華姐清湯腩

营业中

休息中

對上一篇食評已是十個多月前的事，生活繁忙，沒有舊時那麼多閒時寫食評了。難得放假，與媽媽到工展會掃貨。久聞華姐之名，慕名而來。想不到工展會旺維園外，也旺了天后。華姐門外排了長長的人龍。說人龍，店內人客當然很多，坐得不舒服，七個人迫在一張圓檯，手肘貼手肘，對追求舒適的人來說，實在是不自在，但「食得鹹魚抵得渴」，頂硬上！就跟你「親近」一點吧！淨清湯牛腩，五十元正。抵食？算吧。但認為未至於「好食」的地步。比上次在九記吃的肥滕滕牛腩好。華姐牛腩雖沒有九記的肥膏，肉質卻像「紙皮」，硬得很。　可能不是熟客沒有筍貨吧﹏﹏﹏　另上一個腩汁蘿蔔，雖有腩汁，蘿蔔卻未能入味。蘿蔔簡直與家中的白灼蘿蔔無異，不好吃，十元？不值。另外值得一提的是「華姐」，華姐簡直是在站岡似的，不知有心定無意，人客舉手落ＯＲＤＥＲ也視若無睹，唉！華姐，路過可一試，如果是特地走來一嚐，那就不必了，因為味道實在沒有特別之處，而且，逼得很。

2010年11月27日，18:20假日辦完所有瑣碎 事後。要吃心儀的來解解壓，本想吃麥兆記，最終選了同價位的華姐。客是永遠的多，搭檯是正常不過。要了腩河。五分鐘後，有得吃。湯底：清、鮮、甜，無變喎。河粉：仍然是那滑一滑的口感。腩：是近邊位的疑似爽腩，口感爽脆、軟腍兼備，肉能散發出香料味道。華姐始終是我清湯腩的首選，吃完真的是有滿足和輕鬆的感覺。

因為要去mimoso拎拿破侖,所以呢就順便黎埋食清湯腩,見勁多人寫到咁好食,就要黎試下喇~lunch時間,坐滿人喇...等左一陣位啦,都好快有位...環境普通啦,一般麵舖格局,唔會坐得舒服架,食飽就要閃嘛...佢lei度都唔係一般o既牛腩麵舖喎,唔止食牛丸魚蛋雲吞咁,仲crossover左d上海野,有菜飯,有醉雞,有担担麵,排骨,xx上海麵咁喎,咁得意o既...我地兩個人,叫左兩碗清湯腩河,一個紅油抄手同豆漿...可能lunch多人掛..都等左好一陣先有野食...清湯腩河,先講個河粉,都幾滑,幾好,湯底都夠清,夠味...但係呢...個清湯腩真係好一般喇,有幾舊就好林冇牛味...有幾舊就好少少,但都係冇乜牛味...我同朋友都覺得麻麻ja喎..d人講到咁誇張o既? 仲要都唔便...成30蚊碗架...紅油抄手,38蚊一碟,有十小粒,辣度都ok,但d菜肉雲吞仔呢...冇乜涵咁喎,都食唔出有咩味,肉又好少...真係好一般,好麻麻...同唔底呀本來叫左個蘿蔔..但遲遲都冇黎...又趕時間...都係冇食...算把啦...咁就一人食左五十幾蚊喇...仲要唔太飽...如果唔當佢係好出名o既就ok,係出名

做完gym，肚子饿。经过这间小馆，看到人满多。便确定试一试。点了： 瘦的请汤牛腩河粉 - 牛腩真的很瘦。不硬。汤的味道不太濃。感觉不是MSG。 菜肉云顿 - 皮soft。味道okoverall来说不错。应该会再来。

果然是人龍店，要排隊等入座，好彩這問店舖流轉量大，唔駛等好耐，好快就有位了！清湯牛腩河：牛腩好諗，最緊要係食完沒有口渴的感覺。﹝上次食完九記牛腩後，整個下午都很口渴！﹞腩汁蘿蔔：沒有渣，十分入味，是我食過的蘿蔔中最好味的一碗！環境：唯店舖稍細，差不多要背對背食。

