菓甜品 (已結業)

見到原來尖沙咀寶勒巷呢度開咗一間新嘅甜品店，食飽飯經過當然想食埋甜品！所以就同朋友一齊入去試下！見到呢個燉雪梨配桂花果凍幾清新，雪梨好清甜！一點都不膩！就算晚飯已經食到好飽都可以食呢一個來調劑一下！雪梨下面嘅桂花啫喱比較煙韌，好特別！桂花味好香！不太甜！呢一個甜品係清新之選！另外叫咗一個味道比較濃烈啲嘅心太軟！大概等左20分鐘終於嚟到！朱古力味好香濃，帶小小苦，幾重可可味！而且即叫即製熱辣辣！下面嘅雲呢拿味雪糕亦都好香滑，伴心太軟半溶朱古力食不錯！我哋重點左一個洋甘菊茶分享，食甜品再飲花茶好享受！又可中和一下罪惡感！呢間甜品整體唔錯！希望下次再試其他甜點 ！

同好友食完沾麵，突然好想嚐甜、於是四出搵甜品店。咁啱行過寶勒巷，見到門囗個易拉架上嘅甜品賣相很吸引、一於入去試試試！一入門口右邊長長而開放式嘅廚房，每張枱有漂亮嘅乾花擺設，小清新嘅格局裝修，令人感覺舒服。一打開餐牌，食物賣相吸引，令人垂涎欲滴，真係樣樣都試最後努力篩選下，最終揀咗呢個賣相好靚名為絲絲入心嘅心太軟，雖然製作時間要等10至15分鐘，但係見到佢咁靚嘅賣相，值得等的！心太軟上心貼住一隻可以食嘅蝴蝶，而下邊就用半月形嘅曲奇餅墊著，而玻璃瓶內就係一啲朱古力曲奇碎加雲呢拿雪糕！心太軟朱古力濃，甜度適中，唔會太甜，加埋雲呢拿雪糕同朱古力餅碎一齊食，滋味無窮！因為有點飽，所以叫咗個鮮果菠蘿雪葩消消滯，雪葩上嘅傘仔擺設很可愛，帶有亞熱帶嘅感覺，鮮果有西瓜，蜜瓜，芒果，士多啤梨！四種生果顏色配搭吸引，多汁鮮甜，雪葩充滿新鮮菠蘿味，帶有粒粒菠蘿肉，清新冰涼檸檬薰衣草好有仙氣，顏色夢幻好吸引，所以叫黎試試，入口陣陣薰衣草味，加上檸檬香味，消暑解渴！用facebook或IG 打卡或讚好全單仲有九五折！埋單價錢相宜

同好姊妹係尖沙咀行完街，食完飯，但有講唔完既話題為有搵吓甜品食吓...再傾，行寶勒巷見到一間甜品店.....菓甜品🤩見到佢地d甜品，就忍唔住行左入去坐低左la,見完佢地既餐單....就二話不說即刻order 吖,第一樣更係我至愛既菠蘿沙冰😋😋😋非常多新鮮生果作甜品一部份，沙冰又好味之後就係好姊妹最愛的絲絲入心(心太軟）...見到靚成咁.....真係好唔捨得食呀😢⋯⋯朱古力好香好濃加埋雪糕..好好味呀😋😋食完兩款甜品。由於地方都好舒服，大家又未想走，之後就叫多一杯飲品...🍋熏衣草飲完之後發現已經10點幾..又係回家既時候，我地未下次約會時間，就已經話下次食完飯要再返來呢度食甜品🤣

食完飯口啖啖，想搵甜品食，尖沙咀人多路窄，經過見到有間未試過，即刻入去避難，以為細細間，個舖原來很長，可容三十多人，西式甜點為主，有幾款中式，例如紅豆沙。揀到一款 $56 桂花白酒燉雪梨，售$56，係中式又係西式，餐牌上的樣子吸引，真正個樣仲靚，酒味唔算多，雪梨好食，下面嘅桂花麵條特別，爽滑微甜。同伴揀了$64 絲絲入心，包裝不同，有創意，即係心太軟。還有一杯$48 檸檬薰衣草，顏色啖紫，啱女生，有些檸檬味。

