菓甜品 (已結業)

同朋友喺尖沙咀食完晚飯，大家都唔係幾夠喉，想繼續再吹水，於是就搵到間甜品舖繼續食繼續吹 我地揀左菓甜品......門口擺咗好多蛋糕，好吸引呀內裏嘅環境好光猛，可能我哋太早啦，七點幾食完飯就嚟，店裏面都唔係好多人，咁唔怕我哋吹水太嘈嘈到人，哈哈餐牌有好多甜品，都幾特別喎，喺出面其他甜品店好似冇㗎喎窩夫好大份，不過驚太飽，今次食唔到喇，唯有下次再食啦淨係想飲野都有好多選擇呢我叫呢個係魔鬼朱古力...好大份喔，有一球朱古力同埋甜筒杯。哈哈...我直情將個朱古力雪糕同筒同甜品杯分開嚟食，好似食緊一支朱古力甜筒咁呀 朱古力雪糕係movenpick嚟，超正！！my favorite！！有brownie有水果，又有蛋卷，口感非常豐富呀！朱古力fans一定要食喔朋友叫咗個鮮果菠蘿雪芭...佢勁讚喎！話好好味！個面有好多鮮果...芒果，士多啤梨，藍莓，仲有西瓜...好豐富呀！！下面就係半個菠蘿雪芭菠蘿味好清甜，好香呀！真係幾好味喎！！西瓜薄荷特飲呢個飲品好特別哦，西瓜配薄荷都係第一次試，感覺好fresh薄荷味唔算好濃，夏天飲非常解暑食完飯黎再嘆甜品都唔錯呢，環境舒適，甜品又好味

呢排城中熱門甜品係梳乎厘pancake， 但係幾好食都好，食得多都會厭啦~ 所以星期四晚我同朋友就諗住試試新嘢！喺尖沙咀行街嘅時候，偶然發現在一間新開嘅甜品店所以就諗住入去試下喇~呢間甜品店提供多款賣相精緻嘅甜品，有芭菲、窩夫、中式糖水，另外仲有好多其他特色甜品。今次我同朋友就是咗兩款甜品，分別係肉桂蘋果窩夫配提子冧酒雪糕同埋心太軟。先講下窩夫嘅味道~窩夫可以做到外脆內軟，食落有蛋香味，而且唔會整得太甜。充滿玉桂味嘅蘋果為窩夫增添一點清香，雖然玉桂蘋果經過烹煮，但係仲保留到少少爽脆嘅口感，除咗有煮過嘅蘋果之外，另外仲有幾片新鮮蘋果，令窩夫食起上嚟冇咁單調。除此之外，窩夫上面仲有新鮮打發嘅忌廉，為窩夫增添咗一份香滑嘅口感。提子冧酒雪糕味道濃郁，配上味道清新嘅窩夫，簡直就係perfect match！至於心太軟嘅味道亦都相當唔錯，而且賣相非常吸引，謀殺咗唔少菲林呀！成個心太軟甜品由唔同甜點組成，有心太軟餅乾、雲呢拿雪糕、oreo碎同紅桑子脆粒，整個甜品層次感豐富，唔同元素加埋一齊味道好夾，完全冇違和感~除咗多款甜品之外，呢間鋪頭仲有提供奶昔、果茶、特飲等飲品，我同朋友今次就叫咗檸檬薰衣草茶

係尖沙咀行街行到攰想搵間甜品店食下坐下上網見到呢間新開嘅甜品店好像幾有特式，於是就去試下打開menu見到有芝士粟一燒😍好可惜一早已經售罄下次一定要再來試試。。。。。。。。。。。。。。桂花白酒燉雪梨▸原隻雪梨🍐非常飽滿😍而且相當清甜，仲好夠凍添，岩哂而家仲係熱辣辣嘅天氣食，底下仲有一條條嘅桂花河粉，有桂花味得黎又唔會好甜，好味👍🏻。。。。。。。。。。。。。。絲絲入心▸即是心太軟，雖然黎到個時上面嘅心太軟已經爛左，裡面嘅流心朱古力已經滴緊落黎，不過無損食物嘅味道，朱古力醬不會太甜，加上有焦糖醬嘅餅乾，下面還有雪糕和朱古力碎，整體幾好味😋

同朋友去尖沙咀食完飯,諗住搵間甜品店坐下，店鋪係寶勒巷，好容易就搵到，叫左一個芝士粟一燒，同埋絲絲入心，芝士粟一燒，仿真度極高，其實係慕士蛋糕，不過係咸咸地既，嗯。。。味道幾得意，絲絲入心，心太軟係上面，杯裏面有雪糕，朱古力脆粒，薄荷葉，同埋有d爆炸糖，一整開心太軟，朱古力醬就會落左係雪糕上面好好食，下次會再試埋其他甜品

