食清湯腩，我多數只會想起「九記」。自從05年前起，我已轉去天后搵「華姐」。幫襯幾年來，水準都非常穩定，服務親切友善。每次，我都會只叫淨腩，加羅白，及杯雞骨草。不夠吃的話，就再來一碗淨腩，加一客羅白。除此三樣，不作他想。雖然「牛腩河粉」價格，是「淨腩」的一半。但是，兩者的「牛腩」的質量，就有幾何級數的差別。其「牛腩河/粉/麵」內的清湯腩，質量只算中上。不要說和「九記」比，就連筲簊灣東大街的「安利」也不如。其湯底更遠不及「安利」的清甜。至於其他非清湯腩產品，如咖哩牛、醉雞等，更是難吃到不能入口。華姐只有「淨腩」，才可與上一代的「九記」匹敵，甚至更好。如果大家可以吃得下三碗淨腩，建議大家先點「爽腩」，吃完後再點「坑腩」，最後才吃「沙腩」。(如果太夜三樣都賣哂，就點「肥腩」吧﹗)當中，以「沙腩」最為出色，是牛腩的精華所在﹗一塊小小牛沙腩，由四個薄層夾成完美組合，集最靚的肥膏、筋、膜、腩肉之大成。而且五層組織清晰可見，同時帶出幾個味道層次：最外層是油潤的薄肥膏，再入一層是是豐腴的牛筋，然後再入就是滑口的軟膜，包圍著中間極腍的腩肉。小小一塊沙腩，入口即溶如無物，卻又齒頰留香，令人回味。配

難得與母親到港島行街,總應該搵d好野食下久聞華姐為openrice中清湯腩的皇者,不能不一嚐其真偽吧~兩碗坑腩伊,等成十幾分鐘好野等耐d唔緊要係我ge格言但係咪真係好野先?叫坑腩就lai左瘦腩............都算la!伊麵一夾就已經知道煮過龍!就一間老字號ge店舖lai講是不可原諒ge事law!再試湯底,唔係唔好,但真係唔係其他人講咁好,至少我覺得淡與早前在灣仔大利喝過的湯底相比.......even係九記油油的湯底都.............算把la.....好少可會唔想食哂一碗腩伊皇者ar?已經唔會有下次la~p.s.坐對面果位小姐一個人一碗淨坑腩+雲吞麵唔係最恐怖最恐怖係佢把坑腩d肥膏整走哂但扔返落碗坑腩度!即係等同於係個垃圾池度囉野上lai食,但d垃圾係自己製造出lai ga law!唔食肥唔該唔好叫坑腩ar,我想要都無ar暴殄天物