今日叫左三樣野，玉桂蘋果waffle加rum raisin雪糕，絲絲入心朱古力心太軟，同檸檬薰衣草飲品Waffle熱熱地咁serve, 配搭住凍凍地嘅玉桂蘋果，有種冰火交融嘅感覺，賣相都幾唔錯, waffle ge 表面鬆脆，內裡軟林林，口感非常唔錯心太軟係一大賣點，一吉開佢，d朱古力流晒落下面個雪糕度，係朱古力愛好者必食之選！餐廳設計非常elegant, 所有野嘅mix and match都做得好唔錯好有心思，下次一定會再嚟😍

同朋友係tst食完晚飯行左陣，見到啲甜品舖又好想食返個先走🙄肥都咁話，食左先講🤣👉🏿✨意大利黑松露咖啡奶凍 Hkd 54 💸📌店員推薦～絕對值得一試喔～開頭諗住將黑松露加落甜品到係有啲9唔搭八😂好似唔多夾咁～但食完一啖又幾正喎！黑松露濃郁得黎唔會好搶甜品個味道，而且奶凍做到夠錦密，入口好正👍🏿出面仲有啲爆炸糖同oreo碎，一齊食真係正🤨👉🏿✨芝士粟一燒 Hkd 58 💸📌本身見到佢個樣真係以為係燒粟米👀點知原來係整成粟米咁既樣個甜品🤣出面係芝士mousse ，唔算好膩，食到入面就係蜂蜜海綿#852hkfood野飲篇蛋糕😍個蛋糕十級鬆軟！超好食☺️真心可以一試！

發現尖沙咀新開既甜品小店！極力推介依個 芝士粟一燒賣點一流！像真度極高！！食落又真係有燒粟米既味道，加埋芝士，完全唔膩 我地仲嫌太小唔夠喉！然後依個 絲絲入心 心太軟首先 外觀已經好吸引 好特別！無想像中咁甜 值得加分！最特別係佢漏左朱古力醬落下面雪糕 然後連埋雪糕一齊食 簡直係一流 最後用埋曲奇點埋剩低既醬！一入門已經聞到好香既餅味 因爲佢廚房係開放式，所以睇到哂甜品師係度整緊咩甜品！所以我地叫左個香蕉窩夫！同預想一樣，窩夫好脆 岩岩整起仲熱辣辣最後一樣就係 黑松露咖啡奶凍以為奶凍會好膩，點知唔係！仲好香黑松露味！食落就充滿咖啡香味然後店員仲有黎同我地介紹，隔離粉紅色一粒粒係爆炸糖，加埋奶凍一齊食，有好特別既口感總體黎講，係完全可以翻炒既小店！我下次一定會再黎

This is a cute little restaurant hidden in the back streets of Tsim Sha Tsui. It has a bright and open atmosphere, although is not very large. The staff were welcoming and friendly, and happy to answer questions about the menu.The menu itself was surprisingly modern and sophisticated, with interesting takes on traditional desserts - although there is a small selection of Chinese desserts, most of the menu consists of more international fare.We tried three desserts between us - the banoffee pie i

突然少女心發作，想食下d令令甜品慰藉下心靈💞上網搵到呢間尖沙咀新開既甜品店，睇落d相都呃得下like😂去到可能都仲早同新開既關係，人客唔多～～～打開menu有好多選擇可以簡，太多野想試，但得2個人😢試唔到甘多樣，最後嗌左3樣（其實2個人食3樣真係飽到嘔🤭）🐽香蕉金莎朱古力窩夫伴榛子雪糕（$72）甜品黎講，本人真係極度鍾意食窩夫同埋朱古力味既野！呢個真係完全滿足到我既喜好亦都係3款甜品我覺得最好食👍🏻窩夫夠鬆軟，朱古力甜度又岩岩好！🐽絲絲入心（$64）其實呢個係心太軟，我既食法係將所有野整成小小碎甘夾埋一齊食🐽法式焦糖燉蛋鮮果班戟（$64）3個字，超級滑！