去左尖沙咀新開既高質甜品店。坐得好舒適👍🏼.芒果酥皮拿破崙 $60賣相好靚！碟子同甜品都設計到好靚💕芒果夠甜，士多啤梨都吾錯又夠新鮮。拿破崙好酥脆，牛油味香，好味呀！🤤.桂花白酒燉雪梨 $56賣相好吸睛🤩原隻雪梨飽滿！食落去，又甜又冰涼，有助消暑減熱氣👍🏼另外仲有桂花涼河粉，好特別、有新意，第一次食到桂花味的呢，令呢個甜品生色吾少☺️👍🏼.絲絲入心 $64呢個甜品都係顯心思的💕把心太軟放上餅上都考功夫架，整體味道吾錯。會再度光顧的☺️

呢間甜品新開 見到裝修好簡約 清新 下午茶時間人少少 又係新開 好適合靜靜地傾下計 於是就同朋友入左黎😋 餐牌設計好用心 相影得好令 搞到個個甜品都好吸引人😻 不過第一眼就比呢個絲絲入心吸引左！絲絲入心 $64 賣相同餐牌一樣冇花冇假😆 設計很特別 面層係心太軟 朱古力味超香濃 唔苦也唔甜！ 中間係一層牛油曲奇 而moverpick嘅雲呢拿雪糕就用玻璃透明小杯載着 好似一個水晶球的裝飾品😆 只要用匙羹輕輕打開心太軟 敲開餅乾 裏面的朱古力便會慢慢流出 滴在雲呢嗱雪糕上面 一冷一熱嘅口感交替 好味😭👍 而雪糕底層更有朱古力脆脆 撈埋一齊食 口感更特別🤤鮮果芒芒 $76 我地都好鍾意芒果 見到呢個全部芒果就知必叫 面上有個脆脆雪糕筒 下面係moverpick嘅芒果雪葩 估唔到係酸酸地 好開胃 旁邊就係大大粒新鮮芒果🤤曲奇奶昔 $48超濃厚oreo 味 上面d cream 撈埋好夾🤪 完全唔稀 好creamy 仲有真oreo 可以食埋😂楊枝甘露 芒果汁超稠 厚到好似糊狀 加埋粒粒西米 好有口感 仲有新鮮芒果同西柚肉😚

今天在尖沙咀的菓甜品歎下午茶。我和朋友在菓甜品門口看餐牌，店員很有善邀請我們入店內坐，他笑容很好，看見他的誠意邀請被吸引進去🤗我們坐在沙發位置，店員立刻遞上餐牌，請我們慢慢擇，好有禮貌。全店白色牆壁配上立體花畫，每張木枱上都放有乾花花樽，感覺環境好清雅，好舒服。餐牌上選擇好多，有窩夫，雪糕，沙律，飲品，新款特式甜品，傳統舊式糖水等等。我們選了酒醉提子，草莓奶昔和芝士牛油果沙律窩夫。芝士牛油果沙律窩夫（$62）窩夫上枱時，沙律菜堆得滿滿，好大碟，店員主動拿了兩隻小碟和餐具給我們分來吃。沙律菜好鮮甜爽口，配上牛油果片和蕃茄仔，淋上少少醋汁，健康之選。窩夫還暖暖的，外脆內軟，好吃又飽肚。酒醉提子（$76）是玻璃杯中的藝術品，每一層鋪得美美的，好大杯。最欣賞是甜甜的蘋果肉，跟冧酒雪糕的味道好夾，威化筒和旁邊的朱古力條好脆。草莓奶昔（$48）草莓是我的大愛，這杯草莓奶昔口感細滑，鮮草莓香味，加上濃厚奶味，好fresh~杯中的鮮草莓好甜~正如杯身文字表達的365days happy with me ,我飲完開心又滿足。

店內走清新簡潔風格，食物以蛋糕和甜品為主拿破崙這個法式千層酥。一共三層焦黃色的千層酥皮，烤到金黃的酥皮，層次分明, 夾層塗滿馥鬱香甜的奶油，入口松化香脆。配搭軟滑香甜的忌廉，滋味醉人, 。每當叉子插下去，酥皮便應聲裂開，發出清脆的聲音，每吃一口，心裏面都有著滿足感加入香氣四溢的松露，咬一口甜點，嘴裡充滿朱古力的甜和松露的香, 把真實而昂貴的黑松露與奶凍相融合，打造出獨一無二的味覺享受, 奶凍口感幼滑細膩，飯後來一這一個甜品, 一個奶凍卻有多種口感的滿足, 正