午後，母女三人身在銅鑼灣，飢腸轆轆，妹妹提議到天后華姐處吃清湯腩。我和媽一致贊成。食客擠滿了小小的店子，幸好大桌剛好有三個位子，不用等候。甫坐下，拿起餐牌研究：妹妹決定要腩伊，我和媽則要腩河。見同桌食客的腩汁蘿蔔樣子不俗，媽忍不住也點了。妹妹的腩伊先來。那碗大得會讓你以為自己身處麥奀 ，沒有誇張，只比麥奀份量多一點點！妹妹邊吃邊皺眉邊悄聲批評：「水準差了好多！」過去她盛讚華姐，如今……腩汁蘿蔔緊接上場。我沒吃，不予置評。媽說就是普普通通的湯煮蘿蔔嘛，尚算清甜。腩河份量正常。先嘗一口湯，湯色清澈，略鹹，明顯下了味精 ！坑腩軟滑，肥瘦比例合理，的確比坊間名不經傳的麪舖出色。敢以清湯掛帥，牛腩的品質應該上佳；可惜「徒具軀殼，欠缺靈魂」，嘗不到牛腩該有的甘香 ！也許該點爽腩或崩砂腩。儘管如此，它還是及格的，不至於給予壞評。離開時在店外等候的食客多達十人以上，心裡不禁嘀咕：名牌效應實在太厲害了……P.S. 抱歉是次沒有拍照。

吹到幾好幾好, 原來只係有人係鐘意飲味精湯, 食雪藏牛腩. (包括我老細,成日食完都返公司讚好食)本人食過唔少好食嘅牛腩, 係呢間未試過, 所以千里迢迢從新界西嚟到呢間所謂好食嘅華姐牛腩. 入去唔駛等位, 都心知唔係咁好啫, 無人排隊嘅. waiter 哥哥指我哋, 一係坐厠所門口, 一係坐大枱,不過要同人撘枱. 結果當然唔坐厠所門口啦. 一坐低死啦, 好熱添. 無第二張枱可以轉, 結果食到出晒大汗. 講返啲所謂牛腩先啦. 咖哩牛腩同快餐店嘅無異, 煙韌嘅雪藏牛腩配搭上煮到爛嘅薯仔. 仲要無咖哩嘅香味. 一絕咖哩薯仔麵, 拜神碗嘅size 裝住精製嘅牛腩, (得果兩三舊), 加上一個鹼水麵, 出出水就唔會有咁嘅味啦. 又一絕金錢肚淨食可以話比較好少少, 較諗. 飲咗幾啖湯, 就知味精到不得了. 再一絕大佬呀, 我落單都話要牛腩諗, 做乜啲菜心咁諗 ? 食菜要爽, 食牛腩要諗. 乜諗菜硬腩好食咩? 仲咁多人讚 ? 以後唔會再幫襯, 如果大家比較過大埔果間X記, 就明牛腩應該係點. (不過, 大埔間嘢好寸, 頂得順先好去)

早陣子食完九記，那個濃郁牛湯真係無得頂，不過提起清湯腩，還是華姐好野。夜收工，打鐵趁熱，黎華姐食個清湯腩。兩條友，一個淨腩一個淨金錢肚加個淨麵，當然仲有個蘿蔔。腩麵得一份腩唔夠食，淨腩有差唔多三份，兩個人要淨腩剛好。個腩帶少少脂肪，夠哂香，夠哂嫩滑，食落鬆化，係非常好食既清湯腩，仲有個湯，都係唔可以錯過。淨腩而家賣$50蚊，加左價，不過依然份量十足，仍然好吃。淨金錢肚，夠腍夠入味，係淨腩以外的好選擇。清湯蘿蔔，$10份，食落清甜，無渣，跟以往比較，今日唔夠入味，不過還是不可錯過的蘿蔔。店子小小，每次黎都係店滿滿，人氣旺盛。阿叔非常有趣，食物交足貨，港島區食清湯腩，華姐係我首選。

華姐~曾經唔介意冇服務、迫到死坐得唔舒服，只因為佢o既清湯腩的確好食！今時今日，同樣o既服務同環境，但清湯腩好似轉咗師傅咁...尋日同太太叫咗清湯腩米粉、咖喱牛腩麵。清湯腩又硬又冇味，感覺好似食柴皮咁 。咖喱腩相反肥到一層又一層膏可能好嘢都留咗俾熟客，不過，俾普通客食o既都應該正常啲，同入得口至得o架！

慕名而來, 特登過海黎呢度試左兩樣招牌食品...腩汁蘿白: 多汁清甜唔苦, 好少有渣坑腩河: d 湯真係幾清甜, 飲左好多都唔太覺口渴, 坑腩好腍牛味濃郁, 河粉都好滑果然無令我白費車錢, 好食