女人天生就叻行街，見到心頭好的話，咩攰都會唔記得，今日就同左朋友去行尖沙咀，無論便宜嘅又有，貴嘅都有，我地由朝行到黑，腳力都咪話唔勁。雖然我地腳力了得，但胃就相對黎講無咁了得啦，行到咁上下就覺得肚餓。行過見到菓甜品剛開，反正我同朋友都鐘意食甜品，於是就膽粗粗走左入去啦。因為剛先開始營業，我地係第一檯份黎嘅客，呵呵，呢間甜品舖望落都幾寬落嘅，擺嘅餐桌唔會太密密麻麻，而且桌椅相對黎講比較大，同D椅子都坐得舒服，係個可以Hea下吹下水嘅地方。我地叫左王桂蘋果窩夫伴冧酒提子雪糕($64)、芝士栗一燒($58)、桂花白酒燉雪梨($56)、意大利巴馬火腿沙律($62)。先上檯嘅係王桂蘋果窩夫伴冧酒提子雪糕，窩夫係屬於外脆內軟果種黎嘅，窩夫通常食多幾件會覺得開始口乾同想飲水，但蘋果經過烤焗之後，變得軟身同更甜，冧酒提子雪糕無想像中咁濃味，雪糕隨時間慢慢融化係窩夫之上，窩夫嘅脆，雪糕同蘋果嘅軟，配合起黎口感剛剛好，而且唔會太甜，令我地生膩。桂花白酒燉雪梨係一道甚為少見嘅甜品，呢道甜品雖然有落白酒，聞到白酒味但食唔到白酒嘅烈，只有淡淡嘅白酒香散發。桂花本身嘅味道就非常沛淡雅致，配起雪梨一齊燉煮，份外感到

今晚食完晚餐，同男朋友行到去尖沙咀，之後就想食甜品！我們到這間好特色又靚靚設計的甜品店。好乾淨又光猛的甜品店！以花及畫作作裝飾，好自然又令人開心輕鬆的環境，好舒服好大的廚房，以勤力用心的態度為客人服務！有傳統中式糖水（芝麻糊、杏仁糊等），也有特色新穎有創意甜點。我地當然要試新野啦1. 鮮果菠蘿雪葩好靚的甜品！好多款水果哦！配上小花的裝飾，好似藝術品！唔捨得食水果：藍莓、西瓜、芒果等新鮮又顏色鮮豔，好味道又涼爽下面菠蘿的外殻中放了菠蘿雪葩，有菠蘿肉在雪葩中！好冰凍好清涼，唔會好甜好喜愛雪葩的質感！我們倆個食到得返個殻，就知道幾搶手啦2. 黑森林窩夫伴瑞士朱古力雪糕好大份！好多朱古力喔朱古力片唔甜又薄又香、帶上少少朱古力醬，瑞士朱古力雪糕好有保證，好滑濃郁朱古力味！內面藏著葡萄及果醬，酸酸甜甜（減輕了甜膩度）配合的剛剛好窩夫熱騰騰剛製作，好脆又香蛋味，厚厚又鬆軟好味，好滿足3. 熱伯爵茶玻璃瓶中有格茶器！令茶葉不會流出來茶味好香純、解去甜膩油膩的感覺！令人心安定神、舒緩壓力還有好多唔同甜品選擇，下次要試下其他款式

在尖沙咀食完飯，就想食點甜，搵到間好似新開的菓甜品，內裡裝潢簡約有現代感，like同打卡仲有95折。好多款甜品都好吸引，心太軟、栗一燒等等，2個人點了3款甜品~~黑森林窩夫伴瑞士朱古力雪糕 $68香噴噴，熱騰騰上檯，一定要先食！切開窩夫，外脆內軟，內裡有雜莓果肉醬，再配忌廉好美味，加上窩夫不厚粉死實，就是我喜歡的質感。桂花白酒燉雪梨 $56現時秋冬天氣，容量乾燥，最好就是吃滋潤雪梨。原個燉雪梨，味道清甜，而啫喱條充滿桂花香，但如果再切幼條點口感更好。意式黑松露咖啡奶凍 $54賣相相當別緻，搖隻碟時候奶凍好震動，應該很幼滑。先有黑松露香味，奶凍的咖啡味十分濃郁，大愛！而紅色莓味脆脆更是爆炸糖，奶凍配著朱古力粉、莓味脆脆、焦糖粒粒一起品嚐，好有層次感，超讚！菓甜品位於尖沙咀，但甜品價錢不算貴，賣相精緻吸引，而味道十錫有水準，好值得密密去。