今天吃完了中午飯後，有好的女同事需要開動第二個位。喜歡覓食的她，帶我們到這所重新開業的甜品店，品嚐一下他的特色甜品。鮮果芒芒 $76鮮果芒芒名稱經已相當可愛，相當可愛。中間部份用上半 Movenpick 芒果雪葩，酸味十足，蠻開胃解膩。義式黑松露咖啡奶凍 $54奶凍給端上的時候經已相當誘人，淺啡色的可愛 Q彈的奶凍，但咖啡味度相當濃厚，絕對是用料十足。黑松露味道略為清淡， 但作一絲絲的點綴又令咖啡味道得而提升。芝士粟一燒 $58彷彿半條粟米似的，面層鋪設了卡富芝士， 微微的鹹味配上濃濃的粟米味，真是假可亂真。總體而言，這些甜品店，舖面門口雖然沒有特色吸睛的裝橫，但出品是相當有人吸睛的。

同兩個friend喺寶勒巷食完飯，就轉左去呢間菓甜品食甜品同傾計。打開餐牌，甜品林林總總，款款精緻漂亮。魔鬼朱古力 ($76) - 面係香濃幼滑嘅朱古力雪糕，朱古力brownie、朱古力粒、香脆嘅雪糕筒；中間係香滑嘅雲呢嗱雪糕；底部係朱古力脆脆，呢個甜品用好濃郁嘅朱古力，對朱古力控嘅我嚟講真係無法拒絕😋😋😋酒醉提子 ($76) - 香甜酒味濃郁嘅Rum酒雪糕，雪糕入面有提子乾，面舖有朱古力brownie同朱古力粒；中間亦是 香滑嘅雲呢嗱雪糕；除左雲呢拿味、香濃朱古力味、提子乾味，仲有香甜Rum酒味，口感同味道都豐富。蛋白杏仁茶 ($45) - 即叫即造，熱辣辣上枱，杏仁味香濃，口感順滑，甜度適中，十分好食。呢度甜品好食，夠真材實料，坐得舒服，同朋友嚟食下甜品傾下計都唔錯。

Mommy day 既最後壓軸緊係糖水❤️咁先係畫上完美既句號。去到尖沙咀甜品街，見到呢間design得好靚靚既甜品店便衝左入去🙆🏻‍♀️🌀絲絲入心 $64呢種設計既心太軟真係第一次見😍心太軟放係脆卜卜既餅干上1️⃣ 心太軟同雪糕得以格離，咁心太軟就吾會比易融既雪糕而影響到其口感2️⃣將心太軟輕輕切開，流心朱古力就會湧出而滴落雪糕上，雲尼拿雪糕就會染上流心朱古力，頓時食出兩種口味‼️3️⃣底層既朱古力脆脆再為雪糕增添口感👍🏻👍🏻一個小小心太軟，既有設計感又好有心❤️-▪️▫️▪️▫️▪️▫️▪️▫️▪️▫️▪-🌀鮮果菠蘿雪葩 $52將菠蘿冷藏至結冰再磨成沙冰，上面再鋪滿吾同新鮮水果，口感柔滑，食後冰涼透心❗️最重要係含糖份較低❗️一次滿足健康同美味兩大要求👍🏻建議擺耐少少先食，刮雪葩時更慳力🙈-▪️▫️▪️▫️▪️▫️▪️▫️▪️▫️▪-🌀芝士牛油果沙津窩夫 $62食落好特別既窩夫，既有窩夫既甜，又有牛油果既健康，更有沙律醋既酸甜。-▪️▫️▪️▫️▪️▫️▪️▫️▪️▫️▪-🌀蛋白杏仁茶 $45加左蛋白入去杏仁茶裏，除左濃，純，香，更令口感更加細滑😋有少少遺憾既係食吾到桂花白酒燉雪梨總結黎講，呢間甜品鋪好值得回頭，除左好味，仲見到老闆既心思，既養眼又特別