淨坑腩好稔，肉質細緻，份量十足。湯底亦值不少分數!淨米粉朋友仔叫，佢話米粉好食過河粉。淨河粉河粉索曬d湯，好味到不得了。明明平時既食量只可以食2/3，但今次都不知不覺食曬成碗。腩汁菜心軟硬適中，煮既時間剛剛好!雖然腩汁似係清湯，其實碟菜無咩味，但清清地都幾好。豆漿微甜，夠健康，飲落仲有少少豆渣。

「港島一日遊」的其中一站 叫左碗牛腩河($29)香港地黎講 $29碗粉我覺得系偏貴九龍果邊通常都系$1x不過 今次真系一分錢一分貨老實講 河粉同湯底都系普通貨色但系牛腩就真系不得了咬落去果種口感 味道 肉質比起普通既牛腩 直頭系超幾班不過鋪頭比較細 坐得唔太舒服湯底如果再濃少少 咁就正晒^^

對於天后區既朋友, 對華姐一定唔會陌生.我都算係常客, 但因年紀漸大, 開始注意飲食健康, 去既次數比以前少好多, 但一個月總會穿梭於華姐及九記幾次. 最記得華姐以前一睇到我, 就會話 " 呢個要食撈伊ga." Haha, 係呀, 但又係因為年紀大了, 載得落撈伊的胃口少了, 而家好多時都係吃湯伊.講番牛腩, 最好既地方係可以指定要崩沙腩, 杭腩, 爽腩. 除爽腩外, 其如既腩式既口感, 味道及質量與九記平分秋色. 遇到有肥羔位, 我個人口味認為華姐比九記還要優勝. 因為華姐既牛腩係偏"淋"既, 所以羔位亦非常軟身化口. 但九記的肥羔跟佢既爽腩一樣咁爽, 遇到較大塊的, 我入唔到口.至於清湯方面, 華姐既真係清甜香口, 無乜油份. 而九記既我會用"浮誇"形容, 油份較多, 第一次入口有"震撼"既感覺, 之後回味無窮. 男仔好多時一碗唔夠喉, 兩碗又飽得濟. 雖然華姐係十幾二十年既街坊, 但如果要評湯, 我 buy 九記, 如果九記無呢個湯, 我相信佢既龍頭地位已不保.個人食伊麵較多, 與九記相比, 較明顯既係華姐份量多D, 伊麵較九記"淋"身. 河粉就當然又係九記, 但對我多數夜晚去

今日經過華姐清湯腩，就入去醫醫肚。已是六點幾啦，但入到舖頭都坐滿晒人。我叫咗個清湯牛腩撈麵，牛腩份量都幾多，而牛腩肉質鬆化，口感唔錯，又唔痴牙。不過，座位略嫌擠迫；但好味嘅嘢食，下次會再去～

甫踏出天后站，酷暑，目標已鎖，快步入華姐。十二點前到達，不用等，坐定定，開首先來枝裝可樂 ($8)。透心涼，燥意頓消。要來一碗「淨崩沙腩」 ($50)， 第二次品嘗「崩沙腩」，實人間美味。網上搜尋「崩沙腩」，參酌前人食評，始略知其一二：見於坑腩尾端，繫於橫隔膜，膏、筋、膜、膜四者相雜，一頭牛只有三、四斤云云，物罕即是。碗到，牛香四溢。(食慾益增!)先來一口「完整版」沙腩，口感豐稔。外膜色淡，略有爽勁。筋、內膜相粘，滑口豐腴，比例均稱。腩肉間紋分明，極腍較，入口隨散，間有膏物，甚驚喜。(比「安利」過之)四者繫於一物，不消頃刻，大快朵頤，盡清。滿足尤是，人間美味矣。嘗牛湯，味不濃不淡，放於勺子，見有浮游物，應是餚製良久而成。後一飲而盡。註：「完整版」的一口崩沙腩在碗來為數不多，「甩皮甩骨」多是，是過腍關係？再來一碗「腩汁蘿蔔」 ($ 10)，一碗八塊，無根，質軟，尚可。惜隨碗腩汁味甚濃，不至死鹹，但似有重味精伴之。(還是喜歡「車品品」甜心蘿蔔多些)小記：華姐伙計多友善，服務不俗。完事，埋單，盛惠 $68，會再來的。