喺厚福街食完泰式簡餐，時間尚早，難得一約，當然要甜品直落啦～ 喺openrice search到附近lee間新開嘅甜品鋪，趁住e家應該未係等位高峰，即刻過去。餐廳開業不過半月，環境好新淨，一行三人剛坐下，職員送上menu。款款都好吸引啵咁啱隔離檯order嘅一款甜品吸引咗我哋嘅眼球，於是，我哋都首先order一份鮮果菠蘿雪葩～鮮果菠蘿雪葩可能隔離飯香嘅關係啦，唔知點解，送到上來，又好似冇頭先隔離檯嘅咁吸引。水果好豐富，夠曬大堆頭，仲插住一把遮仔，係好細個喺酒樓食嘅啫喱上面嗰種遮仔，特別懷舊～ d生果大多數都新鮮夠甜，但🍓就酸到眼都撐唔開。🍍雪葩並非現製品，味道不過不失。整體而言，這款的定價偏高。芝士粟一燒睇menu就已經被吸引，非試不可。送上後，簡直要用幾可亂真來形容～ 芝士雪糕扮🌽，淡淡的，輕輕火炙的芝士，鹹甜鹹甜的，夾埋粟米片食，特色十足。美中不足的是爆谷太腍口，唔知係咪受潮呢🤔絲絲入心Lee款絲絲入心其實係心太軟。由造型設計上，睇得出餐廳都花咗d心思。雪糕有多種口味可選，本來我哋揀咗vanilla，無奈當晚已經沽清，喺職員介紹下，我哋轉咗提子rum酒雪糕。熱辣辣嘅心太軟，🍪，配埋

食完飯見到尖沙咀新開嘅一間甜品舖 睇咗下餐牌見到都有唔少特色嘅甜品 就一於試吓一開始係比餐牌嘅呢個pancake吸引左 可惜當日冇貨就做唔到呢個 咁我哋就另外點左其他甜品呢個絲絲入心嘅甜品好靚 好啱打卡 上面係熱辣辣嘅心太軟 切開之後流心效果好靚 順著牛油曲奇嘅窿流落下面vanilla雪糕度 一熱一凍 一口有雙重感受 唔錯唔錯而朱古力心太軟味道香濃 甜度適中 微苦唔會偏甜 好高水準呀而movenpick雪糕系列都好吸引 分別試左鮮果芒芒 同酒醉提子 我就鍾意酒醉提子多啲講下鮮果芒芒先啦 有好多粒粒芒果肉 加上芒果雪葩 酸酸甜甜 好開胃 涼浸浸 係夏天食好開心而酒醉提子更正 雪糕冧酒味濃 再加上好多蘋果肉 同冧酒雪糕好夾咁因為朋友好想食中式甜品就試咗呢個楊枝甘露 估唔到一樣咁高水準 而且好真材實料 入面嘅西米露芒果粒同西柚肉都好多 味道幾好架 而曲奇奶昔都好真材實料架 入面有超多OREO碎 好creamy 好濃郁不過朋友就話飲得多會有啲甜 而呢杯西瓜薄荷特飲都幾特別 而薄荷味就太出啦 飲完後好清涼最後仲試咗伯爵紅茶 $42 一壺都幾抵 我哋幾個share都冇問題茶同甜品一齊真係Perfe

朋友這天帶我到了一間甜品店high tea，這間甜品店的店面頗吸引。這間店的裝飾很有藝術感，每桌都有一盆小花作為裝飾。菜單設計吸引，很多款甜品都很吸睛，而且店裡的雪糕很多都選用了Movenpick的雪糕，對於很喜歡吃Movenpick的我真的忍不住口點了很多。我們點了三款甜品share，絲絲入心、黑森林窩夫伴瑞士朱古力雪糕，魔鬼朱古力芭菲。絲絲入心是一個以朱古力心太軟為主的甜品，有趣的地方是它採取了向下垂滴的朱古力流心，以此營造特別的視覺效果。它真的是一款很呃Like的甜品，溫熱的朱古力流心融化了冷冰的雲呢拿雪糕，冰火交融的感覺。黑森林窩夫伴瑞士朱古力雪糕賣相十分吸引。它的配料真的像在吃黑森林蛋糕一樣，有大大粒的車厘子，酸甜的味道讓濃濃的朱古力味更加突出，亦都去掉膩的感覺。我和朋友都很愛朱古力，於是加點了一個魔鬼朱古力芭菲。雪糕筒十分香脆，配料很多，滿滿的朱古力粒實在讓人滿足。朱古力雪糕十分香濃，Brownies亦都好有咬口，草莓很鮮甜，配上濃濃的朱古力醬，整個甜品恰到好處，甜度適中。整體來說，這間甜品店的質素不錯，而且設計得很有心思，很適合一邊吃著甜品，一邊打卡呢hahaa