同大學嘅中學朋友時間表啱啱好錯開，只係得呢一個tea time可以相聚，唯有食吓甜品。甜品店唔算好大，但裝修清新舒服，以花作主題。座位寛闊乾淨，食得舒服。最吸睛(亦係最易被忽視)嘅甜品絕對係呢個芝士粟一燒。翻開menu嗰陣見到呢條燒粟米，心諗: 燒一燒就拎出嚟賣？於是好快就去咗下一頁。細心啲睇返，先見到英文寫住cheese cake。呢條粟米顏色自然，而且粟米粒下陷嘅部分都模仿咗出嚟，唔切開都真係唔發現佢係蛋糕！黃色嘅mousse芝士味比想像中濃，粟米主要係提供甜味，聞就唔算太出味。旁邊嘅粟米片同爆谷配合返粟米主題，望落幾得意。美中不足嘅係內芯嘅蛋糕係原味，如果加埋粟米漿(類似粟米湯嘅杰身版)，或者蛋糕本身有粟米粒/味，就更好喇。 蛋糕唔算大份，但係難得嘅睇得食得之作，值得一試。朋友氣管唔太好，叫咗白酒煮梨嚟試。賣相同樣精緻，特別係將切成條狀嘅桂花糕放喺底，好有秋天嘅感覺。𠽌一聲將桂花糕吮起，得意又好食。梨方面甜度適中，好腍冇渣，但酒味唔太出。飲品亦有熱茶、凍特飲等等嘅選擇。檸檬薰衣草特飲伯爵茶整體嚟講覺得呢度勝在賣相設計同諗頭，味道都OK，但喺味道平衡方面有進步嘅空間，相信熟習咗廚房

一個人在尖沙咀閒逛, 發現了一間新的甜品小店, 也就入去坐坐, 休息一下, 順便吃個甜品。現在IG或FB打卡有９５折呢門口凍櫃有些小蛋糕我就叫了即叫即製的心太軟「絲絲入心」$64透明杯盛載著雲尼拿雪糕、oreo餅碎、爆炸糖及薄荷葉, 上層放了一片餅乾, 旁邊用拖肥醬輕輕黏住杯, 再上面放了個心太軟, 頂頂放了個蝴蝶裝飾, 整個佈置十分美妙, 令人立即心心眼, 它也很穩固, 拿起來自拍影相也不會掉下, 一定要拍一陣子才開始食。心太軟有64%可可做成, 朱古力味香濃得來未至於苦澀, 沒有很甜, 切開有少少流心但不算太流, 可以將心太軟跌到下層, 和雪糕一起吃, 雲尼拿雪糕的味道也剛剛好, 也有配搭, 單吃下層口感已很豐富, 所以要加上心太軟一起吃的話, 就略嫌雪糕太細球, 大球一點就更好, 雖然小巧比較可愛。

每次約人或者吾想太快返屋企 夜嗎嗎都會唸起食糖水或甜品 今次都吾例外 ，就算幾飽都好 女人永遠都會留個胃比甜品🍮今次有好介紹既就係 好岩我地呢d 放假永遠吾想返屋企....住既人 😂呢間甜品店叫 -菓.甜品-環境乾淨清優 小小既地方 都覺得好文青 可以自拍 影返幾幅相既地方我最鐘意既係 -菓.甜品- 餐單上大部份甜品外面都吾會食到 所以好有新鮮感 而且好有自己既特色我今次點左一個 -絲絲入心 單睇外表已經深深吸引 實在太太太靚啦 對住佢影相都影左幾十幅 😊🤭打開個朱古力 熱熱地既流心朱古力慢慢流落個雪糕上面 食落更有層次 美味雪糕🍦另外 菠蘿雪葩食到既芒果係好甜，哈密瓜🍈都係好甜 記得用支叉 桔爛埋菠蘿🍍裹面既雪葩黎食 好重菠蘿味的臨近中秋都好想食湯圓 所以叫左兩碗熱食甜品我最愛既芝麻系列 1.芝麻湯圓芝麻份量一d 都吾會少 好有口感 仲好香既芝麻味 鐘意食芝麻既人 我一定係食2.芝麻湖密密麻麻既芝麻 聞落陣陣芝麻香味 而且吾會太水 味道濃 記得去試試

同朋友傾開知道尖沙咀有間新甜品店，就二話不說收工食完晚飯就去試下望到櫥窗的蛋糕🍰已經好吸引店舖內的裝修簡約給人好舒服的感覺，座位亦坐得好舒服甜品種類很多，樣樣都好吸引，樣樣都好想試所以我哋決定每樣都叫小小share。楊枝甘露，芒果好鮮甜，西柚肉酸酸地感覺好fresh 蛋白杏仁茶，熱熱地好香好滑絲絲入心，呢個特別推介，上邊果層好似一件朱古力流心蛋糕，用匙羹打開熱熱地朱古力向下流出在雪糕上面，蛋糕軟綿綿好香好濃好好食，裝飾亦好有心思，用心製作。菠蘿鮮果雪芭，顏色好鮮艷，七彩繽紛好唔捨得食，鮮雜果好鮮甜，底下的菠蘿雪芭入口甜甜地冰冰涼涼，好適合依家咁熱嘅天氣